1. NAFARROAKO FORU KOMUNITATEA
1.7. BESTELAKOAK
309/2010 EBAZPENA, ekainaren 14koa, Ikuskapenaren eta Zerbitzuen zuzendari nagusiak emana, Burlatako "Irabia" Haur, Lehen eta Bigarren Hezkuntzako ikastetxe pribatuaren baimena aldatzen duena, titulartasuna aldatzeagatik.
Ikusita Miguel Echarri Iribarren jaunak, entitate lagatzailea ordezkatuz, eta Javier Cordón Moreno jaunak, lagapen-hartzailea ordezkatuz, eskatuta tramitatu den espedientea, Burlatako "Irabia" Haur, Lehen eta Bigarren Hezkuntzako ikastetxe pribatuaren titulartasun aldaketa baimentzeko, "Centro de Formación Social, S.A" entitatearen eskutik "Asociación Educativa y Cultural del colegio Irabia-Izaga" entitatearen eskura igarotzeko.
Ikusita uztailaren 6ko 251/1992 Foru Dekretuak ezartzen duen prozedura, Nafarroako Foru Komunitatean araubide orokorreko irakaskuntza ez-unibertsitarioa ematen duten ikastetxe pribatuak baimentzeko.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Burlatako "Irabia" Haur, Lehen eta Bigarren Hezkuntzako ikastetxe pribatuaren baimena aldatzea (ikastetxearen kodea: 31001419), titularra aldatu duelako; izan ere, hemendik aurrera "Asociación Educativa y Cultural del colegio Irabia-Izaga" izanen da titularra.
2. Titular berriak subrogatuak izanen ditu indarra duen legerian ezarritako eskubide, betebehar eta karga guztiak, ikastetxean eragina dutenak; bereziki, Nafarroako Gobernuarekiko hezkuntza itunen araubideari dagokion guztia.
3. Ebazpen honen aurka gora jotzeko errekurtsoa jartzen ahal da, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako Aldizkari Ofizialean argitaratuko da.
5. Ebazpen hau ikastetxeko titularrei (zaharrari eta berriari) igortzen zaie, Hezkuntzako Ikuskapen Zerbitzuari, Ikastetxeen eta Ikasketetarako Laguntzen Zerbitzuari, Ikastetxeen eta haien Finantzaketaren Atalari, Ikastetxeetako Informazioa Kudeatzeko Bulegoari eta Kudeaketa Ekonomikoaren Bulegoari.
Iruñean, 2010eko ekainaren 14an.-Ikuskapenaren eta Zerbitzuen zuzendari nagusia, Francisco Javier Esparza Sánchez.
Iragarkiaren kodea: F1010788
