2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Diru-laguntzen deialdi publikoa
Deialdi publikoa, 2011 eta 2013. urteen artean hegoaldeko herrialdeetako toki-entitateekin tokian tokiko garapenaren aldeko lankidetza-proiektuak gauzatzeko diru-laguntzak norgehiagokako araubidean emateko.
Iruñeko Udaleko Alkatetzak 2011ko martxoaren 24an emandako ebazpenaren bidez diru-laguntzak norgehiagokako araubidean emateko deialdi publikoa onetsi da, 2011. eta 2013. urteen artean Hegoaldeko herrialdeetako toki-entitateekin tokian tokiko garapenaren aldeko lankidetza-proiektuak gauzatze aldera, betiere ondoko baldintza orokorrekin bat:
Oinarrien xedea: Aipatutakoa.
Esleitzeko era: deialdi publikoa.
Aurreikusitako zenbatekoa, gehienez: 550.000,00 euro.
Oinarriak, non: Kondestablearen Jauregian (Kale Nagusia, 2) eta Zapateria k., 40-3an.
Eskabideak non eta noiz aurkeztu: Iruñeko Udaleko Erregistro Orokorrean (Kondestablearen Jauregia - Kale Nagusia, 2), erregistro osagarrietan (Kultura Alorra -Descalzos k., 72-2. solairua-; Ingurumen eta Osasuneko Alorra -San Saturnino k., 2-beheko solairua-; Mugikortasun eta Herritarren Segurtasuneko Alorra -Iratxeko monasterioaren k., 2-beheko solairua-; Hirigintza eta Etxebizitza Alorra -Armada etorbidea, 2-5. solairua-; eta Lehendakaritza, Gizarte Ongizate eta Kirol, eta Hezkuntza eta Gazteria alorrak -Zapateria k., 40-beheko solairua-) edo Herri Administrazioen Araubide Juridikoaren eta Administrazio Prozedura Erkidearen Legeak, haren 38. artikuluan, aurreikusten dituen beste edozeinetan, eskatutako agiriak erantsita. Aurkezteko epea deialdia Nafarroako Aldizkari Ofizialean argitaratu eta biharamunean hasiko da, eta 2011ko maiatzaren 27ra arte iraunen du.
Iruñean, 2011ko martxoaren 24an.-Gizarte Ongizate eta Kirol zinegotzi delegatua, Francisco Javier Lorente Pérez.
Iragarkiaren kodea: L1105615
