2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
GARINOAIN
2012ko ekitaldiko zerga-tasak, tasak, prezio publikoak
eta kanonak. Onespena
Garinoaingo Udalak, 2011ko azaroaren 17an egin osoko bilkuran, onetsi zituen ondoko zerga-tasak, tasak, prezio publikoak eta kanonak, 2012rako. Halaber, erabaki zuen indarra hartuko dutela Nafarroako Aldizkari Ofizialean honako erabaki hau argitaratzen denetik aitzina.
Zergak.
-Hirilurreko ondasunen gaineko kontribuzioa: %0,204.
-Landalurreko ondasunen gaineko kontribuzioa: %0,8.
-TMIZ (Zirkulazioaren gaineko zerga). Nafarroako Aurrekontu Orokorrei buruzko Foru Legearen arabera.
-Jarduera ekonomikoen gaineko zerga: %1,34.
-Eraikuntza, instalazio eta obren gaineko zerga: %4.
-Hirilurren balio igoeraren edo gainbalioaren gaineko zerga: %15. Zerga honen tarteen araberako aplikazioa, azken eskualdaketaren arabera:
- 5 urte bitarte: %3.
- 10 urte bitarte: %2,8.
- 15 urte bitarte: %2,7.
- 20 urte bitarte: %2,7.
Tasak, prezio publikoak eta kanonak.
-Jarduera sailkatuak: 2,1 euro/m².
-Lurzatien birzatiketa eta banantzea: 1,2 euro/m².
-Obra lizentziaren tasa: Lur mugimenduak: 6 euro/m³.
-Ehorzteko tasa: 200 euro.
-Etxeko laguntza egiteko prezio publikoak:
- 6,30 euro, janaria.
- 18,68 euro orduko, etxeko laguntza.
-Herrilurretako lurzatiak: nekazariek jaso beharreko indizeak aplikatuko dira, Nafarroako Gobernuak finkatuak; erreferentzia baldintza-agirian zehaztuko da.
-Larreen aprobetxamendua. Mota honetarako Nafarroako Gobernuak finkaturiko indizeak aplikatuko dira, halakorik bada; ez bada, KPIra joko da.
Erabaki honetan aurreikusi gabeko zerga-tasa eta zergapetze motetarako, horiek Garinoainen arautzen dituzten ordenantzei jarraituko zaie.
Argitara ematen da, orok jakin dezan.
Garinoainen, 2011ko azaroaren 22an.-Alkate udalburua, Xabier Barrena Mendióroz.
Iragarkiaren kodea: L1119060