2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERRIOBEITI
Aldaketa Berriobeitiko 14. poligonoko 8. eta 322. lurzatietan.
Behin betiko onespena
Berriobeitiko Udalak, 2010eko irailaren 7ko osoko bilkuran erabakita, hasiera batean onetsi zuen Udal Planeko aldaketa xehakatua, Berriobeitiko katastroko 14. poligonoko 8. eta 322. lurzatiak ukitzen dituena.
Jendaurreko epea iraganda inork alegaziorik aurkeztu gabe, behin betiko onetsi da Berriobeitiko 14. poligonoko 8. eta 322. lurzatietako aldaketa, 2010eko azaroaren 30eko osoko bilkuran erabaki bezala.
Argitara ematen da, Lurraldearen Antolamenduari eta Hirigintzari buruzko 35/2002 Foru Legearen 76 eta 151. artikuluetan xedatutakoari jarraituz.
Kontzejua: Berriobeiti.
Identifikazioa: hirigune zahar finkatua.
Ukitutako lurzatiak: planoetan zehaztuak.
Hirigintzako helburuak: bizitegitarako hirigune zaharraren berezko ezaugarriak zaintzea Berriobeitin.
Sailkapena: hiri lurzoru finkatua.
Erabilerak: bizitegietarako eta erabilera bateragarriak.
Jarduketa sistema: zuzena.
Hirigintzako prozedura: eraikuntza proiektua, kasuan kasuko lagapenak urbanizatzeko lanak barne daudela.
Oharrak: eraikuntza eta urbanizazio jarduketek hirigune finkatuaren barruan Berriobeitiko Araudi Orokorrari jarraituko diote.
Ondokoak izanen dira interes orokorreko jarduketa asistematikoak:
-Elizatik hurbil dauden bi biltegi txikiak, 11. lurzatikoak, eraits daitezke eta etxebizitza berri bat egin daiteke haien ordez, betiere tipologia tradizionalean eta hura atzera eramanda, gutxienez, eliza aurreko lurzati horretako eraikuntzaren gainerako lerrokaduretara arte. Eraikuntza berria 200 m2 baino handiagoa izanen da. Horretarako inguruaren xehetasun azterlana eginen da.
-19. lurzatian aurri egoeran dagoen eraikuntza berriro eraikitzeko, 2,60 m-ko zabalerako zerrenda bat laga eta zolatu behar da, behera doan bidezidor estuaren ondoan, zeharkalearen eta elizako kalearen artean.
-42. lurzatiko etxea zeharkalean sartzen da, hura leku arriskugarri batean estutuz. Hura zaharberritu eta/edo eraitsiko balitz, eraikuntza berriaren fatxadak ondoko bi izkinekin lerrokatu beharko luke.
-Eraikuntzari dagokionez ez da mugarik ezarri 8. lurzatiaren ekipamendu publikorako, ez eraikigarritasunean ez garaieran. Edozein jarduketak Vianako Printzearen instituzioaren aldeko txostena izanen du aldez aurretik.
-Estali gabeko pilotalekua estal daiteke erabilera publikoko baldintzak hobetzeko. Proiektuan justifikatu beharko da zein den hura estaltzearen eragina ikuspegiaren gainean eta ondoko etxebizitzek hartzen duten eguzkiaren gainean.
-Katastroko 31. lurzatian dauden behe solairuko bi eraikinak (Kontzejuaren Etxea eta ondokoa) eraikitzerakoan, BS + 1 izan daitezke. Horretarako, xehetasun azterlana tramitatu beharko da, bi eraikinen fronteko zoladura errepidearen aldean zehazteko; lan horiek sartuko dira eraikinak handitzeko proiektuan.
Eraikuntza-tipologia: tradizionala.
Berriobeitin, 2010eko abenduaren 21ean.-Alkatea, José María Irisarri Ollacarizqueta.
Iragarkiaren kodea: L1021047