Iragarkia

79. ALDIZKARIA - 2010eko ekainaren 30a

1. NAFARROAKO FORU KOMUNITATEA

1.1. XEDAPEN OROKORRAK

1.1.3. Foru Aginduak

93/2010 FORU AGINDUA, ekainaren 18koa, Ekonomia eta Ogasuneko kontseilariak emana, Europar Batasunaren barneko eragiketei buruzko aitorpen laburtuaren 349 eredua onesten duena.

Otsailaren 28ko 68/2002 Foru Aginduaren bidez Europar Batasunaren barneko eragiketei buruzko aitorpen laburtuaren 349 eredua onetsi zen, eta horixe erabili da foru agindu hau onetsi den arte. Martxoaren 8ko 86/1993 Foru Dekretuaren bidez onetsitako Balio Erantsiaren gaineko Zergaren Erregelamenduko 67. artikulutik 70.era bitartekoetan egindako erregulazioarekin bat zetorren eredu hura.

Maiatzaren 31ko 35/2010 Foru Dekretuaren bidez, eta Kontseiluaren otsailaren 12ko 2008/8/EE eta abenduaren 16ko 2008/117/EE Zuzentarauak Barne Zuzenbidera eramatearen ondorioz, aldatu egin dira Zergaren Erregelamenduko 67. artikulutik 70.era bitartekoak, zeinetan arautzen baita Europar Batasunaren barneko eragiketei buruzko aitorpen laburtua aurkezteko betebeharra, baita horren edukia, tokia eta epea ere.

Lehenik, berritasun bat sartu da, hau da, Europar Batasunaren barneko eragiketei buruzko aitorpen laburtua aurkeztu beharko dutela Europar Batasunaren barnean zerbitzuak ematen dituzten enpresaburuek edo profesionalek, eta, gainera, 2006/112/EE Zuzentarauaren 266. artikuluan ageri den gaikuntza erabiliz, betebehar hori Europar Batasunaren barnean zerbitzuak eskuratzen dituzten enpresaburuei edo profesionalei ere ezartzen zaie (kontuan hartuko da eskuratzeak Zergaren Erregelamenduan nola definituta dauden). Hori horrela, zerbitzu eragiketa horiek aitorpen laburtuaren edukian sartu behar dira.

Halaber, aldatu egin da hilabete natural bakoitzari oro har egokituko zaion aitorpen aldia. Dena dela, hiruhilekoa, bihilekoa edo urtekoa ere izaten ahalko da, Balio Erantsiaren gaineko Zergaren Erregelamenduko 70. artikuluaren 2. eta 4. zenbakietan ezarritako inguruabar batzuk izaten direnean.

Horrek guztiak berarekin dakar Europar Batasunaren barneko eragiketei buruzko aitorpen laburtuaren 349 eredu berria onestea, 2010eko urtarrilaren 1etik aurrera indarra duen araudiari egokitzeko.

Uztailaren 3ko 132/2009 Foru Aginduan xedatutakoarekin bat (foru agindu horren bitartez, agiriak baliabide telematikoen bidez eta ordenagailuak irakurtzen ahal duen euskarriaren bidez aurkeztera behartzen duten kasuak arautzen dira), 349 eredua Internetez bide telematikoa erabiliz aurkeztu beharko da; dena dela, aipatu foru aginduak ezartzen duen moduan, aurkezteko bide hori erabiltzerik ez da izanen aitorpenek 12.000 erregistro edo gehiago dituztenean, halakoetan ordenagailuak zuzenean irakurtzen ahal duen euskarriaren bidez aurkeztu beharko baitira, foru agindu honen II. eranskinean ageri diren erregistro diseinuen arabera.

Bestalde, Nafarroako Zerga Ogasunaren esparruan baliabide elektroniko, informatiko eta telematikoen (EIT) erabilera arautzen duen uztailaren 17ko 50/2006 Foru Dekretuari jarraikiz, horren bidez Nafarroako Zerga Ogasunaren esparruan zergen aplikaziorako teknika elektroniko, informatiko eta telematikoak ugaritu eta hobetu nahi baitira, foru agindu honek 349 ereduaren aurkezpen telematikoa Internet bidez egiteko baldintza orokorrak eta prozedura finkatzen ditu. Halaber, tributudunek egin beharreko aitorpenek bete behar dituzten erregistroen diseinuak biltzen ditu.

86/1993 Foru Dekretuaren 70.2 artikuluak baimena ematen dio Ekonomia eta Ogasuneko kontseilariari Europar Batasunaren barneko eragiketei buruzko aitorpen laburtuaren eredua onesteko.

Horrenbestez,

AGINDU DUT:

1. artikulua. 349 eredua onestea.

1. "Europar Batasunaren barneko eragiketei buruzko aitorpen laburtuaren" 349 eredua onesten da.

2. 349 eredua Internetez telematika bidez aurkeztu beharko da, foru agindu honen 3. eta 4. artikuluetan hurrenez hurren ezarritako baldintza orokorrei eta prozedurari jarraikiz. Hala eta guztiz ere, Internetez bide telematikoa erabiltzerik ez da izanen aitorpenek 12.000 erregistro edo gehiago dituztenean, uztailaren 3ko 132/2009 Foru Aginduan xedatutakoari jarraikiz, halakoetan ordenagailuak zuzenean irakurtzen ahal duen euskarriaren bidez aurkeztu beharko baitira, foru agindu honen II. eranskinean ageri diren erregistro diseinuen arabera.

2. artikulua. Aitorpen laburtua aurkeztu behar dutenak.

Europar Batasunaren barneko eragiketei buruzko aitorpen laburtua aurkeztu beharko dute, Estatuaren eta Nafarroako Foru Komunitatearen arteko Hitzarmen Ekonomikoan ezarritakoarekin bat, eragiketa hauetakoren bat egiten duten enpresaburuek eta profesionalek:

1. Europar Batasuneko beste estatu baterako diren ondasun entregak, baldin eta salbuetsita badaude Balio Erantsiari buruzko Zergari buruzko 19/1992 Foru Legearen 22. artikuluko 1., 2. eta 3. zenbakietan xedatutakoaren arabera.

Eragiketa horien artean sartuko dira Zergari buruzko Foru Legearen 9. artikuluko 3. idatz-zatian jasotako ondasunen trasferentziak eta, zehazki, Zergaren araubide komuna arautu duen Legearen 27. artikuluko 12. idatz-zatian xedatutakoaren arabera inportazioa salbuetsita izan duten geroko ondasun entregak.

Ez dira zenbaki honetan aipatutako ondasun entregatzat hartuko honako hauek:

a) 19/1992 Foru Legearen 5. artikuluko 1. zenbakiaren e) letran jasotako pertsonek noizbehinka egiten dituzten garraiobide berrien entregak.

b) Zergaren subjektu pasiboek egiten dizkietenak Europar Batasuneko beste edozein estatutan zerga horren ondorioetarako identifikazio zenbakirik ez duten hartzaileei.

2. Zergaren aplikazio lurraldean horren ondorioetarako identifikatu diren pertsonek edo entitateek egindako zergari lotutako ondasunen eskurapenak Europar Batasunaren barruan.

Eragiketa horien artean sartuko dira Europar Batasuneko beste estatu batetik egindako ondasunen transferentziak (19/1992 Foru Legearen 16. artikuluko 2. idatz-zatian aipatutakoak) eta, zehazki, Europar Batasuneko beste estatu batean aurretik inportatu diren ondasunen Batasunaren barneko eskurapenak, baldin eta inportazio hori zerga ordaintzetik salbuetsita egon bada Zergaren araubide komuna arautzen duen Legearen 27. artikuluko 12. idatz-zatian ezarritakoen antzeko baldintzetan.

3. Europar Batasunaren barnean emandako zerbitzuak, Balio Erantsiaren gaineko Zergaren Erregelamenduko 68. artikuluan ezarritako baldintzetan.

4. Europar Batasunaren barnean eskuratutako zerbitzuak, Balio Erantsiaren gaineko Zergaren Erregelamenduko 68. artikuluan ezarritako baldintzetan.

5. Europar Batasunaren barneko ondasunen eskurapenen ondorengo entregak (Zergari buruzko 19/1992 Foru Legearen 23. artikuluko 3. zenbakian aipatzen direnak), Batasuneko beste estatu batean egin behar badira, Espainiako Zerga Administrazioak Balio Erantsiaren gaineko Zergaren ondorioetarako ezarri duen identifikazio zenbaki baten bidez.

3. artikulua. 349 eredua Internetez bide telematikoa erabiliz aurkezteko baldintza orokorrak.

1. 349 ereduari dagozkion aitorpenen aurkezpen telematikoa baldintza hauei jarraikiz eginen da:

a) Aitortzaileak identifikazio fiskaleko zenbakia (IFZ) eduki behar du.

b) Aitortzaileak ziurtagiri elektronikoa eduki beharko du, Nafarroako Zerga Ogasunak onartua, Nafarroako Zerga Ogasunaren esparruan baliabide elektroniko, informatiko eta telematikoen (EIT) erabilera arautzen duen uztailaren 17ko 50/2006 Foru Dekretuan ezarrita dagoenari jarraikiz.

Baimenduta dauden ziurtagiri elektronikoak eta ziurtapen zerbitzuak ematen dituztenen zerrenda Interneteko http://www.hacienda.navarra.es helbidetik abiatuta kontsulta daiteke.

c) Aitorpenak, jakinarazpenak eta zerga arloko beste agiri batzuk hirugarren pertsonen izenean telematika bidez aurkezteko eta tributu zorren ordainketa telematika bidez tramitatzeko kanpo-lankidetzarako akordioa onesten duen ekainaren 29ko 130/2009 Foru Aginduan xedatutakoarekin bat, aurkezleak, aitorpenak hirugarrenen izenean egiteko baimendutako pertsona edo entitate bat baldin bada, Nafarroako Zerga Ogasunak onartutako ziurtagiri elektronikoa, aurreko b) letran aipatzen dena, eduki beharko du.

d) Aitortzaileak edo, bidezkoa bada, aurkezle baimendunak, igorri beharreko aitorpena jasotzen duen fitxategia lortzeko laguntza programa bat erabili beharko du aurretik, salbu eta aurkezpen telematikoa egiteko prestatu den inprimakia erabiltzen badu. Laguntza programa hori Nafarroako Zerga Ogasunak 349 ereduko aitorpenetarako prestatu duena edo formatu bereko fitxategi bat sortzen duen beste bat izan daiteke.

Fitxategi horien edukia foru agindu honen II. eranskinean ezartzen diren erregistroen diseinuen araberakoa izanen da.

e) Aitortzaileek aurkezpen telematikoa egiteko eskatzen diren arau teknikoak bete beharko dituzte. Arau horiek Nafarroako Zerga Ogasunaren web orrian daude ikusgai: http://www.hacienda.navarra.es.

2. Baliabide telematikoen bitartez igortzen diren aitorpenetan akats formalak agertzen direnean, sistemak berak emanen dio horren berri aitortzaileari akatsak azaltzeko mezuen bitartez, behar den zuzenketa egin dezan.

4. artikulua. 349 ereduari dagozkion aitorpenen Internet bidezko aurkezpen telematikoa egiteko prozedura.

Aitorpenen Internet bidezko aurkezpen telematikoa egiteko, bi prozedura hauetako bat erabiliko da:

1. Web-eko datu-orritik abiatuta prozesu hau erabiliko da:

a) Nafarroako Ataritik, Ogasunarekiko izapideen atalean sartu.

b) Egin nahi den aitorpenaren eredua hautatu, eta aitorpena aurkeztu ahal izateko datu guztiak bete.

c) Aitorpena bete ondoren, igortzeko aukera erabili. Aitorpena egokia bada, sistemak balidatuko du. Akatsik atzemanez gero, datu-orriaren bidez jakinaraziko da, eta haiek zuzendu bitarte ezin izanen da aitorpena aurkeztu. Aitorpena zuzen bete ondoren, sistemak jakinaraziko du aurkeztutako aitorpen bakoitzari esleitutako zenbakia eta, orobat, inprimatzeko aukera eskainiko du, frogagiri gisa erabiltzeko.

2. Nafarroako Zerga Ogasunak prestatutako laguntza programatik abiatuta, prozesu hau segitu beharko da:

a) Aitorpena bete laguntza programa erabiliz.

b) Aitorpena bete ondoren, balidatu egin behar da, aurkeztu aurretik.

c) Aitorpena balidatu ondotik, Interneten bidez igortzen ahalko da. Igorpen berean aitorpen bat baino gehiago sar daiteke, betiere eredu, ekitaldi eta urte berekoak baldin badira.

d) Aitorpena igorri ondoren, sistemak erantzunen du, errezibo-zenbakia eta aurkezpenaren eguna eta ordua emanez. Bidalketa balidatu eta prozesatu ondoren, haren emaitza laguntza programan eskura dauden loteen kontsultatik aztertzen ahalko da.

5. artikulua. Ordenagailuz zuzenean irakurtzeko euskarrien identifikazioa eta horiek aurkezteko modua.

1. Ordenagailuz zuzenean irakurtzeko moduko euskarrian banakako aitorpena aurkezten bada, aitortzaileak honako dokumentu hauek aurkeztu behar ditu:

a) 349 ereduaren laburpen-orriaren bi aleak, bata Administrazioarentzat eta bestea interesdunarentzat. Ale horiek behar bezala sinaturik egon beharko dute eta, behar den lekuan, sinatzailearen identifikazio datuak eta laburpen-orrian eskatzen diren gainerako datuak agertuko dira.

Jasotzen duen bulegoan zigilatu ondoren, aitortzaileak aurkeztutako 349 ereduaren laburpen-orriaren "interesdunarentzako alea" gordeko du, eta ale horrek han aurkeztu izanaren egiaztagiri balioa izanen du.

b) Ordenagailuz zuzenean irakurtzeko euskarriak etiketa bat eduki beharko du kanpoaldean itsatsita; hartan, honako datuak emanen dira, hurrenkera honetantxe:

1. Zergaldia eta aldia.

2. Aurkezteko eredua: 349.

3. Aitortzailearen identifikazio fiskaleko zenbakia (IFZ).

4. Aitortzailearen deiturak eta izena, edo sozietatearen izena.

5. Harremanetarako pertsonaren deiturak eta izena.

6. Pertsona horren telefonoa eta luzapena.

7. Erregistro kopurua, guztira.

Datu horiek adierazteko aski izanen da bakoitza aurreko zerrendaren arabera dagokion ordinalaren ondoren jartzea.

Artxiboak ordenagailuz zuzenean irakurtzeko moduko euskarri bat baino gehiago baldin badu, denek etiketa bana izanen dute dagokien zenbaki-segida jarrita: 1/n, 2/n etab., "n" euskarri guztien kopurua izanik. Bigarren eta hurrengo bolumenetako etiketan, aurreko 1., 2., 3., eta 4. ordinaletan eskatutako datuak besterik ez da jaso beharko.

2. Ordenagailuz zuzenean irakurtzeko moduko euskarrian aitortzaile askoren aitorpenak batera aurkezten badira, pertsona edo entitate aurkezleak dokumentu hauek eraman behar ditu:

a) Aurkezleari dagokion laburpen-orriaren bi aleak, bat Administrazioarentzat eta bestea interesdunarentzat, 349 ereduarenak, behar bezala sinatuak. Ale horietan ondoko datu hauek agertu beharko dira, dagokien lekuan: aurkezten duen pertsonaren edo entitatearen identifikazio datuak, aitortzaileak guztira zenbat diren, aitortu gisa agertzen direnak guztira zenbat diren, bai eta zein zergaldi eta aldi den eta zein aurkezpen mota den ere.

Horiek jasotzen dituen bulegoak zigilua jarri ondoren, aurkezleak beretzat hartuko du laburpen-orriaren "interesdunarentzako alea", eta horrek han aurkeztu izanaren egiaztagiri balioa izanen du.

b) 349 ereduko laburpen-orriaren bi aleak (Administrazioarentzakoa eta interesdunarentzakoa), aitortzaile tributudun guztiei dagozkienak, behar bezala sinatuak eta beteak.

Ale bakoitzak aitortzaile horiek identifikatzeko datuak behar bezala beterik izan behar ditu.

Horiek jasotzen dituen bulegoak zigilua jarri ondoren, aitortzaileei dagozkien laburpen-orrien interesdunarentzako aleak aurkezleak hartuko ditu. Hala ere, aurkezten diren laburpen-orrien kopuruaren ondorioz komeni baldin bada, eta agirien bilketa arintzearren, zigilatutako aleak aurkezpena egin ondorengo egun batean hartzen ahalko ditu aurkezleak, eta hori dagokion unean jakinaraziko zaio.

c) Ordenagailuz zuzenean irakurtzeko euskarriak etiketa bat izanen du erantsita kanpoko aldean, eta hartan aurkezlearen honako datu hauek adierazi beharko dira, hurrenkera honetantxe:

1. Zergaldia eta aldia.

2. Aurkezteko eredua: 349.

3. Aurkezlearen identifikazio fiskaleko zenbakia (IFZ).

4. Aurkezlearen deiturak eta izena, edo sozietatearen izena.

5. Harremanetarako pertsonaren deiturak eta izena.

6. Pertsona horren telefonoa eta luzapena.

7. Artxibo osoko erregistro kopurua, guztira.

8. Aurkeztutako aitortzaileen kopuru osoa.

9. Zerrendako pertsona eta entitateen kopuru osoa.

Datu horiek adierazteko aski izanen da bakoitza aurreko zerrendaren arabera dagokion ordinalaren ondoren jartzea.

Artxiboak ordenagailuz zuzenean irakurtzeko euskarri bat baino gehiago baldin badu, denek etiketa bana izanen dute zenbaki-segida jarrita: 1/n, 2/n etab.; "n" izanik euskarrien kopuru osoa. Bigarren eta hurrengo bolumenetako etiketan, aurreko 1., 2., 3., eta 4. ordinaletan eskatutako datuak besterik ez da jaso beharko.

3. Ordenagailuz zuzenean irakurtzeko moduko euskarri guztien jasoerak behin-behinekoak izanen dira, eta prozesatu eta egiaztatu zain geratuko dira. Foru agindu honetan ezarri diren diseinu eta zehaztapenen araberakoak ez direnean, edo haietako informazioa ikusterik ez badago, aitortzaileari eskatuko zaio hamar egun balioduneko epean zuzen dezala aurkeztutako euskarri informatikoak duen akatsa. Epe hori iragan eta oraindik ere zerbaitek eragozten badio zerga administrazioari eskatu dituen datuak ikustea, aitorpena balio gabekotzat hartuko da ondorio guztietarako eta zergapekoari jakinaraziko zaio, arrazoiak emanez betiere.

4. Segurtasun arrazoiengatik, ordenagailuz zuzenean irakurtzeko euskarriak ez dira itzuliko, salbu eta espresuki eskatzen bada; halakoetan ezabaturik itzuliko dira edo antzeko batzuk emanen.

6. artikulua. 349 eredua aurkezteko epea.

1. Oro har, aitorpen laburtuak hilabete natural bakoitzeko eragiketak jasoko ditu eta hurrengo hilabeteko lehenengo hogei egun naturaleko epean aurkeztu beharko da; salbuespen gisa, ekaineko, uztaileko eta abenduko aitorpenak abuztuaren 5era, irailaren 20ra eta urtarrilaren 31ra arte aurkezten ahalko dira, hurrenez hurren.

2. Erreferentziako hiruhilekoan zehar eta aurreko lau hiruhileko naturaletako bakoitzean zehar, aitorpen laburtuan adierazi beharreko ondasun entregen eta zerbitzu emateen zenbateko osoa 50.000 eurotik gorakoa ez bada (Balio Erantsiaren gaineko Zerga zenbatu gabe), dagokion hiruhileko aldiaren hurrengo hilabete naturaleko lehenengo hogei eguneko epean aurkeztu beharko da aitorpen laburtua. Alabaina, bigarren eta laugarren hiruhilekoetako aitorpenak abuztuaren 5era eta urtarrilaren 31ra arte aurkezten ahalko dira, hurrenez hurren.

Hiruhileko natural bakoitzeko hilabeteren baten amaieran aurreko paragrafoan aipatutako zenbatekoa gainditzen bada, aitorpen laburpen bat aurkeztu beharko da hiruhileko natural hori hasi denetik igarotako hilabeterako edo hilabeteetarako. Aitorpen hori lehenengo hogei egun naturaleko epean aurkeztu beharko da, irizpide honi jarraikiz:

a) Aurreko paragrafoan aipatutako zenbatekoa gainditzen bada hiruhileko naturaleko lehenengo hilabetean, hileko aitorpen bat aurkeztu beharko da, hilabete horretan egindako eragiketak jasota.

b) Aurreko paragrafoan aipatutako zenbatekoa gainditzen bada hiruhileko naturaleko bigarren hilabetean, hileko aitorpen bat aurkeztu beharko da, hiruhilekoko lehenengo bi hilabeteetan egindako eragiketak jasota, eta etendako hiruhileko bat dela adierazten duen marka bat ere jarriko da.

3. Hala ere, Ekonomia eta Ogasun Departamentuak baimena eman dezake aitorpen laburtua urte naturalekoa izateko eta urte horren ondorengo urtarrilean aurkezteko, honako bi inguruabar hauek dituzten enpresaburuei eta profesionalei dagokienez:

a) Aurreko urte naturalean, ondasun entregen eta zerbitzu emateen zenbateko osoa (Balio Erantsiaren gaineko Zerga alde batera utzirik) 35.000 euro baino gehiago ez izatea.

b) Zergari buruzko Foru Legearen 22. artikuluko 1 eta 3. idatz-zatietan xedatutakoaren arabera zerga ordaindu beharretik salbuetsita dauden ondasun entregei (garraiobide berrien entregak kanpo) dagokien zenbateko osoa, aurreko urte naturalean, 15.000 euro baino gehiago ez izatea.

Xedapen gehigarri bakarra.-2010. eta 2011. urteetan Europar Batasunaren barneko eragiketei buruzko aitorpen laburtua aurkezteko muga, Balio Erantsiaren gaineko Zergaren ondorioetarako.

Foru agindu honen 6.2 artikuluak aipatzen duen muga 100.000 eurokoa izanen da 2010. eta 2011. urteei dagozkien aitorpen laburtuetarako.

Xedapen indargabetzaile bakarra.-Arauak indargabetzea.

1. Indarrik gabe gelditu da otsailaren 28ko 68/2002 Foru Agindua. Horren bidez onetsi ziren Europar Batasunaren barneko eragiketei buruzko aitorpen laburtuaren 349 eredua eta haren barneko orriak ordenagailuz zuzenean irakurtzeko euskarriez ordezteko diseinu fisiko eta logikoak.

2. Indarrik gabe uzten dira foru agindu honetan ezarritakoari kontra egiten dioten maila bereko edo baxuagoko xedapenak.

Azken xedapen bakarra.-Indarra hartzea.

Foru agindu honek Nafarroako Aldizkari Ofizialean argitaratu eta biharamunean hartuko du indarra, eta 2010eko urtarrilaren 1etik aurrera egiten diren eragiketei aplikatuko zaie.

Iruñean, 2010eko ekainaren 18an.-Ekonomia eta Ogasuneko kontseilaria, Álvaro Miranda Simavilla.

I. ERANSKINA

Ordenagailuaren bidez zuzenean irakurtzeko euskarriarekin batera aurkeztuko den laburpen orria

II. ERANSKINA

349 eredua telematikoki aurkezteko sortzen diren artxiboen
eta eredu hori ordenagailuaren bidez zuzenean irakurtzeko
euskarrien diseinu fisiko eta logikoak

A) Euskarri magnetikoen ezaugarriak

Europar Batasunaren barneko eragiketei buruzko aitorpen laburtua aurkezteko erabiltzen diren ordenagailuz zuzenean irakurtzeko euskarriek (349 eredua) ezaugarri hauek izanen dituzte:

-Mota: CD-R (Compact Disc Recordable) 12 cm-koa.

-Edukiera: 700 MB bitarte.

-ISO/IEC DIS 9660:1999 formatua, Joliet luzapenarekin edo hori gabe.

-Multisesiorik ez.

Fitxategiak CD-R bat baino gehiago hartzen badu, behar beste fitxategitan zatitu beharko da. Fitxategi partzial bakoitzak CExxxx.NNN (NNN=001,002, ...) izena izanen du, non xxxx aitorpenari dagokion zergaldiaren lau zifrak izanen diren eta NNN, berriz, fitxategiaren ondoz ondoko zenbakia, 001etik hasita.

Artxibategi partzialek erregistro osoak izanen dituzte beti, hau da, ezin izanen da fitxategi bat zatitu fitxategi partzialetan erregistro osatugabeak utziz.

B) 349 ereduaren diseinu logikoak.

Erregistroen azalpena.

Aitortzaile bakoitzarentzat bi erregistro mota izanen dira, lehen idazgunearen arabera bereizten direnak, irizpide hauen arabera:

1. mota: Aitortzailearen erregistroa: identifikazio datuak eta aitorpenaren laburpen orria. 1. motako erregistroaren diseinua, atal hauetan beretan eta foru agindu honetako eranskinean ageri direnetatik.

2. mota: Europar Batasunaren barneko operadoreen erregistroa eta zuzenketen erregistroa. 2. motako erregistroaren diseinua, atal hauetan beretan eta foru agindu honetako eranskinean ageri direnetatik.

Aurkezteko ordena erregistro motarena izanen da. 1. motako erregistro bakar bat egonen da eta, 2. motakoen kasuan, aitorpenak Batasunaren barneko zenbat operadore eta zenbat zuzenketa dituen, horrenbeste erregistro izanen dira, eta Batasunaren barneko operadoreenak eta zuzenketenak desberdinak.

Eremu alfazenbakizko eta alfabetiko guztiak ezkerretara lerrokaturik eta eskuinetara zuriunez beterik aurkeztuko dira, letra larrietan, karaktere berezirik eta bokal azentudunik gabe.

Hizkuntzaren karaktere bereizgarrietarako ISO-8859-1 kodifikazioa erabiliko da. Horrela, Ñ letrak ASCII 209 (Hex. D1) balioa izanen du, eta "Ç" letrak (c hautsi maiuskula), ASCII 199 (Hex. C7).

Zenbakizko eremu guztiak eskuinetara lerrokaturik eta ezkerretara zeroz beterik agertuko dira, zeinurik gabe eta paketatu gabe.

Eremu guztiek izanen dute edukia, eremuaren azalpenean kontrakoa zehazten ez bada. Ez badute, zenbakizko eremuak zeroz beteko dira eta alfazenbakizkoak eta alfabetikoak, berriz, zuriunez.

Aurkezpena multzoan egiten denean (aitortzaile bat baino gehiago artxibo berean), euskarriaren lehen erregistro gisa zero motako erregistro bat aurkeztuko da (aurkezlearen erregistroa), foru agindu honen II. eranskineko B) atalean azaltzen den zero motako erregistroaren diseinuari jarraikiz. Horretan sartuko dira aurkezpenaren erantzulea den pertsonaren edo entitatearen datuak, eta hala eginen da, nahiz eta pertsona edo entitate hori euskarrian aitortzaile moduan ere aurkeztu. Jarraian ipiniko dira lehen aitortzailearen datuak (1. motako erregistroa), eta, ondoren, Batasunaren barneko operadoreak eta zuzenketak (2. mota); gero, hurrengo aitortzailearen datuak, eta horrela hurrenez hurren.

ZUZENKETEN ERREGISTROA BETETZEA

Zuzenketen erregistroaren helburua da zergadunak aukera izatea aurreko aitorpen batean jarritako eragiketak zuzentzeko, akatsak egin direnean edo Balio Erantsiaren gaineko Zergari buruzko Foru Legearen 28. artikuluan aipatutako inguruabarren ondoriozko aldaketak izan direnean.

Zuzenketen erregistroa betetzeko modua zuzendu nahi den akatsaren edo aldaketaren araberakoa izanen da.

A) Okerreko zenbateko bat jartzeagatik edo Balio Erantsiaren gaineko Zergari buruzko Foru Legearen 28. artikuluan aipatutako inguruabarren ondoriozko aldaketa batengatik zuzendu nahi denean zerga-oinarriaren zenbatekoa, erregistro bakar bat beteko da.

Zuzenketaren erregistroa beteko da "EUROPAR BATASUNEKO OPERADOREAREN IFZ" eremuari (76-92 idazgunea), "EUROPAR BATASUNAREN BARNEKO OPERADOREAREN DEITURAK ETA IZENA EDO SOZIETATEAREN IZENA" eremuari (93-132 idazgunea) eta "ERAGIKETAREN GAKOA" eremuari (133 idazgunea) dagokienez, orain zuzendu nahi den erregistroan jarri ziren datu berberekin. "ZUZENKETAK" eremuari dagokionez (147-178 idazguneak), zuzendutako aitorpenari dagozkion zergaldia eta aldia jarriko dira "Zergaldia" (147-150 idazgunea) eta "Aldia" (151-152 idazgunea) azpieremuetan. "Zuzendutako zerga-oinarria" azpieremuari dagokionez (153-165 idazgunea), adieraziko da entregen zerga-oinarriaren zenbateko oso berria, eragiketaren "E" gakoa jarri bada; Batasunaren barneko eskurapen salbuetsien ondoren, hiruko eragiketen esparruan, beste Estatu kide batzuetan egindako entrega guztiena, eragiketaren "T" letra jarri bada; eskurapenena, eragiketaren "A" gakoa jarri bada; Europar Batasunaren barneko zerbitzu prestazioena, "S" letra jarri bada; edo Europar Batasunaren barneko zerbitzu eskurapen guztiena, "I" letra jarri bada, Batasunaren barneko operadore bakoitzaren eta aipatu aldiaren arabera, zuzendu nahi den eragiketako zerga-oinarriaren zenbatekoa aldatu eta gero. "Aurreko aitorpeneko zerga-oinarria" azpieremuari dagokionez (166-178 idazgunea), zuzendutako aitorpenean eman zen zenbatekoa jarriko da. Hori hala, aldi batean Europar Batasunaren barneko operadore batekin zenbait eragiketa egin badira, eta aitorpeneko zerga-oinarria aldatu nahi bada horietako batean edo batzuetan, erregistro bakar batean metatuko da, eragiketaren gako eta aldi bakoitzeko, eragiketa guztien zerga-oinarrien zenbateko osoa, kasuan kasuko zerga-oinarriak zuzendu eta gero.

Adibidez: B22222222 IFZ duen zergadun espainiarrak 2009ko zergaldiko aitorpenean eta 4T aldian eragiketa hau adierazi du:

Europar Batasunaren barneko operadorearen erregistroa

2010eko urtarrilean deuseztatu egin da operadore portugaldarrarekin (PT123456789) 2009ko laugarren hiruhilekoan egindako eskurapenetako bat, eta aldi horretan egindako eskurapen guztien zerga-oinarri berria 1000,00 euroko da. 2010eko zergaldiko 1T aitorpenean erregistroa honela beteko da:

Zuzenketen erregistroa

b) Zuzendu nahi diren eremuak "EUROPAR BATASUNEKO OPERADOAREN IFZ" (76-92 idazgunea), "EUROPAR BATASUNAREN BARNEKO OPERADOREAREN DEITURAK ETA IZENA EDO SOZIETATEAREN IZENA" (93-132 idazgunea) edo "ERAGIKETAREN GAKOA" (133 idazgunea) direnean, zuzenketen bi erregistro bete beharko dira.

Zuzenketen lehen erregistroa, aipatu diren eremuei dagokienez, orain zuzendu nahi den erregistroan jarritako datu berberekin beteko da. "ZUZENKETAK" eremua (147-178 idazguneak) honela beteko da: "Zergaldia" (147-150 idazgunea) eta "Aldia" (151-152 idazgunea) azpieremuetan, zuzentzen den aitorpenari dagozkion zergaldia eta aldia. "Zuzendutako zerga-oinarria" azpieremuari (153-165 idazgunea) dagokionez, zeroz beteko da. "Aurreko aitorpeneko zerga-oinarria" azpieremuari dagokionez, zuzendutako aitorpenean eman zen zenbatekoa jarriko da.

Zuzenketaren bigarren erregistroa, "EUROPAR BATASUNEKO OPERADOREAREN IFZ" eremuari (76-92 idazgunea), "EUROPAR BATASUNAREN BARNEKO OPERADOREAREN DEITURAK ETA IZENA EDO SOZIETATEAREN IZENA" eremuari (93-132 idazgunea) eta "ERAGIKETAREN GAKOA" eremuari (133 idazgunea) dagokienez, adierazi nahi diren akatsen edo aldaketen datu zuzenduekin beteko da. "ZUZENKETAK" eremuari dagokionez (147-178 idazguneak), zuzendutako aitorpenari dagozkion zergaldia eta aldia jarriko dira "Zergaldia" (147-150 idazgunea) eta "Aldia" (151-152 idazgunea) azpieremuetan. "Zuzendutako zerga-oinarria" azpieremuari dagokionez (153-165 idazgunea), adieraziko da entregen zerga-oinarriaren zenbateko osoa, eragiketaren "E" gakoa jarri bada; Batasunaren barneko eskurapen salbuetsien ondoren, hiruko eragiketen esparruan, beste Estatu kide batzuetan egindako entregena, eragiketaren "T" letra jarri bada; eskurapenena, eragiketaren "A" gakoa jarri bada; Europar Batasunaren barneko zerbitzu prestazioena, "S" letra jarri bada; edo Europar Batasunaren barneko zerbitzu eskurapen guztiena, "I" letra jarri bada, Batasunaren barneko operadore bakoitzaren eta aipatu aldiaren arabera. "Aurreko aitorpeneko zerga-oinarria" azpieremuari dagokionez (166-178 idazgunea), zero jarriko da, erregistro berria izateagatik.

Adibidez: B22222222 IFZ duen zergadun espainiarrak 2009ko zergaldiko aitorpenean eta 4T aldian eragiketa hau adierazi du:

Europar Batasunaren barneko operadorearen erregistroa

2010eko martxoan, operadore portugaldarrak adierazten dizu Europar Batasuneko bere IFZ ez dela 'PT123456789', baizik eta 'PT987654321'. 2010eko zergaldiko 1Tren aitorpenean beharrezkoa izanen da zuzenketen bi erregistro aitortzea.

Horietako lehena honela beteko da:

Zuzenketen erregistroa

Bigarren erregistroa honela beteko da:

Zuzenketen erregistroa

Iragarkiaren kodea: F1010728