1. NAFARROAKO FORU KOMUNITATEA
1.7. BESTELAKOAK
925/2010 EBAZPENA, ekainaren 16koa, Ingurumenaren eta Uraren zuzendari nagusiak emana, Etxarri Aranazko udal mugapean zeramikazko produktuak fabrikatzeko instalazioaren Ingurumen baimen integratua aldatzen duena, eskatutako aldaketaren ondoren instalazioak izanen duen eraketa berriari egokitzeko. Jardueraren titularrak Cerámica Utzubar, S.A. eta Gesbrick, S.L. dira.
Espediente mota: Ingurumen baimen integratua (aldaketa nabarmena).
Espedientearen kodea:
Aplikatu beharrekoa araua: Ingurumena Babesteko Esku-hartzeari buruzko 4/2005 Foru Legea.
Eranskina eta epigrafea: 2.B, 3.5 epigrafea.
Instalazioa: zeramikazko produktuak fabrikatzea.
Titularrak: Cerámica Utzubar, S.A. eta Gesbrick, S.L.
Zentroaren zenbakia: 3108401009.
Kokalekua: N-240 errepide nazionala, 40,2 km, zk.g.
UTM koordenatuak (Huso 30N, Datum ED50) X = 577.345,47;
Y = 4.751.357,18.
Udalerria: Etxarri Aranatz
Proiektua: kogenerazio elektrikoa eta biomasa erregai gisa erabiltzea.
Eskaeraren data: 2010eko urtarrilaren 28a.
Ingurumenaren eta Uraren zuzendari nagusiaren urtarrilaren 29ko 204/2008 Ebazpenaren bidez, Ingurumen baimen integratua eman zitzaion Etxarri Aranazko udal mugapean zeramikazko produktuak fabrikatzeko instalazioari, titularra Cerámica Utzubar, S.A. izanik.
2010eko urtarrilaren 28an, titularrak aldaketa bat eskatu zuen: kogenerazioko motor bat eta biomasako idortegi bat (zerrautsa) instalatzea labe nagusiko erregaiaren zati bat ordezteko. Ingurumen Kalitatearen Zerbitzuak aldaketa hori ez-funtsezkotzat jo zuen, Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko asmoz abenduaren 28an emandako 93/2006 Foru Dekretuaren bidez onetsitako Erregelamenduaren 25. artikuluan ezarritako irizpideei jarraikiz. Hortaz, ez zen beharrezkoa beste Ingurumen baimen integratu bat ematea.
Hala ere, aldaketa nabarmena da instalazioaren funtzionamenduan aldaketa garrantzitsuak gertatzen direlako, eta oraingo Ingurumen baimen integratuan agertu behar dira. Hortaz, baimena aldatu behar da.
Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 105. eta 106. artikuluek ezartzen dutenez, administrazio publikoek beren egintzak alda ditzakete, betiere aldaketa antolamendu juridikoaren kontrakoa ez bada, kasu honetan gertatzen den bezala, zeinetan, gainera, aldaketa Ingurumen baimen integratuaren titularrak eskatuta egin baita.
Espedientea Ingurumena Babesteko Esku-hartzeari buruzko martxoaren 22ko 4/2005 Foru Legea garatzeko Erregelamenduaren 29. artikuluan aurreikusitako prozedura erraztuari jarraikiz tramitatu da.
Aipatu den agindu juridikoa ikusirik eta ingurumen arloko eskumenak Ingurumenaren eta Uraren zuzendari nagusiaren, Ingurumen Kalitatearen Zerbitzuko zuzendariaren eta Biodibertsitatea Zaintzeko Zerbitzuko zuzendariaren esku uzten dituen urriaren 10eko 426/2007 Foru Aginduaren bidez eskuratu ditudan ahalmenak erabiliz,
EBATZI DUT:
1. Etxarri Aranazko udal mugapean zeramikazko produktuak fabrikatzeko instalazioaren Ingurumen baimen integratua aldatzea, titularrak 2010eko urtarrilaren 28an eskatutako aldaketaren ondoren instalazioak izanen duen eraketa berriari egokitzeko. Jardueraren titularrak Cerámica Utzubar, S.A. eta Gesbrick, S.L. dira. Baimena Ingurumenaren eta Uraren zuzendari nagusiak eman zuen, urtarrilaren 29ko 204/2008 Ebazpenaren bidez.
2. Baimena aldatzearen ondorioz, instalazioari Ingurumen baimen integratua emateko Ingurumenaren eta Uraren zuzendari nagusiaren urtarrilaren 29ko 204/2008 Ebazpenaren eranskinetan aldaketa batzuk sartu behar dira; horrenbestez, eranskin haien ordez ebazpen honen eranskinek izanen dute indarra, non ezarri baitira industria jardueraren funtzionamenduan bete beharko diren baldintzak.
3. Aldaketak ez du ukitzen hasiera batean emandako Ingurumen baimen integratuaren indarraldia, eta 2015eko urtarrilaren 29an bukatuko da. Titularrak, indarraldia bukatu baino hamar hilabete lehenago, gutxienez, berritzeko eskatu beharko du, martxoaren 22ko 4/2005 Legea garatzen duen Erregelamenduaren 30. artikuluan ezarritako prozedurari jarraituz.
4. Instalazioa hondakin ez-arriskutsuen kudeatzaileen erregistroan mantentzea 15G04084010092004 zenbakiarekin, hondakin ez-arriskutsuak kudeatzen dituen zentro gisa. Ingurumen baimen integratuaren IV. eranskinean ageri dira kudeatzen ahalko dituen hondakin ez-arriskutsuak. Hondakinen kudeaketan egiten diren aldaketa guztiak jakinarazi behar dira, erregistratzeko eta, bidezkoa bada, lehen aipatu IV. eranskinean sartzeko.
5. Hondakin ez-arriskutsuen kudeatzaile izateko baimena ematea Gesbrick, S.L.ri (15G05084010092010 zenbakia). Ingurumen baimen integratuaren IV. eranskinean ageri dira kudeatzen ahalko dituen hondakin ez-arriskutsuak. Hondakinen kudeaketan egiten diren aldaketa guztiak jakinarazi behar dira, erregistratzeko eta, bidezkoa bada, lehen aipatu IV. eranskinean sartzeko.
6. Titularrak, aldaketa egin ondotik, instalazio osoa irekitzeko baimen berria eskatu beharko du funtzionamenduan hasi aurretik, martxoaren 22ko 4/2005 Foru Legea garatzen duen Erregelamenduaren 40. artikuluan xedatutakoarekin bat.
7. Ebazpen hau Nafarroako Aldizkari Ofizialean argitaratzea.
8. Ebazpen honek ez du administrazio bidea amaitzen, eta espedientean interesa dutenek, administrazio publikoek izan ezik, gora jotzeko errekurtsoa jartzen ahal dute haren kontra, Nafarroako Gobernuari zuzendua, hilabeteko epean. Administrazio publikoek zilegi dute administrazioarekiko auzi-errekurtsoa jartzea, Nafarroako Justizia Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du galarazten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan ezarritako moduan eta epean. Epe horiek ebazpen honen jakinarazpena egin edo, bestela, Nafarroako Aldizkari Ofizialean argitaratu eta biharamunetik aurrera hasiko dira kontatzen.
9. Ebazpen hau jakinaraztea Cerámica Utzubar, S.A.ri eta Gebrick, S.L.ri, Etxarri Aranazko Udalari, Nafarroako Larrialdietako Agentziako Babes Zibilerako Zuzendaritzari eta Ingurumen Kalitatearen Zerbitzuari, behar diren ondorioak izan ditzan.
Iruñean, 2010eko ekainaren 16an.-Ingurumenaren eta Uraren zuzendari nagusia, Andrés Eciolaza Carballo.
Oharra: ebazpen honetan aipatzen diren eranskinak interesdunen eskura daude Ingurumenaren eta Uraren Zuzendaritza Nagusiaren bulegoetan (González Tablas, 7-behea; Iruña), Ingurumen Kalitatearen Zerbitzuan, eta Nafarroako Gobernuaren web atarian, hain zuzen ere Landa Garapeneko eta Ingurumeneko Departamentuaren sailean, "Ingurumen baimenak" kontsulten atalean.
Iragarkiaren kodea: F1011343
