1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
710/2012 EBAZPENA, apirilaren 25ekoa, Nafarroako Unibertsitate Publikoko errektoreak emana, Gorka Larralde del Solar funtzionario izendatzen duena, eta Kudeaketaria O.L. (Informatika Z.) B mailako lanpostua esleitzen diona.
Ikusirik Gorka Larralde del Solar izendatzearen aldeko proposamena, 72 zenbakiko eta 2012ko apirilaren 17ko Nafarroako Aldizkari Ofizialean argitaratua.
Hautagaiak deialdiko 10.1 oinarriak agintzen duen dokumentazioa aurkeztu duela, eta eskatutako betebeharrak betetzen dituela ikusirik.
Ikusirik Langileen Kudeaketarako Ataleko buruak egin duen txostena eta ebazpen-proposamena, Giza Baliabideen Zerbitzuko zuzendariak ontzat eman duena.
Nafarroako Unibertsitate Publikoaren Estatutuen 40. artikuluan esleituta dauzkadan eskumenak betez,
EBATZI DUT:
Lehena.-Gorka Larralde del Solar Nafarroako Unibertsitate Publikoaren zerbitzuko funtzionario izendatzea, Kudeaketaria O.L. (Informatika Z.) B mailako lanposturako, eta Hezkuntza Berrikuntzaren Goi Mailako Ikastegiari atxikitako 506 zenbakiko lanpostu hutsa esleitzea.
Lanpostuak B mailari dagozkion ordain-saria dauzka, 1984ko uztailaren 4ko 158/1984 Foru Dekretuak onetsi zuen Lansarien Behin-behineko Arautegiak eta gainerako lege aplikagarriek ezartzen dutenarekin bat etorriz.
Lanaldia zerbitzuaren beharrei egokituko zaie, eta eskumena duten administrazio-organoek nahi dutenean aldatzen ahal dute.
Bigarrena.-Izendatutako funtzionarioak hilabeteko epea dauka lanpostuaren jabe egiteko, Unibertsitateko Langileen Kudeaketako Atalean, izendapena jakinarazten zaionetik kontatzen hasita.
Hirugarrena.-Lanpostuaren jabetza hartzen duenean, izendatutako funtzionarioak dagokion deklarazioa egin beharko du, Administrazio Publikoen zerbitzuko langileen bateraezintasunei buruzko arauei begira.
Laugarrena.-Izendapen hau 2012ko gastuen aurrekontuaren kargura egingo da.
Bosgarrena.-Ebazpen hau Nafarroako Aldizkari Ofizialean argitara dadila eta interesdunari zein Hezkuntza Berrikuntzaren Goi Mailako Ikastegiari jakinaraz dakiela agintzea.
Seigarrena.-Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluak xedatzen duenaren arabera, eta bere aurka zilegi da berraztertzeko errekurtsoa errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere, ebazpena jakinarazi, eta biharamunetik kontatzen hasita.
Iruñean, 2012ko apirilaren 25ean.-Errektorea, Julio Lafuente López.
Iragarkiaren kodea: F1207539
