2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Aldaketa Tuterako Hiri Antolamendurako Plan Orokorrean,
San Francisco komentuari eta haren inguruari dagokionez
(ARDU-8 eta ARDU-5)
Lurraldearen Antolamenduko eta Etxebizitzako kontseilariaren abenduaren 14ko 215/2009 Foru Aginduaren bidez, behin betikoz onetsi zen Tuterako Hiri Antolamendurako Plan Orokorra San Francisco komentuan eta haren inguruan (ARDU-8 eta ARDU-5) aldatzeko espedientea, Tuterako Udalak sustatua. Iragarkia 2010eko 10. Nafarroako Aldizkari Ofizialean argitaratu zen, urtarrilaren 22an. Hona hemen haren
Hirigintzako Araudi Orokorra
1.-Memoria.
1.1.-Xedea.
Agiri honen xedea da Tuterako HAPOn aldaketa puntuala egitea, Tuterako Alde Zaharreko Babeserako eta Barne Berrikuntzarako 2004ko ekainean behin betikoz onetsi zen Plan Bereziaren Testu Bategineko berrikuntza eta diseinu bateratuko eremu hauetaz den bezainbatean: ARDU 8 (San Francisco komentua eta haren ingurua) eta ARDU 5 (Muro karrika eta Pamplona pasealekua).
1.2.-Sustatzailea.
Aldaketa Tuterako Udalak sustatu du, bera baita San Francisco komentu zaharra berritu eta kultur etxetako moldatzeko jarduketaren sustatzailea.
1.3.-Justifikazio formala.
Lurraldearen Antolamenduari eta Hirigintzari buruzko abenduaren 20ko 35/2002 Foru Legearekin bat (hemendik aitzina, LAHLF), ikuspegi formaletik begiratuta, udal planeamenduaren determinazioak aldatzea, hala egiturazkoak nola xehakatuak, egitura orokor eta organikoaren irizpideei eragin gabe, planeamenduaren aldaketatzat hartu beharra dago, LAHLFaren 78. artikuluak xedatzen duenari jarraikiz.
Legean tramitazio prozedura ezberdina ezarri da, aldaketak determinazio egiturazkoei ala xehakatuei eragiten dien. LAHLFaren 49. artikulura joz gero, aurkituko dugu kategoria bateko edo bertzeko determinazioen zerrenda. Lehen batean, agiri honen gaia hiri bilbearekin ikusteko duten aferak dira, 49.3.a) artikuluan hura ulertzen den bezala, alegia, lerrokadura, sestra eta bide-elementuen definizioa; alde horretatik, beraz, aldaketa xehakatu bat izanen genuke esku artean. Halarik ere, delako jarduketak Hiri Sistema Orokorrari eragiten dio Pamplona pasealekuan. Hartara hobetsi da, segurtasun juridikoa handiagoa izan dadin, aipatu Legean determinazio egiturazkoetarako ezarritako prozeduraren arabera tramitatzea.
Bertzalde ere, Alde Zaharra interes kulturaleko ondasun deklaratua dagoenez, beharrezkoa da Nafarroako kultur ondareari buruzko azaroaren 22ko 14/2005 Foru Legean dauden xedapenei kasu egitea. Zehatz-mehatz, lerrokadurei dagokienez egin gogo den aldaketa haren 39.2 artikuluak egiten du posible, honela erraten baitu: Multzo historikoetan hirigintza eta arkitektura aldetik duten egitura mantenduko da, bai eta ingurunearen ezaugarri orokorrak ere. Salbuespen izanen dira higiezinen ordezkapenak, are haien zatienak are, eta multzoaren osotasunaren kontserbazioari laguntzen dioten heinean bakarrik egin ahal izanen dira. Lehendik dauden hiri-lerrokadurak mantenduko dira, salbu eta babeserako plan berezian baimen espresa badago multzoaren kontserbazioa hobetzeko aldaketak egiteko.
Beraz, 79. artikuluan eta, hartara igorririk, 70. artikuluan jasotakoari jarraikiz, agiri hau onesteko segitu beharreko tramitazioa hau da:
-Udalak hasiera batean onestea.
-Hilabetez jendaurrean egotea.
-Udalak behin-behinekoz onestea eta Departamentura igortzea.
-Ingurumen, Lurraldearen Antolamenduko eta Etxebizitzako kontseilariak behin betikoz onestea.
Erran bezalaxe aldaketak interes kulturaleko ondasun bati eragiten dioenez, onetsi ahal izateko Kultura eta Turismo Departamentuak aldeko txostena eman beharko du.
2.-Proposamenaren deskripzioa eta justifikazioa.
San Francisco komentu zaharra ekipamendu sozio-kultural izateko xedea dela eta, hona zer dioen BBBPBko Hirigintzako Araudi Partikularrak, oro har ARDU-8aren esparrurako eta bereziki 690. lurzatirako Nafarroako Aldizkari Ofizialean argitaratu zenak, eraikinaren lerrokadura eta garaieraz den bezainbatean: "[ ...] Komentu zaharra berritzeko jarduketak erraztearren, ez da lerrokadura lotetsirik finkatu; hala ere, eraikinetik gertu dagoen hiri espazioaren luze-zabalek ez dute funtsezko aldaketarik izan behar". Plan Bereziaren idazketa horren haritik eman zen Kultura Ondarearen zuzendari orokorraren maiatzaren 13ko 97/2004 ebazpena; haren bidez, txostena egin zitzaion aipatu agiriari. Hartan, horri dagokionez, salbuespen hau egin zen: "ekainaren 25eko 16/1985 Legearen 21. artikuluan adierazitakoari jarraikiz, ez da posible baimentzea lerrokaduren zehazgabetasun hau; beraz, bere garaian proposamen zehatz bat aurkeztu beharko da, Administrazio honek aztertu eta, hala behar badu, onets dezan.". Horren ondorioz, kultur espazioa hemendik gutira haziko duen eraikina behin diseinatu ondoan, finkatuko dira bai eraikinaren lerrokadurak, aldameneko espazio publikoari dagokion erreserba generikoa betiere begiratuz, bai haren garaiera. Gisa hartara, multzoa hobetzea lortuko da, kontuan harturik espazio hori herrirako ez ezik kanporako ere nahi dela.
Zehatz-mehatz, B+3 moduko eraikina planteatzen da, eraikinaren egitura erregularizatzen da eta espazio librea irabazten, eta haren lerrokadurak ezartzen dira bai beheko solairuan bai goikoetan; horrek guztiak eragiten dio, batetik, Alde Zaharrari eta bertzetik Sistema Orokorrari.
Lerrokaduren finkatze horrek 692. lurzatiari ere eragiten dio, betiere begiratuz egungo eraikina eta lurzatiaren bolumena osatuz La parra karrikaren aldera. Jarduketa hau osorik egiten da 690. lurzatiaren gainean; beraz, ez du berritu beharrik, ARDU-8 garatzen baitu esparruaren fitxak jasotzen duen bezalaxe.
Bertzalde ere, aurreikusia dago bertze antolamendu bat ARDU-5erako, Pamplona pasealekuaren tartean, BBBPBk ARDU-8aren arauketan posible egiten duen bezala; horren bidez, ingurunea hobetu nahi da, eta horrek on eginen die, etorkizuneko kultur espazioari eta haren sarbideei ez ezik, orokorrean udalerriari ere, bide hori hiriko sarbide nagusietarik baita.
BBBPBk ez du antolamendu zehatzik edo diseinurik ezartzen ARDU-5 honetarako; soil-soilik aipatzen du Muro karrika eta Pamplona pasealekua urbanizatzeko proiektu bakarra egitea aurretiko ideia lehiaketa baten bidez, nahiz eta ARDU-8aren arauketan haren urbanizazio moldea eragiten dion sekzioan Pamplona pasealekuraino hedatzeko aukera ematen. Gure iritziz, kontuan harturik garapenaren zer unetan gauden, ez da egokia Pamplona pasealekuaren hobekuntza gibelatzea bi esparruak batera exekutatzea egokia izan arte, batez ere, batetik, planeamenduak berak posible egiten duelako San Francisco komentu zaharraren garapenaren barnean egitea Pamplona pasealekuko puska baten urbanizazioa eta, bertzetik, Muro karrikan moldatze lanak egin berri direnez, ez dirudielako epe ertainean hura berriz urbanizatu beharrik planteatuko denik. Horren ondorioz, aldaketa honetan oinarriturik posible egiten da ARDU-5 zenbait fasetan exekutatzea, jadanik diseinaturik Pamplona pasealekuaren ipar saihetsetik urbanizatzeko eskema, planeamenduan dagoen espirituan oinarriturik.
Esparru honen diseinuari dagokionez, bai BBBPBak bai HAPOak (Pamplona pasealekuko lehengo U.D. 4) nahi dute batez ere oinezkoendako izanen den espazioa zertu, pasealekuko bi fatxadetan oinezkoendako diren eremuen luze-zabalak orekatuz, hiri espazioaren kalitatea eta kantitatea hobeturik, eta orobat nahi da aparkatzeko espazioa erregularizatu, aparkalekuak Alde Zaharretik hurbilena dagoen espaloian sartu gabe; hain zuzen ere, halako xedeak lortuko dira Pamplona pasealekurako agiri honetan proposatzen den antolamenduarekin.
Azkenik, iruzkin gisara, lurzati honen gaineko jarduketak ez ditu begiratu beharko BBBPBk eraikinetarako estetikaren eta eraikuntzaren aldetik ezartzen dituen baldintzak, eta horrek ez dakar planeamenduaren aldaketarik, ekipamenduetarako eraikin berezi bat eraikitzea baita kontua.
3.-Egungo araudia.
Hona hemen erreferentziako araudia:
ARDU.8 berrikuntza eta diseinu bateratuko eremua- San Francisco komentua eta haren ingurua
Esparrua.
Antolamendu plano honetan mugatua. "Garapena eta kudeaketa".
Jarduketaren xedea.
Berritzea San Francisco komentuaren ingurua (Cuartel de Sementales ere erraten zaio), San Francisco plaza, Santiago karrika eta pasabide berria eraikinaren eta 692. lurzati mugakidearen artean. Berritze lanei loturik, komentu zaharra zaharberrituko da, ekipamendurako eraikin izateko, eta haren patioa berreskuratuko da, jendearendako espazio ireki gisa.
Baldintza funtzionalak.
. Komentua.
Eraikina ekipamendu sozio-kulturalerako izanen da.
. Santiago karrika eta San Francisco plaza ingurua.
Karrikan nahiz plazan trafiko murriztua onartzen bada ere, oinezkoendako esparruak izanen dira eta, beraz, urbanizazio berria eginen da bertan. Santiago karrikaren sarreran trafikoaren kontrol bat aurreikusia dago.
Baldintza formalak eta ingurumenekoak.
Komentua egiturazko babesaren II. graduan dago katalogaturik; hura zaharberritzeko, beraz, begirunez erabili beharko da lehengo klaustroa edo barne patioa, eta gorputz eta elementu arrotzak kendu beharko dira, bertzeak bertze mendebaldeko saihetsean La Parra karrika Pamplona pasealekura hedatzea galarazten dutenak. Komentuaren eta 692. lurzatiaren arteko espazio hori libratu ondoan, geldituko litzatekeen karrikak erraztuko luke pasealeku horretatik San Francisco plazara iragatea.
Jarduketa osatuko litzateke 692. lurzatian dagoen eraikina eraberrituta; haren fatxadak karrika berrira joko du.
Komentu zaharra berritzea ez da bateraezina hura egituratzen duten gorputzen eraberritze arkitektonikoarekin. Berritze jarduketak erraztu beharrez, lerrokadurak ez dira lotesleak izanen; nolanahi ere, eraikinetik hurbilena dagoen hiri espazioak ez du aldaketa funtsezkorik izan beharko bere luze-zabaletan.
Bai Santiago karrikak eta San Francisco plazak bai plazaren eta Pamplona pasealekuaren arteko karrika berriak tratamendu material bateratua beharko dute, pasealekuari ematen zaion molde orokorrean integratua eta, komentu ingurua batez ere oinezkoendako izanen denez, izaera horrekin bat egiten duena. Arrazoi beragatik, sekzio bakarra izanen dute, nahiz eta zoladurak materialaren edo egituraren aldetik izanen duen desberdintasunak aukera emanen duen plazan eta Alde Zaharrean modu murriztuan sartzen diren ibilgailuen trafikoa ibiltzeko zerrendak bereizteko.
Garapena eta kudeaketa.
Planeko bigarren laurtean programaturiko jarduketa.
Urbanizazio proiektu bakarra prestatuko da eraikinaren ingururako; haren soluzioa Pamplona pasealekuraino hedatzen ahalko da, gutienez komentu zaharraren aldameneko ipar saihetseraino.
Lurzatiaren fitxa (ikus BBBPBko 5. poligonoa - 254. etxesaila - 690 eta 692. lurzatiak).
ARDU.5 berrikuntza eta diseinu bateratuko eremua- EI Muro karrika eta Pamplona pasealekua
Esparrua.
Antolamendu plano honetan mugatua. "Garapena eta kudeaketa".
Haren barnean sartzen dira izen bereko pasealekuak, Queiles errekaren azken tartea estaltzearen ondoriozkoak.
Jarduketaren xedea.
Bi espazioak berreskuratzea, batez ere oinezkoak ibiltzeko pasealeku gisa, eta hiri espazioaren kualifikazioa.
Baldintza funtzionalak.
Aldatu da pasealekuak erabiltzeko araubidea, onartu baita batez ere oinezkoendako direla, bietan baimenduko bada ere lur gaineko aparkatze arautua.
Aparkalekuak ez dira sartuko Alde Zaharretik hurbilena dagoen pasealekuko espaloian; horrek halako zabalera bat izan beharko du, alderik eguzkitsuena baita eta, ziur aski, oinezkoek horixe erabiliko dute gehienik.
Baldintza formalak eta ingurumenekoak.
Bi espazioak urbanizatzean eta altzariz hornitzean, kontuan hartuko da beti batez ere oinezkoendako izanen direla hemendik aitzina.
Espazioak sekzio bakarra izanen du; hartan balizak eta egitura aldaketak erabiliz bereziko dira ibilgailuek erabiltzeko edo aparkatzeko eremuak.
Harrizko tratamenduak erabiliko dira nagusiki, Queiles erreka gainean bederen; bi espazioetako ipar saihets eguzkitsuan, berriz, arbola lerdenak ezarriko dira.
Garapena eta kudeaketa.
Bigarren laurtean programaturiko jarduketak.
Urbanizatzeko proiektu bakarra prestatuko da aurretiko ideia lehiaketa baten emaitzak garatuz.
U.D. 4 (A.P.R.) Pamplona pasealekua-S.G.U.
[ ...] Bigarrenak, Pamplona pasealekuan, hiri diseinu berria behar du oinezkoendako, ibilgailuendako eta aparkatzeko eremuetan. Erdiko bidea izan beharko du, paseoko bi fatxadetan oinezkoendako diren eremuen luze-zabalak berrorekatzeko. Aparkatzeko eremuaren luze-zabalak erregularizatuko ditu eta bateratasun erabatekoa emanen dio aldeari, tratu bera emanez Alde Zaharrari zerbitzu egiten dion puskari eta Zabalguneari egiten dion puskari.
4.-Proposatzen den araudia
Agiri hau onetsirik, ukitutako esparruei aplikatu beharreko araudia honela geldituko da:
ARDU.8 berrikuntza eta diseinu bateratuko eremua- San Francisco komentua eta haren ingurua
Esparrua.
Antolamendu plano honetan mugatua. "Garapena eta kudeaketa".
Jarduketaren xedea.
Berritzea San Francisco komentuaren ingurua (Cuartel de Sementales ere erraten zaio), San Francisco plaza, Santiago karrika eta pasabide berria eraikinaren eta 692. lurzati mugakidearen artean. Berritze lanei loturik, komentu zaharra zaharberrituko da, ekipamendurako eraikin izateko, eta haren patioa berreskuratuko da, jendearendako espazio ireki gisa.
Baldintza funtzionalak.
. Komentua.
Eraikina ekipamendu sozio-kulturalerako izanen da.
. Santiago karrika eta San Francisco plaza ingurua.
Karrikan nahiz plazan trafiko murriztua onartzen bada ere, oinezkoendako esparruak izanen dira eta, beraz, urbanizazio berria eginen da bertan. Santiago karrikaren sarreran trafikoaren kontrol bat aurreikusia dago.
Baldintza formalak eta ingurumenekoak.
Komentua egiturazko babesaren I. graduan dago katalogaturik; hura zaharberritzeko, beraz, begirunez erabili beharko da lehengo klaustroa edo barne patioa, eta gorputz eta elementu arrotzak kendu beharko dira, bertzeak bertze mendebaldeko saihetsean La Parra karrika Pamplona pasealekura hedatzea galarazten dutenak. Komentuaren eta 692. lurzatiaren arteko espazio hori libratu ondoan, geldituko litzatekeen karrikak erraztuko luke pasealeku horretatik San Francisco plazara iragatea.
Etorkizuneko kultur etxea eraikitzeko proiektuan oinarriturik berrituko da komentu zaharra, eraikin berezia izanik ez baita aplikatuko BBBPBko eraikuntzari buruzko araudia. Haren lerrokadurak HAPOari dagokionez Alde Zaharreko BBBPBaren testu bategineko berrikuntza eta diseinu bateratuko ARDU-5 eta ARDU-8 eremuen esparrurako tramitatu den aldaketa puntualeko antolamendu planoetan agertzen dira; eraikuntza proiektuan ere jaso dira.
Bai Santiago karrikak eta San Francisco plazak bai plazaren eta Pamplona pasealekuaren arteko karrika berriak tratamendu material bateratua beharko dute, pasealekuari ematen zaion molde orokorrean integratua eta, komentu ingurua batez ere oinezkoendako izanen denez, izaera horrekin bat egiten duena. Arrazoi beragatik, sekzio bakarra izanen dute, nahiz eta zoladurak materialaren edo egituraren aldetik izanen duen desberdintasunak aukera emanen duen plazan eta Alde Zaharrean modu murriztuan sartzen diren ibilgailuen trafikoa ibiltzeko zerrendak bereizteko.
Garapena eta kudeaketa.
Planeko bigarren laurtean programaturiko jarduketa.
Urbanizazio proiektu bakarra prestatuko da eraikinaren ingururako; haren soluzioa Pamplona pasealekuraino hedatzen ahalko da, gutienez komentu zaharraren aldameneko ipar saihetseraino.
Lurzatiaren fitxa (ikus BBBPBko 5. poligonoa - 254. etxesaila - 690. lurzatia)
ARDU.5 berrikuntza eta diseinu bateratuko eremua - EI Muro karrika eta Pamplona pasealekua
Esparrua.
Antolamendu plano honetan mugatua. "Garapena eta kudeaketa"
Haren barnean sartzen dira izen bereko pasealekuak, Queiles errekaren azken tartea estaltzearen ondoriozkoak.
Jarduketaren xedea.
Bi espazioak berreskuratzea, batez ere oinezkoak ibiltzeko pasealeku gisa, eta hiri espazioaren kualifikazioa.
Baldintza funtzionalak.
Aldatu da pasealekuak erabiltzeko araubidea, onartu baita batez ere oinezkoendako direla, bietan baimenduko bada ere lur gaineko aparkatze arautua.
Aparkalekuak ez dira sartuko Alde Zaharretik hurbilena dagoen pasealekuko espaloian; horrek halako zabalera bat izan beharko du, alderik eguzkitsuena baita eta, ziur aski, oinezkoek horixe erabiliko dute gehienik.
Baldintza formalak eta ingurumenekoak.
Bi espazioak urbanizatzean eta altzariz hornitzean, kontuan hartuko da beti batez ere oinezkoendako izanen direla hemendik aitzina.
Espazioak sekzio bakarra izanen du; hartan balizak eta egitura aldaketak erabiliz bereziko dira ibilgailuek erabiltzeko edo aparkatzeko eremuak.
Harrizko tratamenduak erabiliko dira nagusiki, Queiles erreka gainean bederen; bi espazioetako ipar saihets eguzkitsuan, berriz, arbola lerdenak ezarriko dira.
Garapena eta kudeaketa.
Bigarren laurtean programaturiko jarduketak.
Haren garapena faseka egin daiteke; hartara, posible da urbanizazio proiektu desberdinak egitea Muro karrikarako eta Pamplona pasealekurako, hirigintza aldetik halako bateratasun bat egoteko arau batzuk begiratu beharko badira ere.
Aditzera ematen da, orok jakin dezan.
Tuteran, 2010eko ekainaren 22an.-Lurraldearen Antolamenduaren alorreko zinegotzi delegatua, María Victoria Castillo Floristán.
Iragarkiaren kodea: L1011178
