4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
3. EPAITEGIA
Ediktua. Adostasunezko dibortzioko neurrien aldaketaren gaineko 594/2010 prozedura
Aditzera ematen da epaitegi honetan goian adierazitako prozedura bideratzen ari dela eta horren gaineko epaia eman dela. Hona hemen idazpurua eta xedapen zatia, hitzez hitz:
Epaitegia: Tuterako (Nafarroa) Lehen Auzialdiko 3. Epaitegia.
Pablo Sarasate, 4
Gaia: behin betiko neurrien aldaketaren gaineko 594/2010 prozedura.
15/2011 epaia.
Tuteran, 2011ko urtarrilaren 28an.
Nik, Oscar Ortega Sebastián jaunak, Tuterako Lehen Auzialdiko 3. Epaitegiko epaile magistratuak, behin betiko neurrien aldaketa dela-eta epaitegi honetan bideratzen ari diren 594/2010 autoak aztertu ditut eta ondoren azaltzen den epaia eman dut. Cristina Cuenca Rivas andreak sustatu du auzia, Juan Bozal de Aróstesgui auzitegietako prokuradore jaunak ordezkatuta eta Juan Carlos Alzaga Sieira legelari jaunak lagunduta, auzi-ihesean den Sofiane Belkhatir jaunaren aurka, behin betiko neurriak aldatzeko. Fiskaltzak parte hartu du.
Epaitza
Baiesten dut Cristina Cuenca Rivas andreak Sofiane Belkhatir jaunaren aurka jarri duen demanda, behin betiko neurriak aldatzekoa, eta horrenbestez, erabakitzen dut:
Sofiane Belkhatir jaunari bere alaba Alia Belkhatir Cuencaren gaineko guraso-ahala kentzea erabat. Hala ere, horretarako arrazoia desagertzen denean, guraso-ahala berreskura dezala erabaki ahal izanen da.
Kostuei buruz ez dut ezer berezirik erabakitzen.
Jakinaraz bekio ofizioz Tuterako (Nafarroa) Erregistro Zibilari, adingabearen jaiotza bertan inskribatu baitzen, 216. liburukiaren 391. orrian.
Epai hau behar bezala jaso eta gordeko da epaitegi honetako epaien liburuan, fede-emaile publikoaren zaintzapean, eta hitzez hitzeko ziurtagiria erantsiko zaie jatorrizko autoei, Botere Judizialari buruzko Lege Organikoan xedatutakoa betetzeko.
Jakinaraz bekie ebazpen hau alderdiei eta ohartaraz bekie ez dela irmoa eta bost eguneko epean haren aurkako apelazio-errekurtsoa jartzen ahal dela epaitegi honi zuzendua, eta horretarako aldez aurretik gordailua egin behar dela epaitegi honen Gordailu eta Kontsignazioen kontuan, Botere Judizialari buruzko Lege Organikoaren 15. xedapen gehigarrian ezarri bezala (azaroaren 3ko 1/2009 Legeak egindako erreformaren ondoren). Errekurtsoa Nafarroako Probintzia Auzitegiak ebatziko du.
Beraz, epai honen bidez, hori erabaki eta agintzen dut nik, Oscar Ortega Sebastián jaunak, Tuterako Lehen Auzialdiko 3. Epaitegiko epaile magistratuak.
Eta Sofiane Belkhatirri jakinarazteko balio izan dezan, gaur egun non den jakiterik ez baitago, honako hau egin eta sinatzen dut.
Tuteran, 2011ko urtarrilaren 28an.-Idazkari judiziala, Jorge Navarro Fernández.
Iragarkiaren kodea: J1102173
