4. PROZEDURA JUDIZIALAK
TUTERAKO LEHEN AUZIALDIKO ETA INSTRUKZIOKO
3. EPAITEGIA
Enkante publikoa. 632/2009 betearazpena
María Cristina Pérez Rivero andreak, Tuterako Lehen Auzialdiko eta Instrukzioko 3. Epaitegiko idazkari judizialak,
Aditzera ematen dut: organo judizial honetan bideratzen ari diren 632/2009 betearazpen-autoetan erabaki da ediktu honen atal nagusian azaltzen diren ondasun higiezinen enkante publikoa egitea, eta halaxe adierazten da ekitaldia organo honetako entzunaldi-aretoan 2010eko ekainaren 1eko hamaiketan egin dadin, baldintza hauei jarraikiz:
Lehena.-Posturak egiteko baldintzak. Enkantean parte hartzeko, lizitatzaileek beren nortasuna frogatu behar dute, enkantearen baldintzak ezagutzen dituztela aitortu, eta epaitegi honen Gordailu eta Kontsignazioen kontuan (0030 Banesto, 8047 Sukurtsala, 00-0000000000 Kontua, 3184 0000 05 0632 09 Kontzeptua), enkantean jartzen diren ondasunen balioaren %30 sartu izanaren gordekina aurkeztuko dute edo, bestela, edo, bestela, kopuru hori adinako banku-abala jarri izanarena. (Gordailu hori osorik edo partez hirugarren batengandik jasotako diruarekin egiten bada, halaxe adierazi beharko da diru sarreraren gordekinean). Alderdi betearazleak enkantean parte har dezake, bakar-bakarrik, lizitatzailerik badago. Kasu horretan, ez du enkantean parte hartzeko dirurik jarri beharko. Posturak egin eta errematea hirugarren bati lagatzeko ahalmena alderdi betearazleari dagokio, ez beste inori (Prozedura Zibilari buruzko Legearen 647., 669.1 eta 666. artikuluak).
2.-Idatzizko posturak. Idatzizko posturak enkantea iragartzen denetik hura hasi arte egin daitezke. Gutun-azal itxietan aurkeztuko dira, adierazitako baldintza berberetan. Gutun-azal itxiak enkantearen hasieran irekiko dira. Gutun-azaletako posturak jendaurrean eginen dira, besteekin batera, eta ahoz egiten direnen ondorio berberak izanen dituzte (PZLaren 648. artikulua).
2.-Titulazioa eta kargak. Enkantean parte hartze hutsagatik ulertuko da autoetan agertzen den titulazioa nahikotzat jotzen dutela posturagileek edo, kasuan kasu, titulaziorik ez dagoela. Era berean, jardulearen kredituaren aurreko zamek eta kargek bere horretan segitzen dutela onartuko dute, halakorik bada, eta errematea beren alde esleituz gero, kredituen erantzukizunean subrogatuko direla.
Erregistroko ziurtagiriak eta, hala badagokio, ondasunen titulazioa epaitegiko idazkaritzan daude ikusgai (PZLaren 668. eta 669.2 artikuluak).
4.-Errematea onesteko baldintzak. Onartzen diren posturak.
1. Posturarik onena enkantean jarri den ondasunaren balioaren %70ekoa edo handiagoa bada, errematea posturagile onenaren alde onetsiko da, eta horrek 20 eguneko epea izanen du jarritako diruaren eta errematearen azkeneko prezioaren arteko aldea ordaintzeko.
2. Postura guztiak enkantean jartzen den ondasunaren balioaren %70etik gorakoak badira, baina behar adinako banku- edo hipoteka-bermea aurkeztu eta epeka ordaintzea eskaintzen badute, postura horietatik onenaren aldeko errematea onesten ahalko da, salbu eta alderdi betearazleak hurrengo hogei eguneko epean eskatzen badu higiezina berari esleitzea enkantearen hasierako balioaren %70 ordainduta.
3. Enkanteko posturarik onena enkantean jartzen den ondasunaren balioaren %70etik beherakoa bada, honako baldintza hauek bete beharko dira posturagilerik onenaren aldeko errematea onesteko:
-Posturarik onena tasazio-balioaren %50etik gorakoa izatea edo, baxuagoa bada, abiarazitako betearazpenaren zenbatekoa berdintzea gutxienez, interesetarako eta kostuetarako aurreikusten den dirua barne.
-Betearazpenpeko alderdiak ez erabiltzea PZLaren 670. artikuluaren 4. lerroaldean aitortzen zaion ahalmena (postura hobetzen duen hirugarren bat aurkeztea).
-Edo aurreko inguruabarra gertatu gabe, alderdi betearazleak ez eskatzea higiezina tasazio-balioaren %70 ordainduta esleitzea edo kontzeptu guztien ordainean zor zaion diruaren truke, betiere diru kopuru horrek posturarik onena gainditzen badu (PZLaren 670. artikulua).
Bosgarrena.-Posturak egin ahal izateko jarritako gordailuen xedea. Errematea onartu ondoren, jarritako diru kopuruak itzuli eginen zaizkie posturagileei, postura onenaren egileari dagokiona izan ezik. Gainerako posturagileek eskatzen ahalko dute bakoitzak jarritako dirua epaitegi honen esku gelditzea, erremategileak gainerako dirua ordaindu ezean, haren ondotik daudenen aldeko errematea onets dadin, egindako posturen arabera. (PZLaren 652. artikulua).
Seigarrena.-Enkantearen porrota. Erremategileak ez badu falta den dirua ezarritako epean ordaintzen edo bere erruagatik salmenta ondoriorik gabe gelditzen bada, egindako gordailua galduko du. (PZLaren 653. artikulua).
-Hiri Finka. Tuterako udal mugapean dago, Las Labradas industrialdean, Castilla-León kalean. Tuterako 1. Jabetza Erregistroan inskribatuta dago: 3362. liburukia, 938. liburua, 151. orria, 40.481. finka.
Balorazioa: 332.400 euro.
-Hiri Finka. Tuterako udal mugapean dago, Las Labradas industrialdean, Castilla-León kalean. Tuterako 1. Jabetza Erregistroan inskribatuta dago: 3.362. liburukia, 938. liburua, 156. orria, 40.482. finka.
Balorazioa: 132.000 euro.
Familia bakarreko etxebizitza, Azucarera Prado Poligonoko 6. etxesaila osatzen duten hamazazpi etxebizitzako multzoaren 10.a, gaur egun sarbidea Los Abedules kaleko 15.ean duena.
Honako atal hauek ditu: Etxebizitza, eta atzean lorategia. Guztira 198,33 metroko azalera du.
Tuterako 1. Jabetza Erregistroan inskribatuta dago: 3344. liburukia, 926. liburua, 39. orria, 31.595. finka.
Balorazioa: 128.874 euro.
Tuteran, 2010eko apirilaren 19an.-Idazkari judiziala, María Cristina Pérez Rivero.
Iragarkiaren kodea: J1007231
