1. NAFARROAKO FORU KOMUNITATEA
1.7. BESTELAKOAK
HEZKUNTZA DEPARTAMENTUA. Epatzeko ediktua
Nafarroako Justizia Auzitegi Nagusiko Administrazioarekiko Auzien Salak eskatu du Aintzane Buldain Azanza andreak Hezkuntza Departamentuko Giza Baliabideen Zerbitzuko zuzendariaren 1209/2009 Ebazpenaren aurka jarritako 484/2010 administrazioarekiko auzi-errekurtsoaren administrazio espedientea igor diezaiotela. Ebazpen haren bidez, merezimenduen behin betiko balorazioa onetsi zen, maisu-maistren kidegoan sartzeko deialdiko lehiaketaldian, eta maiatzaren 13ko 990/2009 Ebazpenaren aurka jarritako erreklamazioak ebatzi ziren. Deialdia Giza Baliabideen Zerbitzuko zuzendariaren urtarrilaren 2ko 1/2009 Ebazpenaren bidez onetsi zen.
Administrazioarekiko auzi-errekurtso hari buruzko prozedura judizialean ematen den epaiak honako hauen bidezko eskubide edo interesak ukitzen ahal ditu: maisu-maistren kidegoan Haur Hezkuntzaren espezialitatean (euskaraz) sartzeko izangaien zerrendan, oposizio-lehiaketan lortutako puntuazioaren araberako hurrenkeran antolatutakoan, Idoya Altuna Arregui eta Idoya Vergara Almándoz andreen artean (biak barne) dauden parte-hartzaile guztiak.
Horregatik guztiagatik, Administrazioarekiko Auzien Jurisdikzioa arautzen duen uztailaren 13ko 29/1998 Legearen 49. artikuluan xedatutakoarekin bat, ediktu honen bidez maisu-maistren kidegoan Haur Hezkuntzaren espezialitatean (euskaraz) sartzeko izangaien zerrendan, oposizio-lehiaketan lortutako puntuazioaren araberako hurrenkeran antolatutakoan, Idoya Altuna Arregui eta Idoya Vergara Almándoz andreen artean (biak barne) dauden parte-hartzaile guztiak epatzen dira, Aintzane Buldain Azanza andreak eskaturik, Nafarroako Justizia Auzitegi Nagusiko Administrazioarekiko Auzien Salan tramitatzen ari den 484/2010 administrazioarekiko auzi-prozeduraren autoetan demandatu gisa ager daitezen, egoki irizten badiote. Horretarako, bederatzi eguneko epea izanen dute, ediktu hau Nafarroako Aldizkari Ofizialean argitaratzen denetik hasita.
Iruñean, 2010eko apirilaren 27an.-Idazkari tekniko nagusia, Ignacio Iriarte Aristu.
Iragarkiaren kodea: F1007622
