1. NAFARROAKO FORU KOMUNITATEA
1.1. XEDAPEN OROKORRAK
1.1.1. Foru legeak eta legegintzako foru dekretuak
17/2011 FORU LEGEA, azaroaren 14koa, alderdi politikoei 1.390.291,72 euroko kreditu berezia ematekoa, Nafarroako Parlamenturako 2011ko hauteskundeetako gastuak finantzatzeko diru-laguntza gisa.
NAFARROAKO GOBERNUKO LEHENDAKARIA NAIZEN HONEK.
Aditzera ematen dut Nafarroako Parlamentuak onetsi duela honako.
FORU LEGEA, ALDERDI POLITIKOEI 1.390.291,72 EUROKO KREDITU BEREZIA EMATEKOA, NAFARROAKO PARLAMENTURAKO 2011KO HAUTESKUNDEETAKO GASTUAK FINANTZATZEKO DIRU-LAGUNTZA GISA.
Nafarroako Parlamentuko hauteskundeak arautzen dituen azaroaren 17ko 16/1986 Foru Legeak 44. artikuluan ezarri duenaren arabera, Nafarroako Foru Komunitateak diru-laguntzak emanen dizkie alderdi politiko, federazio, koalizio eta hautesle-elkarteei, hauteskundeetako gastuak finantzatzeko.
Foru lege beraren 48. artikuluak xedatutakoaren arabera, Nafarroako Gobernuak, Comptos Ganberak hauteskundeetako kontabilitateei buruzko txostena igorri eta ondoko hilabetean, foru lege baten proiektua aurkeztuko dio Nafarroako Parlamentuari, esleitu beharreko diru-laguntzen zenbatekoa adinako kreditu berezia emateko; diru-laguntza horiek Parlamentuak proiektua onetsi eta ondoko hogeita hamar eguneko epean ordaindu beharko dira.
Foru lege honen xedea da indarra duen hauteskunde araudian ezarritako agindua betetzea, 2011ko maiatzaren 22an Nafarroako Parlamenturako egindako hauteskundeek sortutako gastuak finantzatzen laguntzeko.
1. artikulua. 1.390.291,72 euroko kreditu berezia ematea onetsi da, alderdi politiko, federazio, koalizio edo hautesle-elkarteentzako diru-laguntza gisa, 2011ko maiatzaren 22an Nafarroako Parlamenturako egindako hauteskundeen gastuak finantzatzeko. Aipatu kredituaren zenbatekoa 2011ko Nafarroako Aurrekontu Orokorretako "Alderdi politikoentzako diru-laguntzak" izeneko 010001-00001-4819-912100 kontu-sailari aplikatuko zaio.
2. artikulua. Kreditu berezi hori finantzatuko da 2011ko Nafarroako Aurrekontu Orokorretako "Estaturako ekarpena" izeneko 16100 160000 4000 941100 kontu-sailaren diru-sarrera handiagoen kontura.
Azken xedapena.-Foru lege honek Nafarroako Aldizkari Ofizialean argitaratu eta biharamunean hartuko du indarra.
Nik, Nafarroako Foru Eraentza Berrezarri eta Hobetzeari buruzko Lege Organikoaren 22. artikuluan xedatutakoa bete dadin, foru lege hau B.M. Erregearen izenean aldarrikatzen dut, Nafarroako Aldizkari Ofizialean berehala argitara eta "Estatuko Aldizkari Ofizialera" igor dadila agintzen dut eta herritar eta agintariei bete eta betearaz dezatela manatzen diet.
Iruñean, 2011ko azaroaren 14an.-Nafarroako Gobernuko lehendakaria, Yolanda Barcina Angulo.
Iragarkiaren kodea: F1118813