2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ATETZ
Eskumenak bertze baten esku uztea
Atezko alkateak, 2011ko martxoaren 10ean, ondotik ematen den ebazpena eman du:
"Gaia: Hirigintzako lizentzia emateko ahalmena bertze baten esku uztea, Zigandako 43. lurzatiko itxitura egiteko Carmen Ciganda Ibarrolak sustatu duen obra lizentzian.
-Ikusirik Toki Araubidearen Oinarriei buruzko 7/85 Legearen 21.-1-q) artikuluaren edukia eta Lurraldearen Antolamenduari eta Hirigintzari buruzko 35/2002 Foru Legearen 191.-1arena, haien arabera kasuan kasuko toki entitateko buruak baitu eskumena hirigintzako lizentziak emateko.
-Ikusirik Zigandako 43. lurzatiko itxitura egiteko Carmen Ciganda Ibarrolak sustatu duen obra lizentziaren espedientea.
-Izanik alkateak Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 28.-2 artikuluaren berri.
-Ikusirik Toki Araubidearen Oinarriei buruzko 7/85 Legearen 23.-4 artikuluaren eta horrekin bat heldu direnen edukia, baita Toki Entitateen Antolamenduari, Funtzionamenduari eta Araubide Juridikoari buruzko Erregelamendua ezartzen duen azaroaren 28ko 2568/1986 Errege Dekretuaren 43.-4, 43.-5 eta 44. artikuluena eta horiekin bat heldu direnena ere.
ERABAKI DU:
Lehenbizikoa.-Aipatu obra lizentziaren espedientean esku ez hartzea eta aipatu lizentzia emateko eskumena Atezko Udaleko alkateorde José Miguel López Listaren esku uztea.
Bigarrena.-Atezko Udaleko alkateorde José Miguel López Listari eskudantziak haren esku utzi direla jakinaraztea. Ebazpen honen dataren biharamunean izanen ditu ondorioak, Toki Entitateen Antolamenduari, Funtzionamenduari eta Araubide Juridikoari buruzko Erregelamendua ezartzen duen azaroaren 28ko 2568/1986 Errege Dekretuaren 44.-2 artikuluan agindu bezala; alabaina, Nafarroako Aldizkari Ofizialean argitaratu beharko da, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 13.-3 artikuluan aurreikusitako moduan.
Hirugarrena.-Ebazpen honen berri ematea Atezko Udalaren Osoko Bilkurari, jakinaren gainean egon dadin, Toki Entitateen Antolamenduaren, Funtzionamenduaren eta Araubide Juridikoaren gaineko Erregelamendua ezartzen duen azaroaren 28ko 2568/1986 Errege Dekretuaren 44.-4 artikuluan xedatutakoaren arabera.
Atetzen, 2011ko martxoaren 11n.-Alkatea, Carmen Ciganda Ibarrola.
Iragarkiaren kodea: L1105244
