Iragarkia

54. ALDIZKARIA - 2011ko martxoaren 18a

1. NAFARROAKO FORU KOMUNITATEA

1.7. BESTELAKOAK

407DGE/2011 EBAZPENA, martxoaren 2koa, Enpresako zuzendari nagusiak emana, "Nafarroa 2012 Plana, lehentasunezko jarduketa. Urdiain-Altsasuko industrialdea" izeneko UPSaren eremuko esku-hartze arkeologikoak ukitutako ondasun eta eskubideen zerrenda behin betiko onesten duena.

Nafarroako Gobernuak 2008ko maiatzaren 19an hartutako Erabakiaren bidez, "Nafarroa 2012 Plana. Lehentasunezko jarduketa. Urdiain-Altsasuko industrialdea" izeneko Udalez gaindiko Plan Sektoriala (aurrerantzean, UPS) onetsi zen, Berrikuntza, Enpresa eta Enplegu Departamentuak sustaturik.

Nafarroako Gobernuak 2010eko azaroaren 30ean hartutako Erabakiaren bidez, Altsasuko 3. poligonoko 1616., 1624., 1625. eta 1626. lurzatien aldi baterako okupazioaren onura publikoa deklaratu zen, desjabetzearen ondorietarako, esku-hartze arkeologikoa egiteko (2010eko 153. Nafarroako Aldizkari Ofiziala, abenduaren 17koa).

Erabaki berean, jarduketak ukitutako finken aldi baterako okupazioa beharrezkoa eta presakoa zela adierazi zen, Nahitaezko Desjabetzeari buruzko Legearen 52. artikuluan ezarritakoaren ondorioetarako, eta adierazi zen, halaber, desjabetzearen onuraduna "Nafarroako Industria Lurzorua, S.A, (NASUINSA)" sozietatea zela.

Enpresako zuzendari nagusiak abenduaren 22an emandako 2938/2010 Ebazpenaren bidez, jendaurrean jarri zen ukitutako ondasun eta eskubideen zerrenda, eta ez zen alegaziorik aurkeztu.

Hortaz, bidezkoa da ukitutako ondasun eta eskubideen zerrenda behin betiko onestea.

Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluak eman dizkidan eskudantziak erabiliz,

EBATZI DUT:

1. Behin betiko onestea "Nafarroa 2012 Plana, lehentasunezko jarduketa. Urdiain-Altsasuko industrialdea" izeneko UPSaren eremuko esku-hartze arkeologikoak ukitutako ondasun eta eskubideen banakako zerrenda zehatza.

2. Esku-hartze hori gauzatzeko ezinbestekoak diren ondasun eta eskubideak aldi baterako okupatu beharra dagoela erabakitzea. Ondasun-eskubide horiek ebazpen honen eranskinean azaltzen dira.

3. Ebazpen hau "Nafarroako Industria Lurzorua, S.A. (NASUINSA)" enpresari igortzea (Tomás Caballero parkea, 2-3. solairua, 31006 Iruña).

4. Ebazpen hau Altsasuko Udalari jakinaraztea, eta aditzera ematea honen kontra administrazioarekiko auzi-errekurtsoa jartzen ahal dela, eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean.

5. Ebazpen hau ukitutako ondasun eta eskubideen titularrei jakinaraztea, eta ohartaraztea ebazpenak ez duela administrazio bidea amaitzen eta horren aurka gora jotzeko errekurtsoa jartzen ahal dela, Berrikuntza, Enpresa eta Enpleguko kontseilariari zuzendua, jakinarazi eta biharamunetik hilabeteko epean.

6. Ebazpen hau Nafarroako Aldizkari Ofizialean, Foru Komunitateko egunkari batean eta Altsasuko Udaletxeko iragarki oholean argitaratzea.

Iruñean, 2011ko martxoaren 2an.-Enpresako zuzendari nagusia, Begoña Urien Angulo.

Iragarkiaren kodea: F1104130