2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
Alkateordearen izendapena
Barañaingo Udaleko alkate udalburuak, 2011ko azaroaren 2an, ondotik osorik argitaratzen den ebazpena eman zuen:
Barañaingo Udaleko alkatearen azaroaren 2ko 1192/2011 Ebazpena, Fátima Sesma Vallés Barañaingo Udaleko seigarren alkateorde izendatzen duena.
José Antonio Mendive Rodríguez Barañaingo Udaleko alkate udalburuak,
Ikusirik Toki Araubidearen Oinarriak arautzen dituen apirilaren 2ko 7/1985 Legearen 23. artikuluko zehaztapenek eta Toki Entitateen Antolaketaren eta Funtzionamenduaren gaineko Erregelamendua onesten duen azaroaren 28ko 2568/1986 Errege Dekretuaren 46.1 artikuluko zehaztapenek xedatzen dutela alkateordeek ordezkatuko dutela alkatea, betiere haien izendapenaren ordenaren araberako lehentasunez, eta alkateak askatasun osoz izendatu eta kenduko dituela alkateordeak, Tokiko Gobernu Batzarreko kideen artean aukeratuz.
Kontuan hartuta, Antolaketaren eta Funtzionamenduaren gaineko Erregelamenduaren 46.1 artikuluaren amaieraren arabera, alkateordeak izendatu eta kargutik kenduko direla alkatearen ebazpenaren bidez, Osoko Bilkurari horren berri emanda, lehen saioan eman ere; gainera, izendatuei banan-banan jakinarazi behar zaie eta Nafarroako Aldizkari Ofizialean argitaratu. Erregelamendu horren 52.4 artikuluak, Tokiko Gobernu Batzarreko kideen izendapena dela-eta, formalitate horiek egiteko agindu du,
Ikusirik Alkatetzaren ekainaren 27ko 1191/2011 ebazpena, zeinek Fátima Sesma Vallés Barañaingo Udaleko Tokiko Gobernu Batzarreko kide izanendatzen baitu.
Ikusirik azaldu diren zehaztapenak eta Alkatetza honi legez ematen zaizkion eskumenak erabiliz,
EBATZI DUT:
Lehena.-Fátima Sesma Vallés Barañaingo Udaleko seigarren alkateorde izendatzea, eta beren horretan mantentzea irailaren 1eko 933/2011 ebazpenaren bidez eginiko izendapenak, gainerako alkateordeei dagokienez; hortaz honelaxe gelditu da:
-María Lecumberri Bonilla, lehen alkateordea.
-Purificación Ciriza Echarri, bigarren alkateordea.
-Jose Luis Ruiz Martínez, hirugarren alkateordea.
-Pablo Gómez Villuendas, laugarren alkateordea.
-Pablo Juan Arcelus Cavallero, bosgarren alkateordea.
-Fátima Sesma Vallés, seigarren alkateordea.
Bigarrena.-Izendatuei jakinaraztea ezen, alkatea ordezkatu behar denean, kanpoan edo gaixo dagoelako, haren eginkizunak hartzen dituen alkateordeak ezin izanen dituela baliogabetu alkatetza honek Toki Entitatearen Antolamenduaren eta Funtzionamenduaren gaineko Erregelamenduaren 43. artikuluari jarraikiz emandako eskuordetzak.
Hirugarrena.-Antolamenduaren eta Funtzionamenduaren gaineko Erregelamenduko 46.1 artikuluari jarraikiz, ebazpen hau Nafarroako Aldizkari Ofizialean argitaratzea eta izendatuari jakinaraztea. Izendapen honek ebazpen honen datatik aitzina hartuko du indarra.
Laugarrena.-Osoko Bilkurari ebazpen honen berri emanen zaio organo kolegiatu horren hurrengo bilkuran.
Argitara ematen da, behar diren ondorioak izan ditzan.
Barañainen, 2011ko azaroaren 2an.-Alkate udalburua, José Antonio Mendive Rodríguez.
Iragarkiaren kodea: L1117868
