4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
3. EPAITEGIA
Ediktua. Adostasun gabeko 678/2010 dibortzioa
Aditzera ematen da epaitegi honetan goian adierazitako prozedura bideratzen ari dela, adostasun gabeko dibortzioa dela-eta, eta horren gaineko epaia eman dela. Hona hemen idazpurua eta xedapen zatia, hitzez hitz:
Epaitegia: Tuterako (Nafarroa) Lehen Auzialdiko 3. Epaitegia.
Gaia: adostasun gabeko 678/2010 dibortzioa.
221/2010 epaia.
Tuteran, 2010eko abenduaren 22an.
Nik, Oscar Ortega Sebastián jaunak, Tuterako Lehen Auzialdiko 3. Epaitegiko epaile magistratuak, epaitegi honetan bideratu diren adostasun gabeko dibortzioaren gaineko 678/2010 autoak aztertu ditut eta ondoren azaltzen den epaia eman dut. Darija Imenaviviene andreak sustatu du auzia, Ignacio Hualde Garde auzitegietako prokuradore jaunak ordezkatuta eta María José Burgaleta Díaz legelari andreak lagunduta, auzi-ihesean den Mindangas Imenavicius jaunaren aurka, adostasun gabeko dibortzioa dela-eta.
Epaitza:
Baiesten dut Darija Imenaviviene andreak Mindangas Imenavicius jaunaren aurka jarri duen dibortzio-demanda, eta horrenbestez, erabakitzen dut:
a) Darija Imenaviviene andreak eta Mindangas Imenavicius jaunak 1996ko abuztuaren 31n egin zuten ezkontza dibortzioz desegitea, Kode Zibilaren 81., 85. eta 86. artikuluetan xedatutakoaren arabera.
b) Ezkontideek elkarri emandako adostasun eta ahalorde guztiak ezeztatuko dira.
c) Ezkontzaren ondasun-eraentza desegitea dekretatzen dut.
d) c) Gabriele eta Kristijonas adingabeen zaintza eta jagoletza demandatzaileari ematen dizkiot, eta guraso-ahala bi gurasoek partekatuko dute.
e) Ezkontzaren zama gisa, Mindangas Imenavicius jaunak haurren mantenurako 400 euro ordaindu beharko ditu hileko aurreratuetan, hil bakoitzaren lehenengo bost egunetan, amak adierazten dion kontuan; zenbateko hori urtero eguneratuko da KPIaren arabera. Halaber gastu berezien erdia ordaindu beharko du, eta gastu horiek egin aurretik jakitun jarri beharko dute adostasuna adieraz dezan.
f) Ez da aitarentzako bisita-araubiderik ezartzen, deusetan galarazi gabe inguruabarrak aldatuz gero erabaki daitekeena.
g) Ezkontideen etxebizitzaren (Joan XXIII.aren kalea 82, Ribaforada, Nafarroa) eta bertako horniduraren erabilera eta luperketa amari eta haurrei ematen dizkiet harik eta dibortzioari buruzko epaian behin betiko erabakia hartzen den arte.
Kostuei buruz ez dut ezer berezirik erabakitzen.
Epai hau irmo bilakatu ondoren, egin bedi idatzoharra ezkontzaren inskripzioa daukan erregistro zibilean. Horretarako idatzagiria igorriko da.
Epai hau behar bezala jaso eta gordeko da epaitegi honetako epaien liburuan, fede-emaile publikoaren zaintzapean, eta hitzez hitzeko ziurtagiria erantsiko zaie jatorrizko autoei, Botere Judizialari buruzko Lege Organikoan xedatutakoa betetzeko.
Jakinaraz bekie ebazpen hau alderdiei eta ohartaraz bekie ez dela irmoa eta bost eguneko epean haren aurkako apelazio-errekurtsoa jartzen ahal dela epaitegi honi zuzendua, eta horretarako aldez aurretik gordailua egin behar dela epaitegi honen Gordailu eta Kontsignazioen kontuan, Botere Judizialari buruzko Lege Organikoaren 15. xedapen gehigarrian ezarri bezala (azaroaren 3ko 1/2009 Legeak egindako erreformaren ondoren). Errekurtsoa Nafarroako Probintzia Auzitegiak ebatziko du.
Beraz, epai honen bidez, hori erabaki eta agintzen dut nik, Oscar Ortega Sebastián jaunak, Tuterako Lehen Auzialdiko 3. Epaitegiko epaile magistratuak.
Eta Mindangas Imenaviciusi jakinarazteko balio izan dezan, gaur egun non den jakiterik ez baitago, honako hau egin eta sinatzen dut.
Tuteran, 2011ko otsailaren 15ean.-Idazkari judiziala, Jorge Navarro Fernández.
Iragarkiaren kodea: J1103670
