2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
METAUTEN
Egoitza elektronikoa sortzea
Alkatetzaren 8. ebazpena, 2011ko urtarrilaren 8koa.
Herritarrak Zerbitzu Publikoetara Bide Elektronikoz Sartzeari buruzko ekainaren 22ko 11/2007 Legea betetze aldera, eta gure herritarrei gure entitatearekin komunikatzeko sistema telematiko bat eman nahian,
EBATZI DUT:
1.-Metautengo Barrutiko Udalaren egoitza elektronikoa eta horri lotuta dagoen erregistro elektronikoa sortzea, ebazpen honen eranskinean zehazten diren ezaugarriekin, helbide elektroniko honetan: www.aytometauten.es.
2.-Egoitza elektronikoak indarra hartuko du iragarki hau Nafarroako Aldizkari Ofizialean argitaratu eta biharamunean, une horretara arte dauden prozedura telematikoak edukita.
3.-Agintzea ebazpen hau eta egoitza elektronikoa eta erregistro elektronikoa sortzeari buruzko eranskin osoa argitara daitezela Nafarroako Aldizkari Ofizialean.
4.-Idazkaritzaren Alorrari esleitzea egoitza elektronikoa zuzendu eta koordinatzeko eginkizunak.
Metautenen, 2011ko urtarrilaren 31n.-Alkate udalburua, Juan Miguel Zudaire Landa.
ERANSKINA
1. Egoitza elektronikoaren ezaugarriak.
1.1. Egoitza elektronikoa aplikatzeko eremua Metautengo Udalaren toki entitatea izanen da, eta haren erakunde autonomoek ere erabiltzen ahalko dute.
1.2. Helbide elektronikoa ondokoa izanen da: www.aytometauten.es. Interneteko domeinu hori Metautengo Barrutiko Udalaren jabetzakoa da. Egoitza horren titularra Metautengo Barrutiko Udala da, eta kudeaketaren eta zerbitzuen organo arduradunak dira Udalaren organo guztiak eta haien funtzio-alorrak, Idazkaritza Nagusiak koordinatuta.
Egoitzan identifikatuko dira sartzeko bide erabilgarri guztiak.
Egoitza elektronikoan zehaztuko dira zein diren iradokizunak eta kexak egiteko bideak, eta, nolanahi ere, eskura egonen dira beti Udalaren Erregistro Orokorrean bertatik bertara aurkezteko bide tradizionalak.
2. Erregistro elektronikoaren sorrera.
Egoitza elektronikoari lotutako erregistro elektronikoa sortu da. Erregistro elektronikoa sarrera eta irteeren erregistro orokorrean sartuko da, erregistro integratu bakar bat osatuz. Erregistro elektronikoak bide telematikoa ematen dio sarrera eta irteeren erregistro orokorrari. Antolakuntzaren aldetik, sarrera eta irteeren erregistro orokorra Idazkaritza Nagusiaren arloan dago sartuta, eta erregistro elektroniko hau sortzeak ez du mendetasun organiko hori aldatzen.
3. Prozedura elektronikoak.
Idazkaritza Nagusiaren bidez, alkatetzaren zuzendaritza politiko eta organikoaren azpian eta Erregistro Orokorraz arduratzen den funtzionarioaren zuzendaritza teknikoarekin, egoitza elektronikoan zehaztu eta argitaratuko dira bide telematikoaren bidez kudeatzen ahal diren prozedurak.
Baliabide teknikoak urriak izanik eta prozedura administratibo eta eragileak konplexuak direnez gero, erabaki da herritarrek estatistikoki gehien eskatzen dituzten prozedurak lehenestea.
Iragarkiaren kodea: L1103102
