1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
448/2010 EBAZPENA, apirilaren 13koa, Arriskuen Prebentziorako eta Lanaren zuzendari nagusiak emana, "Nafarroako enpresa instalatzaileak, arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorearen lan hitzarmen kolektiboko 2010eko soldaten berrikuspenari buruzko akordioa erregistratu eta Nafarroako Aldizkari Ofizialean argitaratzea erabakitzen duena (espediente zenbakia: 28/2010).
Departamentu honetan 2010eko apirilaren 9an sartu zen "Nafarroako enpresa instalatzaileak arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorearen lan hitzarmen kolektiboko 2010eko soldaten berrikuspenari buruzko akordioa, negoziazio batzordeak hitzarmen hartan xedaturikoa betez izenpetu eta onetsia (hasierako espedientearen zenbakia: 69/2008).
Berrikuntza, Enpresa eta Enplegu Departamentua da Lan Hitzarmen Kolektiboaren testua erregistratu, gorde eta argitaratzeko eskumena duena, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera. Eginkizun haiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, eta kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskudantziak erabiliz,
EBATZI DUT:
1. Nafarroako "Enpresa instalatzaileak arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorearen lan hitzarmen kolektiboko (kodea: 3103505) soldaten berrikuspenari buruzko akordioa erregistratzea Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau jakinaraztea negoziazio batzordeari eta adieraztea ebazpenak ez duela administrazio bidea amaitzen eta honen aurka gora jotzeko errekurtsoa jartzen ahal dela, Berrikuntza, Enpresa eta Enpleguko kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako Aldizkari Ofizialean argitaratzea, orok jakin dezan.
Iruñean, 2010eko apirilaren 13an.-Arriskuen Prebentziorako eta Lanaren zuzendari nagusia, Imelda Lorea Echavarren.
"NAFARROAKO ENPRESA INSTALATZAILEAK ARLO HAUETAN: ITURGINTZA, BEROKUNTZA, AIRE-GIROTZEA,
SUTEEN PREBENTZIOA, GASA ETA ANTZEKOAK"
SEKTOREAREN LAN HITZARMEN KOLEKTIBOKO 2010EKO SOLDATEN BERRIKUSPENA
"Nafarroako enpresa instalatzaileak arlo hauetan: iturgintza, berokuntza, aire-girotzea, suteei aurrea hartzea, gasa eta antzekoak" sektorearen lan hitzarmen kolektiboaren indarraldiko hirugarren urterako (2010) xedatutakoa aplikatzeko akordioa
Iruñean, 2010eko martxoaren 22an.
Bildurik "Nafarroako Enpresa instalatzaileak arlo hauetan: Iturgintza, berokuntza, aire-girotzea, suteen prebentzioa, gasa eta antzekoak" sektorearen hitzarmen kolektiboaren negoziazio batzordea, honako pertsona eta ordezkaritza hauek osatua:
-Nafarroako iturgintzako, berokuntzako, aire-girotzeko, suteen prebentzioko, gaseko eta antzeko enpresen elkartearen aldetik:
- Enrique Mendaza Hernández jauna.
- Andrés Aramendia Sanz jauna.
- Sergio Arostegui Miranda jauna.
- Jesús Miranda Murillo jauna.
- José Antonio Martín Parada jauna.
- Andrés Pulido San Román jauna.
- Javier Sangüesa Pérez jauna.
- Luis Soto Alegría jauna.
- Aholkulari legelari gisa, Javier Adiego Reta jauna.
-Sindikatuen aldetik:
- UGT-Unión General de Trabajadores sindikatuaren izenean, Baltasar García Salaverri jauna.
- CC.OO.-Comisiones Obreras sindikatuaren izenean, Ana Zapata Aguirre andrea.
Bi alderdiek akordio hau formalizatzeko legezko gaitasun nahikoa onartzen diote elkarri, eta horrenbestez,
Adierazten dute:
"Nafarroako enpresa instalatzaileak arlo hauetan: iturgintza, berokuntza, aire-girotzea, suteen prebentzioa, gasa eta antzekoak" sektorearen lan hitzarmen kolektiboaren lehenengo xedapen gehigarriaren 3) atalean jasotzen dela hitzarmenaren indarraldiko hirugarren urteko (2010) ordainsariak zehazteko prozedura, hots: Gobernuak 2010. urterako aurreikusten duen KPIari puntu bat gehitzea.
Gobernuak 2010. urterako aurreikusi duen KPIaren datu ofizialik ez dagoenez, ez dago urte horretan aplikatu beharreko igoera automatikoki kalkulatzeko oinarririk, hitzarmenaren lehenengo klausula gehigarriaren hirugarren atalean ezarritakoaren arabera.
Hortaz, lehenengo klausula gehigarriaren hirugarren ataleko hirugarren paragrafoan xedatutakoa aplikatu behar da, eta negoziazio batzordeari dagokio KPIaren datuaren ordez erabili beharreko zifra zehaztea.
Nafarroako "Iturgintza, berokuntza, aire-girotzea, suteen prebentzioa, gasa eta antzekoak" sektorearen lan hitzarmen kolektiboaren negoziazio batzordeak erabaki duela, urte honetarako, %1 zehaztea, KPIaren datuaren ordez erabiltzeko.
Horregatik, bidezkoa da 2010eko urtarrilaren 1etik aurrera %2,00ko hasierako igoera aplikatzea.
Gai horri buruz eztabaidatu ondoren, bertaratutakoek, aho batez,
Erabaki dute:
Lehena.-2009ko abenduaren 31n indarra zuten soldaten taulak %2 igotzea, urte honetako soldaten berrikuspena eginda. Hasierako igoera horrek 2010eko urtarrilaren 1etik aurrera izanen ditu ondorioak.
Bigarrena.-2010. urtea bukatutakoan, eta 2010eko Espainiako KPI erreala ezagutu ondoren, beharrezkoa bada, aurreko paragrafoan zehaztutako %2 hori behar bezala egokituko da, Nafarroako "Iturgintza, berokuntza, aire-girotzea, suteen prebentzioa, gasa eta antzekoak" sektorearen lan hitzarmen kolektiboan itundutako behin betiko igoerara iristeko.
Hirugarrena.-Hitzarmenaren 14.2 artikuluan araututakoari dagokionez, egindako kilometro bakoitzeko 0,336 euroko ordaina emanen da.
Eta adostasunaren frogagarri, eta hala jasota geldi dadin, bertaratutakoek hau sinatu dute goian adierazitako tokian eta egunean.
2010. URTEKO SOLDATEN TAULA
(2009-12-31n indarra zuten soldatei %2ko igoera aplikatu ondoren atera dira).
LANBIDE KATEGORIA | EGUNEKO SOLDATA | UZTAILEKO APARTEKO PAGA
(30 egun) | ABENDUKO APARTEKO PAGA
(30 egun) | 2010. URTEAN, GUZTIRA |
Lehen mailako ofiziala | 60,10 | 1.803,00 | 1.803,00 | 25.542,50 |
Bigarren mailako ofiziala | 54,24 | 1.627,31 | 1.627,31 | 23.052,00 |
Hirugarren mailako ofiziala A | 49,30 | 1.479,00 | 1.479,00 | 20.952.50 |
Hirugarren mailako ofiziala B | 45,88 | 1.376,40 | 1.376,40 | 19.499,00 |
Espezialista | 38,02 | 1.140,46 | 1.140,46 | 16.157,42 |
17 urteko langilea | 29,47 | 884,10 | 884,10 | 12.524,75 |
16 urteko langilea | 26,17 | 785,20 | 785,20 | 11.122,25 |
LANBIDE KATEGORIA | HILEKO SOLDATA | UZTAILEKO APARTEKO PAGA | ABENDUKO APARTEKO PAGA | 2010. URTEAN, GUZTIRA |
Biltegizaina / Mendekoa | 1.150,20 | 1.150,20 | 1.150,20 | 16.102,80 |
Arduraduna / Ataleko burua | 1.910,58 | 1.910,58 | 1.910,58 | 26.748,15 |
Prestakuntzako langileak |
Prestakuntzako langilea, 1. urtea | 666,93 | 666,93 | 666,93 | 9.337,02 |
Prestakuntzako langilea, 2. urtea | 751,86 | 751,86 | 751,86 | 10.526,04 |
Prestakuntzako langilea, 3. urtea | 902,18 | 902,18 | 902,18 | 12.630,52 |
Administrariak |
Izangaia | 773,10 | 773,10 | 773,10 | 10.823,40 |
Laguntzailea | 968,14 | 968,14 | 968,14 | 13.554,00 |
2. mailako ofiziala | 1.130,57 | 1.130,57 | 1.130,57 | 15.827,98 |
1. mailako ofiziala | 1.485,56 | 1.485,56 | 1.485,56 | 20.797,84 |
Teknikariak |
Goi mailako tituluduna | 2.043,13 | 2.043,13 | 2.043,13 | 28.603,84 |
Erdi mailako tituluduna | 1.954,75 | 1.954,75 | 1.954,75 | 27.366,50 |
1. hirurtekoa | 146,19 |
2. hirurtekoa | 292,16 |
3. hirurtekoa | 511,16 |
4. hirurtekoa | 657,02 |
5. hirurtekoa | 730,04 |
6. hirurtekoa | 949,48 |
7. hirurtekoa | 1.022,00 |
Hortik gorako hirurteko bakoitzeko 76,18 euro gehituko dira. |
Iragarkiaren kodea: F1006698
