Iragarkia

9. ALDIZKARIA - 2011ko urtarrilaren 14a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Administrazio Publikoaren Institutuko zuzendari kudeatzaileak abenduaren 17an emandako 260/2010 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko industria ingeniari tekniko izateko 6 lanpostu oposizio bidez betetzeko.

Nafarroako Administrazio Publikoaren Institutuko zuzendari kudeatzailearen abenduaren 17ko 260/2010 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko industria ingeniari tekniko izateko 6 lanpostu oposizio bidez betetzeko deialdia onetsi zen.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsia, aipatutako estatutua garatu eta gauzatzeko Sarrera Erregelamendua, gainerako aplikazio arauak eta deialdi honen oinarriak.

1.-Deialdiaren xedea.

1.1. Deialdi honen xedea da industria ingeniari tekniko izateko 6 lanpostu oposizio bidez betetzea, funtzionarioen araubidekoak eta B mailakoak, Iruñean aritzekoak. Txanda hauetan banatzen dira:

-2 lanpostu, txanda irekian.

-3 lanpostu, igoera txandan.

-Lanpostu 1 erreserba txandan, %33ko edo hortik gorako desgaitasuna duten pertsonentzat.

1.2. Deialdiko lanpostu hutsak hauek dira:

Lanpostu huts bat, Lehendakaritza, Justizia eta Barne Departamentuan:

-Justizia Zuzendaritza Nagusian, plantilla organikoan 6658 zenbakia duena, Iruñean aritzeko.

Bi, Hezkuntza Departamentuan:

-Ikuskapenaren eta Zerbitzuen Zuzendaritza Nagusian, plantilla organikoan 37616 eta 37405 zenbakia dutenak.

Bi, lanpostu Berrikuntza, Enpresa eta Enplegu Departamentuan:

-Enpresa Zuzendaritza Nagusian, plantilla organikoan 2604 eta 7755 zenbakia dutenak.

Bat, Familia, Gazteria, Kirol eta Gizarte Gaietako Departamentuan:

-Nafarroako Mendekotasun Agentzian, plantilla organikoan 8134 zenbakia duena.

1.3. Igoera txandako lanpostuak hutsik geldituz gero, izangaiek ez dutelako hautaprobak gainditzeko behar den gutxieneko puntuazioa lortu, txanda irekikoei gehituko zaizkie.

Era berean, desgaitasuna dutenentzako txandako lanpostuak bete gabe geldituz gero, izangaiek hautaprobak gainditzeko behar den gutxieneko puntuazioa atera ez dutelako, bidezko diren txandetakoei gehituko zaizkie, Nafarroako Administrazio Publikoen Zerbitzuko Langileen Estatutuaren 15.3 artikuluan ezarritako hurrenkeraren arabera.

Bestalde, igoera txandan edota desgaitasunak dituztenentzako txandan eskaintzen diren lanpostuak baino izangai gehiagok gainditzen badute, txanda horietan lanpostua eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehia garbian eta eskuratutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean, deialdiaren 2.1.2 oinarriko betebehar berariazkoak betetzen ez dituzten igoera txandako izangaiek aukera izanen dute txanda irekiko lanpostuak eskuratzeko, aurreko lerroaldean adierazitako modu berean.

1.4. Lanpostuen ordainsariak hauek izanen dira: uztailaren 4ko 158/1984 Foru Dekretuaren bidez onetsitako Ordainsarien Behin-behineko Erregelamenduan B mailarentzat oro har ezarritakoak eta aplika daitezkeen gainerako xedapenetan kasu bakoitzerako ezartzen direnak.

1.5. Halaber, deialdi honen bidez, hautapen prozesuan parte hartu eta lanposturik lortzen ez duten izangaiekin aldi baterako kontratatuak izateko izangaien zerrenda hauek osatu nahi dira:

-Probak gainditu arren, lanposturik lortu ez duten izangaien zerrenda, departamentu eta erakunde autonomo guztietarako.

-Administrazio Erroan aldi baterako kontratatzeko izangaien zerrenda.

-Osasunbidea-Nafarroako Osasun Zerbitzuan kontratatzeko izangaien zerrenda.

Izangaien zerrenda horiek deialdi honen 10. oinarrian xedatutakoaren arabera onetsi eta kudeatuko dira.

2.-Izangaiek bete beharreko baldintzak.

2.1. Oposizioan onartuak izateko, izangaiek, eskabideak aurkezteko epea bukatzen den egunean eta agiriak aurkezteko epea bukatzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, parte har dezakete espainiarren eta Europar Batasuneko beste estatuetako herritarren ezkontideek, edo aipatu nazioarteko itunen aplikazio eremuan sartutako estatuetako herritarren ezkontideek, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Industria ingeniari teknikoaren titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lortutako tituluak badira, homologazioaren frogagiria eduki beharko da.

d) B motako ibilgailuen gidabaimena izatea.

e) Bete behar dituen eginkizunetan aritzeko adinako gaitasun fisikoa eta psikikoa izatea.

f) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute ez dutela diziplina zehapenik edo zigor penalik beren estatuko funtzio publikoan sartzea eragozten dienik.

2.1.2. Igoera txandako izangaiek bete beharreko baldintza berariazkoak:

Igoera txandako izangaiek, aurreko atalean adierazitako baldintzez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateariari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun aitortua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez benetan eman dituztela zerbitzuak kidego horietan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan parte hartzeko gainerako baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Izendatua izateko proposatzen den izangaiak betebehar horiek frogatu beharko ditu, deialdiaren 7.2 atalean ezarritako epean eta moduan. Salbuespen izanen dira agiri horiek eskabidearekin batera aurkeztu behar dituzten izangaiak, 3. oinarriarekin bat.

3.-Eskabideak aurkeztea eta tasak ordaintzea.

3.1. Tasak.

Azterketa eskubideengatik eta espedientea formalizatzeko, 40 euroko tasa ordaindu beharko da. Azterketa eskubideen tasa ordaintzen ez bada, baztertu eginen da izangaia.

Honako hauek ez dute tasarik ordaindu beharko:

a) %33ko edo hortik gorako desgaitasun aitortua duten pertsonek, hala onartu bazaie.

b) Deialdia argitaratu aurretik hilabetez gutxienez lan eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskaini zaizkien lan egokiei uko egin ez izatea eta lanbide sustapen, prestakuntza edo aldaketarako ekintzetan parte hartzeari uko egin ez izatea, justifikatutako kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetean.

Lan eskatzailea dela frogatzeko, dagokion enplegu bulegoak emandako agiria aurkeztu beharko du. Bertan, lan eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diela uko egin handik eskainitako lan egokiei, ezta lanbide sustapen, prestakuntza edo aldaketarako ekintzetan parte hartzeari ere, justifikatutako kasuetan izan ezik.

Interesdunaren aitorpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Aitorpen eredua Nafarroako Gobernuko Informazio Bulegoan eskuratzen ahalko da edo, bestela, Internet bidez, arestian emandako helbidean.

Sistema hauetakoren bat erabiliz ordaintzen ahalko da tasa hori:

-Telematika bidez, 3.2 oinarriko A.1 letran adierazitako moduan.

-Behar den bezala betetako ordainketa gutunaren bidez, Nafarroako Foru Komunitateko banku entitateetan ordaintzeko. Ordainketa gutunaren eredua Interneten dagoen deialdiaren aipuan dago, www.navarra.es helbidean, "Zerbitzuak", "Enplegu Publikoa" atalean.

3.2. Eskaerak.

Eskabideak deialdi honen eranskineko ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eskabidearen eredua Nafarroako Gobernuaren edozein erregistro bulegotan dago eskuragarri. Internet bidez ere lortzen ahal da, www.navarra.es helbidean, bai argitaratzen den aldizkari ofizialetik abiatuta, bai atal honetatik abiatuta: "Zerbitzuak", "Enplegu Publikoa".

Deialdian parte hartzeko eskabideak hura Nafarroako Aldizkari Ofizialean argitaratu eta biharamunetik hasita, hogeita hamar egun naturaleko epean aurkeztu beharko dira. Eskabideak aurkezteko epea luzaezina da.

Eskabidean atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

Aurkezteko, baliabide hauetako edozein erabil daiteke:

A) Bide telematikoa.

A.1. Internet bidez, deialdi honen fitxan dagoen "Inskripzioa eta ordainketa telematikoa" izeneko estekan sartuta, Nafarroako Atariaren "Zerbitzuak", "Enplegu Publikoa" atalean, www.navarra.es helbidean.

Aurkezteko eta ordaintzeko modu hau ezin izanen da erabili tasak ordaintzetik salbuesten duen frogagiria aurkeztu behar denean, ezta 3.3 oinarriko Bi eta Hiru zenbakietan aipatzen diren kasuetan ere.

A.2. Nafarroako Foru Komunitateko Administrazioaren Erregistro Orokor Elektronikoan, Nafarroako Gobernuaren web atarian eskura baitago.

B) Aurrez aurre.

Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako Aldizkari Ofizialean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz.

Eskabidea posta bulegoan aurkeztea aukeratuz gero, gutun-azalak irekita egon beharko du, postetxeko langileek data eta zigilua jar diezazkioten, ziurtatu eta Nafarroako Gobernuaren Erregistro Orokorrera (Karlos III.aren etorbidea, 2, 31002 Iruña) igorri aurretik.

3.3. Eskabidearekin batera aurkeztu beharreko agiriak.

Bat.-Espedientea formalizatzeko eta azterketa eskubideengatik tasa ordaindu izanaren frogagiria.

Bi.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren betebeharrak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Hiru.-Desgaitasunak dituzten pertsonentzako erreserba txandan onartuak izateko, baita 3.1 oinarriaren (tasak ordaintzearen salbuespena) a) atalaren eta 8. oinarriaren (lanpostuak aukeratzeko lehentasuna) ondorioetarako eta denborak eta baliabideak egokitzeko eskaria egiteko ere, %33ko edo hortik gorako desgaitasuna duten izangaiek hori frogatu beharko dute, agiri hauetariko baten jatorrizkoaren edo kopia konpultsatuaren bidez:

-IMSERSOk edo autonomia erkidegoan eskumena duen organoak luzatutako ziurtagiria.

-Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona hauetakoren bat izateagatik: ezintasun iraunkor osoa, erabateko ezintasun iraunkorra edo baliaezintasun handia.

Desgaitasuna duten izangaiek probak egiteko denboren eta baliabideen egokitzapenak eskatzeko, hala adierazi beharko dute eskabidean, eta aparteko orri batean azaldu beharko dute nolako desgaitasuna duten eta zein egokitzapen eskatzen duten. Egokitzapenak eskatzeko bada eredu bat interesdunen eskura www.navarra.es web orrian, "Zerbitzuak", "Enplegu Publikoa" atalean, deialdiaren aipuan.

4.-Izangaien onarpena eta erreklamazioak.

4.1. Eskabideak aurkezteko epea bukatuta, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko.

4.2. Behin-behineko zerrenda Nafarroako Aldizkari Ofizialean argitaratu eta biharamunetik hasita, izangai baztertuek hamar egun balioduneko epea izanen dute erreklamazioak aurkezteko eta, akatsik egin badute, haiek zuzentzeko.

4.3. Erreklamazioak aurkezteko epea bukaturik eta haien gaineko ebazpena eman ondoren, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du, izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko.

4.4. Izangaiei ez zaizkie azterketa egiteko eskubideak itzuliko, baldin eta beraiei egotzitako arrazoiengatik baztertzen badira.

5.-Epaimahaia.

5.1. Epaimahaia honako kide hauek osatuko dute:

-Mahaiburua: Iñaki Morcillo Irastorza jauna, Berrikuntza, Enpresa eta Enplegu Departamentuko Energiaren, Meatzaritzaren, Telekomunikazioen eta Industria Segurtasunaren Zerbitzuko zuzendaria.

-Ordezkoa: Jesús María Lasa Equiza jauna, Berrikuntza, Enpresa eta Enplegu Departamentuko Industria Segurtasunaren Ataleko burua.

-Mahaikidea: María del Mar Trapote Redondo andrea, Berrikuntza, Enpresa eta Enplegu Departamentuko Energiaren, Meatzaritzaren eta Telekomunikazioen Ataleko burua.

-Ordezkoa: Manuel Espina Lombardero jauna, Berrikuntza, Enpresa eta Enplegu Departamentuko meatze ingeniaria.

-Mahaikidea: José Ángel Ros Nestares jauna, Lehendakaritza, Justizia eta Barne Departamentuko Kalitatearen Ataleko burua.

-Ordezkoa: Eneko Ardaiz Ganuza jauna, Lehendakaritza, Justizia eta Barne Departamentuko Ondasun Ataleko burua.

-Mahaikidea: langileen ordezkari bat, Administrazio Erroko Langileen Batzordeak proposaturik izendatua.

-Ordezkoa: langileen ordezkari bat, Administrazio Erroko Langileen Batzordeak proposaturik izendatua.

-Mahaikide-Idazkaria: David Carabantes Bernal jauna, Hezkuntza Departamentuko Mantentze-lanen Bulegoko burua.

-Ordezkoa: Luis Manuel Orús Marca jauna, Hezkuntza Departamentuko Egoitzen eta Ikastetxeen Mantentze-lanetarako Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretako batean badaude, eta organo dei egileari hala jakinaraziko diote.

Izangaiek, halaber, zilegi dute epaimahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2011ko ekainean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

-Lehenengo ariketa: teorikoa, 80 galderako sorta bati gehienez ere bi orduz erantzun beharko zaio idatziz, eta erantzunen arteko bat bakarra izanen da zuzena. Galderak deialdi honetan ageri diren gaiei buruzkoak izanen dira. Erantzun okerrengatik puntuak kenduko dira.

-Bigarren ariketa: teorikoa, hiru gai garatu beharko dira idatziz, gai zerrendako zati bakoitzetik gai bat, 5 orduan gehienez. Horretarako, epaimahaiak zati bakoitzeko bi gai aterako ditu zozketaz, eta izangaiek horietako bat, nahi dutena, garatu beharko dute.

-Hirugarren ariketa: praktikoa, gai zerrendaren gainean epaimahaiak proposatzen dituen bi kasu praktiko argitzea, gehienez 4 orduan.

-Laugarren ariketa: ingeleseko probak. Borondatezko ariketa da eta ez baztertzailea, eta aurreko hiru ariketak gainditzen dituzten izangaiek egiten ahalko dute. Idatzizko eta ahozko proba bana eginen dira, izangaien jakite maila zehazteko. Proba horiek Nafarroako Administrazio Publikoaren Institutuak prestatuko ditu eta haren emaitza loteslea izanen da epaimahaiarentzat.

6.3. Oposizioko ariketen balorazioan 100 puntu eman daitezke gehienez, honela banatuak:

Lehenengo ariketa: gehienez ere 20 puntu.

Bigarren ariketa: gehienez ere 30 puntu. Gai bakoitzean gehienez 10 puntuko balorazioa ematen ahalko da.

Hirugarren ariketa: gehienez ere 40 puntu.

Laugarren ariketa: gehienez ere 10 puntu.

6.4. Oposizioko lehendabiziko, bigarren eta hirugarren ariketak baztertzaileak izanen dira. Bazterturik geldituko dira ariketa bakoitzean kalifikaziorik altuena lortzen duen izangaiaren puntuazioaren erdira gutxienez iristen ez diren izangaiak. Hori hala izanik ere, ariketa gainditutzat jotzeko, deialdiaren oinarrietan ariketarako ezarritako gehieneko puntuazioaren 1/3 atera beharko da gutxienez.

6.5. Bigarren eta hirugarren ariketak plika sistemaren bidez eginen dira.

6.6. Ariketa bakoitzaren kalifikazioa amaitutakoan, epaimahaiak jendaurrean jarriko du, ariketa egiten den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gainera, oposizioko hurrengo proba non, zein egunetan eta zein ordutan eginen den adierazten duen oharra argitaratuko du, gutxienez hura hasi baino 48 ordu lehenago. Zerrenda Internet bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.7. Ariketa bakoitzerako deialdi bakarra eginen da. Izangaiek aldean izan beharko dute nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.8. Hautaprobak egiteko, desgaitasun aitortua dutenentzat beharrezkoak diren denbora eta baliabide egokitzapenak ezarriko dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukaturik, epaimahaiak jendaurrean jarriko du, probak egin diren tokian eta Nafarroako Gobernuaren iragarki oholean, probak gainditu dituztenen zerrenda, oposizioan lortutako kalifikazioekin. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, puntuaziorik altuenak izateagatik deialdiko lanpostuetan sartzen ahal diren izangaiak izendatzeko proposamenarekin eta espediente osoarekin batera. Proposamena Nafarroako Aldizkari Ofizialean argitaratuko da. Zerrenda Internet bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

Berdinketarik gertatuz gero, bigarren ariketan puntu gehien lortzen dutenen alde ebatziko da. Eta hala ere berdinduta segitzen badute, lehenengo ariketan lortutako puntuazioa hartuko da kontuan.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiek berariazko inprimaki batzuk jaso eta honako agiri hauek aurkeztu beharko dituzte, Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiek:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) B motako ibilgailuak gidatzeko baimenaren kopia konpultsatua.

d) Laneko Arriskuei Aurrea Hartzeko Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

e) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

f) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finkoek edo Nafarroako Foru Komunitateari transferitutako Justizia Administrazioko zerbitzuei atxikitako langile finkoek, gainera, beste ziurtagiri bat aurkeztu beharko dute, aurreko administrazioko espediente pertsonalean ageri diren inguruabar eta aurrekari guztiak frogatzeko, hots, sarrerari, antzinatasunari, mailari, egoera administratiboari eta abarri buruzko guztiak.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiek:

a) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) B motako ibilgailuak gidatzeko baimenaren kopia konpultsatua.

7.2.3. Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuetan izan ezik, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzukizuna galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du hutsunea, eta horrekin ere aurreko ataletan adierazitako moduan jokatuko da.

7.5. Nahitaezko betebehar eta baldintzen frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eska diezaioke izangaiari, eta horrek deialdi honen 7.2 oinarrian ezarritako moduan aurkeztu beharko du.

8.-Lanpostu hutsak hautatzea.

8.1. Aurreko arauan xedatu dena betetzen duten izangaiek, Nafarroako Administrazio Publikoaren Institutuak (NAPI) hartarako jartzen dien epean, aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo jakinarazten zaizkien beste batzuk, baldin eta zerbitzuaren beharrei jarraikiz horiek aldatzea erabakitzen bada.

8.2. Lanpostu hutsak aukeratzerakoan, %33ko desgaitasun aitortua edo handiagoa duten izangaiek lehentasuna izanen dute gainerako izangaien aurretik, kontuan hartu gabe zein txandaren bidez parte hartu duten.

Hala izanagatik ere, desgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, desgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egiten duten txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, aurreko atalean adierazitako salbuespena kontuan hartuz.

9.-Izendapena, lanpostu hutsen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, basogintzako ingeniari tekniko lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, eta Nafarroako Foru Komunitateko Administrazioko funtzionarioen arloan indarra duten xedapenetan ezarri diren eskubide eta betebehar guztiak izanen dituzte. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein montepioren eskubide pasiboetan sarturik daudenek bi aukera izanen dituzte: Nafarroako Foru Komunitateko Administrazioaren montepioan segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.4. Funtzionarioek bizilekua destinoko herrian ez izateak ez du alde batera uzten lantokira puntual iritsi beharra eta lanaldia eta lanpostuko eginkizunak zuzen bete beharra eta, gainera, ez da inolako konpentsaziorik jasoko lantokirako joan-etorriengatik.

Behar bezala justifikatutako kasu batzuetan, administrazio publikoek zilegi izanen dute funtzionarioei destinoko herrian bizi daitezela eskatzea, lanpostuko eginkizunengatik eta eskatzen den dedikazioagatik bidezkoa denean.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatutako epean eta ezinbesteko kasuetan izan ezik, izangairen bat lanpostuaren jabe egiten ez bada, Foru Komunitateko Administrazioaren funtzionario izateko eskubide guztiak galduko ditu. Hala gertatzen bada, deialdiaren 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, borondatezko eszedentzia ematen bazaio jabetza hartzearen egunetik beretik, data horretan beste administrazio publiko batean ari delako, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Kontuan harturik Nafarroako Administrazio Publikoan sartzeko Erregelamenduaren 42. artikulua, Lehendakaritza, Justizia eta Barneko kontseilariaren azaroaren 14ko 146/2005 Foru Agindua (Lanpostuak aldi baterako betetzeko kudeaketa arauak onetsi zituena), 2009ko ekainaren 9ko Erabakia (horren bidez, Osasun Administrazioak eta sindikatuek Osasunbidea-Nafarroako Osasun Zerbitzuaren osasun zentro eta establezimenduetan aldi baterako kontratatzeko langileak hautatzeko moduari buruz izenpeturiko ituna onetsi zen. 2009ko 95. Nafarroako Aldizkari Ofizialean argitaratu zen, abuztuaren 3an) eta oinarri honetan ezarritako prozedura, hurrengo zerrendak eginen dira hautapen prozesuan parte hartu eta lanposturik lortu ez duten izangaiak aldi baterako kontratatzeko:

a) Probak gainditu arren lanposturik lortu ez duten izangaien zerrenda.

b) Administrazio Erroan aldi baterako kontratatuak izateko izangaien zerrenda.

c) Osasunbidea-Nafarroako Osasun Zerbitzuan aldi baterako kontratatuak izateko izangaien zerrenda.

10.2. Probak gainditu arren lanposturik lortu ez duten izangaien zerrenda eta Administrazio Erroan aldi baterako kontratatuak izateko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak espedientea igorri ondoren, Funtzio Publikoaren zuzendari nagusiaren ebazpen bidez onetsiko dira probak gainditu arren lanposturik lortzen ez duten izangaien zerrenda eta lehen ariketa gainditzen dutenena, une horretan indarrean diren kudeaketa arauekin bat, eta argitaratu eginen dira Nafarroako Gobernuko iragarki oholean (Karlos III.aren etorb., 2, atalondoa, Iruña) eta Nafarroako Gobernuaren web orrian: www.navarra.es.

Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuari eta Nafarroako Mendekotasun Agentziari igorriko die probak gainditu arren lanposturik lortu ez duten izangaien zerrenda, aplikatzekoak diren arauei jarraikiz kudea dezaten.

Honako hau izanen da aldi baterako kontratazioen zerrendetako hurrenkera: probak gainditu arren lanposturik lortzen ez dutenen kasuan, sarrerako hautapen prozesuan lortutako puntuaziorik handienaren arabera; eta gainerako izangaien kasuan, gainditutako ariketan lortutako puntuazioaren arabera. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

Aldi baterako kontrataziorako izangaien zerrendan agertzeak ez du esan nahi interesdunei onartzen zaienik 2. oinarrian ezarritako betebeharrak betetzen dituztela; izan ere, horiek oinarri honetan adierazten den bezala frogatu beharko dituzte.

Izangaiei deitu eta, kasua bada, haiek kontratatzerakoan, Administrazio Erroan, honako hauetan xedatutakoari jarraikiz jokatuko da: Nafarroako Administrazio Publikoen zerbitzuko Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 88.b) artikulua eta hurrengoak; lanpostuak aldi baterako betetzeko arauak ematen dituen Lehendakaritza, Justizia eta Barneko kontseilariaren azaroaren 14ko 146/2005 Foru Agindua (144. Nafarroako Aldizkari Ofizialean argitaratua, abenduaren 2an); eta aplikatzekoak diren gainerako arauak.

Deia egiterakoan, kontuan hartuko da Nafarroako Foru Komunitateko Administrazioaren zerbitzuko Langileen Estatutuaren Testu Bateginaren zazpigarren xedapen gehigarriaren 4. atalean ezarritakoa.

Deialdiaren 2.1 oinarrian adierazten diren titulazio betebeharrak eta euskararen ezagutzari dagozkionak betetzen direla frogatzeko agiriak kontratatuak izateko deia jasotzen duten izangaiek bakarrik aurkeztu beharko dituzte, kontratua formalizatzen denean, jatorrizko agiriak edo behar bezala konpultsatutako kopien bitartez.

Eskatzen diren agiriak aipatu epean aurkezten ez dituzten izangaiek, aski justifikatutako ezinbesteko kasuetan izan ezik, eta eskatutako baldintzak betetzen ez dituztenek deialdian parte hartzetik eratorritako eskubide guztiak galduko dituzte; betiere, parte hartzeko eskabidea faltsutzeagatik legokiekeen erantzukizuna galarazi gabe.

Sarrera prozesuko eskabideak aurkezteko epea bukatzen den egunerako bete beharko dira beharkizunak eta, orobat, hautaprobak egin bitartean eta kontratazioaldiak iraun bitartean.

10.3. Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak Osasunbidea-Nafarroako Osasun Zerbitzuko organo eskudunei igorriko die sarrerako hautapen prozesuko ariketa guztiak gainditzen ez dituzten izangaien zerrenda, aldi baterako kontrataziorako izangaien zerrendak presta daitezen.

Industria ingeniari teknikoak aldi baterako kontratatzeko zerrendak 2009ko ekainaren 9ko Erabakian xedatutakoaren arabera prestatuko dira eta hari jarraituz erabiliko dira, erabaki horren bidez onetsi baitzen Osasun Administrazioak eta sindikatuek sinatutako ituna Osasunbidea-Nafarroako Osasun Zerbitzuko zentro eta establezimenduetan aldi baterako langileak hautatzeko. Erabakia 2009ko 95. Nafarroako Aldizkari Ofizialean argitaratu zen, abuztuaren 3an.

Erabaki horretan xedatutakoaren arabera, oposizio bidezko deialdi honen emaitzetan oinarrituko dira aldi baterako kontratatzeko zerrendak, irizpide hauei jarraituz:

a) Deialdiko hautaprobak gainditu arren lanposturik lortzen ez duten izangaiek lehentasuna izanen dute aldi baterako kontrataziorako.

Izangai horiek, Langileriaren eta Lan Harremanen Zuzendariordetzari eskabidea igorrita, kontratazio zerrendetatik kentzeko eskatzen ahal dute, kontratazio zentro edo unitate batean edo gehiagotan.

b) Aurreko atalean adierazitako izangaien ondotik, oposizio bidezko deialdi honetan aurkeztu eta hura gainditu gabe hautaprobaren bat gainditzen duten izangaiak jarriko dira kontratazio zerrendetan. Halakoetan, hautaprobarik gehien gainditzen dituztenen zerrendak erabiliko dira lehenik, lortutako puntuazio osoaren araberako ordenari zorrotz jarraikiz. Izangaien zerrendaren lehentasuna ezartzeko, bi hauek batuko dira: gainditutako proben puntuazioa eta kasuan kasuko baremoarena. Baremoan izangaiak edozein administrazio publikotan izan duen esperientzia profesionala baizik ez da aintzat hartuko.

c) Oposiziora aurkeztu arren hautaproba bat bera ere gainditu ez duten izangaiak. Halakoetan, zerrendan sartu ahal izateko, proba gainditzeko eskatutako puntuazioaren %30 lortu beharko dute gutxienez. Proban lortutako puntuazioaren ordena zorrotzari jarraikiz osatuko da zerrenda. Izangaien zerrendaren lehentasuna kalkulatzeko, bi hauek batuko dira: egindako probaren puntuazioa eta baremoarena. Baremoan izangaiak edozein administrazio publikotan izan duen esperientzia profesionala baizik ez da aintzat hartuko.

b) eta c) letretan sartutako izangaiek honako dokumentazio hau aurkeztu beharko dute Osasunbidea-Nafarroako Osasun Zerbitzuaren Erregistroan (Irunlarrea kalea, 39; 31008 Iruña), hamabost egun balioduneko epean, hautaproben behin betiko emaitzak argitaratzen direnetik:

1. Edozein administrazio publikotan egindako zerbitzuen frogagiria. Kasuan kasuko deialdia argitaratu arte egindako zerbitzuak baloratuko dira. Horretarako, egindako azken deialdi publikoa baizik ez da kontuan hartuko.

2. III. eranskina (iraupen laburreko/luzeko kontratazioetarako zerrendetan sartzeko) betea eta sinatua.

Esparru horietako bakoitzean bi zerrenda eginen dira: bata, iraupen laburreko kontratuetarako, eta iraupen luzeko kontratuetarako bestea.

-Iraupen luzeko kontratuetarako zerrenda.

Lanpostu hutsak bitarteko gisa betetzeko egiten diren kontratuak dira, baita plantillako langileentzat erreserbatutako lanpostuak betetzeko egiten direnak ere eta, oro har, sei hilabeteko edo gehiagoko beste edozein kontratazio.

Izangai bakoitzak zein zentrotan jardun nahi duen adierazi beharko du. Guztiak hautatzen ahal dira.

-Iraupen laburreko kontratuetarako zerrenda.

Jardunean dauden plantillako langileak ordezteko xedea dute eta, oro har, hasierako aurreikuspenen arabera, sei hilabetetik beherako iraupena dutenak. Kontratu laburrak izanen dira, halaber, etengabeko edo guardiako osasun laguntza emateko egiten direnak, alde batera utzita zenbat irauten duten, baita lanaldi partzialeko kontratuak ere.

Izangai bakoitzak zentro bat aukeratu beharko du A, B eta C ataletan agertzen direnetatik, baina ez da beharrezkoa atal guztietan bat aukeratzea.

Aipatu eremuetatik bakar bat ere hautatzen ez dutenek oinarri honen arabera prestatzen diren aldi baterako kontratazio zerrendetan sartzeari uko egiten diotela ulertuko da.

Hautapen prozesu honetan parte hartu eta lanpostua eskuratzen duen lehen izangaia lanpostuaz jabetzen denean hartuko du indarra aurreko ataletan xedatutakoaren arabera osatutako zerrendak.

11.-Errekurtsoak.

Epaimahaiaren egintzen eta ebazpenen kontra gora jotzeko errekurtsoa jartzen ahalko da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xedeko egintza argitaratu edo jakinarazi eta biharamunetik hilabeteko epean.

Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2010eko abenduaren 17an.-Nafarroako Administrazio Publikoaren Institutuko zuzendari kudeatzailea, Gregorio Eguilaz Gogorza.

I. ERANSKINA . ESKABIDEA

Hautaprobetan onartua izateko eskabidea

Deialdiaren datuak:

Sartzeko txanda:

Datu pertsonalak:

Aurkeztutako agiriak:

Honako hauen proba eskatzen du:

Sinatzaileak ESKAERA egiten du eskabide honetan adierazitako prozesuan onartua izan dadin eta ADIERAZTEN DU, erantzukizuna berea izanik, bertan agertzen diren datu guztiak egiazkoak direla, deialdiaren oinarrian eskatutako betebehar guztiak betetzen dituela eta datu horiek guztiak agirien bidez frogatzeko konpromisoa hartzen duela.

(Sinadura)

....................(e)n, 20.....(e)ko ....................... aren .........(e)an

NAFARROAKO ADMINISTRAZIO PUBLIKOAREN INSTITUTUKO ZUZENDARI KUDEATZAILEA.

LEHENDAKARITZA, JUSTIZIA ETA BARNE DEPARTAMENTUA.

(*) Deialdiaren oinarrietan xedatutakoari jarraikiz.

II. ERANSKINA - GAI ZERRENDA

I. zatia:

1. gaia.-Espainiako 1978ko Konstituzioa: printzipio orokorrak. Oinarrizko eskubide eta betebeharrak. Botere Judiziala. Gorte Nagusiak: osaera eta eginkizunak. Gobernua eta Estatuko Administrazioa. Konstituzio Auzitegia: osaera, izaera eta eskumenak.

2. gaia.-Europar Batasuna. Parlamentua. Kontseilu Europarra. Europako Batzordea. Kontseilua (ministroena). Justizia Auzitegia. Beste erakunde batzuk.

3. gaia.-Europar Batasuneko antolamendu juridikoaren iturriak: jatorrizko zuzenbidea eta zuzenbide eratorria.

4. gaia.-Espainiako 1978ko Konstituzioaren lehen xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak.

5. gaia.-Nafarroako Parlamentua edo Gorteak. Nafarroako Comptos Ganbera. Arartekoa.

6. gaia.-Nafarroako Gobernua. Eginkizunak. Osaera, izendapena, eratzea eta kargu-uztea. Eskudantziak eta eskumenak. Funtzionamendua. Laguntza organoak. Erantzukizun politikoa, Parlamentuaren kontrola eta Parlamentuaren desegitea. Nafarroako Gobernuko lehendakaria.

7. gaia.-Nafarroako Foru Komunitateko Administrazioa. Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritako printzipio orokorrak. Herritarrek Nafarroako Foru Komunitateko Administrazioarekiko harremanetan dituzten eskubideak. Antolaketa: printzipio nagusiak eta egitura organikoa, kide anitzeko organoak eta administrazio organoen eskumenak.

8. gaia.-Administrazio publikoen araubide juridikoaren printzipio orokorrak. Administrazio publikoen organoak. Administrazio prozeduraren interesdunak.

9. gaia.-Administrazioaren xedapenak eta egintzak. Egintza administratiboen betebeharrak. Egintzen eraginkortasuna. Deuseztasuna eta deusezgarritasuna.

10. gaia.-Prozedura administratiboen xedapen orokorrak: prozeduraren abiaraztea, antolamendua, instrukzioa eta amaiera. Bide administratiboko egintzen berrikuspena: ofiziozko berrikuspena eta administrazio errekurtsoak.

11. gaia.-Kontratu Publikoei buruzko Foru Legea: aplikaziorako arau orokorrak eta eremua. Kontratistak. Administrazio publikoen kontratu guztietarako xedapenak. Esleipenaren aurreko jarduketak.

12. gaia.-Nafarroako Administrazio Publikoen Zerbitzuko Langileen Estatutua. Langile motak. Funtzionario publikoak hautatzea. Administrazio egoerak. Funtzionarioen eskubideak, betebeharrak eta bateraezintasunak. Ordainsariak.

13. gaia.-11/2007 Foru Legea, apirilaren 4koa, Nafarroako Foru Komunitateko Administrazioan Administrazio Elektronikoa ezartzeari buruzkoa.

14. gaia.-21/2005 Foru Legea, abenduaren 29koa, Politika Publikoak eta Zerbitzu Publikoen Kalitatea Ebaluatzeari buruzkoa.

15. gaia.-15/1999 Lege Organikoa, abenduaren 13koa, Datu Pertsonalak Babesteari buruzkoa.

II. zatia:

1. gaia.-Industriari buruzko Legea.

2. gaia.-Industriaren kalitate eta segurtasunerako azpiegituraren Erregelamendua.

3. gaia.-Zentral elektrikoetako eta transformazio zentroetako baldintza teknikoei eta segurtasun bermeei buruzko Erregelamenduko "MIE-RAT" jarraibide tekniko osagarriak. MIE-RAT jarraibideak, 01-09, biak barne.

4. gaia.-Goi tentsioko linea elektrikoetako baldintza teknikoei eta segurtasun bermeei buruzko Erregelamendua, eta jarraibide tekniko osagarriak. ITC-LAT jarraibideak, 01-06, biak barne.

5. gaia.-Presio ekipamenduen Erregelamendua. Xedapen orokorrak, instalazioa eta zerbitzuan jartzea. Aldizkako ikuskapenak. Konponketak eta aldaketak. Beste xedapen batzuk.

6. gaia.-Presio ekipamenduen Erregelamendua. ITC EP-1 eta ITC EP-2 jarraibide tekniko osagarriak.

7. gaia.-Presio ekipamenduen Erregelamendua. ITC EP-3, ITC EP-4, ITC EP-5 eta ITC EP-6 jarraibide tekniko osagarriak.

8. gaia.-Jasogailuen eta horien mantentzearen Erregelamendua.

9. gaia.-1314/1997 Errege Dekretua, abuztuaren 1ekoa, Europako Parlamentuaren eta Kontseiluaren 95/16/EE Zuzentaraua (igogailuei buruzkoa) aplikatzeko xedapenak ematen dituena.

10. gaia.-Jasogailuen eta horien mantentzearen Erregelamendua. Jarraibide tekniko osagarria. ITC MIE-AEM-2. Obrarako garabi dorre desmuntagarriak.

11. gaia.-Jasogailuen eta horien mantentzearen Erregelamendua. Jarraibide tekniko osagarriak. ITC MIE-AEM-3. 837/2003 Errege Dekretua, ekainaren 27koa, MIE-AEM-4" jarraibide tekniko osagarriari buruzko testu aldatu eta bategin berria onesten duena.

12. gaia.-3275/1982 Errege Dekretua, azaroaren 12koa, Zentral elektrikoetako, azpiestazioetako eta transformazio zentroetako baldintza teknikoei eta segurtasun bermeei buruzko Erregelamendua onesten duena.

13. gaia.-Goi tentsioko linea elektrikoetako baldintza teknikoei eta segurtasun bermeei buruzko Erregelamendua, eta jarraibide tekniko osagarriak. ITC-LAT jarraibideak, 06-09 biak barne.

14. gaia.- Gas erregaien banaketari eta erabilerari buruzko Erregelamendu Teknikoa.

15. gaia.- Gas erregaien banaketari eta erabilerari buruzko Erregelamendu Teknikoa. ICG jarraibide tekniko osagarriak, 01-03, biak barne.

16. gaia.- Gas erregaien banaketari eta erabilerari buruzko Erregelamendu Teknikoa. ICG jarraibide tekniko osagarriak, 04-07, biak barne.

17. gaia.- Gas erregaien banaketari eta erabilerari buruzko Erregelamendu Teknikoa. ICG jarraibide tekniko osagarriak, 08-10, biak barne.

18. gaia.-Hozte planten eta instalazioen segurtasuneko Erregelamendua. Jarraibide tekniko osagarriak.

19. gaia.-Petrolio instalazioen Erregelamendua. Jarraibide tekniko osagarria. ITC-MI-IP-02. Petrolio likidoak biltegiratzeko parkeak.

20. gaia.-Petrolio instalazioen Erregelamendua. Jarraibide tekniko osagarria. ITC-MI-IP-03. Instalazioan bertan kontsumitzeko biltegiratze instalazioak.

21. gaia.-Petrolio instalazioen Erregelamendua. Jarraibide tekniko osagarria. ITC-MI-IP-04. Ibilgailuak hornitzeko instalazioak.

22. gaia.-Petrolio instalazioen Erregelamendua. Jarraibide tekniko osagarriak. ITC-MI-IP, 05-06, biak barne.

23. gaia.-Behe tentsiorako Erregelamendu Elektroteknikoa. ITC-BT jarraibide tekniko osagarriak, 01-10, biak barne.

24. gaia.-Behe tentsiorako Erregelamendu Elektroteknikoa. ITC-BT jarraibide tekniko osagarriak, 11-20, biak barne.

25. gaia.-Behe tentsiorako Erregelamendu Elektroteknikoa. ITC-BT jarraibide tekniko osagarriak, 21-30, biak barne.

26. gaia.-Behe tentsiorako Erregelamendu Elektroteknikoa. ITC-BT jarraibide tekniko osagarriak, 31-40, biak barne.

27. gaia.-Behe tentsiorako Erregelamendu Elektroteknikoa. ITC-BT jarraibide tekniko osagarriak, 41-51, biak barne.

28. gaia.-Industria hondakinen kudeaketa. 10/1998 Legea. Sailkapena. Motak. Kudeatzeko eta kentzeko moduak. Aplikatu beharreko arauak.

29. gaia.-Eraikinetako instalazio termikoei buruzko Erregelamendua (RITE). Xedapen orokorrak. Eskakizun teknikoak. Administrazio baldintzak. Instalazioak egiteko baldintzak. Instalazioa zerbitzuan jartzeko baldintzak.

30. gaia.-Eraikinetako instalazio termikoei buruzko Erregelamendua (RITE). Instalazioa erabili eta mantentzeko baldintzak. Ikuskapena. Instalatu eta mantentze-lanak egiten dituzten enpresak. Zehapen araubidea. Aholku Batzordea.

31. gaia.-Eraikinetako instalazio termikoei buruzko Erregelamendua (RITE). IT.1 eta IT.4 jarraibide teknikoak.

32. gaia.-Eraikinetako instalazio termikoei buruzko Erregelamendua (RITE). IT.2 eta IT.3 jarraibide teknikoak.

33. gaia.-Zaratari eta bibrazioei buruzko legedia: 37/2003 Legea, azaroaren 17koa, zaratari buruzkoa. 135/1989 Foru Dekretua, ekainaren 8koa, zaratak edo bibrazioak sorrarazten dituzten jarduerek bete beharreko baldintza teknikoak ezartzen dituena. Trafiko zarata. Zarata eta hirigintzarako plangintza.

34. gaia.-889/2006 Errege Dekretua, uztailaren 21ekoa, neurgailuen gainean Estatuaren kontrol metrologikoa arautzen duena. Estatuaren kontrol metrologikoa. Jarduketa eta lankidetza teknikorako eta administratiborako erakundeak. Kontrol metrologikoak erregistratzea. Arau-hauste eta zehapenen araubidea.

35. gaia.-Produktu kimikoak biltegiratzeko Erregelamendua.

36. gaia.-MIE-APQ jarraibide tekniko osagarriak, 1-3, biak barne.

37. gaia.-MIE-APQ jarraibide tekniko osagarriak, 4-7, biak barne.

38. gaia.-MIE-APQ8 eta MIE-APQ9 jarraibide tekniko osagarriak.

39. gaia.-Instalazio fotovoltaikoak. Araubide bereziari lotzea. 1578/2008 Errege Dekretua, irailaren 26koa, energia elektrikoa eguzki energia fotovoltaikoaren bidez ekoizteko jardueraren ordainsariei buruzkoa.

40. gaia.-Zentral elektrikoetako eta transformazio zentroetako baldintza teknikoei eta segurtasun bermeei buruzko Erregelamenduko "MIE-RAT" jarraibide tekniko osagarriak. MIE-RAT jarraibideak, 10-20, biak barne.

III. zatia:

1. gaia.-Lan arriskuen prebentzioa (I). Laneko Arriskuen Prebentzioari buruzko 31/1995 Legea. 39/1997 Errege Dekretua: prebentzio zerbitzuen erregelamendua. 135/1998 Foru Dekretua, araudi hori Foru Komunitateko Administrazioaren eta haren erakunde autonomoen esparrura egokitzen duena.

2. gaia.-Laneko arriskuen prebentzioa (II). Arriskuen prebentziorako zerbitzu propioa. Arriskuen prebentziorako beste norbaitek emaniko zerbitzua. Arriskuak neurtzea. Segurtasun eta osasun arloko erregelamendua lantokietan. Lantokiko seinaleei eta laneko osasunari buruzko Erregelamendua. Makinen segurtasunari buruzko Erregelamendua. Norbera babesteko ekipamenduak erabiltzeari buruzko Erregelamendua: tipologia eta ezaugarriak. Langile bereziak.

3. gaia.-Laneko arriskuen prebentzioa (III). Segurtasuna eraikuntzan. Istripuen prebentzioa eraikuntzan. Segurtasun proiektua. Prebentzio neurriak. Langilearen eskubide eta betebeharrak. Enpresaburuaren betebeharrak. Zuzendaritza fakultatiboaren erantzukizuna. Babeserako bitartekoak. Aplikatu beharreko araudia.

4. gaia.-Eraikuntzaren Kode Teknikoa. Energia aurrezteko oinarrizko agiria (HE3). Argiztapen instalazioen eragimen energetikoa.

5. gaia.-Eraikuntzaren Kode Teknikoa. Energia aurrezteko oinarrizko agiria (HE4). Ur sanitario berorako izan beharreko gutxieneko eguzki ekarpena. Instalazioaren ezaugarri orokorrak. Kalkulatzeko irizpide orokorrak. Osagaiak. Mantentze-lanak.

6. gaia.-Eraikuntzaren Kode Teknikoa. Segurtasunaren oinarrizko betebeharrak sua piztuz gero (SI). Barnean direnak kanporatzea. Sutearen antzematea, kontrola eta itzaltzea.

7. gaia.-Eraikuntzaren Kode Teknikoa. Ur hornidura (HS4): orotarikoak. Eskakizunen ezugarriak eta kuantifikazioa. Instalazioa osatzen duten elementuak.

8. gaia.-Eraikuntzaren Kode Teknikoa. Ur hornidura (HS4): neurriak. Eraikuntza. Eraikuntzako produktuak. Mantentzea eta zaintzea.

9. gaia.-Eraikuntzaren Kode Teknikoa. Uren hustuketa (HS5): orotarikoak. Eskakizunen ezugarriak eta kuantifikazioa. Diseinua. Neurriak.

10. gaia.-Eraikuntzaren Kode Teknikoa. Barneko airearen kalitatea (HS3): orotarikoak. Eskakizunen ezugarriak eta kuantifikazioa. Diseinua. Neurriak.

11. gaia.-Eraikuntzaren Kode Teknikoa. Uren hustuketa (HS5): eraikuntza. Eraikuntzako produktuak.

12.gaia.-Legionelosiari aurrea hartu eta hura kontrolatzeko higiene eta osasun irizpideak ezarri zituen uztailaren 4ko 865/2003 Errege Dekretua.

13. gaia.-298/2001 Foru Dekretua, urriaren 15ekoa, Nafarroan uztailaren 27ko 909/2001 Errege Dekretua aplikatzeko arauak ematen dituena (errege dekretu horrek legionelosiari aurrea hartu eta hura kontrolatzeko higiene eta osasun irizpideak ezarri zituen), eta 54/2006 Foru Dekretua, uztailaren 31koa, legionelosiari aurrea hartu eta hura kontrolatzeko neurriak ezartzen dituena.

14. gaia.-126/2009 Foru Agindua, urriaren 5ekoa, Osasuneko kontseilariak emana, legionellaren arriskua duten instalazioetako mantentze-lan higieniko-sanitarioak egiten dituzten langileentzako prestakuntza eta berrikuntza ikastaroak baimentzeko prozedura arautzen duena.

15. gaia.-Legionelosia. Eragilea eta transmisioa. Prebentzioa eta kontrola. Arrisku instalazioen sailkapena. Gune kritikoak identifikatzea, eta arrisku handiko eta txikiko instalazioak kontrolatzeko programak egitea. Laginak hartzea eta analisirako metodoak. Jarduketak agerraldietan. Araudia.

16. gaia.-38/2009 Foru Dekretua, apirilaren 20koa, kirol instalazio eta ekipamenduen oinarrizko betebeharrak eta segurtasun neurriak arautzen dituena.

17. gaia.-Larrialdi egoerak sor ditzaketen jarduerak egiten dituzteneko zentro, establezimendu eta barrundegien Autobabesari buruzko Oinarrizko Araua.

18. gaia.-Suteen kontra babesteko instalazioen Erregelamendua.

19. gaia.-Industria establezimenduen suteen kontrako Segurtasun Erregelamendua.

20. gaia.-Oztopo fisikoak. Ekainaren 29ko 154/1989 Foru Dekretua, uztailaren 11ko 4/1988 Foru Legea garatu eta aplikatzeko erregelamendua onesten duena. Xedea. Aplikazio eremua. Ibilbide motak, eskakizun mailak. Sinbologia. Erreserbak.

21. gaia.-303/2010 Errege Dekretua, martxoaren 15ekoa, Hezkuntzari buruzko maiatzaren 3ko 2/2006 Lege Organikoan araututako arte ikasketak ematen dituzten ikastetxeen gutxieneko baldintzak ezartzen dituena.

22. gaia.-132/2010 Errege Dekretua, otsailaren 12koa, Haur Hezkuntzako bigarren zikloko, Lehen Hezkuntzako eta Bigarren Hezkuntzako ikasketak ematen dituzten ikastetxeen gutxieneko baldintzak ezartzen dituena.

23. gaia.-Instalazio zentralizatu bateko klimatizagailu baten deskripzioa: iragazkiak, hotzaren eta beroaren bateriak, hezetzea. Energia berreskuratzekoak, motak. Hoztekoak, motak. Airearen tratamendua eremu kritikoetan. Ekipamendu autonomoak. Aire girotuaren arazoak laborategietan, ebakuntza geletan. Aire girotuko instalazioetako ebakitze eta segurtasun sistemak. Mantentze-lanetarako programak.

24. gaia.-322/2000 Foru Dekretua, urriaren 2koa, Nafarroako Gobernuak emana, eraikinaren liburua arautzen duena.

25. gaia.-661/2007 Errege Dekretua, maiatzaren 25ekoa, energia elektrikoa araubide berezian ekoizteko jarduera arautzen duena; I., II. eta III. kapituluak.

Oharra.-Gai guztiak bat etorriko dira deialdi hau Nafarroako Aldizkari Ofizialean argitaratzen den egunean indarra duen legeriarekin.

III. ERANSKINA

Osasunbidea-Nafarroako Osasun Zerbitzuan aldi baterako kontratazioak egiteko zerrendak

Deialdiaren datuak:

Datu pertsonalak:

ADIERAZTEN DUT:

Adierazten dut Osasunbidea-Nafarroako Osasun Zerbitzuan aldi baterako kontratatzeko egiten diren zerrendetan egon nahi dudala:

A) Iraupen luzekoa

Izangai bakoitzak zein zentrotan sartu nahi duen adierazi beharko du; guztiak hautatzen ahal dira.

B) Iraupen laburrekoa

Izangai bakoitzak, probak gainditu arren lanposturik lortu ez dutenek izan ezik, zentro bat aukeratu beharko du A, B eta C ataletan agertzen direnetatik, baina ez da beharrezkoa atal guztietan bat aukeratzea.

Azaldutakoarekin bat, eskabide hau onar dadila eskatzen dut.

Iruñean, 20...(e)ko ................ (a)ren .... (e)an

Interesduna,

OSASUNBIDEA-NAFARROAKO OSASUN ZERBITZUA. Irunlarrea, 39 - 31008 - IRUÑA

Iragarkiaren kodea: F1100002