1. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
808/2011 FORU AGINDUA, abenduaren 23koa, Lehendakaritzako, Administrazio Publikoetako eta Barneko kontseilariak emana, Nafarroako Foru Komunitateko Administrazioaren eta haren erakunde autonomoen zerbitzuko langileen 2012ko lan egutegia onesten duena.
Arriskuen Prebentziorako eta Lanaren zuzendari nagusiak, ekainaren 24ko 699/2011 Ebazpenaren bitartez, Nafarroako Foru Komunitatean 2012ko jaiegun ordainduak, errekuperatu ezinezkoak, zein izanen diren erabaki ondoren, bidezkoa da Foru Komunitateko Administrazioaren eta haren erakunde autonomoen zerbitzuko langileen 2012ko aste barreneko jaien egutegia eta haien lanaldiaren urteko lanordu kopuruaren banaketa onestea, abenduaren 27ko 624/1999 Foru Dekretuak ezarritako urteko lanordu kopuruaren arabera.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
AGINDU DUT:
1.-Jaiegunak zehaztea.
1. Nafarroako Foru Komunitateko Administrazioaren eta haren erakunde autonomoen zerbitzuko langileek aste barreneko jaiegun hauek izanen dituzte 2012an:
Urtarrilaren 6a: Jaunaren Agerkundea.
Martxoaren 19a: San Jose.
Apirilaren 5a: Ostegun Santua.
Apirilaren 6a: Ostiral Santua.
Apirilaren 9a: Pazko Astelehena.
Maiatzaren 1a: Langileen Eguna.
Uztailaren 6a: San Fermin bezpera. 12:00etatik aurrera jai izanen dute Iruñean lan egiten dutenek.
Uztailaren 7a, 9a eta 10a: sanferminak. Jai izanen dute Iruñean lan egiten dutenek.
Abuztuaren 15a: Abuztuko Andre Maria.
Urriaren 12a: Espainiako Festa Nazionala.
Azaroaren 1a: Domu Santu.
Azaroaren 29a: San Saturnino. Jai izanen dute Iruñean lan egiten dutenek.
Abenduaren 3a: San Frantzisko Xabierkoa, Nafarroaren Eguna.
Abenduaren 6a: Konstituzioaren eguna.
Abenduaren 8a: Ama Birjina Sortzez Garbia.
Abenduaren 25a: Eguberri Eguna.
2. Iruñean lan egiten ez dutenek jai izanen dute, lan egiten duteneko herriko festak direla-eta, horiek hasten diren eguneko 12:00etatik aurrera, eta hurrengo lau egunak, betiere festak lehenago amaitzen ez badira. Halaber, jaiegun izanen da Nafarroako herrietako festen 2012ko Ebazpenean adierazten den tokiko festaren eguna, betiere egun hori ez badator bat herriko festak direla-eta egonen diren jaiegunekin.
2.-Urteko lanorduen banaketa.
Nafarroako Foru Komunitateko Administrazioan eta haren erakunde autonomoetan urteko lanorduen kopurua 1.592koa izanen da eta honela banatuko da:
1. Astelehenetik ostiralera bitarteko eguneroko lanaldia, orokorrean, 7 ordu eta 20 minutukoa izanen da. Nahitaez aritu beharko da 8:00etatik 15:00ak arte; gainerako 20 minutuak egiteko langileek malgutasuna izanen dute, 7:40tik 8:00ak arte eta 15:00etatik 15:20 arte.
2. Artikulu honetan ezarritako urteko lanorduen banaketa doitzeko, foru agindu honen 2. idatz-zatiko 1. lerroaldean aipatutako lanaldia duten langileek murrizketa hauek izanen dituzte, Iruñean arituz gero:
a) Uztailaren 11, 12a eta 13a: sanferminak. Ordutegi finkoa: 09:00etatik 14:00ak arte.
b) Abenduaren 24a eta 31: bi ordu lanaldi bukaeran.
3. Artikulu honetan ezarritako urteko lanorduen banaketa doitzeko, foru agindu honen 2. idatz-zatiko 1. lerroaldean aipatutako lanaldia duten langileek murrizketa hauek izanen dituzte, Iruñean ari ez badira:
a) 24 ordu eta 40 minutu, norberaren herriko festetan, kasu bakoitzaren arabera banatzekoak. Murrizketa honek Iruñean diharduten langileei dagokienak bezainbat ordu egiten du.
b) 7 ordu eta 20 minutu, baldin eta tokiko festatzat jo den eguna bat badator herriko jaiak direla-eta jaitzat jo diren egunekin, kasu bakoitzaren arabera hartzekoak. Murrizketa honek Iruñean diharduten langileei dagokienak bezainbat ordu egiten du.
c) Bi ordu lanaldi bukaeran, abenduaren 24an eta 31n.
4. Aurreko idatz-zatietan ezarritako lanaldi banaketa ez zaie aplikatuko, zerbitzuko beharrak direla-eta, lanaldi berezia edo ordu konpentsazioren bat (lana txandaka, gauez, etab.) dutenei, ez eta ikastetxeei eta osasun zentroei atxikita daudenei ere, horiek lan egutegi berezia izanen baitute.
Urteko lanorduen kopurua banatzeko orokorrean ezarritakoa ez bezalako erregimena dagoen kasuetan, lan egutegi berezi horrek, betiere lanaldiaren urteko kopurua errespetatuz, indarrean dagoen erregimenari eutsiko dio, bai eguneko lanaldiaren edo txanden iraupenari dagokionez bai urteko lanorduak asteko egunetan banatzeko kasu bakoitzean erabiltzen den moduari dagokionez; horrek guztiak ez du galarazten beste ordutegi batzuk edo urteko lanorduak banatzeko bestelako erregimenak ezartzeko aukera, zerbitzuaren beharrek hala aholkatzen dutenean, dagokion mahai orokorrean edo sektorialean negoziatu ondoren.
5. Zerbitzuaren beharrak direla-eta hala komeni denean, Lehendakaritzako, Administrazio Publikoetako eta Barneko Departamentuak, horretan interesa duen departamentuak proposaturik, zenbait kasu edo administrazio unitatetan artikulu honetako lan ordutegia ez-bezalakoa izatea baimen dezake, goiko atalean aipatutako mahai orokorrarekin edo sektorialekin negoziatu ondoren eta, betiere, ezarritako urteko lanordu kopurua errespetatzen bada.
3.-Jaiegunak eta urteko lanaldiaren banaketa, Nafarroako Justizia Administrazioaren zerbitzuko kidegoetako langileentzat.
1. Nafarroako Justizia Administrazioaren zerbitzuko kidegoetako langileen kasuan, eta justiziaren zerbitzu publikoa eman beharraren ondoriozko eskakizunak betez, jaiegunak dira 1. idatz-zatiko 1. lerroaldean adierazitakoak, uztailaren 9a eta 10a izan ezik, edo herri bakoitzari, bertako festak direla-eta, dagozkionak, Iruñean ari ez diren langileentzat. Betiere, horien ordez abenduaren 24a eta 31 hartuko dituzte.
2. Nafarroako Justizia Administrazioaren zerbitzuko kidegoetako langileei ez zaie 2. idatz-zatiko 2. eta 3. lerroaldeetan xedatutakoa aplikatuko. Horren ordez, justiziaren zerbitzu publikoa behar bezala eman beharraren ondorioz, murrizketa hauek izanen dituzte:
a) Iruñean lan egiten duten langileei:
-Uztailaren 9a, 10a, 11, 12a eta 13a: sanferminak. 09:00etatik 14:00ak arteko ordutegia. Gainera, adierazitako ordutegia baino 40 minutu gehiago lan egin beharko du langile bakoitzak herriko festetan, urteko lanaldia betetzearren. Aurrekoa gorabehera, idazkari judizialak edo bulego nahiz zerbitzu bakoitzeko arduradunak ordutegi hori egokitzen ahalko du, Botere Judizialari buruzko Lege Organikoaren 188. artikuluko eta Prozedura Zibilaren Legearen 135.1 artikuluko aurreikuspenak betetzearren, guardiako zerbitzuei dagozkien ordutegiak eta zerbitzuaren beharren eskakizunak ukatu gabe.
b) Nafarroako beste herrietan lan egiten duten langileei:
-14 ordu, noberaren herriko festetan, kasu bakoitzaren arabera banatzekoak. Murrizketa honek Iruñean diharduten langileei dagokienak bezainbat ordu egiten du.
-7 ordu eta 20 minutu, baldin eta tokiko festatzat jo den eguna bat badator herriko jaiak direla-eta jaitzat jo diren egunekin, kasu bakoitzaren arabera hartzekoak. Murrizketa honek Iruñean diharduten langileei dagokienak bezainbat ordu egiten du.
3. Justizia Administrazioaren zerbitzuko kidegoetako langileei, 2012ko urtarrilaren 1etik aurrera, Lehendakaritza, Justizia eta Barneko kontseilariaren martxoaren 10eko 257/2011 Foru Agindua aplikatuko zaie: alegia, Nafarroako Foru Komunitateko Administrazioaren eta haren erakunde autonomoen zerbitzuko langileen lan ordutegia apurka malgutzeko neurriak ezartzeko jarraibideak onesten dituena.
4. Estatuan aplikatzen den araudiak gobernatuko du guardiako zerbitzua; betiere, zerbitzu horretan emandako lanorduak urteko lanorduen ohiko ordu kopuruan sartuko dira.
4.-Foru agindu hau Nafarroako Aldizkari Ofizialean argitaratzea, behar diren ondorioak izan ditzan.
Iruñean, 2011ko abenduaren 23an.-Lehendakaritzako, Administrazio Publikoetako eta Barneko kontseilaria, Roberto Jiménez Alli.
Iragarkiaren kodea: F1120805
