1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
690/2012 EBAZPENA, apirilaren 23koa, Nafarroako Unibertsitate Publikoko errektoreak emana, M.ª Milagros Ganuza Hernández andrea eta M.ª Victoria Alfonso Seminario andrea funtzionario izendatzen dituena, eta Teknikaria O.L. (Komunikazioa) A mailako lanpostua esleitzen diena.
Ikusirik M.ª Milagros Ganuza Hernández andrearen eta M.ª Victoria Alfonso Seminario andrearen izendapen-proposamena, apirilaren 16ko 71 zk.ko Nafarroako Aldizkari Ofizialean argitaratua.
Hautagaiek deialdiko 8.6 oinarriak agintzen duen dokumentazioa aurkeztu dutela, eta eskatutako betebeharrak betetzen dituztela ikusirik.
Ikusirik Langileen Kudeaketarako Ataleko buruak egin duen txostena eta ebazpen-proposamena, Giza Baliabideen Zerbitzuko zuzendariak ontzat eman duena.
Nafarroako Unibertsitate Publikoko Estatutuen 40. artikuluak ematen dizkidan eskumenak betez,
EBATZI DUT:
Lehenengoa.-M.ª Milagros Ganuza Hernández andrea eta M.ª Victoria Alfonso Seminario andrea Nafarroako Unibertsitate Publikoaren zerbitzupeko funtzionarioak izendatzea, 37 zk.ko bete gabeko lanpostua, Teknikaria O.L. (Komunikazioa), A maila, eta 394 zk.ko bete gabeko lanpostua, Teknikaria O.L. (Komunikazioa) A maila, hurrenez hurren, esleituz.
Lanpostuok A mailari dagozkion ordain-saria daukate, 1984ko uztailaren 4ko 158/1984 Foru Dekretuak onetsi zuen Lansarien Behin-behineko Arautegiak eta gainerako lege aplikagarriek ezartzen dutenarekin bat etorriz.
Lanaldia zerbitzuaren beharrei egokituko zaie, eta eskumena duten administrazio-organoek nahi dutenean aldatzen ahal dute.
Bigarrena.-Izendatutako funtzionarioek hilabeteko epea daukate lanpostuen jabe egiteko, Unibertsitateko Langileen Kudeaketako Atalean, izendapena jakinarazten zaienetik kontatzen hasita.
Hirugarrena.-Lanpostuaren jabetza hartzen dutenean, izendatutako funtzionarioek dagokien deklarazioa egin beharko dute, Administrazio Publikoen zerbitzuko langileen bateraezintasunei buruzko arauei begira.
Laugarrena.-Izendapen hau 2012ko gastuen aurrekontuaren kargura egingo da.
Bosgarrena.-Ebazpen hau Nafarroako Aldizkari Ofizialean argitara dadila eta interesdunei zein Komunikazio Zerbitzuko zuzendariari jakinaraz dakiela agintzea.
Seigarrena.-Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluak xedatzen duenaren arabera, eta bere aurka zilegi da berraztertzeko errekurtsoa, errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere, ebazpena jakinarazi, eta biharamunetik kontatzen hasita.
Iruñean, 2012ko apirilaren 23an.-Errektorea, Julio Lafuente López.
Iragarkiaren kodea: F1207540
