1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
2440/2010 EBAZPENA, abenduaren 23koa, Osasunbidea-Nafarroako Osasun Zerbitzuko zuzendari kudeatzaileak emana, Osasunbidea-Nafarroako Osasun Zerbitzuko Adimen Osasunerako Zuzendaritzako Kudeaketa Zerbitzuko buruaren esku uzten duena, kontratazio administratiboari buruzko foru araudian ezarritako diru-kopurua ez gainditzeagatik, tramitazioan faktura aurkeztea besterik eskatzen ez duten administrazio kontratuak eta 75.000 eurotik gorako esparru-akordioetan oinarritutako esparru-akordioak esleitzeko eskumena.
Kontratazio administratiboari buruzko foru araudian ezarritako diru-kopurua ez gainditzeagatik, tramitazioan faktura aurkeztea besterik eskatzen ez duten administrazio kontratuak esleitzeko eskumena eta 75.000 eurotik gorakoak ez diren esparru-akordioak esleitzekoa Osasunbidea-Nafarroako Osasun Zerbitzuko zuzendari kudeatzaileari dagokio, Osasunbidea-Nafarroako Osasun Zerbitzuaren Estatutuak onetsi zituen uztailaren 3ko 45/2006 Foru Dekretuaren 11.1.j) artikulua aplikatuz.
Espedienteari erantsitako txostenetan adierazitako eragimen arrazoiengatik, gomendagarria da eskumen hori maila baxuagoko beste organo bati esleitzea. Osasunbidea-Nafarroako Osasun Zerbitzuaren Estatutuak onetsi zituen uztailaren 3ko 45/2006 Foru Dekretuaren 15.1 artikuluak xedatzen du zuzendari kudeatzaileak bere eskudantziak besteen esku uzten ahalko dituela, Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritakoarekin bat. Nafarroako Foru Komunitateko Administrazioari buruzko abenduaren 3ko 15/2004 Foru Legearen 36. artikuluak xedatzen duenez, organoen berezko eskumenak maila bereko edo baxuagoko beste organo batzuen esku uzten ahalko dira, organo horiek mendetasun-lotura hierarkikorik ez izan arren. Prozedurari dagokionez, agindu horretan adierazita dago, eta eskuordetza egiten duen organoak onetsi behar du eta Nafarroako Aldizkari Ofizialean argitaratu.
Halaber, Nafarroako Foru Komunitateko Administrazioari buruzko abenduaren 3ko 15/2004 Foru Legearen 36.6 artikuluan xedaturikoarekin bat, eskuordetza baten bidez ematen diren administrazio ebazpen eta egintzetan inguruabar hori azaldu behar da berariaz eta, ondorio guztietarako, eskuordetza egin duen organoak eman balitu bezala hartuko dira.
Antolaketa eta Administrazioko zuzendariaren txostena eta Osasunbidea-Nafarroako Osasun Zerbitzuaren Araubide Juridikoaren Zerbitzuko buruaren txostena ikusirik.
Uztailaren 3ko 45/2006 Foru Dekretuan emandako ahalmenak erabiliz,
EBATZI DUT:
1. Osasunbidea-Nafarroako Osasun Zerbitzuko Adimen Osasunerako Zuzendaritzako Kudeaketa Zerbitzuko buruari esleitzea, kontratazio administratiboari buruzko foru araudian ezarritako diru-kopurua ez gainditzeagatik, tramitazioan faktura aurkeztea besterik eskatzen ez duten administrazio kontratuak esleitzeko eskumena eta 75.000 eurotik gorakoak ez diren esparru-akordioak esleitzekoa.
2. Ebazpen hau Nafarroako Aldizkari Ofizialean argitaratzea.
3. Ebazpen hau jakinaraztea Osasunbidea-Nafarroako Osasun Zerbitzuko Adimen Osasunerako Zuzendaritzako Kudeaketa Zerbitzuko buruari, Ogasun Departamentuak Osasunekoan duen kontu-hartzaile delegatuari, Administrazio eta Antolaketa Zuzendaritzari eta Osasunbidea-Nafarroako Osasun Zerbitzuko Araubide Juridikoaren Zerbitzuari eta Osasun Departamentuko Idazkaritza Tekniko Nagusiari.
Iruñean, 2010eko abenduaren 23an.-Osasunbidea-Nafarroako Osasun Zerbitzuko zuzendari kudeatzailea, José Carlos Garde Celigueta.
Iragarkiaren kodea: F1100208