Iragarkia

48. ALDIZKARIA - 2011ko martxoaren 10a

1. NAFARROAKO FORU KOMUNITATEA

1.7. BESTELAKOAK

40/2011 EBAZPENA, otsailaren 22koa, Antolamenduaren, Kalitatearen eta Berrikuntzaren zuzendari nagusiak emana, Nafarroako Foru Komunitatean 18 urtetik gorako pertsonek 2011. urtean Derrigorrezko Bigarren Hezkuntzako graduatu titulua zuzenean eskuratzeko proba libreetarako deialdia egiten duena.

Ikasketak Antolatzeko Zerbitzuko zuzendariak ebazpen hau onestearen aldeko txostena eman du. Ebazpenaren helburua 2011. urtean Derrigorrezko Bigarren Hezkuntzako graduatu titulua zuzenean eskuratzeko proba libreetarako deialdia egin eta probak egiteko jarraibideak ematea da.

Hezkuntzari buruzko maiatzaren 3ko 2/2006 Lege Organikoaren I. tituluko X. kapitulua helduen irakaskuntzari buruzkoa da, eta 68.2 artikuluan gaitasuna ematen zaie hezkuntza administrazioei, nork bere eskumenen esparruan, 18 urtetik gorako pertsonek Derrigorrezko Bigarren Hezkuntzako graduatu titulua zuzenean eskuratzeko probak antolatzeko aldian behin.

Deialdia araudi indardunaren arabera eginen da, bereziki xedapen hauei jarraikiz:

-61/2009 Foru Dekretua, uztailaren 20koa, Helduen Oinarrizko Hezkuntza arautu eta ikasketa horien egitura eta curriculuma ezartzen dituena Nafarroako Foru Komunitatean. Foru dekretu horren lehenengo xedapen gehigarrian adierazten da Hezkuntza Departamentuak 18 urtez gorako pertsonek Derrigorrezko Bigarren Hezkuntzako graduatu titulua zuzenean eskuratzeko probak antolatu eta dagozkien deialdiak eginen dituela, eta proba horiek Helduentzako Bigarren Hezkuntzako hiru jakintza esparruetan eta haren curriculumean oinarrituta antolatuko direla xedatzen du. Curriculuma foru dekretu horren 3. eranskinean dago jasoa.

-129/2009 Foru agindua, abuztuaren 3koa, Hezkuntzako kontseilariak emana, Helduen Oinarrizko Hezkuntzaren ezarpena arautzen duena eta jarraibideak ematen dituena Nafarroako Foru Komunitateko ikastetxeetan ikasketa horiek egiten dituzten ikasleen sarrerari, matrikulazioari eta ebaluazioari buruz.

-3/2010 Foru agindua, urtarrilaren 14koa, Nafarroako Foru Komunitatean 18 urtez gorako pertsonek Derrigorrezko Bigarren Hezkuntzako graduatu titulua zuzenean eskuratzeko proba libreak arautzen dituena.

Datu Pertsonalak Babesteari buruzko 15/1999 Lege Organikoan xedatutakoarekin bat, prozesuaren zatiren batean parte hartzen duten pertsona guztiek inprimakien bidez ematen dituzten datuak Nafarroako Gobernuko Hezkuntza Departamentuko fitxategietan sartuko dira, estatistika aldetik lantzeko eta prozedura horren ondorioz sor daitezkeen egiaztagiriak kudeatzeko.

Datuak ikusteko, zuzentzeko, kontra egiteko eta deuseztatzeko eskubideak erabili ahal izanen dira, Hezkuntza Departamentuko Ikasketak Antolatzeko Zerbitzura joz (Santo Domingo kalea, 8, Iruña). Berariaz horrela adierazten duten pertsonek kontra egiten ahalko diote beren datuen tratamenduari, arrazoi oinarridunak eta bidezkoak badituzte.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluko d) letrak ematen dizkidan ahalmenak erabiliz,

EBATZI DUT:

1. 18 urtetik gorako pertsonek Bigarren Hezkuntzako graduatu titulua eskuratzeko 2011. urtean eginen diren proba libreen bi deialdiak onestea. Proba horiek Hezkuntzari buruzko maiatzaren 3ko 2/2006 Lege Organikoaren 68.2 artikuluan daude ezarrita.

2. Jarraibideak ematea, ebazpen honen eranskinetan xedatutakoarekin bat, probetarako deialdia egin eta proba horiek gauzatzeko.

3. Ebazpen hau eta eranskinak Nafarroako Aldizkari Ofizialean argitara daitezela agintzea.

4. Ebazpen hau eta eranskinak Nafarroako Aldizkari Ofizialera igortzea, argitara daitezen, eta, orobat, Ikasketak Antolatzeko Zerbitzura, Hezkuntzako Ikuskapen Zerbitzura, Helduen Hezkuntzako Atalera, Antolamenduaren eta Tituluen Atalera, Araubide Administratiboaren Atalera, Guraso eta Ikasleentzako Argibide eta Aholku Bulegora eta "Felix Urabayen" Nafarroako Helduentzako Bigarren Hezkuntzako Institutura, behar diren ondorioak izan ditzaten.

Iruñean, 2011ko otsailaren 22an.-Antolamenduaren, Kalitatearen eta Berrikuntzaren zuzendari nagusia, Teresa Aranaz Jiménez.

I. ERANSKINA

Jarraibideak, 18 urtetik gorako pertsonek 2011. urtean Derrigorrezko Bigarren Hezkuntzako graduatu titulua zuzenean eskuratzeko proba libreetarako deialdia egin eta proba horiek gauzatzeko

1. Betebeharrak.

Derrigorrezko Bigarren Hezkuntzako graduatu titulua zuzenean lortzeko proba libreetan parte hartzen ahalko dute 2011. urtean hemezortzi urtetik gorakoak diren pertsonek edo urte horretan adin hori betetzen dutenek.

Helduentzako Bigarren Hezkuntzako ikasketak ofizialki egiteko matrikulatutako pertsonek, proba libreetan izena eman nahi badute, ikasketa haietako matrikulari uko egin beharko diote martxoaren 27a baino lehen, maiatzeko deialdian parte hartu nahi badute, eta uztailaren 24a baino lehen, iraileko deialdian parte hartu nahi badute.

Derrigorrezko Bigarren Hezkuntzan edo Hasierako Lanbide Kualifikazioko Programa oinarrizko batean matrikulaturik dauden pertsonek ezin dute izena eman proba libreak egiteko.

Probak egiteko, izangaiei eskatuko zaie beren nortasuna frogatzeko, NANa, atzerritarren identifikazio zenbakia (AIZ) edo pasaportea aurkeztuz.

2. Probak egiteko eguna eta tokia.

Probak maiatzaren 9an (1. deialdia) eta irailaren 6an (2. deialdia) eginen dira.

Probak "Felix Urabayen" Nafarroako Helduentzako Bigarren Hezkuntzako Institutuan (NHBHI) eginen dira (Bartolomé de Carranza kalea, 5, Iruña).

3. Proba egiteko izena ematea.

3.1. Alderdi orokorrak.

Maiatzeko deialdirako izena emateko epea apirilaren 11tik 27ra artekoa izanen da, bi egunak barne. Iraileko deialdirako, berriz, abuztuaren 8tik 23ra artekoa izanen da, biak barne.

Eskabideak Iruñeko "Félix Urabayen" NHBHIko idazkaritzan formalizatuko dira, Hezkuntza Departamentuko Erregistroan, azaroaren 26ko 30/1992 Legearen 38.4 artikuluan adierazitako tokietan edo Nafarroako Foru Komunitateko Administrazioaren Erregistro Orokor Elektronikoaren bidez (erregistro elektroniko hori ekainaren 23ko 70/2008 Foru Dekretuak arautu zuen).

Izena emateko eskaera ebazpen honen II. ebazpenean ageri den ereduaren araberakoa izanen da. Horrekin batera, agiri hauen fotokopia aurkeztuko da:

-NANa, AIZ edo pasaportea.

-Ikasketen ziurtagiria, baldin eta hiru jakintza esparruetakoren batetik salbuetsia izan nahi badu, urtarrilaren 14ko 3/2010 Foru Aginduaren eranskinaren arabera.

-Helduentzako Bigarren Hezkuntzako ikasketetako matrikulari uko egin izanaren justifikazioa, ikasketa horiek egiten ari baldin bada.

-Minusbalioaren ziurtagiria, izangaiak egokitzapen neurriren bat behar baldin badu.

Aurreko puntuan adierazten diren egiaztagirien fotokopiak aurkeztu dituzten pertsonek jatorrizko egiaztagiriekin agertu beharko dute probetara, epaimahaiak, egokitzat jotzen badu, aurkeztutako kopiekin bat datozela egiazta dezan.

Proba libreko ariketak gaztelaniaz edo euskaraz egin daitezke, izangaiak nahi bezala. Horretarako, izena emateko fitxan, aukeratzen den hizkuntza adieraziko da.

Zilegi izanen da oinarrizko kalkulagailu programaezina erabiltzea zientzia eta teknologiaren esparruko ariketetan.

Komunikazioaren esparruko ariketak egiteko, ezin izanen da erabili gaztelaniazko edo euskarazko hiztegirik, ez eta atzerriko hizkuntzen hiztegirik ere.

3.2. Proba librean izena ematen duten pertsonen behin-behineko eta behin betiko zerrendak.

Behin-behineko zerrendak maiatzaren 2an (lehen deialdiarena) eta abuztuaren 29an (2. deialdiarena) argitaratuko dira, "Félix Urabayen" NHBHIko iragarki oholean eta "18 urtetik gorako pertsonek Derrigorrezko Bigarren Hezkuntzako graduatu titulua zuzenean eskuratzea" izeneko zerbitzu fitxan (www.navarra.es).

Zerrenda horietan adieraziko da izena eman duten eskatzaileen artean zein onartu diren proba egiteko eta zein baztertu, baztertzeko arrazoiak adierazita. Zerrenda horietan, gainera, salbuetsia(k) d(it)u(z)ten jakintza esparrua(k) adieraziko d(ir)a, bai eta izangai batzuek probak egiteko eskaturiko egokitzapenak ere.

Izangaiek egoki iruditzen zaizkien alegazioak aurkezten ahalko dituzte, III. eranskineko ereduaren arabera, behin-behineko zerrendaren kontra. Horretarako, maiatzaren 5era arte (lehenengo deialdian) eta irailaren 1era arte (2. deialdian) izanen dute. Alegazioak ikastetxeko zuzendariari igorriko zaizkio.

Behin betiko zerrendak maiatzaren 6an (lehen deialdiarena) eta irailaren 2an (2. deialdiarena) argitaratuko dira, "Félix Urabayen" NHBHIko iragarki oholean eta "18 urtetik gorako pertsonek Derrigorrezko Bigarren Hezkuntzako graduatu titulua zuzenean eskuratzea" izeneko zerbitzu fitxan (www.navarra.es).

Esparruak salbuesteko baliokidetasun irizpideak aplikatzearen ondorioz, matrikulatutako pertsonaren batek proba libreetako hiru jakintza esparruak gaindituak baldin baditu, azterketa egiteko finkatutako egunean eta orduan agertu beharko du. Epaimahaiak izangaiei deitzeko ekitaldian jakinaraziko zaio ez duela proba egin beharrik, eta aktan jasoko da aurkezten dituen egiaztagirietako kalifikazioekin, eta Derrigorrezko Bigarren Hezkuntzako graduatu titulua luzatzeko proposamenean ere agertuko da.

4. Probaren alderdi orokorrak.

4.1. Probak prestatzea.

Urtarrilaren 14ko 3/2010 Foru Aginduaren 5.4 artikuluarekin bat, jakintza esparru bakoitzeko ariketak prestatzea Antolamenduaren, Kalitatearen eta Berrikuntzaren Zuzendaritza Nagusiari dagokio. "Félix Urabayen" NHBHIari 2011. urteko bi deialdietako ariketak prestatzeko agintzen zaio. Inplikatutako pertsonek ariketa horien gaineko konfidentzialtasuna begiratuko dute, uneoro. "Félix Urabayen" NHBHIak Ikasketak Antolatzeko Zerbitzuari bidaliko dizkio prestatutako ariketak, gainbegira ditzan.

4.2. Epaimahaia.

Proba libre hau baloratzeko epaimahaian mahaiburu bat eta lau mahaikide izanen dira. Giza Baliabideen Zerbitzuko zuzendariak izendatuko ditu, "Felix Urabayen" NHBHIko zuzendariak proposaturik. Proposatutakoak ikastetxe horretan ari diren Bigarren Hezkuntzako Katedradunen Kidegoko edo Irakasleen Kidegoko irakasleak izanen dira. Horiekin batera, bost ordezko ere izendatuko dira. Epaimahaiak, bere ebaluazio lana ongi egiteko, zilegi izanen du aholkularien laguntza eskatzea, hala behar dela iruditzen bazaio.

Epaimahaian Helduentzako Bigarren Hezkuntzako hiru esparruetatik irakasle bana gutxienez egon dadila bermatuko da.

2011. urteko bi deialdietan, hots, maiatzekoan eta irailekoan, epaimahai bera arituko da. Deialdiren batean 150 izangaik baino gehiagok ematen badute izena, bigarren epaimahai bat izendatzen ahalko da.

Bi deialdi horietako batean epaimahai bat baino gehiago baldin badago, probak izangai guztientzat berdinak izanen dira, zein epaimahairi dagozkion kontuan hartu gabe, eta aldi berean eginen dira, egun bakar batean, goizez eta arratsaldez.

Epaimahaian parte hartzen duten irakasleek konpentsazio ekonomiko bat jasoko dute proba libreetako ebaluazio ariketak prestatzeagatik.

5. Probaren egitura, egiteko modua, ebaluazioa eta kalifikazioa, emaitzen argitalpena, erreklamazioak eta dokumentazioa.

Proba librearen helburua da 18 urtetik gorako pertsonei aukera ematea gure hezkuntza sistemako oinarrizko titulazioa zuzenean lortzeko, oinarrizko gaitasunak eta Derrigorrezko Bigarren Hezkuntzaren helburuak lortu dituztela erakusten badute, urtarrilaren 14ko 3/2010 Foru Aginduaren 2. artikuluan adierazten den bezala.

5.1. Probaren egitura.

Proba libreek hiru zati izanen dituzte, hots, Helduentzako Bigarren Hezkuntzako hiru jakintza esparruetako bakoitzerako bat: komunikazioa, zientzia eta teknologia eta gizarte gaiak.

Hiru jakintza esparruetako ariketek uztailaren 20ko 61/2009 Foru Dekretuaren 3. eranskinean agertzen den curriculuma izanen dute oinarri. Dekretu horren bidez, Helduen Oinarrizko Hezkuntza arautu eta ikasketa horien egitura eta curriculuma ezarri ziren Nafarroako Foru Komunitatean.

Komunikazioaren esparruko zatiak ariketa hauek izanen ditu:

-Hizkuntza: "Gaztelania" irakasgaiaren moduluei eta, proba euskaraz eginez gero, "Euskara" irakasgaiaren moduluei buruzko edukiak izanen ditu.

-Atzerriko hizkuntza: "Atzerriko hizkuntza" irakasgaiaren moduluei buruzko edukiak izanen ditu. Izangaiek Frantsesa edo Ingelesa aukeratzen ahalko dute.

Zientzia eta teknologiaren esparruko ariketek "Matematika-Teknologia" eta "Natura eta Osasuna" irakasgaien moduluetako edukiak izanen dituzte.

Gizarte gaien esparruko ariketen erreferentzia "Gizartea" irakasgaiaren moduluetako edukiak izanen dira.

Hezkuntza Departamentuak behar diren neurriak hartuko ditu eta behar diren baliabide teknikoak eta langileak jarriko ditu izena emateko unean desgaitasunen bat dutela agiri bidez egiaztatzen duten pertsonek probak baldintzarik egokienetan egin ditzaten.

5.2. Egiteko epea.

Ariketak egun batean eginen dira, goiz eta arratsaldeko saioetan.

Goizeko saioan, 10:00etan hasita, Zientzia eta Teknologiaren esparruko eta Gizarte gaien esparruko ariketak eginen dira. Ariketa horiek egiteko, gehienez ere hiru ordu eta erdi izanen dira: bi ordu eta erdi zientzia eta teknologiaren esparrurako eta ordu bat gizarte gaien esparrurako.

Arratsaldeko saioan, 16:00etan hasita, komunikazioaren esparruko ariketa eginen da. Izangaiek gehienez ere bi ordu eta erdi izanen dituzte saio honetarako.

5.3. kalifikazioa.

Probaren kalifikazioa orokorra izanen da hiru esparruetako bakoitzean. Emaitzak honela jasoko dira: Gutxiegi (G), Nahikoa (N), Ongi (O), Oso ongi (OO) eta Bikain (B). Kalifikazio horrekin batera, batetik hamarrera bitarteko adierazpen zenbakizkoa ere emanen da, dezimalik gabe, baliokidetasun hauen arabera:

-Gutxiegi: 1, 2, 3 edo 4.

-Nahikoa: 5.

-Ongi: 6.

-Oso ongi: 7 edo 8.

-Bikain: 9 edo 10.

Gutxiegi kalifikazioa (G) negatiboa izanen da, eta gainerako laurak positiboak.

Izangaiak salbuetsiak dituen esparruetan Salbuetsia (SALB) adieraziko da, salbuespena egitea ahalbidetu duten gaien, esparruen, moduluen edo multzoen batez besteko aritmetikoaren ondoriozko kalifikazioa eta zenbakizko nota adierazita.

Aurreko deialdietan gainditutako esparruak ADG letren bidez adieraziko dira, eta horrekin batera, kalifikazioa eta zenbakizko nota jasoko dira. Gai kalifikazioa Nahikoren baliokidea izanen da, ondorioak izan behar dituenean.

Komunikazioaren esparruaren kalifikazioa aterako da zati bakoitzaren batez besteko ponderatua aplikatuz, ehuneko hauen arabera:

-Hizkuntza: %75.

-Atzerriko hizkuntza: %25.

Hiru jakintza esparruak gainditzen dituzten izangaiek proba gaindituko dute, eta epaimahaiak Derrigorrezko Bigarren Hezkuntzako graduatu titulua jaso dezaten proposatuko ditu.

5.4. Emaitzen argitalpena. Erreklamazioak.

Epaimahaiak aditzera emanen du, ariketak egiten direnean, emaitzak noiz jarriko diren jendaurrean, erreklamazioak egiteko epeak, eta baita kasuko ziurtagiriak noiz eta nola jaso beharko diren ere.

Probak ebaluatu ondoren, epaimahaiak jendaurrean jarriko ditu emaitzak Félix Urabayen NHBHIko iragarki oholean eta "18 urtetik gorako pertsonek Derrigorrezko Bigarren Hezkuntzako graduatu titulua zuzenean eskuratzea" izeneko zerbitzu fitxan (www.navarra.es).

Proben kalifikazioekin ados ez badaude, izangaiek idatzizko erreklamazioak (III. eranskineko ereduaren arabera) egiten ahalko dizkiote epaimahaiburuari, emaitzak argitaratu eta biharamunetik hasita bost egun balioduneko epean.

5.5. Dokumentazioa.

Erreklamazioak aurkezteko epea bukatu eta aurkezten diren erreklamazioak ebatzi ondoren, epaimahaiak ebaluazio akta beteko du, ebazpen honen IV. eranskinean agertzen den ereduari jarraikiz, eta jendaurrean jarriko ditu, proben behin betiko emaitzak ezagutzera emateko.

Proben ebaluazio aktak probak egiten diren ikastetxeko idazkaritzan artxibatuko dira.

Epaimahaiak behin-behineko ziurtagiria eginen die proba librea gainditzen duten pertsona guztiei, V. eranskinean agertzen den ereduari jarraikiz.

Proba librea gainditu ez eta, horrenbestez, Derrigorrezko Bigarren Hezkuntzako graduatu titulua jasotzeko proposatu ezin diren izangaiei, jakintza esparruren bat gainditzen baldin badute, gainditu duten esparrua edo esparruak ziurtatzeko agiri bat eginen zaie, lortutako kalifikazioa eta zenbakizko puntuazioa adierazita, VI. eranskinean agertzen den ereduari jarraikiz. Kalifikazioak kontuan hartuko dira pertsona horiek geroagoko deialdietan berriz parte hartzen badute, eta estatu osoan izanen dute balioa.

Proba egiten den ikastetxeko zuzendariak Hezkuntza Departamentura igorri beharko du deialdi bakoitzean proba librea gainditzen dutenei Derrigorrezko Bigarren Hezkuntzako graduatu titulua emateko proposamena.

Ikastetxeak, orobat, aktaren kopia bat eta ebazpen honen VII. eranskinean agertzen den emaitzen estatistikaren fitxa igorriko ditu Helduen Hezkuntzako Atalera.

Parte-hartzaileek egiten dituzten ariketak ikastetxean artxibatuta gordeko dira 3 hilabetez gutxienez, erreklamazioren bat jartzen denean izan ezik. Kasu horretan, erreklamazio prozesua ebatzi arte gorde beharko dira.

II. ERANSKINA

DBHko graduatu titulua eskuratzeko proba
libreetarako izena emateko inprimakia

1. deitura ................................. 2. deitura ................................. Izena ....................... NAN/AIZ/Pasaportea ......................... Sexua [ ] G [ ] E Jaioteguna .......................................... bizilekua ...................................... ............................... P.K. ............., Kalea ................................................................. Tel. zk.: .............................. Posta elektronikoa ....................... Nazionalitatea .............................

ADIERAZTEN DU:

Betebeharra betetzen duela 18 urtetik gorako pertsonek Derrigorrezko Bigarren Hezkuntzako graduatu titulua zuzenean eskuratzeko proba libreetara aurkezteko.

ESKATZEN DU:

1. DBHko graduatu titulua zuzenean eskuratzeko proba libreetan izena ematea:

[ ] Gaztelaniaz [ ] Euskaraz.

2. Esparru hauetatik salbuestea:

[ ] Komunikazioaren esparrua [ ] Zientzia eta teknologiaren esparrua [ ] Gizarte gaien esparrua.

3. [ ] Proba egokitzea, minusbalioa dela-eta. Beharrezkoa den egokitzapen mota adierazi.

Horretarako, ondoko agirien fotokopiak eransten ditu:

1. [ ] Nortasun agiri nazionala [ ] Atzerritarren identifikazio zenbakia [ ] Pasaportea.

2. [ ] Minusbalioaren frogagiriak.

3. [ ] Adierazitako esparruak gaindituak dituela frogatzeko agiriak (urtarrilaren 14ko 3/2010 Foru Aginduaren eranskinaren arabera, 2010eko otsailaren 3an argitaratutako Nafarroako Aldizkari Ofiziala).

-Komunikazioaren esparrua.

-Zientzia eta teknologiaren esparrua.

-Gizarte gaien esparrua.

............................(e)n, 2011ko ........................aren ...........(e)an. Interesduna

IRUÑEKO FELIX URABAYEN NHBHIko ZUZENDARI JAUNA.

Bildutako datuak behar den bezalako konfidentzialtasunarekin eta erreserbarekin informatizatuko dira eta ezarritako helbururako bakarrik erabiliko dira, Datu Pertsonalak Babesteari buruzko abenduaren 13ko 15/1999 Lege Organikoaren arabera.

III. ERANSKINA

Erreklamazio orria

.................................... jaunak/andreak
....................... NAN/AIZ zenbakidunak, eta jarraian adierazten den deialdian 18 urtetik gorako pertsonek Derrigorrezko Bigarren Hezkuntzako graduatu titulua zuzenean eskuratzeko proba libreetarako izena emateko eskaera egin duenak:

[ ] Maiatzeko deialdian.

[ ] Iraileko deialdian.

Idazki honen bidez, ondokoaren kontra erreklamazioa egin nahi du:

[ ] Onartutako izangaien zerrenda

[ ] Esparruetatik salbuestea.

[ ] Egokitzapena, minusbalioa dela-eta.

[ ] Ondokoen kalifikazioak:

[ ] Komunikazioaren esparrua.

[ ] Zientzia eta teknologiaren esparrua.

[ ] Gizarte gaien esparrua.

Honako arrazoi hauek direla eta:

............................(e)n, 2011ko ........................aren ...........(e)an. Interesduna

Bildutako datuak behar den bezalako konfidentzialtasunarekin eta erreserbarekin informatizatuko dira eta ezarritako helbururako bakarrik erabiliko dira, Datu Pertsonalak Babesteari buruzko abenduaren 13ko 15/1999 Lege Organikoaren arabera.

FELIX URABAYEN NHBHIko ZUZENDARI JAUNA/ANDREA.

PROBA LIBREETAKO EPAIMAHAIBURUA.

V. ERANSKINA

Tituluaren behin-behineko ziurtagiria

..................................................................................... jaunak/andreak, Derrigorrezko Bigarren Hezkuntzako graduatu titulua ............. (1) deialdian lortzeko ............n egin den proba librea ebaluatu duen epaimahaiko idazkariak,

Ziurtatzen du:

..................................................................................... jaunak/andreak, .................................. egunean ......................... probintziako ............ herrian jaio zenak, Derrigorrezko Bigarren Hezkuntzako graduatu titulua eskuratzeko erregelamenduzko proba librea egin duela eta, gainditu duenez, titulua lortzeko proposamenean agertzen dela.

Ziurtagiri honek Derrigorrezko Bigarren Hezkuntzako graduatu titulua lortu duela egiaztatzen du, dagozkion ondorioetarako.

Eta behar diren ondorioetarako jasota geldi dadin, honako ziurtagiri hau luzatzen dut

.........................(e)n, ............ko ..............aren ....(e)an.

(Zigilua)

(1) Proba zein urtetan eta zein hilabetetan egin den adierazi.

VI. ERANSKINA

Gainditutako esparruen ziurtagiria

Jauna/Andrea:

Jaioteguna .......................................... NAN zk.

............ urteko ............... hilabeteko deialdian Derrigorrezko Bigarren Hezkuntzako graduatu titulua zuzenean eskuratzeko ................(e)ko ........... ikastetxean egin diren proba libreetan, esparru hauek gainditu ditu:

Eta hori ziurtatzen dut,

...............(e)n, .........(e)ko .............aren ........(e)an.

(Zigilua)

Iragarkiaren kodea: F1103441