1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
449/2010 EBAZPENA, apirilaren 13koa, Arriskuen Prebentziorako eta Lanaren zuzendari nagusiak emana, "Nafarroako enpresa instalatzaileak, arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorearen lan hitzarmen kolektiboko 2009ko soldaten berrikuspenari buruzko akordioa erregistratu eta Nafarroako Aldizkari Ofizialean argitaratzea erabakitzen duena (espediente zenbakia: 27/2010).
Departamentu honetan 2010eko apirilaren 9an sartu zen "Nafarroako enpresa instalatzaileak arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorearen lan hitzarmen kolektiboko 2009ko soldaten berrikuspenari buruzko akordioa, negoziazio batzordeak hitzarmen hartan xedaturikoa betez izenpetu eta onetsia (hasierako espedientearen zenbakia: 69/2008).
Berrikuntza, Enpresa eta Enplegu Departamentua da Lan Hitzarmen Kolektiboaren testua erregistratu, gorde eta argitaratzeko eskumena duena, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera. Eginkizun haiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, eta kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,
EBATZI DUT:
1. Nafarroako "Enpresa instalatzaileak arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorearen lan hitzarmen kolektiboko (kodea: 3103505) soldaten berrikuspenari buruzko akordioa erregistratzea Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau jakinaraztea negoziazio batzordeari eta adieraztea ebazpenak ez duela administrazio bidea amaitzen eta honen aurka gora jotzeko errekurtsoa jartzen ahal dela, Berrikuntza, Enpresa eta Enpleguko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2010eko apirilaren 13an.-Arriskuen Prebentziorako eta Lanaren zuzendari nagusia, Imelda Lorea Echavarren.
NAFARROAKO "ENPRESA INSTALATZAILEAK ARLO HAUETAN: ITURGINTZA, BEROKUNTZA, AIRE-GIROTZEA, SUTEEN PREBENTZIOA, GASA ETA ANTZEKOAK" SEKTOREAREN LAN HITZARMEN KOLEKTIBOKO 2009KO SOLDATEN BERRIKUSPENA
Iruñean, 2010eko martxoaren 22an.
Bildurik "Nafarroako Enpresa instalatzaileak arlo hauetan: Iturgintza, berokuntza, aire-girotzea, suteen prebentzioa, gasa eta antzekoak" sektorearen hitzarmen kolektiboaren negoziazio batzordea, honako pertsona eta ordezkaritza hauek osatua:
-Nafarroako iturgintzako, berokuntzako, aire-girotzeko, suteen prebentzioko, gaseko eta antzeko enpresen elkartearen aldetik:
- Enrique Mendaza Hernández jauna.
- Andrés Aramendia Sanz jauna.
- Sergio Arostegui Miranda jauna.
- Jesús Miranda Murillo jauna.
- José Antonio Martín Parada jauna.
- Andrés Pulido San Román jauna.
- Javier Sangüesa Pérez jauna.
- Luis Soto Alegría jauna.
- Aholkulari legelari gisa, Javier Adiego Reta jauna.
-Sindikatuen aldetik:
- UGT-Unión General de Trabajadores sindikatuaren izenean, Baltasar García Salaverri jauna.
- CC.OO.-Comisiones Obreras sindikatuaren izenean, Ana Zapata Aguirre andrea.
Adierazten dute:
Jakinik, INEren ziurtagiriaren bitartez, 2009ko Kontsumoko Prezioen Indize (KPI) erreala %0,8koa izan dela behin betiko, ez da bidezkoa 2009. urtean jasotako soldaten berrikuspena egitea, lehen klausula gehigarriaren 1) atalean xedatutakoarekin bat.
Hori horrela, gaia eztabaidatu ondoren, batzordeko kideek, aho batez
Erabaki dute:
Lehena.-Lehen klausula gehigarriaren 1) atalean azaldutako kasua gertatu ez denez, ez da bidezkoa 2009. urtean jasotako soldaten berrikuspena egitea.
Bigarrena.-Hortaz, akta honen I. eranskinean agertzen dena da 2009. urteari dagokion behin betiko soldaten taula.
Hirugarrena.-Hitzarmenaren 8. artikuluan ezarritakoarekin bat, 2009ko abenduaren 31tik aurrera benetan lan egin beharreko urteko lanaldia 1.714 ordukoa izanen da.
Laugarrena.-Akordio hau Nafarroako Gobernuko Industria eta Teknologia, Merkataritza eta Lan Departamentura igorriko da, erregistratzeko eta ondoren Nafarroako Aldizkari Ofizialean argitaratzeko.
Eta hala ager dadin, eta adostasunaren frogagarri, akta hau prestatu da, bertaratuek sinatu dutena, idazpuruan aipatutako tokian eta egunean.
UGT, CC.OO, Nafarroako iturgintzako, berokuntzako, aire-girotzeko, suteen prebentzioko, gaseko eta antzeko enpresen elkartea.
2009. URTEKO SOLDATEN TAULA
LANBIDE KATEGORIA | EGUNEKO SOLDATA | UZTAILEKO APARTEKO PAGA (30 egun) | ABENDUKO APARTEKO PAGA (30 egun) | 2009. URTEAN, GUZTIRA |
Lehen mailako ofiziala | 58,92 | 1.767,30 | 1.767,30 | 25.040,40 |
Bigarren mailako ofiziala | 53,18 | 1.595,40 | 1.595,40 | 22.601,50 |
Hirugarren mailako ofiziala A | 48,33 | 1.449,90 | 1.449,90 | 20.540,25 |
Hirugarren mailako ofiziala B | 44,98 | 1.349,40 | 1.349,40 | 19.116,50 |
Espezialista | 37,27 | 1.118,10 | 1.118,10 | 15.839,75 |
17 urteko langilea | 28,89 | 866,70 | 866,70 | 12.278,25 |
16 urteko langilea | 25,66 | 769,80 | 769,80 | 10.905,50 |
LANBIDE KATEGORIA | HILEKO SOLDATA | UZTAILEKO APARTEKO PAGA | ABENDUKO APARTEKO PAGA | 2009. URTEAN, GUZTIRA |
Biltegizaina / Mendekoa | 1.127,65 | 1.127,65 | 1.127,65 | 15.787,10 |
Arduraduna / Ataleko burua | 1.873,12 | 1.873,12 | 1.873,12 | 26.223,68 |
Prestakuntzako langileak |
Prestakuntzako langilea, 1. urtea | 653,85 | 653,85 | 653,85 | 9.153,90 |
Prestakuntzako langilea, 2. urtea | 737,10 | 737,10 | 737,10 | 10.319,40 |
Prestakuntzako langilea, 3. urtea | 884,49 | 884,49 | 884,49 | 12.382,86 |
Administrariak |
Izangaia | 757,94 | 757,94 | 757,94 | 10.611,16 |
Laguntzailea | 949,16 | 949,16 | 949,16 | 13.288,24 |
2. mailako ofiziala | 1.108,40 | 1.108,40 | 1.108,40 | 15.517,60 |
1. mailako ofiziala | 1.456,43 | 1.456,43 | 1.456,43 | 20.390,02 |
Teknikariak |
Goi mailako tituluduna | 2.003,07 | 2.003,07 | 2.003,07 | 28.042,98 |
Erdi mailako tituluduna | 1.916,42 | 1.916,42 | 1.916,42 | 26.829,88 |
1. hirurtekoa | 143,32 |
2. hirurtekoa | 286,43 |
3. hirurtekoa | 501,14 |
4. hirurtekoa | 644,14 |
5. hirurtekoa | 715,73 |
6. hirurtekoa | 930,86 |
7. hirurtekoa | 1.001,96 |
Hortik gorako hirurteko bakoitzeko 74,69 euro gehituko dira. |
Iragarkiaren kodea: F1006699