1. NAFARROAKO FORU KOMUNITATEA
1.7. BESTELAKOAK
621/2011 EBAZPENA, apirilaren 14koa, Ingurumenaren eta Uraren zuzendari nagusiak emana, Tafallako udal mugapean burdinazko metalak galdatzeko instalazioaren Ingurumen baimen integratua aldatzen duena, eskatutako aldaketen ondoren instalazioak izanen duen eraketa berriari egokitzeko. Jardueraren titularra Fagor Ederlan Tafalla, S. Coop. da.
Espediente mota: Ingurumen baimen integratua.
Espedientearen kodea: 659/06.
Aplikatu beharreko araua: Ingurumena Babesteko Esku-hartzeari buruzko 4/2005 Foru Legea.
Eranskina eta epigrafea: 2 B 2.2 - Galdaketa bidezko produkziorako edo altzairu gordinen produkziorako instalazioak (lehenengo eta bigarren galdaketa), orduan 2,5 tonatik gorako ahalmena duten etengabeko galdaketako instalazioak barne.
Instalazioa:
Titularra/k: Fagor Ederlan Tafalla, S. COOP.
Zentroaren zenbakia: 3122703298.
Kokalekua: Zaragozako errepidea.
UTM koordenatuak (Huso 30N, Datum ED50): X = 609.147; Y = 4.706.819.
Udalerria: Tafalla.
Proiektuak: 4. aldaketa: OPELeko arrak ur-margoekin pintatzeko lerroa.
Eskaeraren data: 2010/10/21.
Ingurumenaren eta Uraren zuzendari nagusiaren azaroaren 8ko 2250/2007 Ebazpenaren bidez, Ingurumen baimen integratua eman zen Tafallako udal mugapean burdinazko metalak galdatzeko instalazioarentzat. Jardueraren titularra Fagor Ederlan Tafalla, S. Coop. da.
Ebazpen hori Ingurumenaren eta Uraren zuzendari nagusiaren ekainaren 2ko 1247/2009 Ebazpenaren bidez eta abenduaren 29ko 2052/2010 Ebazpenaren bidez aldatu zen, sustatzaileak 2008ko azaroaren 27an eskatutako aldaketari egokitzeko.
Urriaren 21ean, titularrak aldaketa bat eskatu zuen, OPEL markako arrak ur-margoekin pintatzeko margo-lerro berri bat ezartzeko. Aldketa egungo produkzio nabearen 5.5 plantari dagokio, eta 108 m² inguruko eremua hartuko du. Ingurumen Kalitatearen Zerbitzuak, Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamendua onesten duen abenduaren 28ko 93/2006 Foru Dekretuaren 25. artikuluan ezarritako irizpideei jarraikiz, erabaki zuen aldaketa hori ez zela funtsezkoa eta, beraz, ez zela beharrezkoa beste Ingurumen baimen integratu bat ematea.
Hala ere, aldaketak nabarmenak dira, instalazioaren funtzionamenduan aldaketa garrantzitsuak sortuko dituztelako, eta oraingo Ingurumen baimen integratuan agertu behar dira. Horretarako, baimen hori aldatu behar da.
Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 105. eta 106. artikuluek ezartzen dutenez, administrazio publikoek beren egintzak alda ditzakete, betiere aldaketa antolamendu juridikoaren kontrakoa ez bada, kasu honetan gertatzen den bezala, zeinetan, gainera, aldaketa Ingurumen baimen integratuaren titularrak eskatuta egin baita.
Espedientea Ingurumena Babesteko Esku-hartzeari buruzko martxoaren 22ko 4/2005 Legea garatzeko Erregelamenduaren 29. artikuluan aurreikusitako prozedura erraztuari jarraikiz tramitatu da.
Aipatu den agindu juridikoa ikusirik eta ingurumen arloko eskumenak Ingurumenaren eta Uraren zuzendari nagusiaren, Ingurumen Kalitatearen Zerbitzuko zuzendariaren eta Biodibertsitatea Zaintzeko Zerbitzuko zuzendariaren esku utzi dituen urriaren 10eko 426/2007 Foru Aginduaren bidez eskuratu ditudan ahalmenak erabiliz,
EBATZI DUT:
1. Tafallako udal mugapean dagoen burdinazko metalak galdatzeko instalaziorako Ingurumen baimen integratua aldatzea, titularrak 2010eko urriaren 21ean eskatutako aldaketen ondoren instalazioak izanen duen eraketa berriari egokitzeko. Titularra Fagor Ederlan Tafalla, S. Coop. da. Ingurumen baimen integratua Ingurumenaren eta Uraren zuzendari nagusiaren azaroaren 8ko 2250/2007 Ebazpenaren bidez eman zitzaion.
2. Aldaketaren ondorioz baldintza berriak sartu dira instalazio horri Ingurumen baimen integratua eman zion 2250/2007 Ebazpenaren V. eranskinean. Eranskin horiek ebazpen honen I. eranskinean azaltzen denaren arabera aldatuko dira, industria jardueran bete beharreko funtzionamendu baldintzei dagokienez.
3. Aldaketak ez du ukitzen hasiera batean emandako Ingurumen baimen integratuaren indarraldia, 2015eko azaroaren 8an bukatuko dena. Berritu nahi izanez gero, titularrak indarraldia bukatu baino hamar hilabete lehenago, gutxienez, berritzeko eskatu beharko du, martxoaren 22ko 4/2005 Legea garatzeko Erregelamenduaren 30. artikuluan ezarritako prozedurari jarraituz.
4. Titularrak, aldaketa egin ondotik, instalazio osoa irekitzeko baimen berria eskatu beharko du funtzionamenduan hasi aurretik, martxoaren 22ko 4/2005 Foru Legea garatzen duen Erregelamenduaren 40. artikuluan xedatutakoarekin bat.
5. Ebazpen hau Nafarroako Aldizkari Ofizialean argitaratzea.
6. Ebazpen honek ez du administrazio bidea amaitzen eta espedientean interesa dutenek, administrazio publikoek izan ezik, haren kontra gora jotzeko errekurtsoa jartzen ahal dute, Nafarroako Gobernuari zuzendua, hilabeteko epean. Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epe horiek ebazpen honen jakinarazpena egin edo, bestela, Nafarroako Aldizkari Ofizialean argitaratu eta biharamunetik aurrera hasiko dira kontatzen.
7. Ebazpen hau jakinaraztea Fagor Ederlan Tafalla, S. Coop.eri, Tafallako Udalari, Ebroko Ur Konfederazioari, NILSAri, Nafarroako Larrialdietako Agentziako Babes Zibilerako Zuzendaritzari eta Ingurumena Zaintzeko Atalari, behar diren ondorioak izan ditzan.
Iruñean, 2011ko apirilaren 14an.-Ingurumenaren eta Uraren zuzendari nagusia, Andrés Eciolaza Carballo.
Oharra: ebazpen honetan aipatzen diren eranskinak interesdunen eskura daude Ingurumenaren eta Uraren Zuzendaritza Nagusiaren bulegoetan (González Tablas, 9-behea), Ingurumen Kalitatearen Zerbitzuan, eta Nafarroako Gobernuaren web atarian, hain zuzen ere Landa Garapeneko eta Ingurumeneko Departamentuaren sailean, "Ingurumen baimenak" kontsulten atalean.
Iragarkiaren kodea: F1107609