1. NAFARROAKO FORU KOMUNITATEA
1.7. BESTELAKOAK
210/2010 EBAZPENA, apirilaren 23koa, Ikuskapenaren eta Zerbitzuen zuzendari nagusiak emana, Iturengo Haur eta Lehen Hezkuntzako Ikastetxe Publikoari "Pulunpa I.P." berariazko izena ematen diona.
Iturengo Ikastetxe Publikoaren Eskola Kontseiluak proposatu du "Pulunpa I.P." berariazko izena jartzea ikastetxeari, eta herriko udalak onartu du.
Nafarroako Foru Komunitateko Haur Hezkuntzako Eskola Publikoetako, Lehen Hezkuntzako Ikastetxe Publikoetako eta Haur eta Lehen Hezkuntzako Ikastetxe Publikoetako Erregelamendua onesteko otsailaren 10ean eman eta martxoaren 14ko Nafarroako Aldizkari Ofizialean argitaratu zen 24/1997 Foru Dekretuaren 4. artikuluan ezarritakoaren arabera,
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1.d) artikuluak ematen dizkidan ahalmenak erabiliz, interesdunei entzunaldia emateko tramitea eginik, eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Iturengo Haur eta Lehen Hezkuntzako Ikastetxe Publikoari "Pulunpa I.P." berariazko izena ematea (ikastetxearen kodea: 31002813). Hortaz, hemendik aurrera ikastetxearen izen osoa hauxe izanen da; Colegio Público de Educación Infantil y Primaria "Pulunpa I.P." Haur eta Lehen Hezkuntzako Ikastetxe Publikoa.
2. Ebazpen honen aurka, gora jotzeko errekurtsoa jartzen ahal da, Hezkuntza Departamentuko kontseilariari zuzendua, jakinarazi eta biharamunetik hilabeteko epean.
3. Administrazioaren ebazpen honen kontra, orobat, administrazio publiko interesdunak administrazioarekiko auzi-errekurtsoa jartzen ahalko du, Nafarroako Justizia Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan ezarritako moduan eta epeetan.
4. Ebazpen hau Nafarroako Aldizkari Ofizialean argitaratuko da.
5. Ebazpen hau igortzea ikastetxeko Eskola Kontseiluko buruari, Iturengo Udaleko alkate udalburuari, Antolamenduaren, Kalitatearen eta Berrikuntzaren Zuzendaritza Nagusiari, Idazkaritza Tekniko Nagusiari, Giza Baliabideen Zerbitzuari, Hezkuntzako Ikuskapen Zerbitzuari, Obren eta Mantentze Lanen Zerbitzuari, Nominen eta Aurrekontu-kontrolaren Zerbitzuari, Ikastetxeen eta Ikasketetarako Laguntzen Zerbitzuari, Araubide Administratiboaren Atalari, Ikasketak Antolatzeko Atalari, Egoitzen eta Ikastetxeen Mantentze Lanetarako Atalari, Informazioaren eta Komunikazioaren Teknologien Atalari, Ikastetxeen eta haien Finantzaketaren Atalari eta Ikastetxeetako Informazioa Kudeatzeko Bulegoari.
Iruñean, 2010eko apirilaren 23an.-Ikuskapenaren eta Zerbitzuen zuzendari nagusia, Francisco Javier Esparza Sánchez.
Iragarkiaren kodea: F1007569
