2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BAZTAN
Jabari publikoko ondasunen kalifikazio juridikoaren aldaketa
Baztango Batzar Nagusiak 2010eko uztailaren 1ean egin bilkura arruntean xedapen zatian hau dioen erabakia hartu zen, bertzeak bertze:
-Jabari publikoko ondasunen kalifikazio juridikoaren aldaketaren espedientea irekitzea, Iruritan 69. poligonoko 441 eta 15. lurzatiak bereizten dituen bideari dagokionez, intereseko trukaketa egiteko (Norberto Iturralde Azcarraga eta bertze batzuk), Gontxea etxeko sarbidea hobetu beharrez, horretarako egindako dokumentazio teknikoaren zehaztasunari jarraikiz, espedientean baitago.
-Hasiera batean aldatzea jabari publikoko ondasun horren kalifikazio juridikoa eta ondareko ondasun bilakatzea. Ondasun hori dokumentazio teknikoan agertzen da.
-Udaleko iragarki oholean edukitzea hilabeteko epean eta Nafarroako Aldizkari Ofizialean argitaratzea, bidezko juzgatzen diren alegazioak aurkez daitezen
-Jendaurreko epean inork ez badu alegazio edo erreklamaziorik aurkezten, behin betikoz onetsitzat joko da ondasun horren kalifikazio juridikoaren aldaketa, baita ondareko ondasun bilakatzea ere.
Baztanen, 2010eko irailaren 21ean.-Alkatea, Virginia Alemán Arrastio.
Iragarkiaren kodea: L1101027
