1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
126/2011 EBAZPENA, urtarrilaren 25ekoa, Familiaren, Haurraren eta Kontsumoaren zuzendari nagusiak emana, Nafarroako Gobernuaren Haur Eskoletan 2011-2012 ikasturterako haurrentzako ikastokiak eskatzeko deialdia kudeatuko duen Hautapen Batzordeko kideak izendatu eta zenbait eginkizun esleitzen dizkiena.
Ikusita Antolamenduaren, Kalitatearen eta Berrikuntzaren zuzendari nagusiaren urtarrilaren 12ko 1/2011 Ebazpena, funts publikoak jasotzen dituzten Haur Hezkuntzako lehen zikloko ikastetxeetan 2011-2012 ikasturtean haurrak onartzeko prozedura arautzen duena.
Ikusirik Familiaren Atalaren txostena.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legeak eta Familia, Gazteria, Kirol eta Gizarte Gaietako Departamentuaren egitura organikoa ezartzen duen irailaren 3ko 125/2007 Foru Dekretuak ematen dizkidaten eskudantziak erabiliz,
EBATZI DUT:
1. Ondoko hauek izendatzea Nafarroako Gobernuaren Haur Eskoletan 2011-2012 ikasturterako haurrentzako ikastokiak eskatzeko deialdia kudeatuko duen Hautapen Batzordeko kide:
-Mahaiburua: Laura Onieva Larrea andrea, Familiaren, Haurraren eta Kontsumoaren Zuzendaritza Nagusiko Familiaren Sustapenerako Zerbitzuko zuzendaria.
-Mahaikideak:
-María José Baquero Quintana andrea, Familiaren, Haurraren eta Kontsumoaren Zuzendaritza Nagusiko Familiaren Ataleko burua.
-Marisol Arguiñano Sánchez andrea, Familiaren, Haurraren eta Kontsumoaren Zuzendaritza Nagusiko Familiaren Ataleko Haur Eskolen Bulegoko burua.
2. Hautapen Batzordeari ebazpen honen eranskinean agertzen diren eginkizunak esleitzea.
3. Ebazpen hau Nafarroako Aldizkari Ofizialean argitaratzea.
4. Ebazpen hau Familiaren Sustapenerako Zerbitzura igortzea, behar diren ondorioak izan ditzan, eta ohartaraztea ebazpenak ez duela administrazio bidea amaitzen eta, haren kontra, gora jotzeko errekurtsoa jartzen ahal dela Familia, Gazteria, Kirol eta Gizarte Gaietako kontseilariari zuzendua, jakinarazi edo argitaratu eta biharamunetik hasita hilabeteko epean.
Iruñean, 2011ko urtarrilaren 25ean.-Familiaren, Haurraren eta Kontsumoaren zuzendari nagusia, Loren Albéniz Ascorbe.
ERANSKINA
Hautapen Batzordearen eginkizunak
Lehena.-Ikastokiak gordetzeko prozedura zehaztu eta aurrera eramatea.
Bigarrena.-Familiaren, Haurraren eta Kontsumoaren zuzendari nagusiari proposatzea, hura baita entitate titularra, funts publikoak jasotzen dituzten Haur Hezkuntzako lehen zikloko ikastetxeetan 2011-2012 ikasturtean haurrak onartzeko deialdia ebatz dezala.
Hirugarrena.-Familiaren, Haurraren eta Kontsumoaren zuzendari nagusiari proposatzea bete beharreko ikastokien kopurua eta onarpen prozesuan aplikatu beharreko baremoa argitara ditzala ikastetxeko eta Zuzendaritza Nagusiko iragarki oholetan.
Laugarrena.-Familiaren, Haurraren eta Kontsumoaren zuzendari nagusiari proposatzea onartuen eta itxaron zerrendan daudenen behin-behineko zerrendak argitara ditzala.
Bosgarrena.-Onartuen eta itxaron zerrendan daudenen behin-behineko zerrenden aurka egindako erreklamazioak ebatz ditzala.
Seigarrena.-Familiaren, Haurraren eta Kontsumoaren zuzendari nagusiari proposatzea onartuen eta itxaron zerrendan daudenen behin betiko zerrendak argitara ditzala.
Zazpigarrena.-Eskatzaileek bi ikastetxe hautatu badituzte, bata Nafarroako Gobernuaren mendekoa, eta bestea Iruñeko Udalaren mendekoa, honela jokatuko da:
a) Eskaerak eta erreklamazioak batera baloratuko dira.
b) Entitate titularrak ematen duen ebazpenaren aurka gora jotzeko errekurtsoa jarriz gero, onartuen eta itxaron zerrendan daudenen behin betiko zerrenda argitaratzen duen entitateko titularrari egokituko zaizkio errekutsoaren tramitazioa eta ebazpena.
Iruñean, 2011ko urtarrilaren 25ean.-Familiaren, Haurraren eta Kontsumoaren zuzendari nagusia, Loren Albéniz Ascorbe.
Iragarkiaren kodea: F1101424
