3. ESTATUKO ADMINISTRAZIOA
KANTAURI ALDEKO UR KONFEDERAZIOA
Espedientea. Jendaurreko informazioa
Gaia: obrak baimentzeko eskaera.
Eskatzailea: Sociedad de Promoción de Inversiones e Infraestructuras de Navarra, S.A. (Sprin). IFZ: A 31848351. Helbidea: Sarasate pasealekua, 3-5.a D, 31002-Iruña (Nafarroa).
Ukitutako ur-lasterren izena eta kodea: Bidasoa 1.0100 eta Bagerdi 1.0100.140.
Udalerria eta probintzia: Baztan (Nafarroa).
Obren azalpen laburra eta helburua:
SPRIN sozietateak baimena eskatu du Bagerdi erreka (Telleria) ubideratu eta desbideratzeko, eta Lekarozko Enpresen Campusaren urbanizaziorako, sarbideekin, Bidasoa ibaiaren eskuinaldeko eta Bagerdi errekaren bi aldeetako polizia-eremuan, Baztango udalerrian (Nafarroa).
Ubideratzeko lanen bidez errekaren lehengo trazadura berreskuratuko da, Bidasoa ibaian isuri arte estali gabe joan dadin. Errepidea eta sarbideetako biribilgunea gurutzatzean hormigoizko markodun estalkia proiektatu da, neurri hauekin: 3,5 x 2,5 metro sekzioan eta 55 metro luzeran. Pasabide horretatik goitik, hizkuntz-murgiltzearen eremuan, sekzioa lurrean eginen da, trapezio itxurako hobiarekin eta 2,80 m-ko zabalerako ibilguan. Hortik beheiti, enpresen campusaren eremuan, sekzioa trapezio bikoitzekoa da, 3 m-ko zabalerako ibilguarekin. Bigarren tarte horretan oinezkoentzako hiru zaldain eta ibilgailuentzako pasabide bat proiektatu dira. Aurreikusirik dago, halaber, "Fraideen putzua" izenekoa egokitzea.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak aurkezteko aukera izan dezaten hogei eguneko epean, iragarki hau Nafarroako Aldizkari Ofizialean argitaratu eta biharamunetik hasita, Baztango udaletxean edo Kantauri aldeko Ur Konfederazioan (Ur Komisaria, Errotaburuko pasealekua 1, 8. solairua, 20071 Donostia), bertan egonen baita ikusgai espedientea.
Donostian, 2011ko urtarrilaren 25ean.-Idazkari nagusia. Eskuordez, Zerbitzuko burua (2004ko abenduaren 13ko Ebazpena, 2005eko urtarrilaren 11ko Estatuko Aldizkari Ofizialean argitaratua, indardun deklaratua 2008ko uztailaren 25eko Ebazpenaren bidez), Noemí López Fernández.
Iragarkiaren kodea: E1101355
