4. PROZEDURA JUDIZIALAK
IRUÑEKO LAN ARLOKO 1. EPAITEGIA
Jakinarazpen ediktua. 646/2009 demanda
Rosa María Valencia Ederra andreak, Iruñeko Lan arloko 1. Epaitegiko idazkari judizialak,
Aditzera ematen dut: María Inés del Rey Calvok eskaturik, Gizarte Segurantzako Institutu Nazionalaren, Gizarte Segurantzaren Diruzaintza Orokorraren, Activa Intersec Españaren, Fremap mutualitatearen, Osasunbidea-Nafarroako Osasun Zerbitzuaren eta Nafarroako Lan Osasunaren Institutuaren aurka, laneko istripuetarako gizarte segurantza dela-eta, lan arloko epaitegi honetan bideratzen ari den 646/2009 prozeduraren barnean, epaitzan hauxe dioen epaia eman da gaurko egunean:
Baiesten dut María Inés del Rey Calvok Gizarte Segurantzako Institutu Nazionalaren, Gizarte Segurantzaren Diruzaintza Orokorraren, Fremap mutualitatearen (Gizarte Segurantzako lan istripu eta lanbide gaixotasunen 61. mutualitatea), Activa Intersec España, S.L. enpresaren, Osasunbidea-Nafarroako Osasun Zerbitzuaren eta Nafarroako Lan Osasunaren Institutuaren aurka jarritako demanda eta, horrenbestez, deklaratzen dut langileak lan istripu baten ondorioz jasan zituela aldi baterako ezintasun prozesuak 2008ko ekainaren 17tik 2008ko ekainaren 26ra bitartean, 2008ko irailaren 8tik 2008ko urriaren 2ra bitartean eta 2008ko urriaren 7tik 2010eko otsailaren 8ra bitartean; deklaratzen dut langileak eskubidea duela lan istripuaren ondoriozko aldi baterako ezintasuneko prestazioa jasotzeko prozesu horiengatik, hilean 1.994,10 euroko oinarri arautzailea aplikatuta; deklaratzen dut enpresak zuzenean erantzun behar duela berak kotizatu zueneko oinarriaren (1.502,42 euro) eta langileari dagokion 1.994,10 euroko oinarriaren arteko diferentziagatik (491,88 euro hilean); alderdiak deklarazio horri men egitera kondenatzen ditut; Fremap mutualitatea kondenatzen dut lan istripuaren ondoriozko aldi baterako ezintasuneko prestazioa ordaintzera, hilean 1.502,42 euro zuzenean eta hilean 491,88 euro aurrerakin moduan, ezertan eragotzi gabe berreskaera-eskubidea erabili ahal izatea enpresaren aurka; eta enpresak kaudimenik ez balu ere, Gizarte Segurantzako Institutu Nazionala eta Gizarte Segurantzaren Diruzaintza Orokorra erantzule subsidiarioak direla deklaratzen dut.
Epai honen aurka bidezko da erregutze-errekurtsoa aurkeztea Nafarroako Justizia Auzitegi Nagusiko Lan arloko Salari zuzendua, jakinarazpena egin eta ondoko bost egunetan. Horretarako, aski izanen da jakinarazpena egiten denean alderdiak, haren abokatuak, lan harremanetako gradudun elkargokideak edo ordezkariak asmo horren berri ematea, baina zilegi da, orobat, adierazitako epean pertsona horiek epaitegi honetan agertzea edo idazkia aurkeztea.
Errekurtsoa iragartzearekin batera, epaitegi honek Baneston (Nafarroako Gorteak kalea, 5, Iruña) duen Gordailu eta Kontsignazioen Kontuan, hots, 0030 1846 42 0005001274 kontuan (3158 0000 65 0646 09 prozedura), 150,00 euro sartu izanaren gordekina aurkeztuko da, eta horrez gainera, aparteko eragiketa batean, baina banku eta kontu berean, kondenaren xede den dirua sartu izanarena (3158 0000 69 0646 09 zenbakia aipatuz).
Diru kopuru horren ordez banku-abala aurkez daiteke, abal-emailearen erantzukizun solidarioa jaso beharko duena.
Beraz, epai honen bidez, behin betiko epaituz, hori erabaki, agindu eta sinatzen dut.
Eta Activa Intersec España enpresari legezko jakinarazpena egiteko balio izan dezan, non den jakiterik ez baitago, honako hau egiten dut Nafarroako Aldizkari Ofizialean argitara dadin.
Iruñean, 2010eko abenduaren 16an.-Idazkari judiziala, Rosa María Valencia Ederra.
Iragarkiaren kodea: J1020910
