2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
Udaltzaingoko funtzionarioen izendapena
Tokiko Gobernu Batzarrak 2010eko apirilaren 26an egindako bilkura berezian ondoko erabakia hartu zen. Hona haren xedapen zatia:
Tokiko Gobernu Batzarrak 2008ko abuztuaren 25ean hartutako erabakiaren bidez onetsi zen 2008ko lan publikoaren eskaintza, eta hura 2008ko 122. Nafarroako Aldizkari Ofizialean argitaratu zen, urriaren 6an. Horren indarrez, Tokiko Gobernu Batzarrak 2008ko urriaren 13an hartutako erabakiaren bidez onetsi zen Barañaingo Udaleko udaltzain izateko 2008ko plantilla organikoan hutsik zeuden hiru lanpostu oposizio bidez eta funtzionario moduan betetzeko deialdia.
Barañaingo Udaleko udaltzain izateko hiru lanpostu oposizio bidez eta funtzionario moduan betetzeko deialdia, erran bezala, Tokiko Gobernu Batzarrak 2008ko urriaren 13an hartutako erabakiaren bidez onetsia, 2008ko 132. Nafarroako Aldizkari Ofizialean argitaratu zen, urriaren 29an.
Deialdi horretako izangai onartu eta baztertuen behin-behineko zerrenda onetsi zen, Tokiko Gobernu Batzarrak 2008ko abenduaren 1ean erabakita (2009ko 1. Nafarroako Aldizkaria Ofiziala, urtarrilaren 2koa) eta izangai onartu eta baztertuen behin betiko zerrenda, berriz, Tokiko Gobernu Batzarrak 2009ko urtarrilaren 26an erabakita (2009ko 21. Nafarroako Aldizkaria Ofiziala, otsailaren 18koa). Hautapen prozesua, bertzalde, 2009ko martxoaren 21etik 2009ko maiatzaren 15era bitartean egin zen. Probak bederatzi lagunek gainditu zituzten.
Aitzinekoa kontuan harturik eta Nafarroako Poliziei buruzko martxoaren 23ko 8/2007 Foru Legearen 29.2 artikuluan xedatua ikusirik, eta deialdiaren 7.2.2 oinarriarekin bat, Tokiko Gobernu Batzarrak, 2009ko maiatzaren 28an, erabaki zuen bederatzi izangaien zerrenda onestea Nafarroako Segurtasun Eskolak ematen duen oinarrizko prestakuntza ikastaroan parte har zezaten. Haien datu pertsonalak bilkuraren espedientean dagoen erabaki proposamenean jasota daude.
2009ko maiatzaren 28ko bilkura berean David Villagómez Martínez eta Pablo Busto Arangay praktiketako funtzionario izendatu ziren, Nafarroako Poliziei buruzko martxoaren 23ko 8/2007 Foru Legearen 41. artikuluarekin bat, eta Gizarte Segurantzan inskribatu eta bertan kidetu ziren.
Nafarroako Segurtasun Eskolak emandako oinarrizko prestakuntza ikastaroa buruturik, apirilaren 15eko 73/2010 ebazpenaren bidez onetsi zituen Segurtasun Eskolako zuzendariak bertako azken kalifikazioak David Villagómez Martínez eta Pablo Busto Arangay praktiketako funtzionarioei zegokienez.
Aitzinekoa kontuan harturik, proposatu da eta honela,
ERABAKI DA:
Lehenbizikoa.-Onestea David Villagómez Martínez eta Pablo Busto Arangay Barañaingo Udaleko funtzionario izendatzeko proposamena udaltzain kategoria dutela, oposizioko epaimahaiak emandako irizpenarekin bat. Tokiko Gobernu Batzarrak 2008ko urriaren 13an hartutako erabakiaren bidez onetsi zen udaltzain izateko hiru lanpostu oposizio bidez betetzeko deialdia. Hura 2008ko 132. Nafarroako Aldizkari Ofizialean argitaratu zen, urriaren 29an.
Bigarrena.-Aditzera ematea David Villagómez Martínezi eta Pablo Busto Arangayri izendapen honek nomina eta plantillako funtzionario bilakatuko dituela, Barañaingo Udaleko funtzionarioendako indarra duten xedapenetan ezarrita dauden eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.
Hirugarrena.-Aditzera ematea funtzionario izendatu berriei hilabeteko epean hartu beharko dutela lanpostuaren jabetza, erabaki hau jakinarazten zaien egunetik aitzina.
Laugarrena.-Erabaki hau jakinaraztea interesdunei, Nafarroako Segurtasun Eskolari, Udalaren Kontu Hartzailetzari eta Giza Baliabideen Alorrari, behar diren ondorioak izan ditzan.
Borzgarrena.-Nafarroako Aldizkari Ofizialean argitaratzea David Villagómez Martínez eta Pablo Busto Arangay Barañaingo Udaleko funtzionario izendatzea.
Barañainen, 2010eko apirilaren 30ean.-Alkate udalburua, José Antonio Mendive Rodríguez.
Iragarkiaren kodea: L1007715
