1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
702/2010 EBAZPENA, maiatzaren 11koa, Nafarroako Unibertsitate Publikoko errektoreak emana, Pablo Arocena Garro jauna unibertsitateko katedradun izendatzen duena "Enpresen Antolaketa" jakintza-arloan.
Ikusirik martxoaren 10eko 388/2010 Ebazpena (martxoaren 19ko E.A.O.), unibertsitate irakaskidegoetako lanpostuak betetzeko lehiaketarako deia egin zuena.
Ikusirik lehiaketa epaitu duen batzordeak 2010eko maiatzaren 7an egindako proposamena, "Enpresen Antolaketa" jakintza-arloan Nafarroako Unibertsitate Publikoko unibertsitateko katedradun izateko lanpostua, 4074 kodeduna eta Enpresen Kudeaketa Sailari atxikia, betetzeari buruz, eta interesdunak aurkeztu duenez deialdiaren hamargarren oinarrian aipatzen den dokumentazioa.
Aurrekoagatik guztiagatik, eta apirilaren 12ko 4/2007 Lege Organikoak aldatutako Unibertsitateei buruzko abenduaren 21eko 6/2001 Legearen 65. artikuluan, eta Estatutuen 40. artikuluan esleituta dauzkadan eskumenak betez.
EBATZI DUT:
Lehena.-Pablo Arocena Garro jauna Nafarroako Unibertsitate Publikoko unibertsitateko katedradun izendatzea. Lanpostua "Enpresen Antolaketa" jakintza-arlokoa da, 4074 kodea du, eta Enpresen Kudeaketa Sailari atxikitzen zaio.
Bigarrena.-Gehienez ere 20 egun balioduneko epean, izendapena "Estatuko Aldizkari Ofizialean" argitaratzen den egunaren biharamunetik kontatzen hasita, hartu beharko du lanpostuaren jabetza proposaturiko izangaiak, eta orduan ere hartuko du dagokion unibertsitate-irakaskidegoko funtzionarioaren izaera, horrek dakartzan eskubide eta betebeharrekin.
Hirugarrena.-Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektoreari zuzenduta, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2010eko maiatzaren 11n.-Errektorea, Julio Lafuente López.
Iragarkiaren kodea: F1008765
