Iragarkia

95. ALDIZKARIA - 2010eko abuztuaren 6a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

288/2010 EBAZPENA, ekainaren 22koa, Antolamenduaren, Kalitatearen eta Berrikuntzaren zuzendari nagusiak emana, Nafarroako Gobernuko Hezkuntza Departamentuaren mendeko ikastetxe publikoetako zuzendariak ohiz kanpoko prozeduraz izendatzen dituena.

Antolamenduaren, Kalitatearen eta Berrikuntzaren zuzendari nagusiaren abenduaren 1eko 548/2009 Ebazpenaren bidez, Nafarroako Gobernuko Hezkuntza Departamentuaren mendeko ikastetxe publikoetako zuzendariak hautatzeko merezimendu lehiaketa arautzeko deialdia onetsi zen.

548/2009 Ebazpenaren hamaikagarren oinarriko 1. puntuan xedaturikoarekin bat, hautapen batzordeak izangai bat ere aldarrikatzen ez duenean edo ikastetxeko zuzendaritzarako hautagairik ez dagoenean, Antolamenduaren, Kalitatearen eta Berrikuntzaren zuzendari nagusiak, Hezkuntzako Ikuskapen Zerbitzuak txosten-proposamena eman ondoren, ohiz kanpoko prozeduraz irakasle bat izendatuko du ikastetxeko zuzendari, gehienez ere lau urterarako.

Horrenbestez, bidezkoa da 2010eko ekainaren 30ean zuzendaritza hutsik zeukaten ikastetxeetako zuzendariak izendatzea, hautagairik aurkeztu ez denean edo hautapen batzordeak izangairik aldarrikatu ez duenean.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz,

EBATZI DUT:

1. Hezkuntzako Ikuskapen Zerbitzuak proposatu dituen pertsonak ohiz kanpoko prozeduraz zuzendari izendatzea, abenduaren 1eko 548/2009 Ebazpenaren hamaikagarren oinarriko 1. puntuan xedaturikoarekin bat. Ebazpen honen eranskinean aipatzen dira.

2. Adieraztea ebazpen honen aurka gora jotzeko errekurtsoa jar daitekeela, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.

3. Ebazpen hau eta eranskina igortzea Ikasketak Antolatzeko Zerbitzuari, Idazkaritza Tekniko Nagusiari, Hezkuntzako Ikuskapen Zerbitzuari, Antolamenduaren eta Tituluen Atalari, Langileriaren Kudeaketarako Atalari eta interesdunei, behar diren ondorioak izan ditzaten.

4. Ebazpen hau eta eranskina Nafarroako Aldizkari Ofizialean argitaratzea.

Iruñean, 2010eko ekainaren 22an.-Antolamenduaren, Kalitatearen eta Berrikuntzaren zuzendari nagusia, Teresa Aranaz Jiménez.

ERANSKINA

Ohiz kanpoko prozeduraz zuzendari
izendatuak izateko proposatu diren pertsonak

Iragarkiaren kodea: F1011222