1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
731/2010 EBAZPENA, maiatzaren 17koa, Nafarroako Unibertsitate Publikoko errektoreak emana, María José Beriain Apesteguía andrea unibertsitateko katedradun izendatzen duena "Nutrizioa eta Bromatologia" jakintza-arloan.
Ikusirik martxoaren 10eko 388/2010 Ebazpena (martxoaren 19ko E.A.O.), unibertsitate irakaskidegoetako lanpostuak betetzeko lehiaketarako deia egin zuena.
Ikusirik lehiaketa epaitu duen batzordeak 2010eko maiatzaren 10ean egindako proposamena, "Nutrizioa eta Bromatologia" jakintza-arloan Nafarroako Unibertsitate Publikoko unibertsitateko katedradun izateko lanpostua, 4071 kodeduna eta Natura Ingurunearen Zientzien Sailari atxikia, betetzeari buruz, eta interesdunak aurkeztu duenez deialdiaren hamargarren oinarrian aipatzen den dokumentazioa.
Aurrekoagatik guztiagatik, eta apirilaren 12ko 4/2007 Lege Organikoak aldatutako Unibertsitateei buruzko abenduaren 21eko 6/2001 Legearen 65. artikuluan, eta Estatutuen 40. artikuluan esleituta dauzkadan eskumenak betez.
EBATZI DUT:
Lehena.-María José Beriain Apesteguía andrea Nafarroako Unibertsitate Publikoko unibertsitateko katedradun izendatzea. Lanpostua "Nutrizioa eta Bromatologia" jakintza-arlokoa da, 4071 kodea du, eta Natura Ingurunearen Zientzien Sailari atxikitzen zaio.
Bigarrena.-Gehienez ere 20 egun balioduneko epean, izendapena "Estatuko Aldizkari Ofizialean" argitaratzen den egunaren biharamunetik kontatzen hasita, hartu beharko du lanpostuaren jabetza proposaturiko izangaiak, eta orduan ere hartuko du dagokion unibertsitate-irakaskidegoko funtzionarioaren izaera, horrek dakartzan eskubide eta betebeharrekin.
Hirugarrena.-Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektoreari zuzenduta, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2010eko maiatzaren 17an.-Errektorea, Julio Lafuente López.
Iragarkiaren kodea: F1009066
