Iragarkia

150. ALDIZKARIA - 2011ko uztailaren 29a

1. NAFARROAKO FORU KOMUNITATEA

1.7. BESTELAKOAK

252/2011 EBAZPENA, ekainaren 30ekoa, Garraioetako zuzendari nagusiak emana, errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiria lortzeko probak gainditu dituzten pertsonen zerrenda onesten duena. Probak 2011ko ekainaren 24an egin ziren.

Garraioetako zuzendari nagusiaren abenduaren 23ko 485/2010 Ebazpenaren bidez, deialdia onetsi zen errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiria lortzeko.

Probak eginik, izendatutako epaimahaiak azterketa gainditu duten izangaien zerrenda aurkeztu du, onets dadin. Orain, errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiriak eta kualifikazio txartelak prestatu eta luzatzeko agindua eman behar da.

Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Errepideko garraiorako ibilgailu zenbaiten gidarien hasierako kualifikazioa egiaztatzen duen lanbide gaitasunaren agiria lortzeko probak gainditu dituzten izangaien zerrenda onestea. Ebazpen honen eranskinean ageri da. Probak 2011ko ekainaren 24an egin ziren.

2. Garraioen Antolamendu eta Kudeaketaren Zerbitzuari agintzea errepideko garraiorako ibilgailu zenbaiten gidarien lanbide gaitasunaren agiriak prestatu eta behar diren kualifikazio txartelak luzatu ditzala.

3. Adieraztea ebazpen honen aurka gora jotzeko errekurtsoa jartzen ahal dela, Nafarroako Gobernuko Herri Lan, Garraio eta Komunikazioetako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

4. Ebazpen hau Garraioen Antolamendu eta Kudeaketaren Zerbitzuari jakinaraztea eta Nafarroako Aldizkari Ofizialean argitaratzea, behar diren ondorioak izan ditzan.

Iruñean, 2011ko ekainaren 30ean.-Garraioetako zuzendari nagusia, Susana Labiano Bastero.

ERANSKINA

Gidarien lanbide gaitasunaren agiria lortzeko, 11-06-24an egindako azterketa gainditu dutenen zerrenda

Iragarkiaren kodea: F1111873