2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ALTSASU
2008tik 2010era luzatutako aurrekontuan kreditu bereziaren bidez aldaketa egiteko 10/2010 espedientea. Behin betiko onespena
Altsasuko Udalak, 2010eko martxoaren 15ean egin osoko bilkuran, hasiera batean onetsi zuen 2008tik 2010era luzatutako aurrekontuan kreditu bereziaren bidez aldaketa egiteko 10/2010 espedientea; 77.635,81 euro egiten du, guztira.
Nafarroako Toki Ogasunei buruzko martxoaren 10eko 2/1995 Foru Legearen 214.2 artikuluaren arabera, delako espedientea aurrekontuak bezala tramitatu eta onetsi behar da, informazioari, erreklamazioari eta publikotasunari buruzko tramite eta beharkizunei dagokienez. Aipatu lege beraren 202. artikuluan xedatutakoari jarraituz, 2010eko apirilaren 12ko Nafarroako Aldizkari Ofizialean argitaratu zen Udalak osoko bilkuran hasiera batean onetsitako espedientearen iragarkia.
Jendaurrean egoteko epean inork alegaziorik aurkeztu ez duenez, espedientea behin betiko onetsi da eta, 202.3 artikuluari jarraituz, iragarkia argitaratzen da.
GASTUAK:
Kontu-saila: 1-4536-62201. Ikuztegiko eraikineko teilatua berritzea: 77.635,81 euro.
Kreditua, guztira: 77.635,81 euro.
FINANTZABIDEA:
Kontu-saila: 720-02. Tokiko Enplegu eta Iraunkortasunerako Estatu Funtsa: 77.635,81 euro.
Aditzera ematen da orok jakin dezan, eta ohartarazten da behin betiko onespen honen aurka ondoko bide hauetako bat erabil daitekeela:
A.-Berraztertzeko errekurtsoa, Altsasuko Osoko Bilkurari zuzendua, hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
B.-Administrazioarekiko auzi-errekurtsoa, zuzenean Nafarroako Justizia Auzitegi Nagusiari zuzendua, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.
C.-Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratzen denetik hasita.
Altsasun, 2010eko apirilaren 30ean.-Alkatea, Unai Hualde Iglesias.
Iragarkiaren kodea: L1007720
