2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Xehetasun azterlana, La Serna industrialdeko 11-2.A lurzatiari dagokiona
Tuterako alkate udalburuak, Alkatetzaren 2010eko apirilaren 29ko ebazpenaren bidez, hasiera batean onetsi zuen jarduera ekonomikoen eremuko (Ciudad Agroalimentaria) La Serna industrialdeko 11-2.A lurzatiari dagokion xehetasun azterlana, bertako jardueraren baldintzak, azalerak eta bolumena, lerrokadurak, aparkalekuak, lurzatiaren antolamendua (azalera okupatua, zolatua eta lorategietarakoa) eta urbanizazioa definitu edota doitzeko. Navarra de Suelo Industrial, S.A. (Nasuinsa) da sustatzailea. Orobat, erabaki zuen espedientea jendaurrean jartzea hogei egun baliodunean, Nafarroako Aldizkari Ofizialean argitaratu eta biharamunetik hasita, aztertu eta egoki juzgatzen diren alegazioak aurkez daitezen, idatziz, Udaleko erregistro orokorraren bitartez.
Aditzera ematen da, orok jakin dezan.
Tuteran, 2010eko apirilaren 29an.-Alkate udalburua, Luis Casado Oliver.
Iragarkiaren kodea: L1007702
