1. NAFARROAKO FORU KOMUNITATEA
1.7. BESTELAKOAK
233/2011 EBAZPENA, ekainaren 3koa, Antolamenduaren, Kalitatearen eta Berrikuntzaren zuzendari nagusiak emana, Nafarroako unibertsitateetako Haur Hezkuntzako eta Lehen Hezkuntzako Maisu-Maistren graduetako tutore irakasleei eta practicumeko koordinatzaile tutoreei emandako ziurtagiria aitortzen duena.
Antolamenduaren, Kalitatearen eta Berrikuntzaren zuzendari nagusiaren urriaren 27ko 418/2010 Ebazpenak Nafarroako unibertsitateetako Haur Hezkuntzako Maisu-Maistra graduaren practicuma eta Lehen Hezkuntzako Maisu-Maistra graduarena egiteko ikastetxeak, tutore irakasleak eta praktiketako koordinatzaile tutoreak baimentzen ditu.
Nafarroako Gobernuaren Hezkuntza Departamentuak hitzarmenak sinatu ditu Haur Hezkuntzako Maisu-Maistra eta Lehen Hezkuntzako Maisu-Maistra graduen titulazioak ematen dituzten Nafarroako unibertsitateekin.
Aipatutako urriaren 27ko 418/2010 Ebazpenaren 8.3 puntuak hauxe ezartzen du: "Hezkuntza Departamentuak ezagutuko du unibertsitateak ikastetxeetako tutore irakasleei eta praktiketako koordinatzaile tutoreei emandako ziurtagiria, zeina deialdietan baloratuko baita hala jasotzen badute eta jasotzen duten moduan".
Alde horretatik, azaroaren 2ko EDU/2842/2010 Aginduak Estatuko lekualdatze lehiaketei aplikatu beharreko prozedura arauak ezarri zituen, eta masterretako eta graduetako praktiken tutorizazioa baloratzen du, aurretik hezkuntza administrazioak emandako ziurtagiria aurkeztuta. Ziurtagirian ikasturtea eta praktikaldiaren iraupena jasoko dira, ECTS kredituetan adierazia.
Unibertsitateak irakasle tutoreei eta ikastetxeetako praktiketako koordinatzaile tutoreei emandako ziurtagiria I. eranskineko ereduarekin bat etorriko da, gutxi gorabehera.
Hala, Hezkuntza Departamentuak aitortzeko, ziurtagiriak ebazpen hau aipatu beharko du berariaz, baita tutoretza egin den ikasturtea eta ECTS kreditu kopurua ere.
Nafarroako Unibertsitate Publikoak Haur Hezkuntzako eta Lehen Hezkuntzako Maisu-Maistren graduetako tutore irakasleei eta practicumeko koordinatzaile tutoreei emandako ziurtagiriaren aitortzeak kontuan hartuko du 1., 2., 3. eta 4. practicumetako bakoitzak 3 ECTS kredituko balioa duela, eta koordinatzaile tutoreei aitortuko zaizkie. 5. practicumak 9 ECTS kredituko balioa du, eta 6. practicumak 18 ECTS kreditukoa. Bai tutore irakasleei bai koordinatzaile tutoreei aitortuko zaizkie azkeneko bi practicum horiek, kasuan-kasuan dagokion bezala.
Nafarroako Unibertsitateak Haur Hezkuntzako eta Lehen Hezkuntzako Maisu-Maistren graduetako tutore irakasleei eta practicumeko koordinatzaile tutoreei emandako ziurtagiriaren aitortzeak kontuan hartuko du 1. practicumak 6 ECTS kredituko balioa duela, eta koordinatzaile tutore diren irakasleei aitortuko zaizkie. 2. practicumak 26 ECTS kredituko balioa du, eta 3. practicumak 12 ECTS kreditukoa. Bai tutore irakasleei bai koordinatzaile tutoreei aitortuko zaizkie azkeneko bi practicum horiek, kasuan-kasuan dagokion bezala.
Azaldutakoarekin bat, Prestakuntzaren eta Hezkuntza Berrikuntzaren Zerbitzuko zuzendariak proposatzen du Antolamenduaren, Kalitatearen eta Berrikuntzaren zuzendari nagusiaren ebazpen bat onets dadila Nafarroako unibertsitateetako Haur Hezkuntzako eta Lehen Hezkuntzako Maisu-Maistren graduetako tutore irakasleei eta practicumeko koordinatzaile tutoreei emandako ziurtagiria aitortzeko.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak ematen dizkidan ahalmenak erabiliz,
EBATZI DUT:
1. Nafarroako unibertsitateetako Haur Hezkuntzako eta Lehen Hezkuntzako Maisu-Maistren graduetako tutore irakasleei eta practicumeko koordinatzaile tutoreei emandako ziurtagiria aitortzea, baldin eta horretan berariaz ebazpen hau aipatzen bada, baita tutoretza egin den ikasturtea eta ECTS kreditu kopurua ere. Unibertsitateak irakasle tutoreei eta ikastetxeetako praktiketako koordinatzaile tutoreei emandako ziurtagiria I. eranskineko ereduarekin bat etorriko da, gutxi gorabehera.
2. Nafarroako Unibertsitate Publikoak Haur Hezkuntzako eta Lehen Hezkuntzako Maisu-Maistren graduetako tutore irakasleei eta practicumeko koordinatzaile tutoreei emandako ziurtagiriaren aitortzeak kontuan hartuko du 1., 2., 3. eta 4. practicumetako bakoitzak 3 ECTS kredituko balioa duela, eta koordinatzaile tutoreei aitortuko zaizkie. 5. practicumak 9 ECTS kredituko balioa du, eta 6. practicumak 18 ECTS kreditukoa. Bai tutore irakasleei bai koordinatzaile tutoreei aitortuko zaizkie azkeneko bi practicum horiek, kasuan-kasuan dagokion bezala.
3. Nafarroako Unibertsitateak Haur Hezkuntzako eta Lehen Hezkuntzako Maisu-Maistren graduetako tutore irakasleei eta practicumeko koordinatzaile tutoreei emandako ziurtagiriaren aitortzeak kontuan hartuko du 1. practicumak 6 ECTS kredituko balioa duela, eta koordinatzaile tutore diren irakasleei aitortuko zaizkie. 2. practicumak 26 ECTS kredituko balioa du, eta 3. practicumak 12 ECTS kreditukoa. Bai tutore irakasleei bai koordinatzaile tutoreei aitortuko zaizkie azkeneko bi practicum horiek, kasuan-kasuan dagokion bezala.
4. Ebazpen hau Nafarroako Aldizkari Ofizialean argitaratzea.
5. Ebazpen hau igortzea Antolamenduaren, Kalitatearen eta Berrikuntzaren Zuzendaritza Nagusira, Ikuskapenaren eta Zerbitzuen Zuzendaritza Nagusira, Lanbide Heziketaren eta Unibertsitateen Zuzendaritza Nagusira, Prestakuntzaren eta Hezkuntza Berrikuntzaren Zerbitzura, Unibertsitateko Irakaskuntza, Hedapen eta Ikerketa Zerbitzura, Hezkuntzako Ikuskapen Zerbitzura, Giza Baliabideen Zerbitzura, Irakasleen Prestakuntzako Atalera, Nafarroako Unibertsitate Publikora eta Nafarroako Unibertsitatera, behar diren ondorioak izan ditzan.
Iruñean, 2011ko ekainaren 3an.-Antolamenduaren, Kalitatearen eta Berrikuntzaren zuzendari nagusia, Teresa Aranaz Jiménez.
I. ERANSKINA
Practicumeko tutoreari eman beharreko ziurtagiriaren eredua
Kargua: -(r)en indarrez
Ziurtatzen du:
Izen-deiturak:
(NANa: ...........................). .............................. practicumeko (adierazi zein) tutore gisa parte hartu du. ......... ECTS kreditu ditu practicum horrek, eta ................. ikasturtean egin da.
Nafarroako Gobernuaren Hezkuntza Departamentuko Antolamenduaren, Kalitatearen eta Berrikuntzaren Zuzendaritza Nagusiaren ....................... urteko ..............aren ......(e)ko Ebazpenaren bidez aitortu da ziurtagiri hori (ebazpena 20....(e)ko ....... zenbakidun Nafarroako Aldizkari Ofizialean, .................aren ........koan, argitaratu zen).
Eta behar diren ondorioetarako jasota geldi dadin, agiri hau eman eta sinatzen dut, Iruñean, ..............(e)ko ..............aren .........(e)an
Sin.:
Practicumeko koordinatzaile tutoreari eman beharreko
ziurtagiriaren eredua
Kargua: -(r)en indarrez
Ziurtatzen du:
Izen-deiturak:
(NANa: ...........................). .............................. practicumeko (adierazi zein) tutore gisa parte hartu du. ......... ECTS kreditu ditu practicum horrek, eta ................. ikasturtean egin da.
Nafarroako Gobernuaren Hezkuntza Departamentuko Antolamenduaren, Kalitatearen eta Berrikuntzaren Zuzendaritza Nagusiaren ....................... urteko ..............aren ......(e)ko Ebazpenaren bidez aitortu da ziurtagiri hori (ebazpena 20....(e)ko ....... zenbakidun Nafarroako Aldizkari Ofizialean, .................aren ........koan, argitaratu zen).
Eta behar diren ondorioetarako jasota geldi dadin, agiri hau eman eta sinatzen dut, Iruñean, ..............(e)ko ..............aren .........(e)an
Sin.:
Iragarkiaren kodea: F1110206
