2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BAZTAN
Aldaketa puntual xehakatua Baztango Udal Planean.
Hasierako onespena
Baztango Udalak, 2011ko apirilaren 11n egin osoko bilkura arruntean, honako hau erabaki zuen 5. puntuan:
"Hasiera batean onestea Baztango Udal Planean aldaketa puntual xehakatua egiteko proiektua, UE-11 unitatea bi exekuzio azpiunitateetan banatzeko, UE-11A eta UE-11B, eta haren antolamendu xehakatua ezartzeko. Hura Mariano Oteiza Arrechea eta Jon Joseba Galain arkitektoek prestatu dute, 2011ko urtarrileko datarekin, eta horretarako ireki den espedientean dago, Juan Larregui Urrutiak sustaturik".
Espedientea jendaurrean egonen da hilabetez, iragarki hau Nafarroako Aldizkari Ofizialean argitaratzen denetik hasita; interesdunen eskura egonen da, egokiak iruditzen zaizkien alegazioak aurkez ditzaten; hori guztia Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 79. artikuluan xedatua aplikatu beharrez.
Elizondon, 2011ko apirilaren 12an.-Alkatea, Virginia Alemán Arrastio.
Iragarkiaren kodea: L1106827
