1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
31/2010 EBAZPENA, maiatzaren 11koa, Nafarroako Administrazio Publikoaren Institutuko Sarrerarako Hautapenaren Zerbitzuko zuzendariak emana, Nafarroako Larrialdietako Agentziako S.O.S. Nafarroako aretoko buru izateko 2 lanpostu barne igoera murriztuan oposizio-lehiaketa bidez betetzeko deialdian onartu eta baztertu diren izangaien behin betiko zerrenda onesten duena, langileen ordezkariak izendatzen dituena eta lehenbiziko ariketa egiteko eguna, ordua eta tokia finkatzen dituena.
Nafarroako Administrazio Publikoaren Institutuko zuzendari kudeatzaileak martxoaren 18an emandako 58/2010 Ebazpenaren bidez, Nafarroako Larrialdietako Agentziako S.O.S. Nafarroako aretoko buru izateko 2 lanpostu oposizio-lehiaketa bidez barne igoera murriztuan betetzeko deialdia onetsi zen. 2010eko 43. Nafarroako Aldizkari Ofizialean, apirilaren 7an, argitaratu zen deialdia.
Eskaerak aurkezteko epea amaituta, eta izangai bazterturik ez dagoenez, bidezko da deialdian onartu eta baztertutako izangaien behin betiko zerrenda onestea.
Nafarroako Larrialdietako Agentziako Langileen Batzordeak epaimahaiko bi ordezkariak proposatu dituenez, bidezkoa da izendatzea.
Deialdiaren 6.2 oinarrian ezarritakoa betetzeko, oposizioaldiko lehenbiziko ariketa egiteko eguna, tokia eta ordua zehazten dira.
Horrenbestez, eta Nafarroako Administrazio Publikoaren Institutuko zuzendari kudeatzaileak ekainaren 26an emandako 103/2008 Ebazpenaren bidez (2008ko 86. Nafarroako Aldizkari Ofiziala, uztailaren 14koa) esleiturik ditudan eskudantziak erabiliz,
EBATZI DUT:
1. Nafarroako Larrialdietako Agentziako S.O.S. Nafarroako Aretoko buru izateko 2 lanpostu barne igoerako txanda murriztuan eta oposizio-lehiaketa bidez betetzeko deialdian onartu eta baztertu diren izangaien behin betiko zerrenda, eranskinean ageri dena, onestea.
2. Nafarroako Larrialdietako Agentziako Langileen Batzordeak proposaturik, hura ordezkatzeko, Jesús Zazpe Garde jauna mahaikide titular izendatzea eta Félix Sangüesa Ortega jauna, ordezko.
3. Adieraztea oposizioko lehen ariketa 2010eko ekainaren 7an eginen dela, astelehenarekin, 11:00etan, Nafarroako Larrialdietako Agentziaren egoitzan (Agoitz, 35 bis; Iruña).
Ariketarako deialdi bakarra eginen da. Izangaiek aldean izan beharko dituzte nortasun agiri nazionala edo baliokidea, pasaportea, gidabaimena edo epaimahaiaren iritziz identifikaziorako balio duen beste agiriren bat.
Azterketara agertzen ez direnak edo beren nortasuna lehen adierazi bezala frogatzen ez dutenak oposiziotik baztertuko dira.
4. Ebazpen hau epaimahaiko kideei igortzea eta Nafarroako Aldizkari Ofizialean argitara dadila agintzea, behar diren ondorioak izan ditzan, eta interesdunei ohartaraztea haren aurka gora jotzeko errekurtsoa jartzen ahalko dela, Lehendakaritza, Justizia eta Barneko kontseilariari zuzendua, hilabeteko epean, argitaratu eta biharamunetik hasita, Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluan eta Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluetan xedatutakoari jarraikiz.
Iruñean, 2010eko maiatzaren 19an.-Sarrerarako Hautapenaren Zerbitzuko zuzendaria, Tomás Rodríguez Garraza.
ERANSKINA
Onartu eta baztertuen behin betiko zerrenda
Onartuak:
CANTERO ARROSAGARAY, FELISA
JIMÉNEZ AZPILICUETA, JOSÉ JAVIER
LARRÁYOZ OYARZUN, MARÍA IZASKUN
MORALES GOLDÁRAZ, JUAN MANUEL
OLAIZ ZOROQUIÁIN, FRANCISCO JAVIER
OLAVE BASOGÁIN, MARÍA BEGOÑA
PÉREZ COBO, JULIÁN FERNANDO
PUEYO MENDÍVIL, MARÍA NIEVES
RECALDE DORRONSORO, VIRGINIA
RECALDE IGLESIAS, MARTA
URDAX VALENCIA, MARÍA ARÁNZAZU
Baztertuak: inor ez.
Iragarkiaren kodea: F1008899
