3. ESTATUKO ADMINISTRAZIOA
EBROKO UR KONFEDERAZIOA
Iragarkia. Erreferentzia: 2008-EXT-627 / 2007-RC-1305
Ebroko Ur Konfederazioak 2010eko maiatzaren 7an emandako ebazpenaren bidez, amaitu egin dira ur aprobetxamendu honetarako eskubideak: Eugiko (Nafarroa) udal mugapean, Ilungan errekatik ura hartzeko aprobetxamendua, ureztaketarako, Fernando Mendizabal Elizalde jaunari emana eta Ur Publikoen Aprobetxamenduen Liburuan 28.849 zenbakiarekin inskribatua. Aprobetxamendu hori Gobernu Zibilaren 1917ko abuztuaren 18ko emakidaren bidez eman zen (Administrazio Batzarraren 1939ko apirilaren 29ko transferentzia).
Ez da inon ageri aprobetxamendua ukitzen duen zortasunik, ezta hartan interesa duen hirugarrenik ere.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Ur Konfederazioari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea eta dokumentazio teknikoa agerian egonen dira Ebroko Ur Konfederazioan (Sagasta pasealekua 26-28, Zaragoza), bulego orduetan.
Zaragozan, 2010eko maiatzaren 7an.-Komisarioaren ondokoa. Hura ez dagoenez, arloko burua, Antonio Coch Flotats.
Iragarkiaren kodea: E1010984
