2. NAFARROAKO TOKI ADMINISTRAZIOA
2.1. OPOSIZIOAK ETA LEHIAKETAK. LAN PUBLIKOAREN ESKAINTZA
ITZAGA ADMINISTRAZIO ZERBITZUEN MANKOMUNITATEA
Deialdia, zerbitzu anitzetako enplegatu izateko bi lanpostu,
D mailakoak, Itzaga Administrazio Zerbitzuen Mankomuniteko E mailako lan-kontratudun finkoen artean betetzeko, plantillako lanpostuen kopurua handitu gabe
Itzaga Administrazio Zerbitzuen Mankomunitateak, 2010eko abenduaren 14an hartu erabakiaren bidez deialdia iragarri du, zerbitzu anitzetako enplegatu izateko bi lanpostu, D mailakoak, Mankomuniteko E mailako lan-kontratudun finkoen artean betetzeko, plantillako lanpostuen kopurua handitu gabe. Hona hemen:
Oinarriak
1. oinarria.-Arau orokorrak.
1.1. Deialdi honen xedea da zerbitzu anitzetako enplegatu izateko bi lanpostu, D mailakoak, oposizio-lehiaketa murriztuaren bidez betetzea Mankomunitateko plantillako E mailako lan-kontratudun finkoen artean, plantillako lanpostuen kopurura handitu gabe, betiere deialdi honen baldintzak betetzen badituzte. Lanpostu horien kodeak 011 eta 012 dira.
Prozedura eginen da Nafarroako Administrazio Publikoen Zerbitzuko Langileen Estatutuaren 15.6 artikuluan xedatuari jarraikiz, ezartzen baitu hautapen proben deialdia egiten ahalko dela beren enplegatuei murrizturik, eraginkortasun eta ekonomia arrazoiek komenigarri egiten dutenean aldaketak egitea lanpostuen antolaketa eta eginkizunetan, eta horiek nahitaez goragoko maila batean sailkatzea eragiten dutenean, betiere baldintza izanik deialdiako lanpostu hutsek ez ekartzea plantillan diren lanpostuen kopurua handitzea.
1.2. Deialdiko hautaprobak gainditu ondotik, Itzaga Administrazio Zerbitzuen Mankomunitetako zerbitzu anitzetako enplegatu lanposturako izendatua gertatzen den izangaia D mailan atxikia geldituko da eta horri dagokion lansaria jasoko du, Udalaren plantilla organikoan D maila horretarako ezarritako osagarriak erantsita.
1.3. Maila igotzeko proba hauetan parte hartzeak ez du deusetan aldatuko langileak maila igoera honen aitzin zuen lanpostuaren atxikipena, ezta araubide juridikoa ere. Gizarte Segurantzaren eta osasun laguntzaren araubide berari ere kontuko dio.
1.4. Lanaldiaren araubidea lanaldi osokoa da, araudi aplikagarriari jarraikiz, zerbitzuaren beharretara egokituko da eta administrazio organo eskudunek edozein unetan aldatzen ahal dute, orobat, opor egunak, jaiegunak, dieten sariak eta gainerako eskubideak. Hala ere, lanaldia noiznahi alda dezakete administrazio organo eskudunek; betiere, zerbitzuaren beharren arabera.
1.5. Izendatuen lanak eta eginkizunak deialdiko mailari nahiz kategoriari dagozkienak izanen dira, eta udal zerbitzuetako zernahi lan egin beharko dute eta bereziki eskatzen zaizkien haiek, betiere beren kategoriakoak badira.
Aipatzearren, ondokoak dira:
a) Mankomunitatearen antolamenduaren ondoriozkoak direnez, antolamendu politiko-administratiboko banakako nahiz batasuneko egintzetan laguntzea (ahots publikoa, jakinarazpen administratiboa, eta abar).
b) Lorezaintza lanak (kimaketa eta arbolen, lorategien, berdeguneen eta abarren mantentze-lanak).
c) Hiriguneetako kaleak garbitzea.
d) Udal eta Kontzejuetako eraikinak (herriko etxeak, eskolak, osasun kontsultategiak eta abar) garbitzea eta haien mantentze-lanak
d) Udal eta Kontzejuetako instalazioak (kaleko argiak, ur biltzontzia eta ur kloratzea, hilerriak, igerilekuak, kirol instalazioak, herribideak, eta abar) garbitzea eta haien mantentze-lanak.
e) Mankomunitateko Udalei parte ematea udalerriko eraikinetako instalazioen funtzionamenduan gertatutako edozein arazo gertatzen bada.
f) Landa ingurunea zaintzea.
g) Besta ekitaldi ofizialak prestatu, garatu eta burutzea.
h) Edozein eratako udal zerbitzuak ematea, eta Mankomunitateak bere esku uzten dituen beste edozein zeregin; betiere, bere eskumen, maila eta kategoriaren barrenean.
1.6. Lanaldia zerbitzuaren beharretara egokituko da eta Mankomunitateak noiznahi aldatzen ahalko du.
2. oinarria.-Izangaien betebeharrak.
2.1. Proba honetan onartuak izateko, izangaiek baldintza hauek bete beharko dituzte eskabideak aurkezteko epea bukatzen den egunean:
a) Itzaga Administrazio Zerbitzuen Mankomuniatatearen enplegatu izatea, E mailari atxikia.
b) Mankomunitatearen zerbizu anitzetako menpeko enplegatu izateko izendapena izatea eta Administrazio Publikoetan bost urteko antzinatasun aitortua baduela egiaztatzea.
c) Borondatezko edo nahitaezko eszedentzian ez egotea.
d) Eskola Graduatuaren edo Lehen Graduko Lanbide Heziketaren titulua edo haien baliokidea edukitzea.
Titulazioaren baldintza betetzen ez denean, horren ordain izan daiteke Nafarroako administrazio publikoetan zortzi urteko zerbitzuak eman izana frogatzea.
2.2. Baldintza horiek betetzen direla eskabideak aurkeztean egiaztatu beharko da.
3. oinarria.-Eskabideak.
3.1. Deialdian parte hartzeko eskabideak aurkeztu beharko dira Itzaga Administrazio Zerbitzuen Mankomunitateko erregistro orokorrean, Urrotz-Hirian edo Elon dituen bulegoetan, hogeita hamar egun naturaleko epean, deialdi hau Nafarroako Aldizkari Ofizialean argitaratu eta biharamunetik hasita. Eskabideak I. eranskinean azaltzen den ereduaren araberakoak izanen dira.
3.2. Eskabideari erantsi beharko zaizkio deialdiaren 2.1. oinarrian eskatzen diren baldintzak betetzen direla frogatzen duten egiaztagiriak.
3.3. Eskabideak aurkezteko epea luzaezina izanen da.
4. oinarria.-Izangaien onarpena eta erreklamazioak.
4.1. Eskabideak aurkezteko epea burututakoan, Mankomunitateko buruak ebazpena emanen du onartu eta baztertuen behin-behineko zerrenda onesteko, eta Nafarroako Aldizkari Ofizialean argitaratzeko aginduko du.
4.2. Nafarroako Aldizkari Ofizialean argitaratu eta ondoko hamar egun balioduneko epean, izangai baztertuek erreklamazioak egiten ahalko dituzte eta eskabidean akatsik egin badute, horiek zuzendu.
4.3. Erreklamazioetarako epea bukatutakoan eta haiek ebatzi ondoan, Mankomunitateko buruak ebazpena emanen du onartu eta baztertuen behin betiko zerrenda onesteko, eta Nafarroako Aldizkari Ofizialean argitaratzeko aginduko du. Ebazpen horretan probak non, zein egunetan eta zer ordutan hasiko diren adieraziko da.
5. oinarria.-Epaimahaia.
5.1. Epaimahaiak kide hauek izanen ditu:
Mahaiburua: Itzaga Administrazio Zerbitzuen Mankomunitateko burua.
Mahaiburuaren ordezkoa: Itzaga Administrazio Zerbitzuen Mankomunitateko buruordea.
1. mahaikidea: Urroz Hiriko Udalak Mankomunitatean duen ordezkaria. Ordezkoa: Itzagaondoko Udalaren ordezkaria.
2. mahaikidea: Untzitiko Udalak Mankomunitatean duen ordezkaria. Ordezkoa: Eloko Udalaren ordezkaria.
3. mahaikidea: Virginia Itoiz Equisoain, Mankomunitateko administrari-ofiziala. Ordezkoa: Heraclio Jiménez Alba, Mankomunitateko administrari laguntzailea.
Mahaikide idazkaria: Mankomunitateko idazkaria. Ordezkoa: Mankomunitateko kontu-hartzailea.
5.2. Hautaprobak egiten hasi aurretik eratuko da epaimahaia. Bai eratzeko, baita jarduteko ere, epaimahaiko kideen gehiengo osoak bederen egon beharko du bertan.
5.3. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaz sortzen diren afera guztiak.
6. oinarria.-Lehiaketaldia.
6.1. Izangai onartuek alegatutako merezimenduak baloratuko ditu epaimahaiak, honako baremo honen arabera:
a) Lanbideko curriculuma.
Bere eginkizunen arloko gaien gaineko prestakuntza ikastaroa egin izana frogatzen duen titulu-ziurtagiri bakoitza puntu bat, eta gehienez ere 10 puntu.
Eskatzen dena baino maila handiagoko titulu akademikoa izateagatik, 10 puntu gehienez.
Merezimendu gisa alegatu eta baremoaren barrenean balorazio zehatza duten tituluak lortzeko beharrezkoak diren maila apalagoko tituluak ez dira baloratuko.
Orobat, ez da baloratuko deialdian parte hartzeko ezinberzeko baldintza den titulua.
6.2. Lehiaketan gehienez ere 20 puntu emanen dira, eta ez da inor baztertuko.
7. oinarria.-Oposizioaldia.
7.1. Oposizioak ariketa hauek izanen ditu:
Lehen ariketa: praktikoa. Epaimahaiak erabakiko du zer proba egin; bete beharreko eginkizunei lotutako gaien ingurukoa izanen da eta, gehienez ere, bi ordu iraunen du. Ariketa honetan gehienez ere 40 puntu lor daitezke.
Bigarren ariketa: teorikoa. Epaimahaikoek egindako 20 galderari erantzun beharko zaie idatzita; 1,5 arauan aipatu eginkizunei eta Nafarroako administrazio publikoei buruzkoak izanen dira. Gehienez ere bi ordu iraunen du. Ariketa honetan gehienez ere 40 puntu lor daitezke.
7.2. Ariketa bakoitza burututakoan, epaimahaiak hamar eguneko epean ikusgai paratuko ditu, Itzaga Administrazio Zerbitzuen Mankomunitatearen iragarki oholean, lortutako puntuazioak eta hurrengo ariketa egiteko eguna eta lekua.
7.3. Ariketa bakoitzerako deialdi bakarra eginen da. Probetara agertzen ez direnak bazterturik geldituko dira.
8. oinarria.-Gainditzen dutenen zerrenda.
8.1. Azken ariketaren kalifikazioa amaiturik, epaimahaiak ikusgai jarriko du, Itzaga Administrazio Zerbitzuen Mankomunitateko iragarki oholean eta Nafarroako Aldizkari Ofizialean, probak gainditu dituztenen zerrenda, puntuazioaren arabera ordenatua, eta horretarako, izangai bakoitzaren lehiaketaldiko eta oposizioaldiko puntuazioak batuko ditu. Orobat, izendapen proposamena jarriko da ikusgai.
9. oinarria.-Agirien aurkezpena.
9.1. Proposamena Nafarroako Aldizkari Ofizialean argitara eman edo banakako jakinarazpena egin ondoko hogeita hamar egun naturaleko epean, proposatutako izangaiek agiri hauek aurkeztu beharko dituzte Itzaga Administrazio Zerbitzuen Mankomunitateko Erregistro Orokorrean:
a) Nortasun agiri nazionalaren fotokopia konpultsatua.
b) Eginkizun publikoetarako ezgaitua edo gabetua ez izatearen, eta inongo administrazio publikoren zerbitzutik berezia ez izanaren zinpeko aitorpena.
c) Osasun ziurtagiri ofiziala, interesdunak karguan aritzea eragotziko liokeen eritasun edo akats fisikorik ez duela frogatzeko.
9.2. Proposaturiko izangaiak agiri horiek goian adierazi epean aurkezten ez baditu, behar bezala justifikaturiko ezinbertzeko kasuetan salbu, ezin izanen da karguaz jabetu eta jarduketa guztiak deuseztatuko dira, izangaiak hasierako eskabidean gezurra errateagatik izan lezakeen erantzukizuna deusetan ukatu gabe.
9.3. Aitzineko atalean aurreikusitakoa gertatuz gero, Udalak 8.1. arauan aipatzen den zerrendako hurrengo izangaiekin beteko du hutsunea.
10. oinarria.-Izendapena eta jabetza hartzea.
10.1. Hautapen prozesua burutu ondoan, Mankomunitateak izendapen proposamenean adierazitako izangaia/k izendatuko du/ditu.
10.2. Izendapena Nafarroako Aldizkari Ofizialean argitaratuko da.
10.3. Izendapena jakinarazi eta ondoko hilabetean jabetuko da/dira lanpostuaz/ez izangaia/ak. Aipatu epean eta ezinbestekoak salbu, jabetza hartzen ez badu, eskubide guztiak galduko ditu Itzagako Administrazio Zerbitzuen Mankomunitateko D mailako enplegatu lanpostua eskuratzeko.
11. oinarria.-Errekurtsoak.
Deialdiaren, oinarrien eta horiengatik eta hautapen organoen jarduketengatik etorritako egintza administratiboen kontra, errekurtso hauek aurkezten ahalko dira:
A.-Administrazioarekiko auzi-errekurtsoa, Nafarroako Justizia Auzitegi Nagusiko arlo bereko Salari zuzendua, bi hilabeteko epean, erabaki hau argitaratu edo errekurritu nahi den aplikazio egintza jakinarazi eta biharamunetik aitzina, edo hautara:
B.-Berraztertzeko errekurtsoa, egintza eman zuen organoari berari zuzendua, hilabeteko epean, erabaki hau argitaratu edo errekurritu nahi den aplikazio-egintza jakinarazi eta biharamunetik aitzina.
C.-Gora jotzeko errekurtsoa Nafarroako Administrazio Auzitegiari zuzendua, hilabeteko epean, erabakia argitaratu edo errekurritu nahi den ekintza jakinarazten denetik hasita.
Urrotz-Hirian, 2010eko abenduaren 14an.-Mankomunitateko burua, Amaia Ekisaoin Gorriz.
I. ERANSKINA
Izena: ..........................................................................., adinez nagusia, NAN zenbakia: ............................., sorteguna: ........................, sorlekua: .........................., bizilekua: ................................, karrika: .............., telefonoa: .................... Zure aitzinera agertzen naiz eta honakoa adierazten dut:
Deialdian onartua izatea eskatzen dudala, Itzaga Administrazio Zerbitzuen Mankomunitateko D mailako lanpostu bat oposizio-lehiaketa murriztuaren bidez betetzeko.
Eskatutako baldintza guztiak betetzen ditudala eskabideak aurkezteko epea bukatzen den egunean.
Horiek horrela,
Eskatzen dut: Itzaga Administrazio Zerbitzuen Mankomunitateko D mailako enplegatu lanpostua oposizio-lehiaketa murriztuaren bidez betetzeko deialdian onartua izatea.
(Eguna eta sinadura)
Iragarkiaren kodea: L1103814
