Iragarkia

72. ALDIZKARIA - 2010eko ekainaren 14a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

625/2010 EBAZPENA, maiatzaren 25ekoa, Arriskuen Prebentziorako eta Lanaren zuzendari nagusiak emana, Nafarroako "Kirol zerbitzuen eta ekipamenduen enpresa kudeatzaileak" sektorearen soldaten berrikuspenari buruzko erabakia erregistratu eta Nafarroako Aldizkari Ofizialean argitaratzea erabakitzen duena (espediente zenbakia: 3/2010-L).

2010eko maiatzaren 19an sartu da departamentu honetan Nafarroako "Kirol zerbitzuen eta ekipamenduen enpresa kudeatzaileak" sektorearen 2010eko itun kolektiboko soldaten berrikuspenari buruzko erabakia, Negoziazio Batzordeak itun hartan xedatutakoa betez izenpetu eta onetsia (hasierako espedientearen zenbakia: 5/2009-L).

Berrikuntza, Enpresa eta Enplegu Departamentua da Lan Hitzarmen Kolektiboaren testua erregistratu, gorde eta argitaratzeko eskumena duena, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera. Eginkizun haiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, eta kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.

Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluak ematen dizkidan eskudantziak erabiliz,

EBATZI DUT:

1. Nafarroako "Kirol zerbitzuen eta ekipamenduen enpresa kudeatzaileak" sektorearen lan itun kolektiboko soldaten berrikuspenari buruzko erabakia erregistratzea (kode zenbakia: 3108235), Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.

2. Ebazpen honen berri ematea Negoziazio Batzordeari eta adieraztea ebazpenak ez duela administrazio bidea amaitzen eta honen aurka gora jotzeko errekurtsoa jartzen ahal dela, Berrikuntza, Enpresa eta Enpleguko kontseilariari zuzendua, jakinarazi eta biharamunetik hilabeteko epean.

3. Ebazpen hau Nafarroako Aldizkari Ofizialean argitaratzea, orok jakin dezan.

Iruñean, 2010eko maiatzaren 25ean.-Arriskuen Prebentziorako eta Lanaren zuzendari nagusia, Imelda Lorea Echavarren.

"KIROL ZERBITZUEN ETA EKIPAMENDUEN ENPRESA KUDEATZAILEAK" SEKTOREAREN SOLDATEN BERRIKUSPENA

Iruñean, 2010eko otsailaren 8ko 16:30ean.

Nafarroako beste entitate batzuen jabetzako kirol zerbitzuen eta ekipamenduen enpresa eta entitate pribatu kudeatzaileen hitzarmen kolektiboaren interpretaziorako batzorde paritarioa bildu da, honako entitate eta ordezkari hauez osatuta:

Luis Hernandez Inac eta Sera Alonso Hernandez (UGT), langileak ordezkatuz.

Carlos Esquisábel de Esteban, Juan Eseverri, Victor Sanz eta José Manuel Ayesa Villar (Asociación de Empresas de Gestión Deportiva de Navarra -AGEDENA-), enpresak ordezkatuz.

Adierazten dute:

1.-Nafarroako beste entitate batzuen jabetzako kirol zerbitzuen eta ekipamenduen enpresa eta entitate pribatu kudeatzaileen hitzarmen kolektiboaren 13. artikuluan ezarritakoarekin bat (2009ko 137. Nafarroako Aldizkari Ofiziala, azaroaren 6koa), eta 2009. urteari dagokion Nafarroako KPIaren balioaren datu ofiziala argitaratuta, bidezko da 2010erako soldata igoera aplikatzea, artikulu horretan ezarritako irizpideei jarraikiz. Hala, aplikatuko den igoera-portzentajea hauxe izanen da: 2009ko lansarien behin betiko taulen gainean Nafarroako KPI errealak aurreko urtean izandako igoera-portzentajea 1,4 puntu aplikatzearen ondorioz lortzen dena.

2.-Hori horrela, 2008an Nafarroako KPI erreala 0,50 izan zenez, eta itundutako diferentziala 1,4, aplikatu beharreko igoera-portzentajea 1,90 da.

3.-Aipatutako aginduarekin bat, soldata igoera hori honela banatuko da:

1. KPIk Nafarroan 2009an duen igoerari dagokion portzentajea 2009ko abenduaren 31n indarrean dauden lansarien taulei aplikatuko zaie.

2. 2009ko abenduaren 31n indarrean dauden lansarien taulen gainean kalkulatu beharreko igoera-portzentaje hitzartuaren gainerako zatia, %1,4, hamabosgarren pagaren zenbatekoa handitzeko erabiliko da.

Horrenbestez, aldeek adostu dute:

1.-2010ari dagozkion lansarien taulak onetsi eta sinatzea, 2010eko urtarrilaren 1etik 2010eko abenduaren 31ra bitarte indarrean izanen direnak. I. eranskinean jaso dira.

2.-Lansarien taularen testuaren bi ale igortzea Berrikuntza, Enpresa eta Enplegu Departamentuko Lan Zuzendaritza Nagusiari, behar den guztia egin dezan erregistratu, gorde eta Nafarroako Aldizkari Ofizialean argitaratzeko, Langileen Estatutuaren Testu Bateginaren 90. artikuluaren 2. eta 3. idatz-zatietan ezarritakoarekin bat.

Aztertzeko beste gairik ez izanik, bilerari bukaera eman zaio eta akta hau egin da, bertaratuek sinatu dutena, idazpuruan aipatu tokian eta egunean.

UGT AGEDENA

2010. URTEKO LANSARIEN TAULA

Diferentziala 2010eko aparteko pagara: %1,40.

Aparteko paga, guztira: %5,64 (aparteko paga osoaren %78,99).

Taulen igoera: %0,50 (KPIa Nafarroan 2009an).

Iragarkiaren kodea: F1009682