1. NAFARROAKO FORU KOMUNITATEA
1.7. BESTELAKOAK
688/2010 EBAZPENA, azaroaren 22koa, Ikuskapenaren eta Zerbitzuen zuzendari nagusiak emana, Antsoaingo Udalaren Musika Eskola ireki eta jarduteko baimena ematen duena; eskola honela deituko da: "Antsoaingo Musika Eskola".
Ikusirik Antsoaingo Udaleko alkate udalburu Antonio Gila Gila jaunaren eskaera dela-eta instruitutako espedientea, Antsoaingo Udalaren Musika Eskola ireki eta jarduteko baimena emateko; eskola honela deituko da: "Antsoaingo Musika Eskola".
Ikusirik Hezkuntzako Ikuskapen Zerbitzuak eta Obren eta Mantentze-Lanen Zerbitzuak aldeko txostenak eman dituztela.
Kontuan harturik Nafarroako Foru Komunitateko musika eta dantza eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuaren 22. artikuluak xedatutakoa.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Antsoaingo Udalaren Musika Eskola ireki eta jarduteko baimena ematea; eskola honela deituko da: "Antsoaingo Musika Eskola". Baimenak 2010-2011 ikasturtearen hasieratik izanen ditu ondorioak.
2. Hezkuntza Departamentuko Musika eta Dantza Eskolen erregistro berariazkoan ikastetxearen datu hauek inskribatuko dira:
Ikastetxearen kodea: 31013793.
Izena/k: Antsoaingo Musika Eskola.
Helbidea: Mendikale kalea, 6-8 behea.
Herria: Antsoain.
Udalerria: Antsoain.
Titularra: Antsoaingo Udala.
Baimendu diren ikasketak: Hezkuntzari buruzko Lege Organikoaren 48.3 artikuluan ezarritakoak, honako ikasgai hauekin:
a) Oinarrizko eskaintza, abenduaren 21eko 421/1992 Foru Dekretuaren 9. artikuluko 1. ataleko a), b) eta c) letretan ezarritako antolamenduari jarraikiz:
-Instrumentu-praktika: klarinetea, zeharkako flauta, gitarra, perkusioa, pianoa, saxofoia, tronboia eta tronpeta.
-Instrumentu-praktikaren musika prestakuntza osagarria: Musika Hizkuntza.
-Ahots eta instrumentu jarduerak taldean: gitarra taldea, banda eta bi koru (helduentzako bat eta haurrentzako beste bat).
b) Oinarrizko eskaintzan ez dauden beste ikasgai batzuk (9.2 artikulua): Musika Hastapenak.
3. Ebazpen honen 2. atalean ezarritako erregistro datuak eta instalazioak aldatzeko, Hezkuntza Departamentuaren baimena beharko da, 421/1992 Foru Dekretuaren 29. artikuluan araututakoari jarraikiz.
4. Foru dekretu horren 31. artikuluan aipatutako kasuetan, eskolaren baimena baliorik gabe uzten ahalko da.
5. Ohartarazten da ezen, 421/1992 Foru Dekretuaren 20. artikuluarekin bat, eskolaren titularra den entitateak ordainduko dituela haren gastuak.
6. Administrazioaren ebazpen honen kontra administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aurretik errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
7. Ebazpen hau Nafarroako Aldizkari Ofizialean argitaratuko da.
8. Ebazpen hau igortzea Antsoaingo Udaleko alkate-udalburuari, Hezkuntzako Ikuskapen Zerbitzuari, Ikastetxeen eta Ikasketetarako Laguntzen Zerbitzuari, Arte Ikasketen Atalari, Informazioaren eta Komunikazioaren Teknologien Atalari, Araubide Administratiboaren Atalari, Ikastetxeen eta haien Finantzaketaren Atalari eta Informazioa Kudeatzeko Bulegoari.
Iruñean, 2010eko azaroaren 22an.-Ikuskapenaren eta Zerbitzuen zuzendari nagusia, Francisco Javier Esparza Sánchez.
Iragarkiaren kodea: F1019594
