1. NAFARROAKO FORU KOMUNITATEA
1.7. BESTELAKOAK
1096DGE/2011 EBAZPENA, ekainaren 1ekoa, Enpresako zuzendari nagusiak emana, Vodafone España, S.A.k aurkeztutako Nafarroako Foru Komunitateko Azpiegiturei buruzko Lurralde Plana aldatu eta eguneratzeko bigarren, hirugarren eta laugarren espedienteak onesten dituena.
Nafarroako Foru Komunitatean uhin elektromagnetiko ez-gidatuen bidezko telekomunikazioko oinarrizko estazioak antolatzeko maiatzaren 6ko 10/2002 Foru Legeak zehazten duenez, operadoreek Azpiegiturei buruzko Lurralde Plan bat aurkeztu behar dute, onesteko. Plan horrek lehendik dauden estazio finkoak, ezartzekoak direnak eta sare osoaren garapena bilduko ditu.
Nafarroako Gobernuak 2010eko maiatzaren 17an hartutako Erabakiaren bidez (2010eko 66. Nafarroako Aldizkari Ofizialean argitaratu zen, maiatzaren 31n), Vodafone España, S.A. enpresak aurkeztutako Nafarroako Foru Komunitateko Azpiegiturei buruzko Lurralde Plana aldatu eta eguneratzeko bigarren, hirugarren eta laugarren espedienteak jendaurrean jarri eta, aldi berean, horien eraginpean dauden udalei entzunaldia eman zitzaien. Espedientea jendaurrean egon den aldian, 15 alegazio-idazki aurkeztu dira.
Nafarroako Gobernuak 2011ko otsailaren 28an hartutako Erabakiaren bidez (2011ko 2. Nafarroako Aldizkari Ofizialean argitaratua, martxoaren 30ean), tramite horiek ebatzi ziren. Erabaki horretan bertan, bi toki entitatek, Tutera eta Corellako udalek, eta zenbait partikularrek, beren izenean eta beste talde batzuk ordezkatuz, aurkeztutako bi alegazioak erantzun ziren. Halaber, espedienteak onesteko determinazioak ezarri ziren, eta, azkenik, espedientea telekomunikazioen arloan eskumena duen departamentuak onets zezan. Gero, operadoreak uko egin zion AT-NA-Cuatrovientos kolalekuari, beraz, planetik kendu da.
Adierazitakoarekin bat eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluak ematen dizkidan eskudantziak erabiliz,
EBATZI DUT:
1. Vodafone España, S.A.k aurkeztutako Nafarroako Foru Komunitateko Azpiegiturei buruzko Lurralde Plana aldatu eta eguneratzeko bigarren, hirugarren eta laugarren espedienteak onestea, bai eta ebazpen honen eranskinean jasotako kolalekuak, honako determinazio hauekin:
a) Ingurumen Kalitatearen Zerbitzuak 2010eko martxoaren 8an egindako txostena betez, plana aldatu eta eguneratzeko hirugarren espedienteari dagokionez, obretarako lizentzia eman aurretik TM-NA-Monjardin kokalekuko instalazioen Ingurumen ukipenetarako baimena tramitatu beharko da.
b) Nafarroako Osasun Zerbitzua-Osasun Publikoaren Institutuak 2009ko maiatzaren 27an egindako txostena betez, Lurralde Plan honetan agertzen diren oinarrizko estazioen berariazko baimenei buruzko prozesuan, maiatzaren 6ko 10/2002 Foru Legearen I. eta II. eranskinetan ezarritakoa eta sentikortzat jotako gune edo lekuetarako ezarritako berariazko xedapenak betetzen direla justifikatu beharko da.
c) Nafarroako Osasun Zerbitzua-Osasun Publikoaren Institutuak 2009ko maiatzaren 20an egindako txostena betez, plana aldatu eta eguneratzeko bigarren espedienteari dagokionez, abian jarri ondoren azterlan zehatz bat aurkeztu beharko da, euskarri informatikoan eta grafikoan, enpresa homologatu batek egina, ondoko kokaleku hauen emisio irrati-elektrikoei buruz:
-AM-NA-Ablitas.
-AM-NA-Cabanillas.
-AM-NA-Iberkoien.
-AT-NA-Lekunberri.
-AM-NA-Mendigorria.
-AM-NA-Miranda.
-AM-NA-Pitillas.
-AM-NA-Sartaguda.
-GN-NA-Abartzuza.
-GN-NA-Arraioz.
-TM-NA-Arraitza.
-TM-N4-Guardian.
-TM-NA-Miravalles.
-TM-NA-Zuasti.
d) Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamendua onetsi zuen abenduaren 28ko 93/2006 Foru Dekretuaren arabera, obretako udal lizentziak eman baino lehen instalazio bakoitzaren ingurumen ukipenetarako baimen egokia tramitatu beharko da.
e) Aurreikusitako lanetan, horren berririk izan ez eta aztarna arkeologikoren bat agertuko balitz, legez lanak gelditu eta horren berri eman beharko zaio, berehala, Ondare Arkeologikoaren Bulegoari, ondare historikoaren alorrean indarrean dagoen legeriarekin bat (Nafarroako Kultur Ondareari buruzko azaroaren 22ko 14/2005 Foru Legearen 59. artikuluan eta Espainiako Ondare Historikoari buruzko ekainaren 25eko 16/1985 Legearen 42.3 eta 44. artikuluak). Aipatu foru legearen 101.h artikulua aplikatzeko, oharpen hori ez betetzeagatik ondare historikoari gerta lekiokeen edozein ukipen arau-hauste larritzat joko litzateke.
2. Vodafone España, S.A. enpresari agindeia egitea, hiru hilabeteko epean testu bategin bat igor dezan, paperean eta euskarri digitalean. Testu horretan, aurreko determinazio horiek biltzeaz gain, Nafarroako Foru Komunitateko Azpiegiturei buruzko Lurralde Plana aldatzeko hiru espedienteetako kokalekuen fitxak eta kokalekuen UTM koordenatuen zerrenda bilduko ditu. Halaber, espedienteen onespen-datan eguneratutako erantzukizun zibileko aseguruen kopiak igorri beharko ditu.
3. Operadoreari ohartaraztea, egin asmo diren instalazioak (ur-ibilbide publikoen polizia eremua, errepideen eragin eremua, mugarri geodesikoak, zortasun aeronautikoak, lurzoru urbanizaezina, etab.) ukitu edo baldintzatzen ahal dituzten azpiegitura eta zortasunei dagokienez, kasuan kasuko arloan eskudun diren organoen baimen guztiak eskuratu beharko dituela.
4. Ebazpen hau eta eranskina igortzea Ingurumenaren eta Uraren Zuzendaritza Nagusira, Vianako Printzea Erakundea-Kultura eta Turismo Departamentuko Ondare Historikoaren Zerbitzura, Osasun Publikoaren Institutura, Lurraldearen Antolamendu eta Hirigintza Zerbitzura eta Nafarroako Udalerrien eta Kontzejuen Federaziora, behar diren ondorioak izan ditzaten.
5. Ebazpen hau eta eranskina jakinaraztea alegatzaileei eta Vodafone España, S.A.ri, eta adieraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Berrikuntza, Enpresa eta Enpleguko kontseilariari zuzendua, argitaratu eta biharamunetik hilabeteko epean.
6. Ebazpen hau eta eranskina jakinaraztea Ablitas, Antsoain, Aranguren, Arraitza, Baztan, Berriobeiti, Buñuel, Cabanillas, Cárcar, Zarrakaztelu, Kaseda, Cintruénigo, Zizur, Corella, Eguesibar, Elortzibar, Lizarra, Esteribar, Galar, Lekunberri, Lesaka, Martzilla, Mendigorria, Miranda Arga, Murchante, Oltza, Iruña, Azkoien, Pitillas, Sartaguda, Tutera, Alesbes, Villamayor de Monjardín eta Deierriko Udalei, eta ohartarazten da zilegi dutela administrazioarekiko auzi-errekurtsoa jartzea, eskumena duen ordena jurisdikzionalari zuzendua, bi hilabeteko epean, jakinarazi eta biharamunetik aitzina. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
7. Ebazpen hau eta eranskina Nafarroako Aldizkari Ofizialean argitaratzea, orok jakin dezan.
Iruñean, 2011ko ekainaren 1ean.-Enpresako zuzendari nagusia, Begoña Urien Angulo.
ERANSKINA Kokalekuen zerrenda |
ZK. | UDALERRIA | UTM KOORDENATUAK | KOKALEKUAREN KODEA | ESTAZIO MOTA |
X | Y |
Vodafone España, S.A.k 2006an aurkeztutako Nafarroako Foru Komunitateko Azpiegiturei buruzko Lurralde Planaren 2. aldaketa/eguneratzea |
1 | ABLITAS | 612450 | 4648605 | AM-NA-ABLITAS | RRH-UMTS/GSM |
2 | ANTSOAIN | 610823 | 4743456 | AT-NA-ANTSOAIN | RRH-UMTS |
3 | ARRAITZA | 597642 | 4736344 | TM-NA-ARRAITZA | GSM |
4 | BAZTAN | 615822 | 4778214 | GN-NA-ARRAIOZ | GSM |
5 | BERRIOBEITI | 603221 | 4746519 | TM-NA-ZUASTI | RRH-UMTS/GSM |
6 | BUÑUEL | 629104 | 4648155 | AM-NA-BUÑUEL | GSM |
7 | CABANILLAS | 624016 | 4654753 | AM-NA-CABANILLAS | RRH-UMTS/GSM |
8 | CARCAR | 584123 | 4694467 | AM-NA-CARCAR | GSM |
9 | ZARRAKAZTELU | 629158 | 4692555 | GN-ZARRAKAZTELU | RRH-UMTS |
10 | ZARRAKAZTELU | 633761 | 4687608 | AT-NA-FIGAROL | GSM |
11 | KASEDA | 634362 | 4709146 | AM-NA-KASEDA | GSM |
12 | CINTRUENIGO | 598691 | 4659777 | AT-NA-CIRBONERO | RRH-UMTS |
13 | ZIZUR | 608201 | 4738397 | AT-NA-ZIZUR-ZAHARRA | RRH-UMTS |
14 | CORELLA | 600377 | 4663514 | AM-NA-CORELLA-ERDIGUNEA | RRH-UMTS/DCS |
15 | EGUESIBAR | 614382 | 4739890 | AT-NA-BADOSTAIN | RRH-UMTS |
16 | EGUESIBAR | 615478 | 4740627 | AT-NA-EKOSARRIGUREN | RRH-UMTS |
17 | EGUESIBAR | 617596 | 4742395 | AT-NA-OSTATUA-EGUES | RRH-UMTS |
18 | LIZARRA | 580022 | 4722695 | TM-NA-MERKATONDOA | RRH-UMTS |
19 | ESTERIBAR | 614927 | 4744151 | TM-NA-MIRAVALLES | RRH-UMTS |
20 | GALAR | 609459 | 4736404 | AT-NA-ESKIROTZ | RRH-UMTS |
21 | GALAR | 611029 | 4737183 | AT-NA-NOAIN-INDUSTRIALDEA | RRH-UMTS |
22 | GALAR | 612044 | 4737970 | AT-NA-MOREA | RRH-UMTS |
23 | LEKUNBERRI | 589580 | 4761823 | AT-NA-LEKUNBERRI | GSM |
24 | LESAKA | 606103 | 4792175 | AM-NA-ENDARLATSA | RRH-UMTS/GSM |
25 | MARTZILLA | 604424 | 4687254 | AT-NA-ARDOVRIES | RRH-UMTS/DCS |
26 | MENDIGORRIA | 595928 | 4719623 | AM-NA-MENDIGORRIA | GSM |
27 | MIRANDA ARGA | 596508 | 4703595 | AM-NA-MIRANDA | GSM |
28 | MURCHANTE | 610415 | 4653985 | AT-NA-MURCHANTE-HERRIA | RRH-UMTS |
29 | OLTZA | 605569 | 4741831 | AM-NA-IBERKOIEN | RRH-UMTS/GSM |
30 | IRUÑA | 610708 | 4742719 | TM-NA-ARROTXAPEA | RRH-UMTS |
31 | IRUÑA | 608580 | 4742528 | TM-NA-SANDUZELAI | RRH-UMTS |
32 | IRUÑA | 612011 | 4742064 | AT-NA-MAGDALENA | RRH-UMTS |
33 | IRUÑA | 609580 | 4740364 | AM-NA-PIOXII | RRH-UMTS |
34 | IRUÑA | 608429 | 4743010 | AM-NA-ZERBITZUAK | RRH-UMTS |
35 | IRUÑA | 608574 | 4740438 | AM-NA-CARREFOUR | RRH-UMTS/DCS |
36 | IRUÑA | 610819 | 4740982 | AT-NA-AUTOBUSAK | RRH-UMTS/DCS |
37 | IRUÑA | 607346 | 4742845 | AT-NA-SANTA LUZIA | RRH-UMTS |
38 | IRUÑA | 611226 | 4741430 | TM-NA-NAFARROAKOGORTEAK | RRH-UMTS |
39 | IRUÑA | 608025 | 4743431 | AT-NA-EROSKI-IRUÑA | RRH-UMTS |
40 | IRUÑA | 612891 | 4741877 | AT-NA-SANMIGUEL | RRH-UMTS |
41 | IRUÑA | 611046 | 4741040 | AT-NA-HUSA-AVENIDA | RRH-UMTS |
42 | IRUÑA | 608380 | 4740099 | AT-NA-MIRASIERRA | RRH-UMTS |
43 | IRUÑA | 609610 | 4740633 | AT-NA-REYNODENAVARRA | RRH-UMTS |
44 | IRUÑA | 611574 | 4739254 | TM-NA-SADAR | RRH-UMTS |
45 | IRUÑA | 611148 | 4741547 | AT-NA-ESLAVA | RRH-UMTS |
46 | PITILLAS | 611687 | 4698122 | AM-NA-PITILLAS | GSM |
47 | SARTAGUDA | 578062 | 4692929 | AM-NA-SARTAGUDA | GSM |
48 | TUTERA | 609875 | 4663844 | AT-NA-GUARDIAN | RRH-UMTS/GSM |
49 | TUTERA | 616900 | 4654969 | AT-NA-EROSKI-TUTERA | RRH-UMTS |
50 | ALESBES | 603776 | 4684522 | AT-NA-IAN | GSM |
51 | DEIERRI | 584570 | 4732570 | GN-NA-ABARTZUZA | GSM |
Vodafone España, S.A.k 2006an aurkeztutako Nafarroako Foru Komunitateko Azpiegiturei buruzko Lurralde Planaren 3. aldaketa |
1 | ARANGUREN | 612464 | 4736755 | AT-NA-VISCOFAN | RRH-UMTS |
2 | ELORTZIBAR | 613471 | 4732146 | AT-NA-IMARKOAIN | RRH-UMTS |
3 | LESAKA | 605565 | 4789690 | AT-NA-LESAKA HERRIA | RRH-UMTS |
4 | IRUÑA | 611425 | 4741134 | AT-NA-CARLOS III | RRH-UMTS |
5 | TUTERA | 613819 | 4658039 | AT-NA-CANRASO | RRH-UMTS |
6 | VILLAMAYOR DE MONJARDIN | 573754 | 4720755 | TM-NA-MONJARDIN | GSM |
Vodafone España, S.A.k 2006an aurkeztutako Nafarroako Foru Komunitateko Azpiegiturei buruzko Lurralde Planaren 4. aldaketa |
1 | AZKOIEN | 601284 | 4687506 | AT-NA-JOFEMAR | RRH-UMTS |
F1110005 |
Iragarkiaren kodea: F1110005