Iragarkia

128. ALDIZKARIA - 2011ko ekainaren 29a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ORKOIEN

Aldaketa udal planeko S7 sektorean. Behin betiko onespena

2011ko 93. Nafarroako Aldizkari Ofizialean, maiatzaren 16an, argitara eman zen Lurraldearen Antolamenduko eta Etxebizitzako zuzendari nagusiak apirilaren 15ean eman 531/2011 ebazpena, Lurraldearen Antolamenduko eta Etxebizitzako kontseilariak abenduaren 29an emandako 223/2010 Foru Agindua Nafarroako Aldizkari Ofizialean argitara dadila xedatzen duena. Foru agindu horren bidez behin betiko onetsi zen Orkoiengo udal plana San Makario S-7 sektorean aldatzeko espedientea, Irauto, S.L.k sustatua.

Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 81.1 artikuluan xedatutakoa betetzeko, argitara ematen da onetsitako araudia.

Orkoienen, 2011ko maiatzaren 20an.-Alkatea, Casimiro Larrea Ruiz.

ALDAKETA UE-S7 SEKTOREAN

A. Xedea.

1. Udal planean S7 sektorerako (San Makario Iparra) ezarritako hirigintzako antolamendu egituratzailea aldatzea.

S7 sektoreko hirigintzako araudi partikularrean eta udal planeko dokumentazio grafikoan ezarri da hirigintzako antolamendu egituratzaileko determinazio bat dela Comarca I eta AP 30 industrialdeen artean lotura bat egitea bide sare baten bidez.

Lotura hori NA-700 errepidean dagoen eta Orkoiengo hirigunerako zein Comarca I industrialderako sarbidea ematen duen biribilgunean hasten zen. Biribilgune horretatik AP 30 errepidera lotzen zen, azelerazio eta dezelerazio errei batzuen bidez, S7 sektoreko lurrak zeharkatuta.

Horrez gain, planak S7 sektorerako ezarri duen muga aldatu da, memoriaren 2. puntuan azaldu bezala. VIII. eranskinean S-6 Z-12 sektorearen fitxa zuzendua erantsi da. 1. poligonoko 293 B lurzatia (170,49 m²) sektore horretara gehitu da.

2. Udal planak S7 sektorerako ezarritako hirigintza determinazio xehakatuak garatu eta zehaztea, baita kudeaketa modua definitzea ere; horretarako, eraikigarritasunak, lurzatiketak, lerrokadurak, bideak, berdegune publikoak, ekipamenduak eta abar zehaztu beharko dira. Beraz, aldaketa honen bidez asmoa da garapen plangintzako inolako tresnarik behar ez izatea, plangintza exekutatzekoa baizik.

Proposatu den antolamendu orientagarriaren aldean lerrokadurei edo bolumenei dagokienez dauden aldaketa garrantzitsuak xehetasun azterlanaren bidez tramitatuko dira.

Aldaketa garrantzitsutzat joko dira gehieneko lerrokadurak aldatzen dituztenak edo esleituriko garaiera handitzen duten bolumen aldaketak.

B. Azalpena, antolamendua eta justifikazioa.

B.1. Antolamenduaren azalpena.

Antolamenduak herriaren muga modu egokian exekutatu nahi du. Horretarako, Agustinos industrialdetik zein La Muga enpresa parketik hari lotzen zaion inguruneko bilbearen jarraipenean oinarritu da. Horrela, herritik hurbilen dagoen alderdian lurzati txikienak kokatuko dira, eta sektoreko urruneko eremuan, aldiz, lurzati nagusia, handi-handia dena.

Sarbide nagusia eraikiko den biribilgunetik eginen da, horretan NA 700 errepidea Orkoiengo zeharkale bihurtzen dela, gainerako lurzatiak baino handiagoa dena mugatzen duen sektoreko kale nagusia zeharkatuta. Gainera, sektoreko kale nagusia lehendik dagoen bide bilbeari lotuta dago hegoaldeko muturrean.

Berdegune publikoak sektoreko perimetroan daude, lurzatiak sektorea inguratzen duten bideetatik bereizita, sektorea mugatzen duten bide nagusi horien iragazki edo babes gisa.

Ezarritako irizpidea lurzatiak mugatzea da, okupazioa gehieneko ehunekoan zehaztuta araudiaren arabera. Horrela, espazio pribatuak ezarriko dira. Hirigintzako araudi partikularrak eta sektoreko ordenantzek lurzatiketa eta tipologia baldintzak ezarriko dituzte.

B.2. Justifikazioa.

Zirkulazio arazoak konpondu nahiak ekarri du udal plan orokorraren determinazio egituratzaileen aldaketa, funtsean. Izan ere, arazo horiek zirela-eta, S7 sektorea zeharkatzen zuen lotura bidea sortu behar izan zen, baina gaur egun horrek ez du zentzurik. PA 30 errepidean biribilgune itxia sortzeak eremu horren eta NA 700 errepidearen arteko lotura indartzeko aukera ematen du, batez ere edukiera handiko ibilgailuek maniobra hori egitera begira, horrela eragotziko baita ibilgailu horiek herria erdigunetik zeharkatu beharra.

PA30 eta NA 700 errepideen arteko lotura S7 sektoretik eraikitzeko funtsezko arrazoia eta bakarra aukerako bidea moldatzea zen, Orkoienen edukiera handiko ibilgailu asko sartzea eragozteko. Hona hemen zer adierazi den Orkoiengo udal planaren memorian:

"Iparraldeko Ingurabidea.

Eskualdeko hirigintza arauek adierazi bezala, Comarca I industrialdeko bide sarea iparraldeko ingurabidera lotu arte luzatzea proposatu da, zirkulazioa industrialdetik Orkoiengo saihesbide berrirantz bideratzeko asmoz. Horrek zirkulazioaren lotura hobetuko du industrialdeen artean, eta Iruña-Etxauri lehengo errepidetik pasatzen jarraitzen duen zirkulazio horren zati bat murrizten du."

Biribilgune berriaren bidez, arazo hori konponduko da, edukiera handiko ibilgailuak igarotzea eragozten baitu PA 30 errepidera desbideratuz. Gainera, udal planak proposatzen zuen loturak bi arazo zituen: alde batetik, PA 30 errepidea dezelerazio erreiak sortzeko desegokia den espazioari lotzeak dakarren eragina; eta, beste aldetik, S7 sektoreko zelaigunearen eta PA 30 errepidearekiko lotura gunearen artean dagoen malda handia.

B.3. Hirigintza deskribapena.

Lurzoru antolatuaren multzoa udal planak S7 sektorea (San Makario Iparra) deitzen duenaren barnean dago.

Lurzoru urbanizagarri sektorizatuko sektorea da, eta, hirigintza agiri honen bidez, horretan beharrezko zehaztasun maila lortuko da, antolamenduko hirigintza determinazio xehakatuak zehaztuz.

Exekuzio unitate bakarra zehaztu da, hirigintza planeamendua zuzen exekutatzera begira, azalera osoa laga, urbanizatu eta berdinbanatzeko betebeharrak batera betetzen direla bermatzeko asmoz. Exekuzio unitate horren esparrua bat dator sektorearen esparruarekin. Exekuzio unitate bakarra zehaztea erabaki da, sektoreko lurzatien %90etik gorako jabetza portzentajea duen jabe bat dagoelako.

Udal planarekin bat etorrita, lurzoruaren honako zati hauek ezarriko dira:

-Sektorea: Mugarte osoa da. Udal planaren zati bat da.

-Exekuzio unitatea: Ondorio guztietarako, S7 sektoreak exekuzio unitate bakarra du, sektorearen muga berberak dituena. UE-S7 deritzo.

-Tokiko sistema: S7 sektorearen aldaketa egituratzaileko sarbideek eta banaketa bideek osatzen dute. Zati horrek barnean ditu, gainera, eremu libreetako eta parkeetako lurrak.

-Lurzatiak: Barneko eta kanpoko lerrokadurek mugatzen dituzten zatiak dira, alegia, eraikina egiteko hartuko den lurzorua. Antolamendu esparruak dira. Horien bidez ezartzen dira erabilera xehakatuak, aprobetxamenduak, kanpoko lerrokadurak eta lurren araubide publikoak edo/eta pribatuak.

Hona hemen nola identifikatzen diren zati horiek aldaketa egituratzaile honetan:

-Sektorea: S7-San Makario Iparra.

-Exekuzio unitatea: E-S7.

-Bideen tokiko sistema: SLV.

-Eremu libreen eta berdeguneen tokiko sistema: ZV1 eta ZV2.

-Erabilera anitzeko ekipamendu pribatua P6-DP eta P7-DP.

-Lurzatiak: P1-P5.

C. Hirigintzako araubidea. Determinazio egituratzaileak.

C.1. Lurzoruaren sailkapena.

Determinazio egituratzaile hori ez da aldatu.

Udal planak ezarri du S7 sektoreko lurzorua lurzoru urbanizagarri sektorizatu gisa sailkatzen dela.

Agiri hau onetsi ondoren, lurzoru osoa lurzoru urbanizagarri sektorizatu gisa sailkatu da, antolamendu xehakatua izanda.

C.2. Lurzoru urbanizagarriaren kalifikazioa.

Orkoiengo udal planaren S7 sektorearen aldaketa egituratzailearen kalifikazioa dokumentazio grafikoan zehaztu den eta agiri honen 6.3 puntuan deskribatu den zati espazialari lotuta dago.

-Erabilera orokorra: jarduera ekonomikoak. Esparrua sektorea bera da.

• Determinazio egituratzaile hori ez da aldatu.

-Erabilera xehakatuak:

• Hirugarren sektorea/Merkataritza.
• Industria.
• Ekipamenduak.
• Bizitegitarako erabilera.
• Garajea/aparkalekuak.
• Beste erabilera batzuk.

-Lizentziak eskatzeko behar diren exekuzio proiektu teknikoek orube bakoitzaren zatietan ezarri nahi diren erabileren egokitzapena justifikatuko dute.

Agiri honetan ezarritako erabilera xehakatuak ez dira esklusiboak, lehenetsiak baizik, eta mota hauetakoak izan daitezke:

-Erabilera nagusia: Halakoa da agiri honetan lurzati bakoitzerako zehazten dena.

-Erabilera baliokidea: Ondorio guztiekin, erabilera nagusiaren baliokidetzat hartzen dena da.

-Erabilera baimengarria: Agiri honek ezarritako beste erabilera nagusi batzuez gain, eraikinerako bestelako erabilera batzuk proposatu eta zehaztea onartuko da, ondoren agertzen den erabilerei buruzko taularen arabera. Baimengarri gisa aurreikusten den erabilerarako udal baimena beharko da.

-Erabilera debekatua: Agiri honek zein udal planak lurzati bakoitzean onartzen ez dutena.

Erabileren bateragarritasuna ondoko taulan ezarria dago:

(1) Lurzatia "higiezin multzo" gisa konfiguratu da, sotoan, sestran eta hegalean hainbat erabilera barne hartzen dituela.

Sotoan erabilera nagusiak edo baliokideak baimenduko dira. Hegalean ez da inolako erabilerarik baimenduko, eta sestran, ostera, ibilgailuak edo oinezkoak ibiltzeko den erabilera publikoko bidea edo lurzati libre pribatua baino ez dira baimenduko.

Sestran ebakuazio sarbide eta irteera nagusiak, aireztapen baoak eta sestrapean garatu beharreko jarduerarako beharrezkoak diren gainerako instalazioak eraikitzea onartuko da bakarrik.

(2) Ekipamenduak: 10/1994 Foru Legea garatzeko erregelamenduan (15.B art., 85/1995 Foru Dekretua) sektorearen zerbitzura dauden ekipamendutarako erabileratzat jotzen direnak baimenduko dira, hau da, josteta, merkataritza eta administrazio arloetakoak edo beste zerbitzu publiko batzuk. Zehazki, haurtzaindegien, ostalaritzaren, prestakuntzaren, ibilgailuen zerbitzuguneen, fabrikazio prozesuak edo antzekoak zientziaren aldetik hedatzeko jardueren, eta administrazioaren bulegoen ekipamendutarako erabilerak baimenduko dira.

Erabilera nagusiaren zerbitzura dauden garajearen/aparkalekuen erabilera baimenduko da.

(3) Beste erabilera batzuk baimenduko dira, jarduera nagusiaren (jarduera ekonomikoak) osagarriak izateagatik, eta erabilera nagusiarekin bateragarriak direla justifikatu beharko da. Adibidez: hotelak/ostalaritza, bulegoak, kudeaketa zerbitzuak, haurtzaindegiak, kirol arlokoak, erakusketa eta salmenta... Ostalaritzarako erabilera aprobetxamenduaren %10ekoa izanen da, gehienez.

(4) Zaindariarentzat 120 m²-ko gehieneko azalera duen etxebizitza baimenduko da, 15.000 m²-tik gorako azalera duten lurzatietan edo lurzatien zatietan, haren beharra justifikatzen bada. Eraikin nagusia osatu, edo eraikin bereizi gisa agertzen ahalko da, baina, nolanahi ere, aplikatu beharreko Nafarroako Gobernuaren bizigarritasun legedia bete beharko du.

Bizitegitarako erabilera duten kasuei dagokienez, honakoa argitu behar da, Nafarroako Foru Komunitateko etxebizitzetan bizi ahal izateko gutxieneko baldintzak arautzen dituen 142/2004 Foru Dekretuaren arabera: "eraikin bat ere ezin erabiliko da bertan bizitzeko, gizakien ohiko bizileku gisa, indarreko zedularik ez badu."

S7 sektorean merkataritza saltoki handiak ezartzeko aukera dagoela ikusita, Nafarroan Merkataritza arautzen duen 17/2001 Foru Legean xedatutakoa kontuan hartu beharko da, horien ezarpena eta tramiteak udal eskumenetik kanpo baitaude.

C.3. Bide sistema.

Determinazio egituratzaile hori aldatu egin da.

Udal planak honakoa ezarri du, hirigintzako araudi partikularraren S7 sektoreari buruzko fitxan:

"Antolamenduak Comarca 1 industrialdearen eta AP30aren arteko bide sarearen trazaduraren eskemari eutsi behar dio."

Determinazio egituratzaile hori kendu egin da, hirigintzako araudi partikularrean paragrafo hori ezabatuta.

C.4. Bideen jabari publikoaren babesa.

Agiri honen xede diren lurzatiak honako hauek mugatuko dituzte:

-NA 700, PA30 errepidearekiko elkargunetik Agustinos industrialdera sartzeko biribilguneraino (hasierako KP: 2,39 gutxi gorabehera - amaierako KP: 2,70 gutxi gorabehera)

-PA-30 (4. tartea), NA700 errepidearekiko elkargunetik NA 30 errepideari lotzen dion biribilguneraino (hasierako KP: 20,70 gutxi gorabehera - amaierako KP: 21,30 gutxi gorabehera)

Gaur egun, bide horiek kilometro puntu horietan duten kalifikazioa hurrengoa da:

-NA 700: Foru Komunitateko errepide interesgarria.

-PA 30: interes orokorreko errepidea (bide bikoiztu bihurtzeko tramiteetan).

Martxoaren 23ko 5/2007 Foru Legearen arabera, eta agiri honen sustatzaileak aurkeztu duen alegazioari erantzuteko Herri Lan Departamentuak eta Lurraldearen Antolamendu Departamentuak egin duten txostena (espediente zk.: 2009/565439) ikusita, honako babes eremu hauek ezarri dira:

Jarraian, honako hauen metroko distantziak adierazi dira:

-A: Jabari publikoko alboko eremua eta haren zabalera.

-B: Zortasun eremua eta haren zabalera.

-C: Eraikuntza lerroa eta galtzadarainoko distantzia [C ? A+B]

-D: Publizitatea debekatuta duen eremua eta haren zabalera.

(1) Ikusi Herri Lan Departamentuaren txostena (esp. zk.: 2009/565439).

(2) Debeku horretatik kanpo egonen dira establezimenduetako errotuluak, haien jarduera adierazten badute. Kasu horretan, jarduera garatzen duten eraikinetan edo lurretan kokatuko dira, eraikuntza lerroa errespetatuta. (Ikusi 5/2007 Foru Legearen 44.2 artikulua).

Eraikinek, lurzatiek, itxiturek... foru lege horretan ezarritakoa bete beharko dute.

C.5. Unitatearen kudeaketa.

Aldaketa egituratzaile honetan, S7 sektorea UE-S7 izeneko exekuzio unitate bakar gisa konfiguratu da.

Sektorearen garapena 35/2002 Legean aurreikusitako sistemetako baten bidez eginen da, eta lurzoruaren jabeak jardunen du, administrazio eskudunekin eta enpresa hornitzaileekin sinatutako lankidetza hitzarmenetan ezarritakoaren mende dagoen birzatiketa eta urbanizazio proiektua sustatuta. Sektorerako jarduketa sistemak: konpentsazioa edo ituna.

Lagapen gisa Orkoiengo Udalari dagokion irabazizko aprobetxamenduaren %10 tramitatu beharreko birzatiketa proiektuan gauzatuko da.

Eremua garatzeko, sektoreak sarbidea (bikoizteko biribilgunea eta abar) Nafarroako Gobernuko Bide Zerbitzuaren proiektuaren arabera exekutatzea onartu du. Ondorio horretarako egindako hitzarmenean aprobetxamendua Orkoiengo Udalaren alde lagatzeagatiko ordain ekonomikoak ezarri dira, onartutako gastuak jasota.

Eraikuntza lizentziak emateko, beharrezkoa izanen da urbanizazioa aurretik edo aldi berean exekutatzea, eta aldi berean proposatzen ahalko dira exekuzio eta urbanizazio proiektuak.

Horregatik guztiagatik, jabeek unitatea urbanizatzeko nahiko baliabide ekonomiko izateko eta, antolamenduko lurzatiak sustatu baino lehen edo aldi berean, urbanizazio obra horiek egiteko konpromisoa hartu beharko dute, Lurzoruari buruzko Foru Legean ezarritakoaren arabera.

C.6. Koefizienteen taula eta aprobetxamendua.

C.6.1. Erabilera eta eraikinen tipologia.

Orkoiengo udal planak, 2007ko apirilean onetsitakoak, familia bakarreko etxebizitzako m² aprobetxamendu unitatetzat (AU) jo du, horixe baita tipologia arruntena udalerrian.

Beraz, erabilera horren hondar-baliotik abiatuta ezarri eta justifikatu ditu gainerako erabileretarako aprobetxamendu koefizienteak.

Gainera, banaketa eremuen irabazizko gehieneko aprobetxamenduaren balioa zehazteko eta hori oinarri hartuta eredu aprobetxamendua ezartzeko, planak aurreikusten diren erabileretako bakoitzerako eraikigarritasunak balioztatu, eta koefiziente horiek aplikatzen dizkie, udalerrian ahalik eta eredu aprobetxamendu homogeneoenak lortzera begira.

Horrez gain, aldaketaren xede den banaketa eremua oso hurbil dago Orkoiengo populaziogunetik, eta, beraz, familia bakarreko etxebizitzen tipologiarekin zerikusi handia du.

Hori dela eta, aldaketa honen egileak egokitzat jo du familia bakarreko etxebizitzako metro karratuak AU izaten jarraitzea, sektorean tipologia hori ez badago ere. Horrela, alboko sektoreekiko aprobetxamendu homogeneotasuna bermatuko da.

C.6.2. Irabazizko gehieneko aprobetxamendua eta eredu aprobetxamendua.

Orkoiengo udal plan orokorrak 15.179,74 AUko irabazizko gehieneko aprobetxamendua ezarri du AR6 banaketa eremurako, 55. artikuluan.

56. artikuluan aprobetxamendu horretatik 0.335 AU/m²-ko eredu aprobetxamendua ondorioztatu da. Horrek 45.311 m²-ko azalera dakar sektorean.

Hala eta guztiz ere, sektoreko benetako azalerak honako hauek dira, katastroaren arabera:

-Eredu aprobetxamendua kalkulatzeko zenbatu ezin diren azalerak: 0 m².

-Eredu aprobetxamendua kalkulatzeko zenbatzen ahal diren azalerak: 45.165,87 m².

Hortik 0,336 AU/m²-ko benetako eredu aprobetxamendua ondorioztatu da.

Gauzak horrela, planaren aldaketak honako aprobetxamenduak ezarri ditu:

C.6.3. Homogeneizazio koefizienteak.

(Determinazio egituratzaile hau ez da aldatu).

Honakoak dira udal planak sektorerako proposatu dituen homogeneizazio koefizienteak:

Eragin-balioaren kalkulua.

1. Lurzoru urbanizatuaren eragin-balioa, salmenta balioa eta hori lortzeko beharrezko kostua kenduta, honakoa izanen da:

Vr = Lurzoru urbanizatuaren eragin-balioa.

Vv = Salmenta balioa m² eraikiko.

Cs = Orube bihurtu arte, lurralde baten eraldaketa kostua aztertzen duen koefizientea.

Ce = Exekuzio materialaren koefiziente biderkatzailea. Exekuzio materialeko kostua aztertzen du, orube eraikigabea lurzoru eraiki bihurtu arte lurzoru baten higiezin prozesuaren kostua balioztatzeko.

Em = Eraikuntza obren exekuzio materialeko kostua m² eraikiko.

2. Cs; urbanizatu bihurtu beharreko lurzoruaren tramitatze eta mozkin koefizientea baliokidea izanen da banaketa eremu osorako, sektore bakar batean baitago; Cs = 1,3400.

3. Ce; lurzoru eraiki bihurtu arte higiezin prozesuari dagokion exekuzio materialeko kostua oinarri hartuta kalkulaturiko Ce tramitatze eta mozkin koefizientea baliokidetzat jo da hurrengo erabileretarako: familia bakarreko etxebizitza, BS + 4 motako bulegoak, BSko industria nabea eta GSko industria nabea; Ce = 1,6100.

4. Salmenta balioa: Egungo merkatuko honako datuak hartu dira aintzat:

Familia bakarreko etxebizitza: 1737,40 euro/m².

BS+4 motako bulegoak-hirugarren sektorea: 1500,00 euro/m².

BSko nabea-hirugarren sektorea: 721,21 euro/m².

GSko nabea-hirugarren sektorea: 626,82 euro/m².

5. Exekuzio materialeko kostuak:

Familia bakarreko etxebizitza: 627,31 euro/m².

BS+4 motako bulegoak-hirugarren sektorea: 304,70 euro/m².

BSko nabea-hirugarren sektorea: 227,00 euro/m².

GSko nabea-hirugarren sektorea: 185,42 euro/m².

6. Eragin-balioak:

Familia bakarreko etxebizitza: 542,86 euro/m².

BS+4 motako bulegoak-hirugarren sektorea: 610,23 euro/m².

BSko nabea-hirugarren sektorea: 265,48 euro/m².

GSko nabea-hirugarren sektorea: 245,00 euro/m².

Familia bakarreko etxebizitzari 1. koefizientea esleituta, honakoak izanen dira gainerako koefizienteak:

Familia bakarreko etxebizitza: 1.

BS+4 motako bulegoak-hirugarren sektorea: 610,23/542,86 = 1,12.

BSko nabea-hirugarren sektorea: 265,48/542,86 = 0,49.

GSko nabea-hirugarren sektorea: 245,00/542,86 = 0,45.

Erabilera xehakatua "jarduera ekonomiko orokorra" duten lurzatietan koefiziente desberdinak daude, jarduera zein motatako eraikuntzan dagoen kontuan hartuta.

-Bloke gisako eraikuntza garaiak badira, hirugarren sektoreko erabilerak dituztenak, hala nola bulegoak, enpresen egoitzak, hotelak...

-Gehienbat beheko solairuan eta solairuartean garatutako eraikuntzak badira, nabe motakoak, eta merkataritzako ohiko erabilerak badituzte, edo biltegiak eta antzekoak.

-Erabilera anitzeko ekipamendutarako erabilera jarduera ekonomikoaren erabilerarekin bateragarritzat jo da, eta, beraz, aurretik adierazi diren koefiziente berdinak aplikatuko zaizkio.

-Lurzati libre pribatuaren erabilerarako udal planean bizitegitarako erabilerari lotutako lurzati librerako ezarri den koefizientea hartuko da.

Jabari pribatuko espazio libre gisa zenbatuko da eraikinak lurzatian okupatzen ez duen eta lurzatiko itxiturak mugatzen duen azalera. Horren ondorioz, erabilera pribatua baino ez du izanen.

Aprobetxamendua gauzatu ondoren erabilera eta gozamen publikorako uzten diren jabari pribatuko espazioek ez dute aprobetxamendurik kontsumituko.

Aprobetxamendu osoa gainditzen ez dela justifikatzen duen taula:

Exekuzio proiektuak orube banandu bakoitza ezartzean kontsumitzen den aprobetxamendua justifikatuko du.

Ondaretzen ahal den aprobetxamendua %90 izanen da, eta gainerako %10 Udalari erosten ahalko zaio dirua ordainduz.

Lurzati bakoitzean bi kontzeptu bereizi behar ditugu:

-Onarturiko gehieneko bolumena: lerrokadurak, okupazio azalera eta onarturiko garaierak oinarri hartuta, bolumen eraikia aztertzetik ondorioztatzen da.

-Lurzati bakoitzari esleituriko aprobetxamendua: Ez da zorrotza, ezta behin betikoa ere. Izan ere, aprobetxamenduak besterentzen ahalko dira lurzati batetik bestera, baldin eta, besterendu aurretik, lurzati bakoitzaren gehieneko bolumena bete ez bada. Dena den, guztira ezin izanen da gainditu unitatearen aprobetxamendu osoa.

Lurzatietako baten batean garatzen ez diren aprobetxamenduak beste lurzati batera besterentzen ahalko dira, baldin eta horrek ez badu gauzatu onartuta daukan gehieneko bolumena. Hori guztia egiten ahalko da, aparteko hirigintza tramiterik egin gabe, eta nahikoa izanen da horretarako memorian lizentzia eskatzeko agiria justifikatzea.

Horrenbestez, lurzati batek izaten ahal duen gehieneko aprobetxamendua gehieneko bolumen eraikiari dagokiona izanen da, baldin eta hori ez bada lurzati horri unitateko aprobetxamendu finkatugabe guztien batura aplikatuz kalkulatzen dena baino handiagoa.

Lurzatien arteko mugak orientagarriak eta gutxi gorabeherakoak dira, eta birzatiketa proiektuan ebatziko dira behin betiko.

D. Hirigintzako araubidea. Determinazio xehakatuak.

D.1. Lurzoruaren erabilera publikoa eta erabilera pribatua.

D.1.1. Erabilera publikoak.

Aldaketa egituratzaile honetako araudi grafikoan hala zehazten diren erabilerak dira. Erabilera eta jabari publikoko lur eta eraikin guztiak erabilera publikoak dira.

Espazio publikoan ahots eta datu sareen bidezko interkonexiorako sare pribatuak egiten ahalko dira, agiri honetan aipatzen diren lurzati pribatu guztien artean. Sare horiek urbanizazio proiektuan zehaztuko dira. Horietatik urbanizazio orokorra exekutatzeko edo mantentzeko ondorioztatzen diren kargak lurzatien titularrek hartuko dituzte beren gain.

D.1.2. Erabilera pribatuak.

Erabilera pribatuak aldaketa honetako araudi grafikoan hala zehazten diren erabilerak dira.

Zerbitzu publikoko sareak ipintzen ahalko dira lurzati pribatuetan eraiki gabeko eremuetan. Sare horiek urbanizazio proiektuan zehaztuko dira.

Unitaterako ezarri da erabilera anitzeko ekipamendutarako erabilera erabilera eta jabari pribatukoa izanen dela, udal planaren hirigintzako araudi partikularraren 26. artikuluaren arabera. Horrela, kargen eta mozkinen berdinbanaketan parte hartuko da, bakoitzari dagokion homogeneizazio koefizientearen arabera.

Jabari pribatua izanik, eraikinak okupatzen ez dituen eta lurzatiaren perimetroko itxiturarik ez duten lurzoru guztiak jabari pribatuko araubidean sartuko dira, azaleran erabilera publikoko zortasuna izanda, eta ez dute aprobetxamendurik kontsumituko.

D.1.3. Higiezin multzoak.

Lurzoruari buruz indarra duen 8/2007 Legearen 17.3 eta 17.4 artikuluetan xedatutakoaren babesean, zenbait lurzatitan higiezin multzoak konfiguratu dira. Kasu batzuetan izaera pribatuko hainbat erabilera onartu dira hegalean, sestran eta lurpean, eta beste batzuetan, ordea, erabilera publikoak sestran eta erabilera pribatuak lurpean. Unitaterako tramitatu eta onetsi beharreko berdinbanaketa tresnak horien araubide juridikoa ezarriko du.

D.2. Lurzoruaren erreserbak.

D.2.1. Hirigintzako estandarrak betetzea (35/2002 Foru Legea).

D.2.2. Aparkalekuen erreserba.

35/2002 Foru Legea garatzeko erregelamendurik ez dagoenez, erabilerak 85/1995 Foru Dekretuaren (589/1999 Foru Dekretuak aldatutakoa) 26. artikuluan ezarritako estandarrekin parekatu dira.

1. Aparkalekuen hurrengo erreserba egin beharra ezarri da:

-1 aparkaleku merkataritzarako eta hirugarren sektorerako eraikitako 50 m²-ko.

-1 aparkaleku tailerretarako eraikitako 100 m²-ko (industriarako erabilerarekin parekatzen ahalko da batez beste 1500 m²-tik gorakoak diren lurzatietan(1)).

(1) Erabilera nagusiaren zerbitzura dauden ibilgailuen kontzesionarioetarako eta tailerretarako aurreikusitako erabilerei dagokienez, hirugarren sektorerako ezarritako estandarra gehiegizkoa omen da, erabiltzaileen m²-ko dentsitatea askoz txikiagoa delako tailer batean edozein merkataritza lokaletan baino, ibilgailuak biltegiratzeko eta berrikusteko lekua behar baita. Horregatik, (estandarrari dagokionez) erabilera hori industriarako erabilerarekin parekatu du, nahiz eta ez den horrelakotzat jotzen, erabilera ondorioetarako.

2. Ibilgailuak aparkatzeko eraikitako azalera ez da zenbatuko estandarra kalkulatzeko ondorioetarako.

3. Aparkalekuen erreserbaren %6 mugikortasun arazoak dituzten pertsonentzat izanen da.

Irizpide horien arabera, beharrezko plazak justifikatu dira P2, P3, P4, P5 eta P6 lurzatietarako, bideen tokiko sistemaren (SLV) barnean urbanizazio proiektuan diseinatuko direnak.

Aparkaleku horiek zenbatzeko, P4 eta P5 lurzatietan eta La Muga merkataritza parkeko dorreetan (diagonaletik zeharkatzen den bidea, sektoreko mugatik) dauden aparkaleku guztiak zenbatuko dira; izan ere, poligono horren xehetasun azterlanean (1. poligonoko 429. lurzatiari buruzko xehetasun azterlanaren 5. planoa, 2003ko ekainekoa) egiaztatzen ahal denez, ez ziren zenbatu garai hartan, eta aldaketa honen sustatzailearen erabilera publikoko lurzoruan daude.

P1 lurzatian aparkalekuen estandarra lurzatian bertan beteko da, eta, nolanahi ere, inolako zortasunik (itxiturak, ordutegiak...) ez duten erabilera libreko espazioetan, 85/95 Foru Dekretua aldatu duen 589/99 Foru Dekretuaren 26.B artikuluan ezarritakoaren arabera.

Lurzati horretako aparkalekuen justifikazioa AU guztiak planean aurreikusitako jarraibideekin gauzatuko direla kontuan hartuz egin da:

P1 lurzatiaren tamaina dela-eta faseka garatuko dela aurreikusten ahal denez, lurzati hori 7 esparru birtualetan banatu da, eta horietako bakoitzari aparkalekuen kopuru zehatz bat esleitu zaio. Horrela, esparru horietako edozeinetan garatzen diren exekuzio proiektuek horri atxikitako aparkalekuak betetzen direla justifikatu beharko dute (ikusi O.05 planoa).

1. esparrua: 51 aparkaleku.

2. esparrua: 65 aparkaleku.

3. esparrua: 33 aparkaleku.

4. esparrua: 64 aparkaleku.

5. esparrua: 25 aparkaleku.

6. esparrua: 24 aparkaleku.

7. esparrua: 68 aparkaleku.

Guztira: 330 aparkaleku.

P1 lurzatiko edozein esparrutako aparkalekuen erreserba jada garatu den eta soberakina duen beste esparru batean justifikatzen ahalko da, garatutako esparruetan exekutatzen diren aparkaleku guztien kopurua atxikitako aparkalekuen batura bezalakoa edo handiagoa bada.

D.3. Lurzatiketa.

Birzatiketa proiektuak zehazten dituen lurzatien banaketa baimendu da, azalerari eta lurzatiko fronteari buruzko gutxieneko baldintzak betetzen baditu, lurzati bakoitzaren hirigintzako fitxan ezarritakoaren arabera.

Bananduz gero, bananduriko lurzatiek beharrezko azpiegitura guztiak eta jabari eta erabilera publikoko sarbidea izan beharko dituzte; bestela, sarbidea izaten ahalko dute ondorio horretarako erkidetzen den lurzati pribatu batetik.

PA30arekiko paraleloa den bidea erabilera publikokoa izanen da, eta ez du izanen inolako mugarik, ezta zortasunik ere.

D.4. Okupazio azalera - lerrokadurak.

Sestra gaineko gehieneko okupazio azalera zehaztu da, edo batzuetan gehieneko eraikigarritasuna lurzati bakoitzerako, hirigintzako araudi partikularrean, haiei dagozkien fitxetan, hain zuzen.

Sestrapean eta sestra gainean onarturiko gehieneko lerrokadurak grafikoki ezarri dira O.2 antolamendu planoan. Lerrokadurak eraikuntzaren gehieneko lerrokadurak dira, eta lurzatian instalatzen den aldi baterako edo behin betiko edozein eraikuntza txikiagok edo handiagok justifikatu beharko ditu.

O.03 planoa erantsi da, bolumenei, lerrokadurei eta sestrei buruzko antolamendu orientagarria duena.

D.5. Eraikuntzen baldintza orokorrak. Ordenantzak.

D.5.1. Kode eta kontzeptuen gaineko determinazioa.

Neurketa irizpideei, eraikuntzaren garaierari eta gainerako definizioei dagokienez, kodeak eta kontzeptuak aplikatuko dira, Orkoiengo udaleko hirigintza planean ezarritakoak (ordenantzen 5. eta 6. artikuluak eta gainerako erreferentziak).

D.5.2. Eraikuntzen baldintza orokorrak.

Eraikinei baldintza hauek ezarri zaizkie:

-Garaiera:

Eraikinen gehieneko garaiera agiri honen idatzizko eta irudizko dokumentazioan ezarritakoa izanen da. Eraikinetako elementu eta eremu garaiagoak baimentzen ahalko dira, garatu beharreko jarduerek justifikatzen dutenean: argiztapen dorreak, instalazioak, antenak, ekipoak...

-Lurzatiko itxiturak:

Lurzatiko itxiturek Orkoiengo udaleko hirigintza planean ezarritakoa (ordenantzen 20. artikulua eta gainerako erreferentziak) beteko dute.

PA-30 eta NA-700 errepideekiko mugetan lurzatiko itxiturak badaude, 2,5 m-ko gehieneko garaiera izanen dute, eta eraikuntza lerroan kokatu beharko dira. Baldin eta erabat gardena bada, gehienez ere 0,60 metroko zokaloa badute eta hesolak eta sare metalikoa jartzen badira, betiere lurretik 2 metrorainoko altuera bitarte, zelaigunearen kanpoko ertzetik 8 metrora PA-30 errepidean eta 8 metrora NA-700-1 errepidean kokatzen ahalko dira.

Eraikuntzen gainerako baldintza orokorrak eta udal planak ezarritako ordenantzak mantenduko dira.

D.5.3. Estetika- eta apaindura-baldintzak.

Materialak eta eraikuntzaren osagaiak aukerakoak dira.

Ez da mehelinik eginen alboko orube edo eraikinekin, eta fatxada guztiak behin betikoak izanen dira.

D.6. Urbanizazioaren eta azpiegituren baldintza orokorrak.

Dena delako proiektuan zehaztuko dira, udal irizpideei jarraituta.

Estandarrak betetzeko, 75 aparkaleku, gutxienez, aurreikusiko dira jabari eta erabilera publikoko lurzoruan, 8.2.2 artikuluan justifikatu bezala.

Erakunde eskudunen aurrean tramitatuko da, baimenak aldez aurretik eskuratzeko asmoz.

O.03 planoan urbanizazio proposamen orientagarria garatu da.

Lurzati pribatuen barnean urbanizatzen den edozein eremu zolatuk urbanizazio proiektuan jabari publikoko eremuetarako ezartzen diren materialei eta neurri orokorrei buruzko irizpideei jarraituko die.

Eraikuntza proiektuek bide pribatuen behin betiko diseinua bilduko dute, eta horietan honako determinazio hauek bete beharko dira:

-Espaloiak harrizko baldosa grisetan (ahal dela) edo lur kolorekoetan eginen dira, bi tonu nahastuta, eta baldosa horiek udalerriko beste eremu urbanizatu batzuetan erabilitakoen antzekoak izanen dira, kalitateari, neurriei eta ezaugarriei dagokienez. Espaloietan erabiltzen den materialak ibilgailuen zirkulazio arina eta behin-behinekoa har dezakeela egiaztatu beharko da.

-Espaloiek 2 m-ko gutxieneko zabalera izanen dute, eta zuhaitzak izanen dituzte.

-Galtzadak 3 metro zabal izanen dira, gutxienez, errei bakoitzeko. Noranzko bakarreko kaleetan galtzadaren gutxieneko neurria 3,5 metrokoa izanen da.

-Eremu zolatuek argiak, bankuak eta paperontziak izanen dituzte, esparruan jada erabili diren jarraibideak errespetatuta.

-Salbuespenezko kasuetan aurreko jarraibideetako baten bat aldatzen ahalko da, marken publizitate eskaerei, justifikatzen ahal direnei, hain zuzen, erantzuten bazaie eta Orkoiengo Udalak aurretik hausnartu ondoren.

Agiri honi erantsi zaio lehendik dagoen glorietak sektorea garatu ondoren hartuko duen zirkulazioari buruzko azterlana. Azterlan horretatik ondorioztatu da ez dela horren gaineko hobekuntza jarduerarik egin behar, alderdi horri dagokionez.

Iruñerriko Mankomunitateak berariaz eskatu eta gero, biribilgune horretan bi geltoki instalatu beharko dira, eta, horiek direla-eta, arreta berezia jarriko da bide segurtasuneko, oinezkoen pasabideen arteko koordinazioko eta irisgarritasuneko baldintzetan eta Iruñerriko Mankomunitatearen gainerako eskakizunetan.

Sare guztiak konpainia hornitzaileen arau teknologikoen, jarraibideen eta araudien arabera eginen dira.

Urbanizatzeko harturiko irtenbidea sinpletasun eta soiltasun irizpideetan oinarrituko da. Horniketa zerbitzuak, saneamendua, euri uren sarea, hornidura elektrikoa, argi publikoak, telefonia eta gasa hornituko dira. Horrez gain, berdeguneak tratatuko dira.

Mota guztietako kanalizazioak eta kutxatilak zortasun eremuan kokatuko dira, ahal dela eremuko kanpo-kanpoko alderdian. Alderdi hori zelaigunearen kanpoko ertzetik 8 metrora PA-30 errepidean eta 3 metrora NA-700-1 errepidean dago.

Hala ere, PA-30 errepideari dagokionez, eta enpresa hornitzaileek eskatu dutenez, azpiegiturak lurzoru pribatuan instalatzeko aukera aurreikusi da, lurraren malda handia dela-eta ezinezkoa delako zortasun eremutik bideratzea. Araudi honetan (ikusi P1 lurzatiari buruzko fitxaren bestelako baldintzak) ezarri da PA-30 errepidearekiko paralelo doan erabilera publikoko bide bat exekutatu behar dela, inolako mugarik edo zortasunik izanen ez duena eta azpiegitura horiek barne hartuko dituena.

Bidea erabilera publikokoa izanen da, eta ez du izanen inolako mugarik, ezta zortasunik ere.

Planoak erantsi dira hirigintzako oinarrizko zerbitzu hauek dituzten tokiko sistemak agertzeko: ur hornidura, saneamendua, energia elektrikoaren hornidura, euri uren bilketa... Sare orokorren harguneetaraino agertzen dira, eta horien ezaugarriak islatzen dituzte. Euri uren hodiei dagokienez, horiek isurtzeko eremua ere adierazi da.

D.7. Irisgarritasuna.

Irisgarritasunaren arloan indarra duen legedia beteko da.

Bide publikoek oztoporik gabeko ibilbideak izanen dituzte eraikineko eta/edo espazio libreetako sarbideetaraino.

D.8. Hirigintzako araudi partikularra lurzatien arabera.

Aldaketa egituratzaile honek aurreikusten dituen lurzatietako bakoitzaren eraikigarritasun baldintzak banakako fitxetan ezarri dira lurzatika.

Esleituriko AUak gutxi gorabeherakoak dira lurzati bakoitzerako, baina gogorarazi behar da lurzatien artean AUak besterentzen ahal direla, baldin eta 7.5 puntuan eskatzen dena betetzen bada.

P1 lurzatiaren antolamendu xehakatua lotesletzat jo da, eta haren garapena tramitatzen ahalko da, inolako plangintza tresnarik behar izan gabe. Dena den, haren determinazioak (okupazioa, gehieneko garaiera...) aldatzen ahalko dira, xehetasun azterlana idatziz.

P1 LURZATI PRIBATUA

1. Arau orokorrak.

Sektorea: S7-San Makario Iparra.

Lurzoruaren sailkapena eta kategoria: lurzoru urbanizagarri sektorizatua.

Kalifikazioa: Hirugarren sektorea/Merkataritza.

2. Hirigintzako aprobetxamendua.

Lurzatiaren azalera: 26.456 m².

Esleituriko aprobetxamendua: 14.003 AU.

3. Hirigintzako antolamendu xehakatuko determinazioak.

A) Hiri bilbeen definizioa.

Lerrokadurak:

-Sestra gaineko gehieneko lerrokadura: dokumentazio grafikoan adierazten direnak.

-Sestrapeko gehieneko lerrokadura: dokumentazio grafikoan adierazten direnak.

Hegoaldeko mugan izan ezik, lerrokadura ofizialarekin bat dator. Horretan lerrokadura agertzen da planoetan.

Nolanahi ere, eraikuntza guztiek, lurpekoek barne, PA-30 errepideko galtzadaren kanpoko ertzetik gutxienez 34 metrora eduki behar dute lerroa.

Sestrak: planoetan zehaztutakoak.

B) Lurzatien gaineko egintzen arauketa.

-Kudeaketa baldintzak.

Jarduketa unitatea.

Jarduketa unitatea lurzatia izanen da, birzatiketa proiektua egin eta gero. Jabeek unitate horretan gauzatuko dute beren aprobetxamendua, zuzenean.

Jarduketa mota: zuzena, birzatitu, urbanizatu eta laga ondoren.

Lurzatiketak egiteko baldintzak: gutxieneko lurzatia: 1.500 m².

Bananduz gero, bananduriko lurzatiek beharrezko azpiegitura guztiak eta jabari eta erabilera publikoko sarbidea izan beharko dituzte; bestela, sarbidea izaten ahalko dute ondorio horretarako erkidetzen den lurzati pribatu batetik.

-Erreserbak.

• Aparkalekuak:
• 1 aparkaleku hirugarren sektorerako eraikitako 50 m²-ko.
• 1 aparkaleku tailerretarako eraikitako 100 m²-ko.

Aparkalekuen erreserba P1 lurzatian bertan eginen da, erabilera publikoko espazioan, hain zuzen, eta exekuzio proiektuan justifikatuko da.

C) Eraikuntzek bete beharreko baldintzak.

Eraikuntzaren tipologia:

-A eremua: gorakako eraikina, bloke motakoa.

-B eremua: Nabeen tipologia duen eraikuntza.

Sestra gaineko gehieneko okupazioa: 0,4 m²/m².

Onarturiko gehieneko bolumena:

-A eremua: S2+S1+BS+3.

-B eremua: S2+S1+BS+Tarteko solairua.

Eraikuntzaren gutxieneko frontea: 16 m.

Beste baldintza batzuk:

B eremua:

-Egiten diren eraikinek proposatzen den antolamenduaren eskemari jarraituko diote. Bolumen exentuak izanen dira (nabeen tipologiarekin), 500 m² eta 1450 m² arteko okupazioa dutenak eta beren artean 10,5 m-ko distantzia, gutxienez, izanen dutenak. PA errepideranzko gutxieneko frontea 16 m-koa izanen da.

-PA 30 errepidearekiko paraleloa den bidea, dokumentazio grafikoan adierazitakoaren antzeko neurriak eta ezaugarri orokorrak dituena, exekutatzea loteslea izanen da. Urbanizazio proiektuak bide horretan behar diren azpiegiturak zehaztu eta dimentsionatuko ditu.

Bidea erabilera publikokoa izanen da, eta ez du izanen inolako mugarik, ezta zortasunik ere.

Beheko bidetik proposaturiko eraikuntzara sartzea ahalbidetzen duen edozein obra proiektuak separata bat gehituko du, hori luzatzeko behar diren obrak barne hartzen dituena. Horrela, bidetik eraikinerako sarbidea bermatuko da. Proposamenak exekuzio osoa edo bidea tartez tarte luzatzea hausnartzen ahalko du. Azken kasu horretan, bideari buruzko urbanizazio obren separatak bidearen jarraipena bermatuko du, sekzioei, luzetarako eta zeharkako sestrei eta abarri dagokienez.

Tartez tarte exekutatzea erabakitzen bada, bidea B eremuan okupatzen ahal den azaleraren %70 okupatu baino lehen amaitu beharko da. Bidearen tarte bakoitzaren behin betiko diseinua Herri Lan Departamentuak berariaz baimendu beharko du.

Ingurabidetik 6 m-ko distantzian exekutatuko da, gutxienez. Haren neurriak unitate horren araudi orokorrak 8.6 puntuan ezarritakoak izanen dira.

Barreneko urbanizazioa: Araudi honetan, 8.6 puntuan, alegia, eta urbanizazio proiektuan horri buruz ezarritako irizpideen arabera eginen da. Halaber, Iruñerriko Mankomunitatearekin batera erabakiko da nork onetsi behar duen diseinua.

D) Erabilera xehakatuak:

Erabilera nagusia:

-A eremua: Hirugarren sektorea/Merkataritza.

-B eremua: Ibilgailuen kontzesionarioak.

Erabilera baliokidea:

-Erabilera nagusiaren zerbitzura dagoen tailerra.

-Garajea/aparkalekuak.

Erabilera baimengarria: bizitegitarako erabilera.

Erabilera debekatua: industria.

P2/P3 LURZATI PRIBATUAK
(DATUAK LURZATIETAKO BAKOITZERAKO)

1. Arau orokorrak.

Sektorea: S7-San Makario Iparra.

Lurzoruaren sailkapena eta kategoria: lurzoru urbanizagarri sektorizatua.

Kalifikazioa: Hirugarren sektorea/Merkataritza.

2. Hirigintzako aprobetxamendua.

Lurzatiaren azalera: 84 m².

Esleituriko aprobetxamendua: 18,5 AU.

2. Hirigintzako antolamendu xehakatuko determinazioak.

A) Hiri bilbeen definizioa.

Lerrokadurak.

-Sestra gaineko gehieneko lerrokadura: ez da onartzen sestra gainean eraikitzea.

-Sestrapeko gehieneko lerrokadura: lerrokadura ofizialarekin bat datorrena.

Sestrak: planoetan zehaztutakoak.

B) Lurzatien gaineko egintzen arauketa.

-Kudeaketa baldintzak.

Jarduketa unitatea.

Jarduketa unitatea lurzatia izanen da, birzatiketa proiektua egin eta gero. Jabeek unitate horretan gauzatuko dute beren aprobetxamendua, zuzenean.

Jarduketa mota: zuzena, birzatitu, urbanizatu eta laga ondoren.

Lurzatiketak egiteko baldintzak: lurzati banaezina.

-Erreserbak.

Aparkalekuak: bat ere ez.

C) Eraikuntzaren baldintzak.

Eraikuntzaren tipologia: garajea.

Sestra gaineko gehieneko okupazioa: ez da onartzen.

Onarturiko gehieneko bolumena: S2+S1.

D) Erabilera xehakatuak:

Erabilera nagusia: bide publikoak.

Erabilera baliokidea: Garajea/aparkalekuak.

P4 LURZATI PRIBATUA

1. Arau orokorrak.

Sektorea: S7-San Makario Iparra.

Lurzoruaren sailkapena eta kategoria: lurzoru urbanizagarri sektorizatua.

Kalifikazioa: Hirugarren sektorea/Merkataritza.

2. Hirigintzako aprobetxamendua.

Lurzatiaren azalera: 933 m².

Esleituriko aprobetxamendua: 254 AU.

3. Hirigintzako antolamendu xehakatuko determinazioak.

A) Hiri bilbeen definizioa.

Lerrokadurak.

-Sestra gaineko gehieneko lerrokadura: lerrokadura ofizialarekin bat datorrena.

-Sestrapeko gehieneko lerrokadura: lerrokadura ofizialarekin bat datorrena.

Sestrak: planoetan zehaztutakoak.

B) Lurzatien gaineko egintzen arauketa.

-Kudeaketa baldintzak.

Jarduketa unitatea.

Jarduketa unitatea lurzatia izanen da, birzatiketa proiektua egin eta gero. Jabeek unitate horretan gauzatuko dute beren aprobetxamendua, zuzenean.

Jarduketa mota: zuzena, birzatitu, urbanizatu eta laga ondoren.

Lurzatiketak egiteko baldintzak: gutxieneko lurzatia: 400 m².

-Erreserbak.

Aparkalekuak: 20 aparkaleku.

Aparkalekuen erreserba SLVan ebatziko da, eta urbanizazio proiektuan jasoko da.

C) Eraikuntzaren baldintzak.

Eraikuntzaren tipologia: garajea.

Sestra gainean ebakuazio sarbideak eta irteerak eta jarduera sestrapean garatzeko beharrezkoak diren gainerako instalazioak onartuko dira bakarrik.

Sestra gaineko gehieneko okupazioa: sarbideak eta ebakuazio bideak.

Onarturiko gehieneko bolumena: S2+S1+BS (sarbideetara mugatua).

D) Erabilera xehakatuak:

Erabilera nagusia:

-Hirugarren sektorea/Merkataritza.

-Garajea/aparkalekuak.

Erabilera baliokidea: Erabilera nagusiaren zerbitzura dagoen tailerra.

P5 LURZATI PRIBATUA

1. Arau orokorrak.

Sektorea: S7-San Makario Iparra.

Lurzoruaren sailkapena eta kategoria: lurzoru urbanizagarri sektorizatua.

Kalifikazioa: Hirugarren sektorea/Merkataritza.

2. Hirigintzako aprobetxamendua.

Lurzatiaren azalera: 1.866 m².

Esleituriko aprobetxamendua: 452 AU.

3. Hirigintzako antolamendu xehakatuko determinazioak.

A) Hiri bilbeen definizioa.

Lerrokadurak.

-Sestra gaineko gehieneko lerrokadura: lerrokadura ofizialarekin bat datorrena.

-Sestrapeko gehieneko lerrokadura: lerrokadura ofizialarekin bat datorrena.

Sestrak: planoetan zehaztutakoak.

B) Lurzatien gaineko egintzen arauketa.

-Kudeaketa baldintzak.

Jarduketa unitatea.

Jarduketa unitatea lurzatia izanen da, birzatiketa proiektua egin eta gero. Jabeek unitate horretan gauzatuko dute beren aprobetxamendua, zuzenean.

Jarduketa mota: zuzena, birzatitu, urbanizatu eta laga ondoren.

Lurzatiketak egiteko baldintzak: gutxieneko lurzatia: 400 m².

-Erreserbak.

Aparkalekuak: 39 aparkaleku.

Aparkalekuen erreserba SLVan ebatziko da, eta urbanizazio proiektuan jasoko da.

C) Eraikuntzaren baldintzak.

Eraikuntzaren tipologia: garajea.

Sestra gainean ebakuazio sarbideak eta irteerak eta jarduera sestrapean garatzeko beharrezkoak diren gainerako instalazioak onartuko dira bakarrik.

Sestra gaineko gehieneko okupazioa: sarbideak eta ebakuazio bideak.

Gehieneko eraikigarritasuna: 1903,05 m².

Onarturiko gehieneko bolumena: S2+S1+BS (sarbideetara mugatua).

D) Erabilera xehakatuak:

Erabilera nagusia:

-Hirugarren sektorea/Merkataritza.

-Garajea/aparkalekuak.

Erabilera baliokidea: Erabilera nagusiaren zerbitzura dagoen tailerra.

P6 EKIPAMENDUTARAKO LURZATI PRIBATUA

1. Arau orokorrak.

Sektorea: S7-San Makario Iparra.

Lurzoruaren sailkapena eta kategoria: lurzoru urbanizagarri sektorizatua.

Kalifikazioa: erabilera anitzeko ekipamendua.

2. Hirigintzako aprobetxamendua.

Lurzatiaren azalera: 822,46 m².

Esleituriko aprobetxamendua: 168 AU.

3. Hirigintzako antolamendu xehakatuko determinazioak.

A) Hiri bilbeen definizioa.

Lerrokadurak.

-Sestra gaineko gehieneko lerrokadura: dokumentazio grafikoan adierazten direnak.

-Sestrapeko gehieneko lerrokadura: lerrokadura ofizialarekin bat datorrena.

Sestrak: planoetan zehaztutakoak.

B) Lurzatien gaineko egintzen arauketa.

-Kudeaketa baldintzak.

Jarduketa unitatea.

Jarduketa unitatea lurzatia izanen da, birzatiketa proiektua egin eta gero. Jabeek unitate horretan gauzatuko dute beren aprobetxamendua, zuzenean.

Jarduketa mota: zuzena, birzatitu, urbanizatu eta laga ondoren.

Lurzatiketak egiteko baldintzak: lurzati banaezina.

-Erreserbak.

Aparkalekuak: 4 aparkaleku.

Aparkalekuen erreserba SLVan ebatziko da, eta urbanizazio proiektuan jasoko da.

C) Eraikuntzaren baldintzak.

Eraikuntzaren tipologia: gorakako eraikina, bloke motakoa.

Gehieneko eraikigarritasuna: 200 m².

Onarturiko gehieneko bolumena: S1+BS+1.

D) Erabilera xehakatuak:

Erabilera nagusia: erabilera anitzeko ekipamendua.

Haurtzaindegi, ostalaritza, prestakuntza, zerbitzugune eta antzekoen ekipamendutarako erabilerak baimendu dira.

Erabilera baliokidea: Garajea/aparkalekuak.

Erabilera debekatua: industria.

P7 EKIPAMENDUTARAKO LURZATI PRIBATUA

1. Arau orokorrak.

Sektorea: S7-San Makario Iparra.

Lurzoruaren sailkapena eta kategoria: lurzoru urbanizagarri sektorizatua.

Kalifikazioa: erabilera anitzeko ekipamendua.

2. Hirigintzako aprobetxamendua.

Lurzatiaren azalera: 1.513,14 m².

Esleituriko aprobetxamendua: 265 AU.

3. Hirigintzako antolamendu xehakatuko determinazioak.

A) Hiri bilbeen definizioa.

Lerrokadurak.

-Sestra gaineko gehieneko lerrokadura: dokumentazio grafikoan adierazten direnak.

-Sestrapeko gehieneko lerrokadura: dokumentazio grafikoan adierazten direnak.

lerrokadura ofizialarekin bat datorrena, iparraldeko mugan izan ezik. Eraikuntza guztiak, lurpekoak barne, NA-700 errepideko galtzadaren kanpoko ertzetik gutxienez 25 metrora egon beharko dira.

Sestrak: planoetan zehaztutakoak.

B) Lurzatien gaineko egintzen arauketa.

-Kudeaketa baldintzak.

Jarduketa unitatea.

Jarduketa unitatea lurzatia izanen da, birzatiketa proiektua egin eta gero. Jabeek unitate horretan gauzatuko dute beren aprobetxamendua, zuzenean.

Jarduketa mota: zuzena, birzatitu, urbanizatu eta laga ondoren.

Lurzatiketak egiteko baldintzak: 2 lurzatitan banatzen ahalko da, gehienez, gutxieneko frontea 6 m-koa izanen dela.

-Erreserbak.

Aparkalekuak: 12 aparkaleku.

Aparkalekuen erreserba SLVan ebatziko da, eta urbanizazio proiektuan jasoko da.

C) Eraikuntzaren baldintzak.

Eraikuntzaren tipologia: gorakako eraikina, bloke motakoa.

Gehieneko eraikigarritasuna: 600 m².

Onarturiko gehieneko bolumena: S1+BS+2.

D) Erabilera xehakatuak:

Erabilera nagusia: erabilera anitzeko ekipamendua.

Haurtzaindegi, ostalaritza, prestakuntza, zerbitzugune eta antzekoen ekipamendutarako erabilerak baimendu dira.

Erabilera baliokidea: Garajea/aparkalekuak.

Erabilera debekatuak: industria.

E. Ebaluazio ekonomikoa. Etapakako plana.

Etapa bakarra ezarri da sektorerako.

2 urteko epea ezarri da urbanizazio proiekturako, eta 4 urtekoa, ordez, hori garatzeko.

Ebaluazio ekonomikoari buruzko taula erantsi da.

Iruñean, 2010eko abenduan.

Iragarkiaren kodea: L1109636