Iragarkia

125. ALDIZKARIA - 2011ko ekainaren 27a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

DEIALDIA, Nafarroako Administrazio Publikoaren Institutuko zuzendari kudeatzaileak ekainaren 14an emandako 60/2011 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko Psikologiako lizentziadun (Aurrea hartzeko Diziplina: Ergonomia eta Psikosoziologia Aplikatua) izateko bi lanpostu oposizio bidez betetzeko.

Nafarroako Administrazio Publikoaren Institutuko zuzendari kudeatzaileak ekainaren 14an emandako 60/2011 Ebazpenaren bidez Nafarroako Foru Komunitateko Administrazioaren eta haren erakunde autonomoen zerbitzuko Psikologiako lizentziadun (Aurrea hartzeko Diziplina: Ergonomia eta Psikosoziologia Aplikatua) izateko bi lanpostu oposizio bidez betetzeko deialdia onetsi da.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsia, aipatutako estatutua garatu eta gauzatzeko Sarrera Erregelamendua, gainerako aplikazio arauak eta deialdi honen oinarriak.

1.-Deialdiaren xedea.

1.1. Deialdi honen xedea da Psikologiako lizentziadun izateko bi lanpostu (Aurrea hartzeko Diziplina: Ergonomia eta Psikosoziologia Aplikatua) oposizio bidez betetzea. Lanpostuak funtzionarioen araubidekoak eta A mailakoak dira, Iruñean aritzekoak. Txanda hauetan beteko dira:

-Lanpostu bat, txanda irekian.

-Lanpostu bat, igoera txandan.

1.2. Deialdiko lanpostu hutsak hauek dira:

-Bi lanpostu, Hezkuntza Departamentuan:

2, Hezkuntza Departamentuko Ikuskapenaren eta Zerbitzuen Zuzendaritza Nagusiari atxikiak. Plantilla organikoko zenbakiak: 38031 eta 4631, Iruñean aritzeko.

1.3. Igoera txandako lanpostuak hutsik geldituz gero, izangaiek ez dutelako hautaprobak gainditzeko behar den gutxieneko puntuazioa lortu, txanda irekikoei gehituko zaizkie.

Bestalde, igoera txandan hutsik dauden lanpostuak baino izangai gehiagok gainditzen badituzte probak, txanda horretan probak gainditu arren lanposturik eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta lortutako azken puntuazioaren arabera.

Era berean, deialdiaren 7.2 oinarrian agiriak aurkezteko ezarritako epea bukatzen denean, deialdiaren 2.1.2 oinarriko betebehar berariazkoak betetzen ez dituzten igoera txandako izangaiek aukera izanen dute txanda irekiko lanpostuak eskuratzeko, aurreko lerroaldean adierazitako modu berean.

1.4. Lanpostuen ordainsariak hauek izanen dira: uztailaren 4ko 158/1984 Foru Dekretuaren bidez onetsitako Ordainsariei buruzko Behin-behineko Erregelamenduan A mailarentzat oro har ezarritakoak eta aplika daitezkeen gainerako xedapenetan kasu bakoitzerako ezartzen direnak.

1.4. Halaber, deialdi honen bidez, hautapen prozesuan parte hartu eta lanposturik lortzen ez duten izangaiekin aldi baterako kontratatuak izateko izangaien zerrenda hauek osatu nahi dira:

-Probak gainditu arren, lanposturik lortzen ez duten izangaien zerrenda, departamentu eta erakunde autonomo guztietarako.

-Administrazio Erroan aldi baterako kontratatzeko izangaien zerrenda.

Izangaien zerrenda horiek deialdi honen 10. oinarrian xedatutakoaren arabera onetsi eta kudeatuko dira.

2.-Izangaiek bete beharreko baldintzak.

2.1. Oposizioan onartuak izateko, izangaiek, eskabideak aurkezteko epea bukatzen den egunean eta agiriak aurkezteko epea bukatzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa edo, Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, parte har dezakete espainiarren eta Europar Batasuneko beste estatuetako herritarren ezkontideek, edo aipatu nazioarteko itunen aplikazio eremuan sartutako estatuetako herritarren ezkontideek, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Psikologiako lizentziadun titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lortutako tituluak badira, homologazioaren frogagiria eduki beharko da.

d) Prebentzio Zerbitzuen Erregelamenduaren 37. artikuluak ezartzen dituen goi mailako eginkizunetan aritzeko titulu egokia izatea, hain zuzen, Ergonomia eta Psikosoziologia Aplikatua aurrea hartzeko diziplinan aritzeko, aipatu erregelamenduan eta horren ondotik emaniko garapen arauetan ezarritakoari jarraikiz.

e) B motako ibilgailuen gidabaimena izatea.

f) Bete behar dituen eginkizunetan aritzeko adinako gaitasun fisikoa eta psikikoa izatea.

g) Eginkizun publikoetan aritzeko ezgaitua edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute ez dutela diziplina zehapenik edo zigor penalik, beren estatuko funtzio publikoan sartzea eragozten dienik.

2.1.2. Igoera txandako izangaiek bete beharreko baldintza berariazkoak:

Igoera txandako izangaiek, aurreko atalean adierazitako baldintzez gain, hauek ere bete beharko dituzte:

a) Nafarroako edozein administrazio publikotako langile finkoa izatea, edo Nafarroako Foru Komunitateari transferitutako Justizia Administrazioaren zerbitzuei atxikitako langile finkoa, eta abiapuntuko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio publikoetan bost urteko antzinatasun aitortua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez benetan eman dituztela zerbitzuak kidego horietan.

Nafarroako Administrazio Publikoen Zerbitzuko Langileen Estatutuaren zortzigarren xedapen gehigarrian ezarri dena aplikatuz, igoera txandan parte hartzeko gainerako baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Izendatua izateko proposatzen den izangaiak betebehar horiek frogatu beharko ditu, deialdiaren 7.2 atalean ezarritako epean eta moduan. Salbuespen izanen dira 3. oinarriarekin bat eskabidearekin batera aurkeztu behar diren agiriekin frogatutakoak.

3.-Eskaerak aurkeztea eta tasak ordaintzea.

3.1. Tasak.

Azterketa eskubideengatik eta espedientea formalizatzeko, 40 euroko tasa ordaindu beharko da. Azterketa eskubideengatiko tasa ordaindu ez bada, baztertu eginen da izangaia.

Honako hauek ez dute tasarik ordaindu beharko:

a) %33ko edo hortik gorako desgaitasun aitortua duten pertsonek.

b) Deialdia argitaratu aurretik hilabetez gutxienez lan eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskaini zaizkien lan egokiei uko egin ez izatea eta lanbide sustapen, prestakuntza edo aldaketarako ekintzetan parte hartzeari uko egin ez izatea, justifikatutako kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetean.

Lan eskatzailea dela frogatzeko, enplegu bulegoak emandako agiria aurkeztu beharko du. Bertan, lan eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo moldaketarako ekintzetan parte hartzeari ere, justifikatutako kasuetan izan ezik.

Interesdunaren aitorpenaren bidez frogatuko da ez duela hilabetero lanbide arteko gutxieneko soldatatik gorako diru-sarrerarik. Aitorpen eredua Nafarroako Gobernuko Informazio Bulegoan eskuratzen ahalko da edo, bestela, Internet bidez, arestian emandako helbidean.

Sistema hauetakoren bat erabiliz ordaintzen ahalko da tasa hori:

-Telematika bidez, 3.2 oinarriko A.1 letran adierazitako moduan.

-Behar den bezala betetako ordainketa-gutunaren bidez, Nafarroako Foru Komunitateko banku entitateetan ordaintzeko. Internet bidezko deialdian, www.navarra.es helbidean, "Enplegu Publikoa" atalean, ordainketa-gutunaren eredua dago.

Herritarrentzako laguntza bulegoetan tramite horiek egiteko behar diren informazioa eta laguntza eskuratzen ahalko dira. Deialdiaren Interneteko aipuan horri buruzko informazioa dago.

3.2. Eskabideak.

Eskabideak deialdi honen eranskineko ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eskabide eredua Internet bidez eskuratzen ahalko da, www.navarra.es helbidean, bai deialdia argitaratzen duen aldizkari ofizialetik, bai "Enplegu Publikoa" atalean deialdiari buruz dagoen aiputik abiatuta.

Deialdian parte hartzeko eskabideak hura Nafarroako Aldizkari Ofizialean argitaratu eta, biharamunetik hasita, hogeita hamar egun naturaleko epean aurkeztu beharko dira. Eskabideak aurkezteko epea luzaezina da.

Aurkezteko, baliabide hauetako edozein erabil daiteke:

A) Telematika bidez.

A.1. Internet bidez, deialdi honen fitxan den "Inskripzioa eta ordainketa telematikoa" izeneko estekan sartuta, Nafarroako Atariaren "Enplegu publikoa" atalean, www.navarra.es helbidean.

Aurkezteko eta ordaintzeko modu hori ezin izanen da erabili tasak ordaintzetik salbuesten duen frogagiria aurkeztu behar denean, ezta 3.3 oinarriko Bi eta Hiru zenbakietan aipatzen diren kasuetan ere.

A.2. Nafarroako Foru Komunitateko Administrazioaren Erregistro Orokor Elektronikoan, Nafarroako Gobernuaren web atarian eskura baitago.

B) Aurrez aurre.

Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda deialdiko aipuan, "izena emateko lekuak" atalean, hain zuzen, argitaratu zen) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz.

Eskabidea posta bulegoan aurkeztea aukeratuz gero, gutun-azalak irekita egon beharko du, postetxeko langileek data eta zigilua jar diezazkioten ziurtatu eta Nafarroako Gobernuaren Erregistro Orokorrera (Karlos III.aren etorbidea, 2, 31002 Iruña) igorri aurretik.

3.3. Eskabidearekin batera aurkeztu beharreko agiriak.

Bat.-Espedientea formalizatzeko eta azterketa eskubideengatik tasa ordaindu izanaren frogagiria.

Bi.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren betebeharrak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

Hiru.-3.1. oinarriaren a) atalean (tasak salbuestea) eta 8. oinarrian (lanpostuak aukeratzeko lehentasuna) xedaturikoari dagokionez eta, halaber, denboren eta baliabideen egokitzapena eskatzeko, %33ko edo hortik gorako desgaitasuna duten izangaiek hori agiri hauetariko baten jatorrizkoaren edo kopia konpultsatuaren bidez frogatu beharko dute:

-IMSERSOk edo autonomia erkidegoan eskumena duen organoak luzatutako ziurtagiria.

-Gizarte Segurantzako Institutu Nazionalaren ebazpena, prestazio bat jasotzeko eskubidea onartzen diona hauetakoren bat izateagatik: ezintasun iraunkor osoa, erabateko ezintasun iraunkorra edo baliaezintasun handia.

Desgaitasuna duten izangaiek probak egiteko denboren eta baliabideen egokitzapenak eskatzeko, hala adierazi beharko dute eskabidean, eta aparteko orri batean azaldu beharko dute nolako desgaitasuna duten eta zein egokitzapen eskatzen duten. Interesdunen eskura dago egokitzapenak eskatzeko eredu bat www.navarra.es helbidean, deialdiaren aipuan, "Enplegu Publikoa" atalean, hain zuzen.

4.-Izangaien onarpena eta erreklamazioak.

4.1. Eskabideak aurkezteko epea bukatuta, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako Aldizkari Ofizialean argitara dadila aginduko.

4.2. Behin-behineko zerrenda Nafarroako Aldizkari Ofizialean argitaratu eta biharamunetik hasita, izangai baztertuek hamar egun balioduneko epea izanen dute erreklamazioak aurkezteko eta, akatsik egin badute, haiek zuzentzeko.

4.3. Erreklamazioak aurkezteko epea bukaturik eta haien gaineko ebazpena eman ondoren, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du, izangai onartuen eta baztertuen behin betiko zerrenda onesteko, eta Nafarroako Aldizkari Ofizialean argitara dadila aginduko.

4.4. Izangaiei ez zaizkie azterketa egiteko eskubideak itzuliko, baldin eta beraiei egotzitako arrazoiengatik baztertzen badira.

5.-Epaimahaia.

5.1. Epaimahaia honako kide hauek osatuko dute:

-Mahaiburua: María del Carmen de Andrés Vierge andrea, Hezkuntza Departamentuko Laneko Arriskuei Aurrea hartzeko Ataleko burua.

-Ordezkoa: Arturo Martínez Ros jauna, Hezkuntza Departamentuko Plangintza Ataleko burua.

-Batzordekidea: María José Lasa Gorráiz andrea, Psikologiako lizentziaduna (Aurrea hartzeko Diziplina: Ergonomia eta Psikosoziologia Aplikatua), Nafarroako Lan Osasunaren Institutuko Laneko Prestakuntza eta Psikosoziologiaren Atalari atxikia.

-Ordezkoa: María Artazcoz Echarte andrea, Psikologiako lizentziaduna (Aurrea hartzeko Diziplina: Ergonomia eta Psikosoziologia Aplikatua), Nafarroako Gobernuko Lehendakaritza, Justizia eta Barne Departamentuko Laneko Arriskuei Aurrea hartzeko Atalari atxikia.

-Batzordekidea: Miguel Díez de Ulzurrun Sagala jauna, Unibertsitateko goi mailako tituluduna (Aurrea hartzeko Diziplina: Ergonomia eta Psikosoziologia Aplikatua), Nafarroako Lan Osasunaren Institutuko Laneko Arriskuei Aurrea hartzeko Atal Teknikoari atxikia.

-Ordezkoa: Víctor Manuel Idoate García jauna, Osasunbidea-Nafarroako Osasun Zerbitzuko Laneko Arriskuei Aurrea Hartzeko Zerbitzuari atxikitako medikua.

-Batzordekidea: Nafarroako Foru Komunitateko Administrazio Erroko Langileen Batzordearen ordezkari bat, batzordeak berak proposatua.

-Ordezkoa: Nafarroako Foru Komunitateko Administrazio Erroko Langileen Batzordearen ordezkari bat, batzordeak berak proposatua.

-Batzordekide idazkaria: Sagrario Cilveti Gubía andrea, Laneko Medikuntzako sendagile espezialista, Nafarroako Gobernuko Hezkuntza Departamentuko Laneko Arriskuen Prebentziorako Atalari atxikia.

-Ordezkoa: Pilar Iturgaiz Gorena andrea, Laneko Medikuntzako sendagile espezialista, Nafarroako Gobernuko Hezkuntza Departamentuko Laneko Arriskuen Prebentziorako Atalari atxikia.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, epaimahaiburuak eta epaimahaikide-idazkariak edo haien ordezkoek egon beharko dute bertan.

5.3. Epaimahaiko kideek ez dute parte hartuko, eta organo dei egileari horren berri emanen diote, baldin eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean badaude.

Izangaiek, halaber, zilegi dute epaimahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira arituko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2011ko azaroan hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak argitaratuko ditu, arauz egin behar den moduan.

6.2. Oposizioak ariketa hauek izanen ditu:

-Lehenengo ariketa: teorikoa. Deialdi honetako gai zerrendako gaiei buruzko 100 galdera erantzun beharko dira idatziz. Galdera bakoitzak erantzun batzuk izanen ditu aukeran, baina bat bakarra izanen da zuzena. Epaimahaiak ariketa hori egiteko izangaiek zenbat denbora duten gehienez adieraziko du hura hastean. Erantzun okerrengatik puntuak kenduko dira.

-Bigarren ariketa: teorikoa. Hiru gai garatu beharko dira idatziz; eranskinean ageri den gai zerrendako zati bakoitzeko bat. Horretarako, epaimahaiak zozketaz aterako ditu aipatutako zati bakoitzeko bi gai, eta izangaiek horietako bat, nahi dutena, aukeratu eta garatu beharko dute. Epaimahaiak ariketa hori egiteko zenbat denbora dagoen gehienez adieraziko du haren hasieran.

-Hirugarren ariketa: teoriko-praktikoa. Epaimahaiak proposaturiko kasu bat edo gehiago garatuko dira, idatziz, eranskineko gai zerrendako gaiei lotuak. Epaimahaiak ariketa hori egiteko zenbat denbora dagoen gehienez adieraziko du haren hasieran.

-Laugarren ariketa: ingeleseko probak. Borondatezko ariketa da eta ez baztertzailea, eta aurreko hiru ariketak gainditzen dituzten izangaiek egiten ahalko dute. Idatzizko eta ahozko proba bana eginen dira, izangaien jakite maila zehazteko. Proba horiek Nafarroako Administrazio Publikoaren Institutuak prestatuko ditu eta haren emaitza loteslea izanen da epaimahaiarentzat. Deialdiaren Interneteko aipuan, www.navarra.es helbidean, "Enplegu Publikoa" atalean, hain zuzen, horien edukiari eta ezaugarriei buruzko informazio orokorra dago.

6.3. Oposizioko ariketen balorazioan 100 puntu eman daitezke gehienez, honela banatuak:

Lehenengo ariketa: 30 puntu gehienez.

Bigarren ariketa: 30 puntu gehienez. Gai bakoitzean 10 puntu emanen dira gehienez.

Hirugarren ariketa: 30 puntu gehienez.

Laugarren ariketa: 10 puntu gehienez.

6.4. Oposizioko lehenengo, bigarren eta hirugarren ariketak baztertzaileak izanen dira. Bazterturik geldituko dira ariketa bakoitzean kalifikaziorik altuena lortzen duen izangaiaren puntuazioaren erdira gutxienez iristen ez diren izangaiak. Hori hala izanik ere, ariketa gainditutzat jotzeko, deialdiaren oinarrietan ariketarako ezarritako gehieneko puntuazioaren 1/3 atera beharko da gutxienez. Halaber, bazterturik geldituko dira bigarren eta hirugarren ariketetako gai edo kasu praktikoetako edozeinetan 0 puntuko kalifikazioa jasotzen duten izangaiak.

6.5. Bigarren eta hirugarren ariketak plika sistemaren bidez eginen dira.

6.6. Ariketa bakoitzaren kalifikazioa amaitutakoan, epaimahaiak jendaurrean jarriko du, ariketa egiten den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gainera, oposizioko hurrengo proba non, zein egunetan eta zein ordutan eginen den adierazten duen oharra argitaratuko du, gutxienez hura hasi baino 48 ordu lehenago. Zerrenda Internet bidez ere kontsultatzen ahalko da, www.navarra.es helbidean, "Enplegu Publikoa" atalean, hain zuzen, deialdiari buruz dagoen aiputik abiatuta.

6.7. Ariketa bakoitzerako deialdi bakarra eginen da. Izangaiek aldean izan beharko dute nortasun agiri nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.8. Hautaprobak egiteko, desgaitasun aitortua dutenentzat beharrezkoak diren denbora eta baliabide egokitzapenak ezarriko dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukaturik, epaimahaiak jendaurrean jarriko du, probak egin diren tokian eta Nafarroako Gobernuaren iragarki oholean, probak gainditu dituztenen zerrenda, oposizioan lortutako kalifikazioekin. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, puntuaziorik altuenak izateagatik deialdiko lanpostuetan sartzen ahal diren izangaiak izendatzeko proposamenarekin eta espediente osoarekin batera. Proposamena Nafarroako Aldizkari Ofizialean argitaratuko da. Zerrenda Internet bidez ere kontsultatzen ahalko da, www.navarra.es helbidean, "Enplegu Publikoa" atalean, hain zuzen, deialdiari buruz dagoen aiputik abiatuta.

Berdinketarik gertatuz gero, hirugarren ariketan puntu gehien lortu dutenen alde ebatziko da. Eta hala ere berdinduta segitzen badute, lehenengo ariketan lortutako puntuazioa hartuko da kontuan.

7.2. Izendapen proposamena Nafarroako Aldizkari Ofizialean argitaratu ondoko 30 egun naturaleko epean, proposatutako izangaiek berariazko inprimaki batzuk jaso eta honako agiri hauek aurkeztu beharko dituzte, Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiek:

a) Nortasun agiri nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskabideak aurkezteko epean titulua eskuratzeko moduan dagoela frogatzen duen agiria.

c) B motako ibilgailuak gidatzeko baimenaren kopia konpultsatua.

d) Laneko Arriskuei Aurrea Hartzeko Atalak emandako txostena, interesdunak karguan aritzea eragozten dion eritasun edo akats fisiko edo psikikorik ez duela frogatzeko.

Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

e) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

f) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste administrazio publikoren bateko langile finkoek edo Nafarroako Foru Komunitateari transferitutako Justizia Administrazioko zerbitzuei atxikitako langile finkoek, gainera, beste ziurtagiri bat aurkeztu beharko dute, aurreko administrazioko espediente pertsonalean ageri diren inguruabar eta aurrekari guztiak frogatzeko, hots, sarrerari, antzinatasunari, mailari, egoera administratiboari eta abarri buruzko guztiak.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiek:

a) Deialdiaren 2.1.1.c) oinarrian eskatzen den tituluaren fotokopia konpultsatua, edo hura lortzeko eskubideak pagatu direla frogatzen duen gordekinarena, edo, hala bada, eskabideak aurkezteko epean titulua eskuratzeko moduan dagoela frogatzen duen agiria.

b) B motako ibilgailuak gidatzeko baimenaren kopia konpultsatua.

7.2.3. Desgaitasunen bat alegatu duten izangaiek, gainera, desgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuetan izan ezik, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzukizuna galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du hutsunea, eta horrekin ere aurreko ataletan adierazitako moduan jokatuko da.

7.5. Nahitaezko betebehar eta baldintzen frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eska diezaioke izangaiari, eta horrek deialdi honen 7.2 oinarrian ezarritako moduan aurkeztu beharko du.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Lanpostu hutsak aukeratzerakoan, %33ko desgaitasun aitortua edo handiagoa duten izangaiek lehentasuna izanen dute gainerako izangaien aurretik, kontuan hartu gabe zein txandaren bidez parte hartu duten.

Hala izanagatik ere, desgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, desgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egiten duten txostenaren arabera.

8.3. Hautaprobak igoera txandan gainditzen dituzten izangaiek deialdiko lanpostuak betetzeko lehentasuna izanen dute txanda irekiko izangaien aldean, aurreko atalean adierazitako salbuespena kontuan hartuz.

9.-Izendapena, lanpostu hutsen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, Psikologiako lizentziadun (Aurrea hartzeko Diziplina: Ergonomia eta Psikosoziologia Aplikatua) lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, eta Nafarroako Foru Komunitateko Administrazioko funtzionarioen arloan indarra duten xedapenetan ezarri diren eskubide eta betebehar guztiak izanen dituzte. Gizarte Segurantzako araubide orokorrean afiliatuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein montepioren eskubide pasiboetan sarturik daudenek bi aukera izanen dituzte: Nafarroako Foru Komunitateko Administrazioaren montepioan segitzea, martxoaren 5eko 10/2003 Foru Legearen bidezko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.4. Funtzionarioek bizilekua destinoko herrian ez izateak ez du alde batera uzten lantokira puntual iritsi beharra eta lanaldia eta lanpostuko eginkizunak zuzen bete beharra eta, gainera, ez da inolako konpentsaziorik jasoko lantokirako joan-etorriengatik.

Behar bezala justifikatutako kasu batzuetan, administrazio publikoek zilegi izanen dute funtzionarioei destinoko herrian bizi daitezela eskatzea, lanpostuko eginkizunengatik eta eskatzen den dedikazioagatik bidezkoa denean.

9.5. Izendapena Nafarroako Aldizkari Ofizialean argitaratuko da eta izangai izendatuek hilabeteko epean jabetu beharko dute lanpostuez, izendapenaren jakinarazpenetik kontatzen hasita.

Aipatutako epean eta ezinbesteko kasuetan izan ezik, izangairen bat lanpostuaren jabe egiten ez bada, Foru Komunitateko Administrazioaren funtzionario izateko eskubide guztiak galduko ditu. Hala gertatzen bada, deialdiaren 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe, zuzenean eta berak eskatuta, indarreko arudian ezarritako kasuetan, borondatezko eszedentzia ematen bazaio jabetza hartzearen egunetik beretik, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratatuak izateko izangaien zerrenda.

10.1. Nafarroako Administrazio Publikoetan sartzeko Erregelamenduaren 42. artikuluan, Lehendakaritza, Justizia eta Barneko kontseilariaren abenduaren 31ko 814/2010 Foru Aginduan (aldi baterako kontratazioa kudeatzeko arauak onesten dituena) eta oinarri honetan ezarritako prozedurarekin bat, aldi baterako kontratazioetarako zerrenda hauek prestatuko dira hautapen prozesuan parte hartu eta lanposturik lortzen ez duten izangaiekin:

a) Gainditu arren lanposturik lortu ez duten izangaien zerrenda.

b) Administrazio Erroan aldi baterako kontratatuak izateko izangaien zerrenda.

10.2. Probak gainditu arren lanposturik lortu ez duten izangaien zerrenda eta Administrazio Erroan aldi baterako kontratatuak izateko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak espedientea bidali ondoren, Funtzio Publikoaren zuzendari nagusiak emandako ebazpenaren bidez, gainditu arren lanposturik lortu ez duten izangaien zerrenda eta probak gainditu gabe lanposturik lortu ez duten izangaien zerrenda onetsiko dira, aplikatzen ahal diren kudeaketa arauen arabera.

Probak gainditu gabe lanposturik lortu ez duten izangaien zerrenda honakoek osatuko dute:

a) Sartzeko deialdian aurkeztuta, prozesu osoa ez, baina proba batzuk gainditzen dituzten izangaiak.

b) Deialdiaren oinarrietan lehenengo probarako ezarritako gehieneko puntuazioaren gutxienez %30 lortzen duten izangaiak.

Zerrendak Nafarroako Gobernuaren iragarki oholean (Karlos III.aren etorbidea, 2 - ataria, Iruña) eta Nafarroako Gobernuaren www.navarra.es webgunean argitaratuko dira.

Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuari eta Nafarroako Mendekotasun Agentziari igorriko die probak gainditu arren lanposturik lortu ez duten izangaien zerrenda, aplikatzekoak diren arauei jarraikiz kudea dezaten.

Honako hau izanen da aldi baterako kontratazioen zerrendetako hurrenkera: probak gainditu arren lanposturik lortu ez dutenen kasuan, sarrerako hautaketa prozesuan lortutako puntuaziorik handienaren arabera, eta gainerako izangaien kasuan, hurrengo irizpideen eta aplikazio hurrenkeraren arabera:

a) Nork gainditu duen proba gehien.

b) Nork izan duen puntuaziorik altuena probetan.

Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

Aldi baterako kontrataziorako izangaien zerrendan agertzeak ez du esan nahi interesdunei onartzen zaienik 2. oinarrian ezarritako baldintzak betetzen dituztela; izan ere, horiek oinarri honetan adierazten den bezala frogatu beharko dituzte.

Izangaiei deitu eta, kasua bada, haiek kontratatzerakoan, Administrazio Erroan, honako hauetan xedatutakoari jarraikiz jokatuko da: Nafarroako Administrazio Publikoen zerbitzuko Langileen Estatutuaren Testu Bategina onesten duen abuztuaren 30eko 251/1993 Legegintzako Foru Dekretuaren 88.b) artikulua eta hurrengoak; aldi baterako kontratazioa kudeatzeko arauak onesteko Lehendakaritza, Justizia eta Barneko kontseilariak abenduaren 31n eman zuen 814/2010 Foru Agindua; eta aplikatzekoak diren gainerako arauak.

Izangaiei deitzeko, Lehendakaritza, Justizia eta Barneko kontseilariak abenduaren 31n eman zuen 814/2010 Foru Aginduaren 9. artikuluan izangaien zerrendetako lehentasun hurrenkera finkatzeko araubide orokorraren salbuespenei buruz ezarritakoa hartuko da kontuan.

Kontratatzeko deitzen diren izangaiek bakarrik aurkeztu beharko dituzte 2.1. oinarrian tituluei buruz eskatzen zaiena betetzen dutela frogatzeko agiriak; hain zuzen ere kontratua formalizatzen den unean, jatorrizko agiriak edo behar bezala konpultsatutako kopiak aurkeztuz.

Eskatzen diren agiriak aipatu epean aurkezten ez dituzten izangaiek, aski justifikatutako ezinbesteko kasuetan izan ezik, eta eskatutako baldintzak betetzen ez dituztenek deialdian parte hartzetik ondorioztatutako eskubide guztiak galduko dituzte; betiere, parte hartzeko eskabidea faltsutzeagatik legokiekeen erantzukizuna galarazi gabe.

Sarrera prozesuko eskabideak aurkezteko epea bukatzen den egunerako bete beharko dira baldintzak eta, orobat, hautaprobak egin bitartean eta kontratazioaldiak iraun bitartean.

11.-Errekurtsoak.

Epaimahaiaren egintzen eta ebazpenen kontra gora jotzeko errekurtsoa jartzen ahalko da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xedeko egintza argitaratu edo jakinarazi eta biharamunetik hilabeteko epean.

Deialdiaren, oinarrien eta horiek aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barneko kontseilariari zuzendua, errekurtsoaren xedeko egintza argitaratu edo jakinarazi eta biharamunetik hasita hilabeteko epean.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.

Iruñean, 2011ko ekainaren 14an.-Nafarroako Administrazio Publikoaren Institutuko zuzendari kudeatzailea, Gregorio Eguilaz Gogorza.

I. ERANSKINA

Hautaprobetan onartua izateko eskabidea

Deialdiaren datuak:

Sartzeko txanda:

Datu pertsonalak:

Aurkeztutako agiriak:

Ondoko hauen proba eskatzen du:

Sinatzaileak ESKAERA egiten du eskabide honetan adierazitako prozesuan onartua izan dadin eta ADIERAZTEN DU, erantzukizuna berea izanik, bertan agertzen diren datu guztiak egiazkoak direla, deialdiaren oinarrian eskatutako betebehar guztiak betetzen dituela eta datu horiek guztiak agirien bidez frogatzeko konpromisoa hartzen duela.

(Sinadura)

.........................(e)n, .................(e)ko ......................aren ...........(e)(a)n

NAFARROAKO ADMINISTRAZIO PUBLIKOAREN INSTITUTUKO ZUZENDARI KUDEATZAILEA.

LEHENDAKARITZA, JUSTIZIA ETA BARNE DEPARTAMENTUA.

(*) Deialdiaren oinarrietan xedatutakoari jarraikiz.

II. ERANSKINA

Gai-zerrenda

I. zatia.

1. gaia.-Espainiako 1978ko Konstituzioa: printzipio orokorrak. Oinarrizko eskubide eta betebeharrak. Botere Judiziala. Gorte Nagusiak: osaera eta eginkizunak. Gobernua eta Estatuko Administrazioa. Konstituzio Auzitegia: osaera, izaera eta eskumenak.

2. gaia.-Europar Batasuna. Parlamentua. Kontseilu Europarra. Europako Batzordea. Kontseilua (ministroena). Justizia Auzitegia. Beste erakunde batzuk.

3. gaia.-Europar Batasuneko antolamendu juridikoaren iturriak: sorrerako zuzenbidea eta zuzenbide eratorria. Laneko segurtasun eta osasunaren arloko Europar Batasunaren zuzentarau nagusiak. Espainiako arauetara nola egokitu diren.

4. gaia.-Espainiako 1978ko Konstituzioaren lehen xedapen gehigarria. Nafarroako Foru Eraentza Berrezarri eta Hobetzeari buruzko Lege Organikoa: izaera eta esanahia. Atariko titulua. Nafarroaren eskumenak.

5. gaia.-Nafarroako Parlamentua edo Gorteak. Nafarroako Comptos Ganbera. Arartekoa.

6. gaia.-Nafarroako Gobernua. Eginkizunak. Osaera, izendapena, eratzea eta kargu-uztea. Eskudantziak eta eskumenak. Funtzionamendua. Laguntza organoak. Erantzukizun politikoa, Parlamentuaren kontrola eta Parlamentuaren desegitea. Nafarroako Gobernuko lehendakaria.

7. gaia.-Nafarroako Foru Komunitateko Administrazioa. Nafarroako Foru Komunitateko Administrazioari buruzko abenduaren 3ko 15/2004 Foru Legean ezarritako printzipio orokorrak. Herritarrek Nafarroako Foru Komunitateko Administrazioarekiko harremanetan dituzten eskubideak. Antolaketa: printzipio nagusiak eta egitura organikoa, kide anitzeko organoak eta administrazio organoen eskumenak.

8. gaia.-Administrazio publikoen araubide juridikoaren printzipio orokorrak. Administrazio publikoen organoak. Administrazio prozeduraren interesdunak.

9. gaia.-Administrazioaren xedapenak eta egintzak. Egintza administratiboen betebeharrak. Egintzen eraginkortasuna. Deuseztasuna eta deuseztagarritasuna.

10. gaia.-Prozedura administratiboen xedapen orokorrak: prozeduraren abiaraztea, antolamendua, instrukzioa eta amaiera. Bide administratiboko egintzen berrikuspena: ofiziozko berrikuspena eta administrazio errekurtsoak.

11. gaia.-Kontratu Publikoei buruzko Foru Legea: aplikaziorako arau orokorrak eta eremua. Kontratistak. Administrazio publikoen kontratu guztietarako xedapenak. Esleipenaren aurreko jarduketak.

12. gaia.-Nafarroako Administrazio Publikoen Zerbitzuko Langileen Estatutua. Langile motak. Funtzionario publikoak hautatzea. Administrazio egoerak. Funtzionarioen eskubideak, betebeharrak eta bateraezintasunak. Ordainsariak.

13. gaia.-11/2007 Foru Legea, apirilaren 4koa, Nafarroako Foru Komunitateko Administrazioan administrazio elektronikoa ezartzeari buruzkoa.

14. gaia.-21/2005 Foru Legea, abenduaren 29koa, politika publikoak eta zerbitzu publikoen kalitatea ebaluatzeari buruzkoa.

15. gaia.-15/1999 Lege Organikoa, abenduaren 13koa, Datu Pertsonalak Babesteari buruzkoa.

16. gaia.-Hezkuntzari buruzko maiatzaren 3ko 2/2006 Lege Organikoa. Ikasketen antolaketa eta bizitza osoan zehar ikastea. Irakasleen aintzatespena, laguntza eta balioespena.

17. gaia-Hezkuntza Departamentua: egitura organikoa, eginkizunak eta eskumenak.

18. gaia.-Osasunari buruzko apirilaren 25eko 14/1986 Lege Orokorra eta Osasunari buruzko azaroaren 23ko 10/1990 Foru Legea: egitura eta edukien azterketa, lan osasuna bereziki aipatuta.

19. gaia-Martxoaren 24ko 1/1995 Legegintzako Errege Dekretua, Langileen Estatutuari buruzko legearen testu bategina onesten duena. 2/1995 Legegintzako Errege Dekretua, apirilaren 7koa, Lan Prozedurari buruzko Legearen Testu Bategina onesten duena.

20. gaia.-Lanaren Nazioarteko Erakundea. Laneko segurtasun eta osasunari buruzko hitzarmen eta gomendio nagusiak. Osasunaren Munduko Erakundea. Lanerako Segurtasun eta Osasunerako Europako Agentzia. Bizitzako eta Laneko Baldintzak Hobetzeko Europako Fundazioa.

21. gaia.-Laneko Segurtasun eta Higienearen Institutu Nazionala (LSHIN) eta Laneko eta Gizarte Segurantzako Ikuskatzailetza: egiturak eta eskumenak.

22. gaia.-Laneko Segurtasun eta Osasunerako Europako eta Espainiako Estrategiak (2007-2012).

23. gaia.-Berrikuntza, Enpresa eta Enplegu Departamentua eta Osasun Departamentua: laneko segurtasunari eta osasunari lotutako erakunde eta zerbitzu nagusiak, Nafarroako Lan Osasunaren Institutua bereziki aipatuta.

24. gaia.-Laneko Arriskuen Prebentzioari buruzko azaroaren 8ko 31/1995 Legea. Egitura eta edukiaren azterketa. Garatzeko araudia.

25. gaia.-Langileen eta enpresaburuen eskubide eta eginbeharrak, Laneko Arriskuei Aurrea hartzeari buruzko Legearen arabera.

26. gaia.-Kontsulta-betebeharra eta langile publikoen parte-hartze eta ordezkaritza eskubideak. Espezializatu gabeko ordezkaritza-organoak: langileen batzordeak, enpresa batzordeak eta langileria arloko ordezkariak. Ordezkaritza espezializatuko organoak: aurreneurrietarako ordezkariak eta Segurtasun eta Osasun batzordeak. Eskumenak eta ahalmenak.

27. gaia.- Arrisku jakinen aurrean bereziki sentikorrak diren langileen babesa. Amatasunaren babesa. Emakumezko langileentzako laneko arrisku berariazkoak, haurdunaldian, erditu ondoren eta bularra ematean.

28. gaia.-Erantzukizunak eta zehapenak Laneko Arriskuen Prebentzioaren arloan. 5/2000 Legegintzako Errege Dekretua, abuztuaren 4koa, lan arloko arau-hauste eta zehapenei buruzko Legearen testu bategina onesten duena. Edukien azterketa, lan osasuna bereziki aipatuta. Askatasunaren, integritate moralaren eta sexu-askatasunaren eta indemnitate sexualaren kontrako delituak, Zigor Kodeari buruzko azaroaren 23ko 10/1995 Lege Organikoan agertzen direnak.

29. gaia.-39/1997 Errege Dekretua, urtarrilaren 17koa, Prebentzio zerbitzuen Erregelamendua onesten duena: egitura eta edukiaren azterketa.

30. gaia.-135/1998 Foru Dekretua, apirilaren 20koa, laneko arriskuei aurrea hartzeko araudia Foru Komunitateko Administrazioaren eta haren erakunde autonomoen eremurako egokitzen duena.

31. gaia.-Aurreneurrien integrazioa enpresaren kudeaketa-sistemetan. Laneko arriskuei aurrea hartzeko plana. Laneko arriskuen ebaluazioa eta prebentzio lanaren plangintza.

32 gaia.-Lantokietako segurtasun eta osasunari buruzko 486/1997 Errege Dekretua eta bere gida teknikoa, Laneko Segurtasun eta Higienearen Institutu Nazionalak prestatua.

33. gaia.-Langileentzako arriskutsuak izan daitezkeen zamak, bereziki, bizkarrerako eta gerrialderako, eskuz jasotzeari buruzko segurtasun eta osasunari buruzko 487/1997 Errege Dekretua eta bere gida teknikoa, Laneko Segurtasun eta Higienearen Institutu Nazionalak prestatua.

34 gaia.-Datuak bistaratzeko pantailekin lan egiteari buruzko segurtasun eta osasunari buruzko 488/1997 Errege Dekretua eta bere gida teknikoa, Laneko Segurtasun eta Higienearen Institutu Nazionalak prestatua.

35. gaia.-Laneko medikuntza. Oinarrizko kontzeptuak, helburuak eta eginkizunak. Langileen osasuna zaintzea. Osasunaren berariazko zainketa.

36. gaia.-Ekainaren 3ko 114/2002 Foru Dekretua, Nafarroako Foru Komunitateko eta bere erakunde autonomoetako langileak lanerako ezintasunagatik birkokatzeko prozedura arautzen duena, Osasunbidea-Nafarroako Osasun Zerbitzuari atxikitako langileak eta Hezkuntza eta Kultura Departamentuari atxikitako irakasle ez unibertsitarioak izan ezik.

37. gaia.-Nafarroako Foru Komunitateko Administrazioan eta haren erakunde autonomoetan lanean ematen den jazarpen moralaren aurkako jardunbide egokien adierazpena. Moral, sexu edo bereizkerian oinarritutako indarkeria eta jazarpen egoerei aurrea hartzeko eta haiek konpontzeko eta jarraitzeko prozedura, Nafarroako Foru Komunitateko Administrazioan eta haren erakunde autonomoetako langile publikoen lan inguruan.

38. gaia.-Lanean kanpoko erasoei aurre egiteko eta horien aurrean jarduteko plan orokorra, Nafarroako Foru Komunitateko Administrazioaren eta haren erakunde autonomoen zerbitzuko langileei zuzendua. Hezkuntza Departamentuko langileei eginiko kanpoko erasoen aurrean jarduteko protokoloa.

39. gaia.-Lanak eragindako kalteak. Lan istripuei eta lanbideko eritasunei buruzko Espainiako arauak. Lanak eragindako kalteen jakinarazpena, erregistroa eta sailkapena. Lanbideko eritasunen taula.

40. gaia.-Lanerako ezintasunak, aldi baterakoak eta iraunkorrak. Kontzeptu orokorrak. Laneko kontingentzien ezaugarriak. Indarra duen araudia. Araubide desberdinen ezaugarri bereizleak.

41. gaia.-Gizarte Segurantzako Laneko Istripu eta Lanbideko Eritasunen Mutuak. Alderdi orokorrak eta laneko segurtasun eta osasunarekin zerikusia duten jarduketak. Indarra duen araudia.

42. gaia.-Estatistika. Funtsezko kontzeptuak. Estatistika deskriptiboa: aldagai motak. Maiztasunen banaketa. Grafikoki nola irudikatu. Zentralizazio eta barreiatze estatistikak. Hipotesien kontrastea. Hipotesi nuloa eta alternatiboa. Hipotesiak kontrastatzeko proba motak. Huts motak. P-ren balioa. Estatistika inferentziala. Populazioa eta lagina: zer diren. Laginketa motak eta metodoak.

43. gaia.-Indizeak epidemiologian. Tasak: intzidentzia, prebalentzia. Intzidentzia metatua. Uneko eta epealdiko prebalentziak. Intzidentziaren eta prebalentziaren arteko loturak. Tasen estandarizazioa. Tasen proportzioa. Desbiderapen motak eta kontrola.

44. gaia.-Ikerketa epidemiologikoa. Diseinu epidemiologikoaren ezaugarriak. Baliozkotasuna eta errepikagarritasuna. Baliozkotasun barnekoa eta kanpokoa. Inkesta sorten fidagarritasuna eta balioa. Screening motako test baten baliozkotasuna. Sentiberatasuna, berariazkotasuna, aurresateko balioa eta errepikagarritasuna.

45. gaia.-Azterlan epidemiologikoak: motak. Eredu bakoitzaren arazo eta ekarpenak. Saiakuntzako azterlanak. Behaketa azterlanak. Zeharkako eta luzetarako azterlanak. Atzera begirako eta aurrera begirako azterlanak. Aplikazioak lan osasunean.

46. gaia.-Laneko arriskuak irakaskuntzaren sektorean: ikastetxe publikoetako irakasleak eta irakaskuntzaz kanpoko langileak.

47. gaia.-Lanari lotutako estresari buruzko Europako esparru-akordioa eta lanean ematen den jazarpen eta indarkeriari buruzko Europako esparru-akordioa.

48. gaia.-Langileen laneko eta familiako eginkizunak bateratzeari buruzko azaroaren 5eko 39/1999 Legea. Emakumeen eta Gizonen arteko Berdintasunari buruzko martxoaren 22ko 3/2007 Lege Organikoa. Funtsezko alderdiak. Edukien azterketa, lan osasuna bereziki aipatuta.

49. gaia-Lanpostuen azterketa eta deskribapena: aplikazioa lan osasunaren esparruan.

50. gaia.-Prestakuntza beharren analisia eta prestakuntza planak egitea, lan-arriskuen prebentzioaren arloan. Egindako prestakuntza jardueren ondorioak ebaluatzea.

II. zatia.

1. gaia.-Ergonomia eta psikosoziologia: kontzeptua eta helburuak. Ebaluatzeko metodo kualitatiboak eta kuantitatiboak.

2. gaia.-Arrisku ergonomiko eta psikosozialak ebaluatzeko prozedura: elementu arriskutsuak zehaztea, arrisku horiek jasan ditzaketen langileak identifikatzea eta dagoen arriskua baloratzea.

3. gaia.-Lanaren karga fisikoa. Muskuluen jardueraren fisiologia. Lan estatikoa eta dinamikoa. Karga fisikoaren balorazioa: oxigenoaren kontsumoa, bihotz-frekuentziaren neurketa.

4. gaia.-Laneko biomekanika. Laneko arrisku-faktoreak, patologia muskulu-eskeletikoekin loturikoak, bereziki bizkar eta gerruntzealdekoak eta goiko gorputz-adarrekoak. Gaur egungo ebidentzia.

5. gaia.- Lanlekuaren diseinuan aplikagarriak diren printzipio ergonomikoak. Oinarrizko gorputz-jarrerak. Lanlekuaren diseinua eta haren dimentsioak.

6. gaia.-Jarrera behartuak eta estatikoak. Kontzeptua. Arriskua sortzen duten alderdiak. Arriskua identifikatu, ebaluatu eta kontrolatzea. Aplikatzekoa den araudia.

7. gaia.-Zamak eskuz maneiatzea. Kontzeptua. Arriskua sortzen duten alderdiak. Arriskua identifikatu, ebaluatu eta kontrolatzea. Aplikatzekoa den araudia.

8. gaia.-Pertsonak eskuz mugitzea. Kontzeptua. Arriskua sortzen duten alderdiak. Arriskua identifikatu, ebaluatu eta kontrolatzea. Aplikatzekoa den araudia.

9. gaia.-Mugimendu errepikatuak. Kontzeptua. Arriskua sortzen duten alderdiak. Arriskua identifikatu, ebaluatu eta kontrolatzea. Aplikatzekoa den araudia.

10. gaia.-Diseinu ergonomikoaren printzipioak eta irakasleen lanpostuetan aplikatzea, bereziki Lehen Hezkuntzako eta Bigarren Hezkuntzako zikloetan eta hezkuntza premia bereziak dituzten ikasleen hezkuntzan.

11. gaia.-Datuak ikusteko pantailekin lan egitea. Kontzeptua. Arrisku faktoreak. Ebaluazioa. Datuak ikusteko pantailak dituzten lanpostuen diseinua. Aplikatzekoa den araudia.

12. gaia.-Lanpostuen argiztapena. Kontzeptua. Arriskua sortzen duten alderdiak. Arriskua identifikatu, ebaluatu eta kontrolatzea. Aplikatzekoa den araudia.

13. gaia.-Konfort termikoa. Kontzeptua. Arriskua sortzen duten alderdiak. Arriskua identifikatu, ebaluatu eta kontrolatzea. Aplikatzekoa den araudia.

14. gaia.-Konfort akustikoa. Zaratak komunikazioarekin eta kontzentrazioarekin duen zerikusia. Ebaluazioa. SIL eta NR irizpideak. Prebentzioa eta aplikazioa ikastegietan.

15. gaia.-Barreneko giroaren kalitatea. Baldintzatzen duten faktoreak. Eraikin eriaren sindromea: barneko giroaren kalitatearen ebaluazioa, prebentzioa eta kontrola.

16. gaia.-Desgaitasuna. Lanpostuen ebaluazioa. Metodologiak. Lanpostuak egokitzeko gomendioak: gomendio ergononomiko orokorrak, desgaitasun motaren araberako gomendio berariazkoak.

17. gaia.-Haurdunaldia eta arrisku ergonomiko eta psikosozialak. Arriskua identifikatu, ebaluatu eta kontrolatzea.

III. zatia.

1. gaia.-Laneko eta erakundeetako psikologia: kontzeptua eta helburuak. Eredu teoriko nagusiak.

2. gaia.-Giza jokabidea erakundeetan: alderdi indibidualak. Taldeak erakundeetan. Kontzeptua eta talde motak. Talde jokabidea. Erakundeak eta taldeak bere kideen gainean duten eragina.

3. gaia.-Lanerako motibazioa. Kontzeptua eta eredu teorikoak. Erakundeek beren kideak motibatzeko erabiltzen dituzten estrategia nagusiak.

4. gaia.-Laneko gogobetetzea: kontzeptua eta eredu teorikoak. Lanpostuan laneko gogobetetzerako garrantzitsuak diren faktoreak.

5. gaia.-Erakundeko giroa. Eredu teorikoak. Ondorioak. Diagnostikoa eta ebaluazioa.

6. gaia.-Bizi kalitatea lanean. Kontzeptua. Laneko bizi kalitateak eta erakundearen eraginkortasunak eta produktibitateak elkarrekin duten zerikusia.

7. gaia.-Faktore psikosozialak lanean. Definizioa eta sailkapena. Faktore psikosozialei heltzean azpian dauden eredu teorikoak.

8. gaia.-Faktore pertsonalek eta sozialek laneko estresean duten eragina.

9. gaia.-Faktore psikosozial kaltegarrien ondorioak (I): arrisku psikosozialeko adierazleak.

10. gaia.-Faktore psikosozial kaltegarrien ondorioak (II): estresa eta beste arazo psikosozial batzuk. Definizioak. Estresa sortzeari buruzko ereduak. Estres kronikoaren erreakzioak eta ondorioak. Estresaren prebentzioa eta esku-hartze psikosoziala.

11. gaia.-Laneko psikopatologia: oinarrizko kontzeptuak. Sailkapena eta lanerako ahalmenean duten ondorioak. Lanpostuen egokipena.

12. gaia.-Laneko nortasuna aztertzeko teknikak eta tresnak: jokabidea aurresateko bideak. Ebaluazio psikometrikoaren alderdi legezko eta etikoak.

13. gaia.-Irakasleen ezinegona eta burnout sindromea. Diagnostikoa eta ebaluazioa. Prebentzioa eta esku-hartze psikosoziala. Engaiamendua irakaskuntzaren esparruan.

14. gaia.-Lanaren faktore psikosozialen eta haien ondorioen ebaluazioa. Alderdi orokorrak. Emaitzen aurkezpena: arrisku psikosozialen ebaluazio txostena.

15. gaia.-Faktore psikosozialak ebaluatzeko metodologia: ebaluaziorako faseak, metodoak eta teknikak.

16. gaia.-Prebentzio eta esku-hartze psikosoziala (I): lan antolamenduaren gaineko ekintza eta esku-hartzea.

17. gaia.-Prebentzio eta esku-hartze psikosoziala (II): lanpostuaren eta eginbeharraren gaineko ekintza eta esku-hartzea.

18. gaia.-Prebentzio eta esku-hartze psikosoziala (III): pertsonaren gaineko ekintza eta esku-hartzea.

19. gaia.-Erakunde osasuntsuak. Lantokiko adimen osasuna eta ongizatea. Lanean adimen osasunerako prebentzioa eta sustapena.

20. gaia.-Komunikazioa erakundeetan. Kontzeptua, izaera eta elementuak. Komunikazio formala eta informala.

21. gaia.-Lidergoa erakundean. Definizioa eta alderdiak.

22. gaia.-Boterea, autoritatea eta hierarkia lan erakundeetan. Erakunde motak eta agintzeko estilo motak. Pertsonen arteko botere-harremanak. Zuzendaritzako kideen eta erdi mailako agintarien eginkizunak eta gaitasunak.

23. gaia.-Langileen arteko harreman pertsonalak. Gatazka: prozesua eta faseak. Gatazkaren funtzioak eta disfuntzioak erakundean.

24. gaia.-Gatazkei aurre egiteko eta haiek kontrolatzeko eta konpontzeko estrategiak: negoziazioa, bitartekaritza, arbitrajea.

25. gaia.-Lanaren karga mentala. Kontzeptua, ezaugarriak eta eragile nagusiak. Gehiegizko eta gutxiegizko karga mentalaren ondorioak. Arriskua identifikatzea eta ebaluatzea. Karga mentalari lotutako diseinu ergonomikoaren printzipioak.

26. gaia.-Exijentzia emozionala irakaskuntzan jardutean. Identifikazioa, ebaluazioa eta prebentzioa.

27. gaia.-Rol-anbiguotasuna, rol-gatazka eta estres psikosozialeko beste faktore batzuk, erakundean rolak betetzeagatik sorturikoak.

28. gaia.-Laneko jazarpen psikologikoa (I): jazarpenaren prozesua eta portaera motak. Generoaren efektua jazarpen psikologikoan.

29. gaia.-Laneko jazarpen psikologikoa (II): langilearentzako eta erakundearentzako ondorioak. Detekzio eta prebentziorako estrategiak.

30. gaia.-Kanpoko indarkeria lantokian. Tipologia. Arrisku faktoreak eta ondorioak indarkeria pairatzen duen pertsonarengan. Arriskuen ebaluazioa, prebentzioa eta babes neurriak. Biktimarentzako laguntza.

31. gaia.-Giza jokabidea larrialdi egoeretan. Larrialdi batek kaltetu dituen langileentzako laguntza psikologikoa: lehen sorospen psikologikoak.

32. gaia.-Arriskuak erakundean eta lan istripuak. Jokabide segurua eta jokabidean oinarritutako seguritatea. Arriskuaren pertzepzioa.

33. gaia.-Lekukotasunaren Psikologiak lan istripuen ikerketetan egindako ekarpenak. Lekukoen deklarazioa hartzea.

Oharra: Gai guztiak bat etorriko dira deialdi hau Nafarroako Aldizkari Ofizialean argitaratzen den egunean indarra duen legeriarekin.

Iragarkiaren kodea: F1110642