1. NAFARROAKO FORU KOMUNITATEA
1.4. DIRU-LAGUNTZAK, LAGUNTZAK ETA BEKAK
18/2011 FORU AGINDUA, otsailaren 24koa, "Vianako Printzea" Erakundea-Kultura eta Turismoko kontseilariak emana, Nafarroako Ekonomia Suspertzeko 2009-2011 Urteetarako Neurriei buruzko azaroaren 6ko 18/2008 Foru Legearen esparruan inbertsioak finantzatzeko kreditu-eragiketei "Nafarroa abala" izeneko laguntzak emateko deialdiaren epea luzatzen duena.
Nafarroako Ekonomia Suspertzeko 2009-2011 Urteetarako Neurriei buruzko azaroaren 6ko 18/2008 Foru Legeak, II. kapituluan, baimena ematen dio Nafarroako Gobernuari 30.000.000 euro bitarteko abalak emateko, Nafarroako Ogasun Publikoari buruzko apirilaren 4ko 13/2007 Foru Legearen 75. artikuluan ezarritakoaren babesean, jarduera ekonomikoaren sektore jakin batzuetako inbertsioak finantzatzen laguntzeko.
"Vianako Printzea" Erakundea-Kultura eta Turismoko kontseilariak azaroaren 25ean emandako 174/2008 Foru Aginduaren bidez, inbertsioak finantzatzeko kreditu-eragiketei abalorde moduko laguntzak emateko deialdia onetsi zen, Nafarroako Ekonomia Suspertzeko 2009-2011 Urteetarako Neurriei buruzko azaroaren 6ko 18/2008 Foru Legearen esparruan.
Deialdi horretako 4. oinarriak ezarri zuen eskaerak aurkezteko epea 2009ko abenduaren 31n bukatuko zela.
Nafarroako Aurrekontu Orokorrei buruzko abenduaren 23ko 16/2009 Foru Legeak 15. artikuluan hauxe ezartzen du: "Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legean aurreikusitako kasuetan, Nafarroako Gobernuak abalak eman ahalko ditu, guztira 30.000.000 euro eginen dutenak. Abal horiek "Nafarroa abala" izena hartuko dute, eta aipatutako foru legean aipatzen den eskaera epea 2010eko abenduaren 31ra arte luzatuko da".
Otsailaren 19ko 16/2010 Foru Aginduaren bidez, Nafarroako Ekonomia Suspertzeko 2009-2011 Urteetarako Neurriei buruzko azaroaren 6ko 18/2008 Foru Legearen esparruan inbertsioak finantzatzeko kreditu-eragiketei abalorde moduko laguntzak emateko deialdiaren erreferentzialdia luzatu zen. Laguntza horiek "Nafarroa abala" izena hartu dute handik aurrera.
Nafarroako Aurrekontu Orokorrei buruzko abenduaren 28ko 22/2010 Foru Legeak 15. artikuluan hauxe ezartzen du: "Nafarroako ekonomia suspertzeko 2009-2011 urteetarako neurriei buruzko azaroaren 6ko 18/2008 Foru Legean aurreikusitako kasuetan, Nafarroako Gobernuak abalak eman ahalko ditu, guztira 30.000.000 euro eginen dutenak. Abal horiek "Nafarroa abala" izena hartuko dute, eta aipatutako foru legean ezartzen den eskaera epea 2011ko abenduaren 31ra arte luzatuko da".
Horrenbestez, Vianako Printzea Erakundea-Kultura eta Turismo Departamentuaren egitura organikoa ezartzen duen irailaren 3ko 126/2007 Foru Dekretuaren 2.2 artikuluak ematen dizkidan eskudantziak erabiliz,
AGINDU DUT:
1. Nafarroako Ekonomia Suspertzeko 2009-2011 Urteetarako Neurriei buruzko azaroaren 6ko 18/2008 Foru Legearen esparruan, inbertsioak finantzatzeko kreditu-eragiketei "Nafarroa abala" izeneko laguntzak emateko deialdiaren erreferentzialdia luzatzea 2011ko urtarrilaren 1etik abenduaren 31ra arte, atzeraeraginezko ondorioak dituela.
2. Foru agindu hau Nafarroako Aldizkari Ofizialean argitaratzea.
Foru agindu honen aurka gora jotzeko errekurtsoa jartzen ahal da, Nafarroako Gobernuari zuzendua, jakinarazi eta biharamunetik hilabeteko epean.
Foru agindu hau Turismoko Produktuak Antolatu eta Garatzeko Zerbitzuari, departamentu honetako Kudeaketa Ekonomikoaren Bulegoari eta Kontu-hartzailetza delegatuari jakinaraztea, eta Nafarroako Aldizkari Ofizialera igortzea, behar diren ondorioak izan ditzan.
Iruñean, 2011ko otsailaren 24an.-Vianako Printzea Erakundea-Kultura eta Turismo Departamentuko kontseilaria, Juan Ramón Corpas Mauleón.
Iragarkiaren kodea: F1103944
