1. NAFARROAKO FORU KOMUNITATEA
1.7. BESTELAKOAK
967/2011 EBAZPENA, urriaren 7koa, Nekazaritza eta Abeltzaintzako zuzendari nagusiak emana, Juan Antonio Munilla Salaverri jaunari barazkien plantelen ekoizle-baimena kentzen diona.
Ikusirik Juan Antonio Munilla Salaverri jaunak 2011ko irailaren 27an aurkeztutako idazkia, non Landare Ekoizpenaren Bulegoari jakinarazten baitio landare materialak produzitu eta merkaturatzeko jarduera utzi duela, eta erregistrotik kentzeko eskatzen.
Haztegiko Hazi eta Landareei eta Baliabide Fitogenetikoei buruzko uztailaren 26ko 30/2006 Legearen arabera, mintegiko hazi eta landareen ekoizleei baimena ematea, ekoizlearen egoitza non dagoen, autonomia erkidego horri dagokio.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskumenak erabiliz,
EBATZI DUT:
1. Juan Antonio Munilla Salaverri jaunari (IFK: 29.145.686V) barazkien plantelen ekoizle gisa duen baimena kentzea (ES15310316 zenbakia du erregistroan) eta Mintegiko Hazien eta Landareen Ekoizleen Erregistroan baja ematea.
2. Ebazpen hau entitate interesdunari eta Ingurumeneko eta Landa eta Itsas Inguruneko Ministerioko Nekazaritzako eta Abeltzaintzako Baliabideen Zuzendaritza Nagusiari jakinaraztea, eta Nafarroako Aldizkari Ofizialean argitaratzea.
3. Ebazpen honen aurka gora jotzeko errekurtsoa aurkez daiteke, Nafarroako Gobernuko Landa Garapen, Industria, Enplegu eta Ingurumeneko kontseilariari zuzendua, jakinarazpen egunaren biharamunetik hasi eta hilabeteko epean.
Administrazio publikoek zilegi dute ebazpen honen kontra administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, jakinarazi eta bi hilabeteko epean. Horrek ez du galarazten aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
Iruñean, 2011ko urriaren 7an.-Nekazaritza eta Abeltzaintzako zuzendari nagusia, Ignacio Guembe Cervera.
Iragarkiaren kodea: F1116738
