4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
3. EPAITEGIA
Ediktua. Adostasun gabeko 521/2010 dibortzioa
Aditzera ematen da epaitegi honetan goian adierazitako prozedura bideratzen ari dela eta horren gaineko epaia eman dela. Hona hemen idazpurua eta xedapen zatia, hitzez hitz:
Epaitegia: Tuterako (Nafarroa) Lehen Auzialdiko 3. Epaitegia.
Gaia: adostasun gabeko 521/2010 dibortzioa.
21/2011 epaia.
Tuteran, 2011ko otsailaren 4an.
Nik, Oscar Ortega Sebastián jaunak, Tuterako Lehen Auzialdiko 3. Epaitegiko epaile magistratuak, epaitegi honetan bideratu diren adostasun gabeko dibortzioaren gaineko 521/2010 autoak aztertu ditut eta ondoren azaltzen den epaia eman dut. Lilian Feliz Cipion Decena andreak sustatu du auzia, María José Ayala Lázaro auzitegietako prokuradore andreak ordezkatuta eta Rita Arbiol Jiménez legelari andreak lagunduta, auzi-ihesean den Alex Ayma Ocaña jaunaren aurka, adostasun gabeko dibortzioa dela-eta.
Epaitza
Baiesten dut Lilian Feliz Cipion Decena andreak Alex Ayma Ocaña jaunaren aurka jarri duen dibortzio-demanda, eta horrenbestez, erabakitzen dut:
a) Lilian Feliz Cipión Decena andreak eta Alex Ayma Ocaña jaunak 2009ko urtarrilaren 16an egin zuten ezkontza dibortzioz desegitea, Kode Zibilaren 81., 85. eta 86. artikuluetan xedatutakoaren arabera.
b) Ezkontideek elkarri emandako adostasun eta ahalorde guztiak ezeztatuko dira.
c) Ezkontzaren ondasun-eraentza desegitea dekretatzen dut.
d) Ezkontideen etxebizitza (Blanca de Navarra kalea, 11, 2. A, Tutera, Nafarroa) eta bertako hornidura erabili eta lupertzeko eskubidea demandatzaileari ematen diot.
Kostuei buruz ez dut ezer berezirik erabakitzen.
Epai hau irmo bilakatu ondoren, egin bedi idatzoharra ezkontzaren inskripzioa daukan erregistro zibilean. Horretarako idatzagiria igorriko da.
Epai hau behar bezala jaso eta gordeko da epaitegi honetako epaien liburuan, fede-emaile publikoaren zaintzapean, eta hitzez hitzeko ziurtagiria erantsiko zaie jatorrizko autoei, Botere Judizialari buruzko Lege Organikoan xedatutakoa betetzeko.
Jakinaraz bekie ebazpen hau alderdiei eta ohartaraz bekie ez dela irmoa eta bost eguneko epean haren aurkako apelazio-errekurtsoa jartzen ahal dela epaitegi honi zuzendua, eta horretarako aldez aurretik gordailua egin behar dela epaitegi honen Gordailu eta Kontsignazioen kontuan, Botere Judizialari buruzko Lege Organikoaren 15. xedapen gehigarrian ezarri bezala (azaroaren 3ko 1/2009 Legeak egindako erreformaren ondoren). Errekurtsoa Nafarroako Probintzia Auzitegiak ebatziko du.
Beraz, epai honen bidez, hori erabaki eta agintzen dut nik, Oscar Ortega Sebastián jaunak, Tuterako Lehen Auzialdiko 3. Epaitegiko epaile magistratuak.
Eta Alex Ayma Ocañari jakinarazteko balio izan dezan, gaur egun non den jakiterik ez baitago, honako hau egin eta sinatzen dut.
Tuteran, 2011ko otsailaren 4an.-Idazkari judiziala, Jorge Navarro Fernández.
Iragarkiaren kodea: J1102146
